唉...覺得人生好失敗.....

okok4321

唉....18碎仔....DSE考得差...傻仔咁去左讀ASSO.....但讀左先發覺自己好似跟唔上咁......
之後上網又睇AMERICAN GOT TALENT.....見到D人細細個就好有成就....但反觀自己...唉....
唉...覺得自己條命生得好差....自己個樣生得又唔係好....自己又無咩特別專長.....除左番ASSO...大部分時間都只係毒起屋企上下YOUTUBE咁.....
覺得自己人生好無意義.....我E家活起世上都唔知為左咩.....被推著走...跟著生活流....成條咸魚咁....
我好想搵樣野係做得成功.....比人欣賞....E排反思自己有咩強項,但自己又好似真係無咩強項....,普通話整網頁,打乒乓球,打機,用MICROSOFT OFFICE.... 樣樣都只係識少少.....唉
唉.....有時朋友之間又比佢地睇死....仲串我垃圾...無鬼用果D....屋企人就話我讀書廢....生叉燒好過生我.....
E個世界上好似無人明白我咁....我真係好想成功一樣野....唔想再比佢地睇死..但可惜自己又好似真係無咩強項....唉...可能我真係一件垃圾 / . \....有時真係想死左佢算..

龜媽

你呢個case,香港有成千上萬啦！
唔駛諗咁多,理咁多,做你能力以內嘅事就ok!
可能你遲2日識個靚女,又可能你遲2日中6000萬六合彩呢！
你嘅強項就係青春,李+X用1000億都買唔倒嘅青春呀！
諗咁多做乜？

古羅洛斯

傻瓜，得嗰18歲就咁諗???你仲有大把前途，你嘅將來仲有好遠路可以行，你咁快就肯定???咁唔通3,40歲一事無成就要跳海???天生我才必有用，唔駛咁灰嘅，人生不如意事都十常八九啦!!!每個人都會經歷不開心同失敗，呢個就係人生，唔通你想好似隻鱷龜咁，每日張開口等魚游埋嚟就一日???人生可以好精彩，你都可以架!!!
Btw,點解要喺龜友論壇度講呢？你都有養龜龜???

ki0110

上月底老婆有位朋友未到三十就因病去世，有時你倒轉頭諗，我地可以健康生活已經好好，你人生至啱起步，慢慢啦,就算只鍾意玩,我相信有一日，都可以玩得好pro既,就只怕你怕辛苦，半途而癈啫~只要你肯花時間投資去做一樣野，就算只係不斷揾人傾計，有一日你會發現你口才會叻左架!加油啦~

catcatdog123

回復 okok4321 的帖子

重咩要咁諗, 你覺得讀唔上米諗下係邊到出左問題再調節下, 其他人點睇係人地事, 你自己唔應該睇小自己呀, 讀到博士都唔代表佢地好有成就, 大學生周街都係啦, 最緊要家下做好自己要做的事, 就係讀好書, 跟住努力工作, 係香港, 肯做邊到會搵唔到工

loveyuyu

你講緊我

3R龜

講真,佢地講咩由佢地,因為把口係佢到
所以呢,你應該搵到你鐘意既野去發展
唔好比呢D負面既思想再有!
之後你會覺得晒左好多時間係D冇用既野到!
搵多D興趣去發挖下邊D先岩你!
加油

超級瑪利奧

你有書讀都算好嫁啦 我果時掛住玩女都無專心讀 宜家真後悔 無錢咩都無得玩

frankie000

讀唔到書,,咪出黎做野lo,,搵自己興趣ge野做,,好過迫自己讀書

殺破狼

讀書只係其中一個門檻，如果自己讀左,比左心機都讀唔成咁就得架啦，唔係個個人讀書叻就一定好好成就架 反而我見意你去諗下之後既路要點行，做人唔可能滿足到所有人既要求,太在意人地點諗只會玩死你自己,唔好跟d人一般見識，人地睇死你咪用行動証明佢地睇佢地係錯既。只要你肯比常人做多幾步,行去涯下咪得,比上不足比下有餘呀

www

亞仔你得果10+years old,,, 你要知道呢個世界得好少數人條命係生得好... 而大部分人係平庸,,所以呢樣野係無得怨~~~
讀書唔成咪搵工做law,,, 你可唔可以諗e+重讀緊書ge豬朋狗友比你搵少幾年錢... 而你已經可以自己照顧自己, 而佢地未有收入重要靠屋企~~~
也許你唔係讀書材料, 但唔代表你工作唔能幹ar~~ 亦都無人話讀書叻,出黎做野一定叻~~試下出黎闖幾年, 認識自己多d, 搵啱方向, 一撃即中!
因為我係過來人, 希望幫到你~~

☆洪仔★

我覺得你都唔差，起碼你肯認自己依加就係一舊垃圾，如果你打算做垃圾，恭喜您！你做到！如果你打算藉著今日認自己今時今日由垃圾轉有用既人，恭喜您！因為你的未來你須定滿足！只要努力你就成功！因為最簡單的道理，成就就行的人！我真係好想認識你

Ly838

命運是由自己去創造, 機會是給有準備的人! 去學門手藝, 有一技之長, 總有出頭之日

MichaelL

回復 okok4321 的帖子

做野最緊要係有興趣
讀書好吾一定會做人成功
依加D 藍領人工高又搶手
有一技旁身好過好多文員仔

家下是但考警察都成2皮個月
文員起薪仲係7,8K
不要浪費你的青春做毒男
快快立志下決心吧!!!

enginechan

最憎D小朋友三句唔埋就話死
《廢》好大部分都係關自己事
先諗諗點樣做好自己本份
顧及身邊人感受先eg爸爸媽媽等

banseven

唔使驚，我18歲都係同你一樣，不過我20歲去左做裝修，雖然發唔到達，不過都算過得去，無專長唔緊要，只要肯捱肯學，唔怕蝕底，咁一定會有出頭！
不過如果你樣樣計校，又怕辛苦，即係練精學懶，咁就注定玩完！

玄武門

banseven 發表於 2013-12-6 14:37
唔使驚，我18歲都係同你一樣，不過我20歲去左做裝修，雖然發唔到達，不過都算過得去，無專長唔緊要，只要肯 ...

樓主請參考banseve呢位師兄講嘅嘢, 如果你真係好努力讀書都無乜成績, 真係要考慮學門手藝, 好似老生常談不過永遠啱用, 主要係你心態, 無錯工廠式微, 但如果唔計較肯做三行建築行業係一條出路, 最緊要唔好睇少自己, 好多所謂文職搵錢少無職升無前途, 高不成低不就仲慘!
最驚你舒服慣唔肯搏啫........

阿強

我未到18歲果陣

我老豆應該成日叫我到咗18歲果陣去考番個車牌,有1技之長,防下身

咁我一到咗18歲就即刻去到運豬處報名學車

希望可以學番樣野,唔洗到左30歲仲好似ON居居咁也野都唔識,也野都冇

咁而家我廿歲仔

已經擁有1,2,3,22 依4個車牌

途中既得失領悟同付出,就真係自己先體會到

考牌前果段日子,日日朝頭早都番兼職,夜晚放咗工就即刻搭巴士去學院扲車黎練習,日日係咁浸好自己手車...

自己果陣真係心靈同身心都好累,好辛苦

但我都自己講,而家既付出一定係值得,我要努力挨落去...

而家望番之前既日子,真係好回味,好有一種苦盡甘來既FEEL



所以要成功,就一定要肯付出
就算自己有心想自己成功,但自己既魄力都非常重要!


祝樓主有日會諗通自己想做D咩野,慢慢咁邁向成功之路!

快快長大吧

後生仔,,,唔洗咁消沉既,,思想正面d la,,
成功又好失敗又好,做咩都好.最緊要記住唔好傻到走去自殺