得罪差人 打到爆頭瞓街

KPS

得罪差人 打到爆頭瞓街
http://orientaldaily.on.cc/cnt/news/20090521/00176_055.html

【記者郭賢報道】一名男子昨凌晨在尖沙咀一間銀行㩒機提款時，被在後面排隊的一名觀塘警區反黑組休班探員，指斥他阻頭阻勢，雙方發生衝突，事主疑被探員及同行兩名男子圍毆，頭破血流倒地，涉案探員擬乘的士逃走，但被事主友人截停，由趕至警員拘捕，案件由油尖警區重案組接手處理，涉案探員所屬單位全體隊員需協助調查。

被捕男子姓魏（三十歲），警方發言人證實他是休班警員，涉嫌傷人被扣查。消息稱，魏為觀塘警區反黑組探員，事發時，與多名同袍及男女友人，同到尖沙咀區的夜店消遣，期間他與兩名男子落街提款。

斥手腳慢阻住㩒機
現場是金馬倫道一間銀行門外，昨凌晨一時許，一名姓詹（廿二歲）男子，偕兩男女友人在櫃員機提款，三名男子在後面排隊等候，有人嫌他手腳慢，多番催促，豈料雙方發生爭吵，有人自稱反黑組探員，更動粗向詹推撞，互相扭作一團。

混亂中，詹被推跌倒地，頭部撼向地面受傷流血，在旁友人未及援手，三名男子拔足逃走。詹的姓劉（廿一歲）男友人尾隨追逐，其中一人跑至五十公尺外的加拿分道截乘的士離去，司機見他被人追逐及衣衫染血漬，不肯開車，劉趕至報警。

警員到場將的士上的男子拘捕，得悉他為休班探員，同行兩男子已乘亂逃去，未確定身份，而詹與劉俱受傷，由救護員送院治療。

由於案件涉及警務人員，警方認為情況十分嚴重，交由油尖警區重案組接手調查，並接見魏所屬的觀塘警區反黑組全體隊員，了解事件經過及是否有隊員涉案

KPS

市民鬧警察就全城鬧爆個老師，警察打人就無人出聲，香港人的道德觀真係無得頂

vincentchow630

差佬=有牌爛仔

frankie000

我覺得香港ge警察已經變左質

車仔1030

KPS 發表於 2013-8-10 17:36
市民鬧警察就全城鬧爆個老師，警察打人就無人出聲，香港人的道德觀真係無得頂 ...

唔好再死雞撐飯蓋啦,支乜Q持林老師吖,只係呢班粉皮又想搵位入,借呢主題又想抹黑政府部門姐,心照啦,如果爆粗老師是對的,那麼可能如果當日不祗是爆粗,搶警槍,襲警都是會被人支持的,那麼香港我諗玩完了

anthonywoo

愛字頭會否發起，反對暴力入侵警隊呢？

一蚊一隻龜

frankie000 發表於 2013-8-10 17:47
我覺得香港ge警察已經變左質

香港警察好左好多了，之前會捉你入無人地方到打，根本衣加D警察無反坑能力，唉，今時今日d警察真係慘，小小事就比人罵到狗咁，無啦啦又要比人吊

Puiki

唔好將其他野拉埋同林老師單野講啦，樓主不如將警隊幾十年前收黑錢都攞埋出黎講丫，再唔夠嘅，攞埋宋朝啲士兵講丫，唔講咁耐，又可以講下魔警除步高丫，咩都關林老師事咩

kyo

回復 vincentchow630 的帖子

讚同，根本仲衰過爛存

Puiki

警察夠有英勇捉賊，保護市民，又唔見你講下，正所謂樹大有枯支，林老師就係枯支

車仔1030

呢家係重點放係個"老師"鬧警察度
而唔係要你不斷爆以前警察既壞事 !
你如果係爆 又唔見你爆埋d老師衰野 ?
一面倒 ?

車仔1030

http://news.takungpao.com.hk/hkol/topnews/2013-08/1813459.html
你有時間可以睇下"超人"呢篇野

快快長大吧

市民是人,差佬亦是人........

車仔1030

你唔數埋老師d野 我幫你搵埋d資料 !!
仲要係全球性

盤點全球變態老師：體育老師竟是妓院老闆
http://edu.takungpao.com.hk/q/2013/0809/1816448.html

你呢家數以前果d野無意思 ..
我地要將重點放係果件事到
唔好再扯開話題啦 !!

Puiki

老師性侵犯啲學生又唔見樓主你講下？

鬼仔

車仔1030 發表於 2013-8-10 18:17
你唔數埋老師d野 我幫你搵埋d資料 !!
仲要係全球性

其實件事係由法輪功同青年關愛呢兩班人攪先...點解要將個重點係個老師度放大呢

龜俠

車仔1030 發表於 2013-8-10 18:17
你唔數埋老師d野 我幫你搵埋d資料 !!
仲要係全球性

Ching ,唔好同佢一般見識吧！

車仔1030

鬼仔 發表於 2013-8-10 18:25
其實件事係由法輪功同青年關愛呢兩班人攪先...點解要將個重點係個老師度放大呢 ...

我引用以下一位網友既說話


其實有D野呢真係唔想講到咁明, 因為係好簡單既COMMON SENSE, 但我睇左呢單野咁多日, 發覺原來好多人真係連好簡單既分析能力都無....

成日問點解警察對青關會唔執法??? 好簡單一樣野, 當係兩個普通人o係街度嗌交, 繼而你推我撞好未, 你走出黎扮見義勇為報警, 警察到現場處理, 兩個人都話無事唔追究, 我想問下警察可以做咩???  如果當時青關會真係有郁手而法輪功又堅持追究既, 我死唔信警察夠膽唔做野羅....再講白D, 我相信法輪功班人都唔想搞大件事, 咁唔係屬於任何一方既第3者林慧思又有咩資格搭嗲?? 如果法輪功真係追究, 警方都會主動o係現場搵証人啦, 根本唔需要你教警察做野.....

由始至終呢單野我相信警察都係當一單普通爭執案件咁去做, 係有D有心人特登將單野搞到好似有政治成份咁者...如果下下要拉人, 咁社民連次次示威都衝擊警方防線, 同警察有身體接觸, 咁請問係咪次次都要拉佢地???

龜俠

Puiki 發表於 2013-8-10 18:18
老師性侵犯啲學生又唔見樓主你講下？

Ching ,唔好同佢一般見識吧！

Puiki

鬼仔 發表於 2013-8-10 18:25
其實件事係由法輪功同青年關愛呢兩班人攪先...點解要將個重點係個老師度放大呢 ...

個人立場，我唔支持青關會，但係我反對法輪功