點好呢? 用唔用濾桶?

mcdull

其實, 每日換水唔係大問題..
但唔駛日日換緊係好啦..

問題來啦..
巴西龜有返咁上下大隻, 係果度食果度疴.. 就算日日換水, 佢都會有好多時係污水中.
另外, 有時去幾日旅行, 冇過濾真係臭足咁多日.
而且, 可以唔駛日日換水我都冇咁辛苦.. 所以諗住用濾筒.

佢細隻時用過濾水器, 掛係度果啲cheap野.. 真係隔日要洗佢啲屎.. 仲辛苦過換水.. 放棄了
佢手掌大時用過極平濾筒, 十幾cm高... 可以玩一星期.. 但係一生期又係一舖返晒來, 用來洗濾筒啲棉啲水仲多過我日日換水..
又辛苦, 又係一舖返晒來..

而家佢好似部ipad mini 咁大.. 我又念念不亡.. 其實我已經收左個 ATMAN CF-1200 返來..
但遲遲都唔敢開工.. 怕又係辛苦自己. 個筒本身唔貴.. 但如果認真玩, 入面咁多層應該多數放生物環.
另外, 我養水有困難.. 所以好大基會直落水喉水, 啲菌會唔會即死晒..?

用炭又要每個月換.. 諗起都覺得煩, 有冇人可以比啲指引我?

我而家個膠箱只係約 65x40x45 cm 咁大.. 水深只有 20cm
有小型氣泵 (而家冇用)
水妖精
CF-1200 濾筒, 一小包生物環
150W 暖管
25W 暖管
定時定溫電源控制

我點整先可以對龜好又對自己好?
謝謝.

pointpoint

有好多種玩法既Ching..
用濾筒加前置..
eg:511(好多Ching都推包括我)或者咩牌子都得..
主要用黎養菌...
前置就放哂白棉..
只要係隔住佢啲臭臭..
洗既時候主要洗佢就ok
呢個係其中一個
----分隔線----
第二隻唔想成日就分缸餵..
不過唔係隻隻龜都習慣係陌生地方食野..
(迷之聲:可能我個啲太唔怕羞又識追手指係邊度都食得落)

其實巴西本身食野就好唔乾淨冇辦法
同埋有時如果行開幾日你又唔想俾人照顧的話..
唔餵會好啲..
你諗下佢食完你又要等佢屙
屙完先可以換水
等到2046

好啦希望幫到你啦
打得太多字添

mcdull

係咪即係將 CF-1200 塞滿生物環?
跟住就放棉係前置?
咁水係由泵出前置, 再流入缸, 但啲屎會先流入濾桶, 對嗎?

pointpoint

NONONO...
水---->前置----->筒
↑<--------------------↓
單放生物環~__~
單調左啲不過你鍾意啦..
都係個句我會放麥飯石紅外線環炭生物環咁..
養到菌就OK

kkbank

我個缸已經有3格,可以放哂白棉>>炭>>暖管+eg511吸水入口>>出水位就入番缸入面......又可以造出水流D水清D,龜龜多運動身體又好D...

pointpoint

CHING
你筒水平放都用到..
放低啲唔係最好咩

kkbank

eg511 只放原裝2格棉+1格生物環......個EG511就可以3個月到半年先洗一次.....個缸內白棉同2星期換一次,炭就再耐D

mcdull

淘寶有隻魚便分離前置.. 話唔駛洗喎...
可唔可以用佢, 再加濾桶 就攪掂?
https://item.taobao.com/item.htm ... ;abbucket=17#detail

pointpoint

其他龜唔知..
巴西一定唔得..
巴西最鍾意一路食一路屙..
仲要屙好多
我隻衰甜甜圈都係咁..
食完飯點都唔肯屙.
好啦見佢食到周圍都係咪換水囉..
一換完水就屙係啲新水度又要換多次麻鬼煩

mcdull

一路食一路疴又唔關事既.
佢咪一路濾之嘛.

我初步咁諗, 用果個免清前濾, 加個CF1200 濾桶..
應該可以兩三個月先洗一次.
但CF1200 用電都幾凶, 我開兩個鐘, 停兩個鐘會唔會整死啲菌?

coolpix

mcdull 發表於 2015-12-7 09:58
一路食一路疴又唔關事既.
佢咪一路濾之嘛.

濾筒停超過一小時就會放出毒素, 千其唔好呀.

mcdull

咁半個鐘半個鐘咁呢? 小數怕長計.. (反正我用app控制佢開關)

Hata

又怕辛苦又怕貴不如唔好養養得動物就要用心機,金錢同時間去照顧!!!
只要控制食物份量同用魚網清走啲屎,跟本不用攪咁多嘢,前置是多如的
如加前置不如花多少少錢買個好啲濾筒!!!

N1202118112

食飯時拎出黎，就做少一層功夫