誠收 健康 陸龜BB 最好比較經濟

Kitman

小弟誠收陸龜BB飼養，由於陸龜BB死亡率好高，
上網睇話金魚街D BB好有機會係病龜，
而且小弟唔係老手，所以唔敢係街買。
所以，小弟現微求陸龜BB，不要求品種，只求健康，
小弟只昐覓得愛龜，然後鬥長命，希望有師兄出讓～
由於小弟仲係學生，未有收入來源，
貴價既龜小弟就未必有能力買得起～
價錢等詳情待議～
有興趣放龜既師兄請Whatsapp
5407 8507 Kitman

小星星

其實養陸龜真係唔平
唔單只龜既價錢 龜既裝備先係一個大問題
除此之外 龜bb係好需要營養品都唔平
跟住就係長期要點燈（特別係冬天暖燈隨時要100w）電費同家人既反應都要考慮
請確保有經濟能力同屋企人接受先好買
另外俾個意見你 星豹b千奇唔好養 死亡率好高

yamadadhk

Kitman

回復 小星星 的帖子

師兄所言甚是，我上網睇都話豹龜BB死亡率好高，
入門既話好似話係歐陸陸龜比較易養。
而家電費可以靠屋企，燈同箱個d仲負擔到，
反而係食個方面，上網睇話用新鮮菜做主食，
因為水份多容易屙，所以到手之後都打算用龜糧做主食。
以後唯有同隻龜一份零用，兩份洗啦～

龜小B

回復 Kitman 的帖子

加油呀〜〜〜〜大家一齊努力〜〜

PP-HK

搵紅腿啦, 一嚟易養價錢唔貴, 佢又可以食菜食生果(非主食), 屋企煮飯時俾D菜葉佢又當一餐了。

龜小B

回復 PP-HK 的帖子

師兄，請問紅腿可與豹混養嗎？

RICKEY224

有冇人知100w燈長開24h要幾錢

Kitman

回復 龜小B 的帖子

聽講唔同品種非常唔建議一齊養，會因為異類而開片。
就算同品種都未必可以和睦相處。
我係識少少扮代表，師兄都係請教專家啦：）

Kitman

回復 RICKEY224 的帖子

個燈唔爆，應該都會破產...

龜小B

回復 Kitman 的帖子

師兄，多謝你解答先~
紅腿黃腿雖然平靚正，但不能混養（已爬文），所以唔考慮了