|
本帖最後由 LazyMazy 於 2012-10-23 19:38 編輯
話說上星期係和黃公園見到隻鱷龜,諗住去曬龜順便餵下佢啦,點知行晒個池都唔見佢個踨影,,諗住餵下龜就走人...點知餵餵下龜比我發現到佢,,真係好興奮竟然係呢度見到佢,,,就係一隻忍者喇....我諗佢有20cm以上...唔知佢比人放左係度幾耐呢?有冇係度渡過過凍天呢?如果有既話...係咪即係有番咁上下大隻既忍者可以捱到凍呢?
後記:今日好開心,算係救左隻龜bb,話說我坐係度欣賞梗隻忍者寫意地暢泳時,隔離有位姐姐拎住個兜仔問:[係咪就係放落去得架喇.]原來佢拎左一隻好細既巴西bb諗住放去龜池(隻bb個甲仲有d泥沙係面,應該係呢度d龜係度生出黎既bb),佢見到我係養龜既,走埋黎問我,我話你放佢落去,d大龜一淡就食左佢啦,佢話早兩日係呢度做運動時見到呢隻龜仔,我話咁樣你同隻龜都係有一種緣份啦,而且唔會好難養,我叫佢最緊要黎梗冬天小心保溫,到佢大定左就好易攪,佢聽完我咁講都話:[好啦我拎返去養.]我再教埋佢一d基本日常養龜既知識,希望龜仔快高長大啦.
|
評分
-
查看全部評分
|