為改善紅腿的脫水癥狀，再次更換底材

iamnero

隻櫻桃紅腿岩買翻來時，整個頭部乾裂發白，幾乎脫皮。將近兩個月的時間中，嘗試多種方法，多次調整環境，都無明顯改善。唯有借鑒朋友的方法，將底材轉作耶泥。之前我用毛巾做底材，覺得毛巾既松軟又保濕又乾淨。但毛巾充其量只能補充空氣中的水分，並不能提供紅腿所需的微環境，不能補充并維持紅腿龜“體內的水分”。新環境中的底材，系耶泥+樹皮。樹皮用熱水浸過，稍稍風乾后與耶泥混合。第一次操作欠缺經驗，耶泥的比例過高，導致底材中水分太大，怕有爛甲的危險。
紅腿龜一進入新環境，立即展現出創造和利用微環境的天賦：訓覺時將身體所有柔軟的部份都埋在底材中，減低體液的流失。不過，我就要多多注意龜箱的清潔與衛生了。請多多指教。

iamnero

ah林-3- 發表於 2011-12-15 09:49
幾好呀,支持`

俾D意見啦~

iamnero

阿豪 發表於 2011-12-15 10:11
支持

多謝

iamnero

ah林-3- 發表於 2011-12-15 15:57
好呀~你話既~* >>>我為以到你電腦個MOON都0K大,用乜牌;?
-------
其實你而家比之前既養法都比之前 ...

呃……得19寸咋……topcon，$600，內置喇叭

iamnero

ah林-3- 發表於 2011-12-15 18:19
哈哈; "呃"` XDD
但睇埋去好似都幾大下咁姐`XDD

因為……間房細……

iamnero

史提芬 發表於 2011-12-15 19:16
師兄
計我話買過造霧器就最好,鍾意濕度幾多就幾多,
椰泥我之前都有用過,但因為椰泥太細&碎,好多時 ...

多謝你
造霧器我有，一直都用緊。不過據我觀察，造霧器噴出來的水霧並無太大幫助，原因如下：
噴出來的仍然是液態水，不是氣態水。在開放/半開放的環境中只有長開才能維持濕度，一停機濕度即跌，在被加熱的區域效果更差。如果在封閉的環境中用，就會過於潮濕，結曬水珠，再開埋加熱燈，甘就蒸桑拿。D霧又比較涼，萬一開得太大吹得太耐，我驚會引發呼吸道疾病。所以造霧器我都系用定時插蘇，當系輔助加濕。而家隻紅腿系表皮缺水乾裂，空氣中的濕度再高都無用，因此用椰泥，可幫助減少體液流失。

iamnero

權強 發表於 2011-12-15 19:21
食野先曬龜? 好似太少時間　咁短時間　曬真太陽就差唔多。
不如攪攪佢

隻龜自己會走去燈下，一次曬成半個鐘，一日曬幾次

iamnero

史提芬 發表於 2011-12-15 19:28
另外我覺得水盤可以大啲深啲,
一來紅腿真係好鍾意水,我成日都見佢地浸水同飲水,佢地覺得乾又會走埋去浸,
...

多謝你。
呢個已經差唔多20cm*10cm了啵……請問你個幾大？
我呢個系開放的環境，一盆水對於空氣濕度的影響，系可以忽略不計的……

iamnero

史提芬 發表於 2011-12-15 19:52
師兄,你果隻係咩造霧?
係咪超音波這霧?
我用緊果隻噴出泥既唔係液體水喎,

系超音波啊。我明你意思，不過嚴格來講氣態水系肉眼不可見的。
造霧器我都覺得系OK的，不過提供唔到我隻龜所需咯。系鋪頭度見到個陣時，隻龜的頭皮乾到白曬，就來甩甘……手腳都系好乾燥，我都覺得唔系一頭半個月可以改善到噶啦

iamnero

史提芬 發表於 2011-12-15 19:53
深度係幾多?
20X10我覺得都夠,
講真,開放式既SETTING,溫度同濕度都係好難控制! ...

深度約1cm。
隻龜而家夜晚會將大部份身體埋系底材中訓覺，甘樣可以大量減少從皮膚表面流失的體液。今日朝早見到已經覺得有少少改善了

iamnero

回復 史提芬 的帖子

關於控制溫度與濕度，你可以見到我個環境系分開兩半的，一半熱區（瓷磚部份）一半冷區（亞加力膠版下方）。
系日間，60W射燈的射點溫度為34-35（我知道呢個溫度比較高，不過隻龜好鍾意個曬點，趴系度半個鐘都唔郁，我就由距），水盆個位應該系溫度最低的區域，都有26度左右，前幾日好凍既時候，我就再加個100W陶瓷膽，插系溫控度。晚黑熄左燈之後，隻龜基本上都已經系冷區訓左，前幾日有兩次距系夜晚行左出瓷磚度，轉左幾圈，都無乜事。
講到冷區，我唯一既保溫措施就系亞加力膠版上的加熱墊（見圖）。加熱墊呢種表面積大、又持續加熱的設備，如果置於空氣中，就會連自己都熱唔到，如果拿底材壓住，又可能會令到局部的溫度高到離譜。所以我絕對不會放系底材下面，而系用距來加熱一個好細空間內的、流動較慢的空氣。甘樣個冷區的溫度就一直維持系24度以上，前幾日好凍既時候，我就開個100W陶瓷膽，對住冷熱區交界的地方，甘樣入邊的溫度就比較穩定甘維持系25度左右。

iamnero

zero322 發表於 2011-12-15 20:37
我有2個大水盆 一日換2次 唔洗驚冇水飲

你龜多啊嘛……我呢隻就擺到水臭都飲唔曬……

iamnero

zero322 發表於 2011-12-15 20:41
回復 iamnero 的帖子

養多幾隻囉

無位啦~

iamnero

zero322 發表於 2011-12-15 20:46
回復 iamnero 的帖子

加囉

ching……無位，點加？

iamnero

zero322 發表於 2011-12-15 20:54
回復 iamnero 的帖子

加位乜都得啦

………………
我不是哈利波特，無位可以加位

iamnero

ah林-3- 發表於 2011-12-16 22:52
喔,原來係睇既問題`
而家唸緊`造霧器@@?`

造霧器我有啊……都用緊，不過都系要靠微環境先得啦

iamnero

sulley 發表於 2011-12-16 23:48
可加個中途光暗制去個暖氈道, 放底材在上便不會太熱, 我都昰這樣keep住D黑泥28度左右 ...

多謝你。
不過我唔想將加熱墊放系底材下使用的主要原因，系底部加熱呢種方式與自然環境相違背。自然界中，底材中的溫濕度應當系穩定的，且溫度略低濕度略高，因此很多品種的龜會有向下挖掘的習慣，來避開地表以上對自身不利的氣候。底部加熱會令到整個情況調轉，令底材中又熱又干

iamnero

D-hero 發表於 2011-12-17 02:13
我無用任何底材同噴水之類 都無水兜 又長開陶瓷同射膽 真係DRY到爆得30度左右~XD 而家整個平平地既造霧  ...

造霧器OK噶，我都用緊，用定時插蘇控制