淘寶買龜嘅小分享~想知或有興趣嘅就入一入黎=)

suzukewai

首先姨個post唔係想激起罵戰，亦都唔係鼓吹人地係淘寶買龜
更加唔係宣傳！
所以如果我見到有罵戰會即刻del post!
~~~~~~~~~~~~~~~~~~~~~~~~~~~~~~~~~~~
其實好多人覺得係淘寶買野好正常，但一講到話淘龜啲人就好激動&驚訝
但我覺得淘多一两次就變得好平常……
其實第一次淘龜係幫朋友淘，淘五隻草龜苗
我記得個時運左四日先落到黎香港(中間夾左個星期日)
個時我地都好驚話一落到黎會死或全軍伏沒……
好彩收到個時啲苗係安全，除左一隻有白眼之外……
但白眼個隻用左一星期係醫番好嫁，仲改埋名叫白眼=)
姨個就係第一次淘龜嘅經歷~
至如第二次嘅淘龜係自己淘嘅！
我個時係睇淘寶個時手痕，心痕！
所以…………淘左隻地圖龜(底甲4-5cm<-間店寫)
但實際上我收到嘅係有5.幾cm
比佢講嘅大，姨次用左三日就到！
其實我好中意姨隻龜，因為我收到個時係無腐皮，斷甲淨
淨係勁活潑勁神經質，不過養左三日先開口
開口之後個日放佢係窗台下面晒太陽個時，
亦都因為神經質得濟爬到勁高跟住推開個頂，跳左落街
我番佢個時係冇晒知覺，但半個中后有番知覺之後帶去睇獸醫，用藥用左兩個禮拜之後都係因為內傷太重走左………………
我唔開心左勁耐…………………………
我亦因為咁吸收左教訓！以後淨係帶龜落樓晒！！
一係晒uvb燈算！！
而第三次就亦都係最后一次……………………………………啩
今次就係淘寶見到黃耳苗減價先買！
個網就寫有3-4cm仲要係2014苗，但我收到就係一隻3.5cm，另一隻3.7cm
其實姨次個間店係勁少人買，仲要冇埋人留comments
所以有啲博下嘅心態買！
不過我收到個時我堅開心！！
我買左兩隻！兩隻都超令仔！！！
齊甲，冇白眼，冇腐皮，大食，熟水性，識沉水！！！
至於佢話嘅2014苗，我諗應該係啩……
但姨兩隻龜係收左肚臍蛋黃嘅！！
咁姨三次就係我嘅淘龜經歷！！
~~~~~~~~~~~~~~~~~~~~~~~~~~~~~~~~~~~~~除左龜之外呢！我仲買左其他龜野嘅！！
我買左一支暖管連安全膠套！
一個濾水！
一個uvb同一個uva膽！
一個燈夾！
可能係我好彩！全部都用到！！仲要幾好用！又平！
支暖管仲要係識恆溫，比如話我教去27度
咁如果支野feel到啲水唔多27 度就會自己發熱
如果feel到啲水有27度就會自己熄！
可能支支暖管都係咁啩，不過啲水溫都好準下！
~~~~~~~~~~~~~~~~~~~~~~~~~~~~~~~~~~~~~
跟住就到我嘅淘龜心得！
基本上我淘龜嘅時侯，我都一定會揀間店嘅地方
多數淘寶嘅龜店係主要大多數都係廣州同上海，北京都有
當然我會一定揀廣州嘅龜店！因為同香港係最近！
我諗如果快嘅就兩日收到！
但我係集運嘅關係所以一般要多一至兩日！
另外啦，就係睇間店嘅已售賣數同客人嘅評價
已售數量越高就越信得過，同埋記住睇評價
有啲評價仲會貼埋圖㖭！當然啲評價一定會有好有壞！
所以要自己衡量！
而你可能會好奇淘寶啲店會點包啲龜？！
其實淘寶一般嘅店都會用膠盒，盒裏面會有啲，濕嘅青苔
保持濕度同空氣，最重要係防止啲龜會撞傷！
然後會將個膠盒放入個塞滿報紙嘅紙皮箱！
個膠盒係會打幾個口，唔好比啲龜焗親，
而個盒嘅大細一般都又你買嘅量又或龜嘅大細而分，
最重要嘅係記得如果你要買啲要用電嘅龜龜用品，
要事先準備一個變腳插，因為淘寶個啲係全部兩腳！
~~~~~~~~~~~~~~~~~~~~~~~~~~~~~~~~~~~
好喇，跟住姨度可睇可唔睇！！！
因為我會講下啲價錢~
以下嘅價錢係我個時買嘅價同埋係唔包運費，以人仔同一件咁計嘅！


草龜苗~$3.5
地圖龜~$27
黃耳苗~$11
10.0uvb膽~$65
uva膽~$11
燈夾~$16
50w暖管連安全膠套~$30
濾水器~$16
如果有關淘龜嘅野仲想問嘅就务comments
我識答嘅都會答=)

suzukewai

啲龜龜同龜野會後補

Mike記

多謝你嘅分享！我覺得e個post有用。

suzukewai

唔謝多謝~
我見無乜人講過，未幫大家打好姨個神秘嘅面紗
我打左咁長，希望多啲人睇同回啦

kellyBB

回復 suzukewai 的帖子

多謝分享

mv1894

·

SuperPig

我都淘過龜同埋一d養龜既器材，器材相信好多人都淘過，所以冇乜好講，但淘龜我就想講下少少。
第一，其實好多淘寶店一聽發香港都唔會發，就算佢話發，都可能發唔到，因為有d客服都唔知香港發唔到，到發貨前，快遞公司吳收客服先會通知你退款。
第二，包裝樓主講左，其實都ok，但係呢d包裝for龜苗就ok，如果買比較大的龜，死亡率都幾高。
第三，速遞問題，順豐應該係最快，但賣家發唔到順豐因為順豐檢查相對其他快遞公司比較嚴格，所以用其他快遞如果有delay就有可能下世再見喇。用集運就更加慢，要等入左國內倉之後你俾錢又再轉運到香港。
所以我買個1次之後都冇再淘寶龜仔喇，果次買5隻草一隻平背，平背到宜家2年喇大隻左好多冇乜問題。草就死下一隻死下一隻，宜家得翻一隻，可能係我養得唔好，定係平背粗生呢

suzukewai

SuperPig 發表於 2014-6-28 14:49
我都淘過龜同埋一d養龜既器材，器材相信好多人都淘過，所以冇乜好講，但淘龜我就想講下少少。
第一，其實好 ...

我三次都唔係順豐，所以冇咁嘅問題！
我係用多寶集運！
集運個一邊係收到貨先比錢所以好快！
我最耐都係試過四日，連埋集運！
個五隻草龜苗，我個fd仲養緊，養到越黎越大隻！
因為我個三次嘅淘龜都未試過啲大不愉快野，
所以我會繼續淘=)
其實我最大都係個隻地圖
所以唔知大龜死亡率高==

SuperPig

回復 suzukewai 的帖子

我都唔係順豐，個送貨著自己衫，我都唔知咩公司，不過今天發貨聽日收到，快到嚇死人。我果陣唔多識養，可能呢個係主因，一收到龜果陣其實狀態都幾好

suzukewai

其實你同客服講啲龜係去香港，不過只要寄去集運個到就得！
快遞個邊就唔會點理你！(搵食姐，唔好煩我！)咁嘅心態
叫佢揀啲大嘅，健康嘅，
佢都會聽你講揀啲大嘅，始終佢都驚你啲評價！

SuperPig

回復 suzukewai 的帖子

我果陣驚集運太慢，會焗死。同埋最好秋天買，夏天30幾度仲要係個盒入面都幾係野

suzukewai

SuperPig 發表於 2014-6-28 15:13
回復 suzukewai 的帖子

我都唔係順豐，個送貨著自己衫，我都唔知咩公司，不過今天發貨聽日收到，快到 ...

始終淘龜咁遠水路，
隻龜啲腸胃一定唔好
通常我一拎到啲龜都會放佢係陰暗嘅地方靜養！
隔一兩日先落糧！
而且啲糧要慢慢一日一日咁加！
直至啲糧同正常份量為止！
我嘅正常份量標準係佢地個頭嘅大小！

SuperPig

回復 suzukewai 的帖子

上國內的龜forum，d人都話收到要靜養2.3日先喂，不過我應該唔會再淘，屋企冇位

Nicole1010

D龜好得意

Stevewong

我都有睇 但係龜款好少

psps2010

一直都知淘寶穩唔穩陣 多將分享

suzukewai

SuperPig 發表於 2014-6-28 15:16
回復 suzukewai 的帖子

我果陣驚集運太慢，會焗死。同埋最好秋天買，夏天30幾度仲要係個盒入面都幾係野:lo ...

有啲係有冰包！
咁就唔驚焗死！
不過要加錢……
而我係覺得春天買最好！

suzukewai

Stevewong 發表於 2014-6-28 15:43
我都有睇 但係龜款好少

淘寶啲龜勁多名唔同香港
例如刀背旦佢地叫剃刀龜，鱷龜叫覇王龜咁……我姨幾日係淘寶見到有受左精嘅龜蛋買㖭==
好似廿幾蚊四隻！
如果你真係有心搵你可以客服到問佢有冇！
同埋都常冬天秋天，淘寶上啲龜嘅種類係少啲！

SuperPig

回復 suzukewai 的帖子

鱷龜好似都係叫鱷龜，不過凸背佢地叫大鱷龜，平背叫小鱷龜。

Lung009

一直都想試下，睇完師兄分享都吾係幾敢去淘～