註冊 登錄
香港龜友論壇 返回首頁

turtle.lover的個人空間 https://www.hkturtle.org/?7102821 [收藏] [複製] [分享] [RSS]

日誌

忠告!唔好去堅尼地城獸醫診所!黑店黎

熱度 5已有 2865 次閱讀2020-9-13 21:28

疑似醫療事故

 

想公開呢件事,係想比每位關心自己寵物珍惜自己寵物既主人一個警剔或揀獸醫一個考慮因素,我諗大家都明係法律上追討獸醫診所係一件好難既事,原因係法律係有錢人既玩意,二係你搜集證據難,個間診所死口唔認你都冇辦法,如我,只係一個學生,冇錢冇人脈為過世既寵物主持公道,只希望可以比將要或想帶寵物去睇獸醫既主人一個參考,知道曾經有呢件事發生。

 

23/6: 第一次帶B龜去睇獸醫,有睇開既個間好FULL BOOKING 要成個星期後先有位,所以推薦我去搵第2間獸醫,個接聽姐姐比左幾間獸醫診所電話我,叫我打去問邊間最快有位睇。 最後去左[u][color=Red]堅尼地城珍xx醫療中心[/color][/u] 個醫生話睇表面唔知道係咩問題,應該係缺鈣,要比$1280驗血,好啦我比,結果出到黎又話呢個test好多野唔準,如果要好準確就要出去比化驗所test(我心諗你唔早講?)大概講完血小板含量,體內細菌指數等等,就建議我可以做多個x光睇下隻龜入面有冇蛋,個獸醫話出面摸唔到有蛋又分唔到佢係男定女,最後冇做x光,話打鈣針、抗生素、插胃餵食,之後要隔2-3日返去打鈣針、抗生素,打足十次為一個療程。每次total$300 [b][係呢到就睇得出間野好呃錢,係咁要求你做呢樣做個樣冇乜作用既檢查][/b]

 

如是者按佢指示隔幾日就去一次打針,一開始無發現任何奇怪事,因為佢除左第一次見醫生問病情,之後返去覆診都係要你坐係出面等,冇得入去斷診室見住佢點樣打針,有次我見到其他主人問可唔可以跟入去,個姑娘就話唔可以除非你額外比診金$250先可以入去睇住打針過程一次,所以一般黎講,主人唔會知係邊個幫你隻龜打針同點打。

 

4次返去打針, 我都坐出面, 比隻龜個姑娘帶入去斷診室打針,係打針過程中,我聽到個獸醫助手(女聲)話”唔好打直打啊,要打橫打架”,(因為間診所其實幾細,所以好傳聲,坐係出面都會聽到裹面講咩),我知道有實習生係到返工,因為第一次睇獸醫入去斷診室時有幾個人係到:包括獸醫(),獸醫助手(中女),實習生(年輕女),同receptionist(長髮男)。其實聽班聲就大概知道係邊個講野,所以我懷疑佢唔比人入去睇打針過程,係比機會實習生落手,我當時都有D擔心,但佢都唔比我入,我又冇證據去質疑佢真係用錯手勢去打針。

 

5次返去打針, 我發覺B龜佢打針個位附近隻手硬化,係唔正常個種硬度,加上佢郁唔到自己隻手,但另一邊手,2隻後腳都郁到,所以我開始懷疑出左問題。 去打針時:

我就問個姑娘:點解佢隻手郁唔到?

個姑娘好隨意就答我:可能係關節老化。

之後我再問咁點解得打針個邊前臂位會硬曬同癱左?

個姑娘就話要等醫生回覆,叫我返屋企等消息

結果緊係冇回音啦。 成個過程佢都冇睇過隻龜既情況而答,好求奇,HEA完你走就算,推卸責任,總之唔牽涉到佢地就得。

 

後來發現打針個邊除左前臂外,連打針個忽肉都硬曬,打完針都冇消過腫!! 到後來我已經唔相信呢間診所,所以我冇再去睇,我怕佢又要我做咩加錢做咩檢查,然後又話咩冇用要再做,好唔老實。 其實最擔心係佢賺錢得黎但冇良心,搵實習生用你愛寵身體黎練習,傷害佢地身體,比錢去供佢地練習?

 

到後來隻龜捱到3/8就走左,走時好痛苦,流血流左2日,身體偶爾抽搐,唉

心情一直好低,一直都好想POST上黎比大家知道間診所咁樣對龜,但一直都唔想面對,好驚情緒又失控,但因為對B龜有承諾,佢受到既痛苦,希望其他龜唔會受到,所以就算打呢篇文同睇圖會有二次傷害到自己都希望可以提醒到其他主人要小心搵獸醫

有圖有真相:

1)唔正常身體症狀:打針個邊久腫不散,身體變硬,肢體僵硬致癱瘓

2) 左手(打針個邊)明顯粗腫好多

右手

以下係睇獸醫證明:

最尾係唔正常死亡情況,因為冇隻龜走時會出大量血,流足2日,嚇死我...

(盡量揀D冇咁血腥既比大家睇下)

到佢就走前好痛苦係咁抽筋,到個刻我絕望到淨係希望佢走得舒服D唔好咁痛苦...

呢件事真係對我打撃好大,唔係話有錢帶愛寵睇獸醫就會醫好,分分鐘仲傷過冇帶過佢睇,好自責點解帶左佢去呢間睇,對香港獸醫真係冇咩信心,唉


路過

雞蛋
2

鮮花

握手
1

雷人

剛表態過的朋友 (3 人)

發表評論 評論 (3 個評論)

回復 金金 2020-9-14 21:32
其實香港好多獸醫都冇醫爬虫嘅資格,主人可做嘅就係令自己嘅愛竉健康成長,冇病冇痛唔駛再光顧啲無良獸醫!
回復 玄武門 2020-9-14 22:49
其實外國獸醫反而唔識醫龜,相對台灣讀獸醫醫龜實習時間多好多............
回復 東陶 2020-9-19 12:35
并非每間獸疹所都識醫龜病的,因為貓狗是主流。選擇疹所要小心,最好聽聽其它龜友介紹。本人對病龜分別兩只一只在灣仔一只在土瓜灣的獸疹同一是肺炎治療方法各异。土瓜灣的針藥自己取回打一星期,灣仔的打針又聞藥霧好彩兩只都冶瘉。其中优劣有分別。獸醫功力見一斑。土瓜灣的技高一燾。

facelist

您需要登錄後才可以評論 登錄 | 註冊

Archiver|手機版|小黑屋|聯繫我們|香港龜友論壇

GMT+8, 2024-3-29 18:58 , Processed in 0.024815 second(s), 15 queries .

Powered by Discuz! X3.2

© 2001-2013 Comsenz Inc.

返回頂部