小巴,再見了~~

twbb

小巴,由28/04~03/06總數一共37日,你有開心過60秒嗎,還期望知道這段相處裡,被我照顧得快樂嘛?而你已經離開,我問....有用嘛?前晚瞓得唔好,一起身見到你仲健在,安心~昨日中午約左余醫生,諗住你睇完之後會無事,於是放下左心頭石,開始同其他龜友吹水,一收工立即返屋企,將你放係手心到,見你反應又差D心中已痛一痛,但我實在唔知仲可以做D乜野,只好將你放低立刻去開中鋒藥比你浸,估唔到就咁樣我同你永別喇,是你撐著見我最後一面嗎?是你不認我睇住你離去嘛?點解你走果一刻眼仔仲係大大既,樣貌表情同生前無分別,是你不想我睇到你痛苦的樣子嘛,如果我知道只係相隔短短分零兩分鐘你就已經離開我,我一定唔會放開手,等你係我手心安然進睡,如今~你睡著了,不用再痛苦了,可以跟小西做個伴了,只是你知唔知我對你既思念係幾咁痛苦,當我想著你既時候心有幾咁難受,可以既話請你慢慢咁走,係天上面游下花園先,等我~等我將來可以去搵你既時候我地再係天上團聚。

     PS:各位龜友們,呢段文字只係我對小巴既一段思念追悼文,人已亂,所以詞彙語法都唔暢通,各位有心情既望一望就算了,你們昨晚對小巴既留言我都有睇,只係無心情回覆,各位真的不用特留言,多謝各位有心人

小巴:我無罪,放我出去,唔好困著我呀


豆丁們:老豆,三缺一呀,快D坐落嚟啦





小巴既最後一張靚女照(已入睡)

samyung0117

五好甘伤心拉

Puiki

唉，，，節哀順變吧

卓子

小巴知你好錫佢架

遺忘

請樓主節哀!小巴一路好走••••

siumaiguy

唉，小巴…
乜香港的巴西仔身體都咁差架

icaicayin

唔好太傷心了

602151

唔好太難過了

joeyball

R.I.P

ting2757

Rip....

kellyBB

節哀順變

君臨天下

唔好太傷心，但亦要反醒，呢37日對小巴有冇十全十美呢？有冇梳忽呢？可對其他龜得一個經驗。

twbb

君臨天下 發表於 2013-6-4 15:33
唔好太傷心，但亦要反醒，呢37日對小巴有冇十全十美呢？有冇梳忽呢？可對其他龜得一個經驗。 ...

十全十美.....人邊有可能十全十美,需然自問對小巴都算幾好唔錯,但其實疏忽大意既地方都有好多,有時都會唔小心撞親佢,起碼今次佢出事我完全唔知可以點幫佢,除左帶佢去中鋒同約余醫生我無做到其他野,諗起都好恨自己

我愛爬蟲類

R.I.P

龜大仙

已為小巴頌經,願牠到西方淨土,其實大家不應用人的角度,去看龜龜是否有病,因這樣可能已經太遲,一兩天和平時不同,就立即要食葯或睇醫生,你見到牠不妥時,可能龜龜已經到了很辛苦的地步,請珍惜你的朋友

琛琛

朋友你好, 我知道都好唔開心, 你每次見到小巴望你的眼神, 就好似佢已將個心交給你了對吧!!!
我也有同感!!!!我都會 Feel 到呀!!!! 現在小巴個玉身走佐, 但個靈魂 就去佐好遠好遠某一個地方旅行. 不過佢唔可以帶你一齊去, 因為你太肥, 小巴比較 細少 方便玩得開心d, 所以祝福佢吧, 大家一齊都會祝福佢.......

f_yhc

R.I.P...
感同身受...
紫菜走前一晚都係咁望住我...o個種眼神完全係心靈對望...我都應該放佢o係手心...
後悔已經黎唔切啦..好好照顧其他龜仔!!

龜龜ying

回復 twbb 的帖子

龜生無常。珍惜眼前龜。。
相信小巴會時刻惦記着你　感謝你的照顧與養育之恩　
快樂日子短暫　期待天家重聚　軀殼歸土但記憶永遠長存　

龜龜ying

龜龜ying 發表於 2013-6-5 23:50
回復 twbb 的帖子

龜生無常。珍惜眼前龜。。

將思念化成淚水　傷痛與悲哀隨淚而去　美好回憶永存心中
小巴小西在遠處的彼岸　總有天必定會與你重遇

Leo502

R.I.P.