巴西龜唔肯食野 (求救)

小妃

曬燈啦.買d豐年蝦.蝦乾引佢,盡量買d比較香既龜糧
同埋你要搞清楚點解佢唔食野先,係因為有病?定係新黎唔適應
如果係有病.咁你就要醫佢,等佢慢慢好返就會開始有胃口

小妃

回復 黑森杕 的帖子

有冇浮水呀,開口,眼腫,或者手手腳腳有生野,好似皮膚咁呢.定係個殼軟.
唔洗幫佢淋水架.直接搵D水放佢落去就得(唔洗咁深),不過呢排有D凍喎.真係要小心凍親
我覺得佢有可能凍親呀,如果真係凍親會流鼻水,用口抖氣呢D.如果係咁.
咁你就唔好再帶佢出去曬,就算食得少,肯食野都係好事,起碼仲有D動力

小妃

回復 黑森杕 的帖子

有咁多病症,好難搞喎..你要有心理準備同恆心
拿,首先有傷風之類疾病既龜係會浮水既..(唔識沉個隻)
開口係不停咁開定間唔中打喊露咁?(開口=鼻仔塞左)
軟殼你去魚街買d鈣比佢,有平有貴.有鈣專10幾蚊.鈣粉幾10蚊.鈣丸
你要落暖管呀(keep住27-28溫).拿,我自己就有13隻巴西,而且有大約好幾隻都曾患過肺炎.
因為我就好多都係買返黎已經明知佢病先買..有隻就垃圾桶汁既,當然有d救唔返..
黑藥我用過,係冇效既!!成100蚊枝,,如果你有錢就梗係建議你去睇獸醫(土瓜灣動物醫院 terry yu醫生/大圍珍禽個間).但如果你係學生哥而你冇錢睇獸醫..
我見意你帶龜仔去比中蜂睇..佢救返過我好多隻龜,而已價錢便宜(100蚊有找,成個星期藥)
佢先會幫你隻龜檢查1下,跟住就會比d野你帶返去,我寧願你去比中蜂駁1駁都好過自己餵藥救
風險細d,因為我以前都會自己落藥,如果你隻呀龜真係再唔肯食野..你去買d葡萄糖粉溝水比佢飲下,"吊住條命"

小妃

回復 黑森杕 的帖子

手提：65047938   固網：34899709
地址：荃灣眾安街142號B座，即（荃灣河背街68號天佑小學斜對面）
可能有隱病,不過只係呢排天氣轉壞佢先咁.
大約早上10點幾後會開門,放心`好多龜友去幫襯

小妃

祝你的龜仔早日康復,希望有好消息

小妃

咁就好啦，係呀，d藥水幾有效，之前我d龜仔都咁浸，要小心d
玻璃碎，買枝針筒仔抽d藥水出黎，廢事龜食到玻璃，我係搵膠袋包住枝藥再用剪刀位/開罐刀壓爆佢，安全好多，當初我d龜病左都係人地介紹我去，因為龜病左，我地又唔識點做，太明白呢種心情，加油