殘酷的事實

winnie3499hk

~~R.I.P~~氯胺酮…
我懷住沉重既心情，雙眼流淚的打呢段文章，我知，講出黎，實俾人插…覺得我抵死，覺得我害死左隻龜，但係，我真係好傷心，好唔開心。
兩星期前，我再一次入左一隻約9cm底甲既陸龜，咩龜黎我唔想講，本來兩星期入面，都好地地，無事發生，直到琴日，我發現我屋企兩隻狗，成日去搞個龜箱，又企圖整開玻璃門，個龜箱已經放係一米高，但我兩隻係大狗黎既，所以佢地企高就搞到，我都已經特別留意了，琴日亦都俾d野整住個玻璃門，等佢實d，無咁易打開，因為琴日發現既時候夜了，無去買玻璃鎖，諗住今日買，點知就出事了，我今日下午出左4個鐘頭街，返到屋企，發現龜箱玻璃居然打開左，心知不妙，PK了，隻龜真係唔見左，由於兩隻狗都係個欄入面，所以真係PK了，我見其中一隻狗，前肢有血積，我四圍搵隻龜，就算成間屋搵過晒，都無，連隻龜可以呢埋既地方，都搵過，都無，咁我就知道，隻龜無左了，我對唔住龜龜，害佢連屍骨都無，死無葬身之地…心中充滿好多既問號…但是事實真係咁…我現在會幻想，龜龜會突然爬返出黎等我救佢，但係我知道呢個已經係一個無可能發生既事實，我又怕看到狗狗既大便，我仲唔知點算，害怕看到殘酷既現實！Sorry~~Sorry~~真係Sorry~~氯胺酮請你願諒我…

winnie3499hk

我係喊到收唔到聲了，直頭想殺左隻狗，但係殺左佢，又如何？氯胺酮都唔會返生！家下見到佢簡直又愛又恨！我只能講，氯胺酮咁細隻，又入到口，又會郁…

winnie3499hk

小巴 發表於 2012-11-8 01:47
問題唔係個鎖到，就算你買左個鎖，結果可能都一樣。
兩隻大狗，有心要整爛一道玻璃門或者一個爬箱，只係需 ...

佢地係推開左個玻璃門，如果加左個鎖，就推唔開，打爛玻璃另外一回事

winnie3499hk

Eric 發表於 2012-11-8 02:04
我估c hing 個隻係變左身既星龜right?

其實，氯胺酮，係一隻咩品種既龜唔重要，重要既係一條無辜既小生命就咁斷送…

winnie3499hk

tszlok526 發表於 2012-11-8 02:12
下次要用甲級保護

下次如果有緣有機會再養既話，我要先整好我間戶外狗屋，我係要趕晒d狗出花園先養！，只怕係無咁既機會和勇氣！

winnie3499hk

實在有太多前因後果，我都唔想講咁多，以免引來更加多不必要既誤會，我只能夠講既係，係我唔好，害死左佢。

winnie3499hk

siumaiguy 發表於 2012-11-8 04:07
龜龜佢去左啦唉

係，證實了，因為剛剛起身，老公發現有其中一隻狗嘔左dd殘骸啦出黎。

winnie3499hk

婷婷 發表於 2012-11-8 11:28
小心龜殼界傷狗既食道……
你養雪橇嗎？

我都有擔心呢個問題，我都一直留意緊佢地。

winnie3499hk

婷婷 發表於 2012-11-8 15:15
留意下有冇厭食/不停飲水,或者飲/食後嘔吐,
可以摸下喉嚨附近有冇腫漲~
如果飲食困難,即刻帶佢照x-ray ...

嗯嗯，請放心，食野飲水，大小便，就現在既情況大至正常，謝謝提點。