分享下斑龜近照. 順便請教下龜龜係男定女.

blackbuster

回復 wel524 的帖子

因為佢大食姐XD

wel524

回復 blackbuster 的帖子

為食龜 好好奇你平日除左餵糧, 會唔會餵佢食其他野?

blackbuster

wel524 發表於 2012-5-26 21:03
回復 blackbuster 的帖子

為食龜 好好奇你平日除左餵糧, 會唔會餵佢食其他野?  ...

肥妹細個果時我餵ZOOMED 水龜糧幼粒.一日十粒到.
大大下就唔食,宜家仲有半樽.

近呢半年,我就餵ZOOMED綠色糧+NUTFAIN MAX啡色糧+ZOOMED蝦干.
每次都係三種混糧.(5粒綠色糧+5粒啡色糧+5-8隻蝦干)
宜家佢大食左.(10粒綠色糧+10粒啡色糧+10隻蝦干 甚至更多.)

我諗咁養佢營養咁均衡D掛.
以前佢食10粒左右ZOOMED 水龜糧幼粒就食.餵多俾佢都唔要.
宜家勁大食,

wel524

回復 blackbuster 的帖子

哇, 好佩服ching餵龜好細心, 莫非你係女仔
好有興趣知ZOOMED綠色糧係點既樣?? 我買開果款係啡色大大樽果d
NUTFAIN MAX啡色糧,我見到好細樽好似好貴所以未試過
ZOOMED蝦干, 我見到d蝦好細隻(可能我d龜大左, 細隻果時未見有尼d野買, 試過買第二款牌子), 我通常會買大大隻果d蝦乾牌子, 最鐘意拎住大大條响佢地面前fingfing下引死佢地 無咁易咬到手,好似有d變態
而家我就買左zoomed雜糧俾佢地做零食(有紅莓,虾乾,蟲乾黑蓋果款)
我見到卡奇門口, 有一大罐南極蝦好大隻蝦果款(大約差唔多成百蚊), 打算下次買果款試下, 好似好吸引, 不過要佢地食哂而家果d先

你隻龜龜真係愈來愈大食以倍數增長

幼粒裝可以留番俾佢老公食, 一買返黎你餵咩, 我相信佢肚餓咩都肯食, 千祈唔好俾佢老公知道肥妹仔食咩, 否則隻龜到時呷醋唔食就麻煩

blackbuster

wel524 發表於 2012-5-26 21:46
回復 blackbuster 的帖子

哇, 好佩服ching餵龜好細心, 莫非你係女仔

你都唔答我你係男定女
為滿足你好奇心,影埋相俾你;)



我買ZOOMED蝦干貪佢大牌子咖渣.
點知好多雜質,蟹仔又有,海蚤仔又有,魚仔,樹枝,也都有.
一開個樽,臭到HIHI...
一睇原來又係MADE IN支那

下次都係轉牌子.有無推介?
卡奇係臭豆腐對面街,好平好平果間?
我都去果到買,平好多.
魚街D價好浮動,明明都係藍衫,都可以差$10

我都有諗過買雜糧果隻,不過媽媽驚果D蟲,所以算啦....

水龜糧幼粒我得閒會拎去德福餵龜龜,所以擺埋一邊由佢啦

我有時都會拎蝦干同肥妹玩. 放一半係水,聽佢聞到味,之後到佢咬就縮.
咬空幾次佢就無癮唔食.
我又試過佢一咬到,我就"釣"起佢
有時俾佢搶到就會游埋角落頭食.驚死我搶走佢咁

ZOOMED綠色糧 $55 255G
NUTFAIN MAX啡色糧 $55 135G
ZOOMED蝦干 $48 142G

wel524

回復 blackbuster 的帖子

ZOOMED綠色糧 $55 255G--->係咪卡奇買?? 好似無咩印象
zoomed蝦干我未買過, 仲以為同一個牌子幾好添, 我覺得雜糧ok, 唔係太多雜質, 啡色圓形糧都唔錯, 不過聽講zoomed好似美國貨, 有食用期, 寫住支那??(我都無留意, 等我去睇先)

我都係用開zoomed啡色糧做主糧, 其他零食就咩都有, 蝦乾本身其他牌子都係多雜質, 通常都會夾雜魚仔果d, 我覺得魚都ok既, 黑色一舊舊eg樹枝,唔知咩果d就好得人驚

藍衫上次見過有d野差成百蚊都有, 不過佢地既服務態度十分好,售后服務一流
我都有同d龜玩過, 我之前分享過d片, 可以去睇下

wel524

wel524 發表於 2012-5-26 22:20
回復 blackbuster 的帖子

ZOOMED綠色糧 $55 255G--->係咪卡奇買?? 好似無咩印象

睇過全部糧, 樽上標示寫住made in U.S.A, 你果款會唔會係冒牌野?

blackbuster

wel524 發表於 2012-5-26 22:23
睇過全部糧, 樽上標示寫住made in U.S.A, 你果款會唔會係冒牌野?

ZOOMED綠色糧都係寫made in usa.
係蝦干先係支那貨....

wel524

回復 blackbuster 的帖子

咁奇??! 多謝報料, 好在無買O者 不過我諗我都係只買大蝦, 主要係用黎吸引龜既注意, 太大既話會整細, 我諗我聽日會出魚街買D泥俾隻草龜母玩下, 睇下佢係咪想生旦, 多口問句, 你聽日係咪一支公出去??

杰仔_kit

女仔班龜

blackbuster

回復 wel524 的帖子

ZOOMED綠色糧,卡奇無入貨,我係藍衫到買.
ZOOMED蝦干就係卡奇買咖.寫住PRODUCT OF CHINA
我見果到有好多大陸牌子,就係貪ZOOMED大牌子,估佢唔到都係大陸野...

ZOOMED D啡色糧唔差既,不過我覺得NUTFAIN MAX好D,D糧好乾淨.成份都好D.
同埋之前食開ZOOMED幼糧, 粗糧都差唔多,嘛想俾佢轉下糧囉,點知大食左好多

蝦干真係好HIHI,我覺得魚/蟹/海蚤都唔緊要,都係生物姐.
但真係有樹枝就忍唔到.
同埋ZOOMED蝦干 D質量唔好.
我試過拎人食既櫻花蝦干餵肥妹,佢都唔食...

買綠色糧我格價果時,藍衫有間$65,有間$70,有間$55囉.
其他糧d差價都差好遠.
不過我去搵佢買缸又真係幾有禮貌既.

wel524

回復 blackbuster 的帖子

THX, 今日我學左好多野(以王生口吻讀出)~~~
我諗聽日去下第二間樓上舖睇下有無Z綠色糧先
NUTFAIN MAX比較貴, 聽你咁推介, 我諗會考慮買返樽試下
我睇網好多CHING話M字糧幾好, 有無聽過?? 原本想試下, 不過屋企大大樽既Z牌已經係上年剩落黎, 果時一次過買左兩樽(可能我有瘋'購'症) , 我諗起碼要食哂先再買過D糧, 唔係到時過期就哂左

blackbuster

wel524 發表於 2012-5-27 00:07
回復 blackbuster 的帖子

THX, 今日我學左好多野(以王生口吻讀出)~~~

綠色糧其實當時都係想俾龜龜多個選擇.
同埋fibre多少少(其實真係好少...)
唔買都ok咖餵生菜可能仲好.不過我未試過餵菜俾肥妹食,唔知肯唔肯食先.

同埋我發現其實zoomed出品d質素都唔係好.
綠色糧有時放落水會沉底.
性價比唔高囉.

m字糧聽過,仲有命脈都有人推介嘛
不過未試過,我買大樽糧,養得一隻龜.
雖然肥妹大食,不過應該都仲夠食一年
等清晒先考慮下轉糧.
同埋NUTFAIN MAX係幾好.雖然真係貴少少.
不過都係十零蚊,話晒都自己"寵"物嘛.食好d啦.
有時我係到諗,人食飯都餐餐唔同餸啦....
我都唔可能餐餐食同一樣野咖.龜龜都係啦.
所以我先買蝦干氹下佢.

我諗住暑假試下養蘋果螺,俾肥妹食xd

wel524

回復 blackbuster 的帖子

其實我屋企D龜都係一年食1.5樽大樽Z牌糧, 一年百零蚊左右, 都OK GA, 唔算貴, 有時溝下其他糧, 再買D零食, 我諗三百以內, 買其他器材反而仲貴,
我諗Z牌糧可能一DD好, 一D唔好, 主糧啡色果D我覺得佢KEEP到, 聽你咁講佢可能其他KEEP得唔好, 我都發現黑色雜糧裏面品質一般,我貪佢D蟲蟲方面拿, 尼樽野都係今年既新嘗試(D龜好鐘意食)
屋企D龜就係唔食菜, 所以先諗買D菜糧
蘋果螺而家我養梗, 見佢生哂旦, 就係螺仔未見==

blackbuster

wel524 發表於 2012-5-27 00:29
回復 blackbuster 的帖子

其實我屋企D龜都係一年食1.5樽大樽Z牌糧, 一年百零蚊左右, 都OK GA, 唔算貴, 有 ...

哇哇哇.遲d出左世賣幾隻俾我,教埋我養xd
唔好俾魚街d人賺錢.

綠色糧fibre maxium有3%,但NUTFAIN MAX maxium都有1.9%
其實差唔遠.
食完痾屎變左綠色囉不過

我會努力發掘多d有質素既零食俾肥妹食.

你買左好多器材咩?
定你個膠箱好貴,我係街見過要幾百蚊
我淨係得缸,廢濾($50),暖管(宜家唔用)
因為放係窗口有太陽
唔用uva/uvb.

宜家唔用浮石,直情用格仔板整架再鋪石.
肥妹好鍾意,好開心.
雖然洗石好麻煩,但值得囉:)

wel524

回復 blackbuster 的帖子

我上下層既箱整左濾桶(即2個), 一個濾桶差唔多三百蚊, 膠箱就一個$90一個好似$80, 格仔板果D好平, 上層箱又加多個曬台$250, 加加埋埋差唔多成千蚊

我諗今年養既蘋果螺好失敗, 月頭買, 而家仲未繁殖到, 其實蘋果螺好易養, 只要一個箱放D魚糧龜糧, 佢就會愈來愈多, 今次我試用菜...可能個樽太細問題...要檢討下先

blackbuster

wel524 發表於 2012-5-27 00:43
回復 blackbuster 的帖子

我上下層既箱整左濾桶(即2個), 一個濾桶差唔多三百蚊, 膠箱就一個$90一個好似$80 ...

我都係用左$500左右.
換過一次缸,新年換新屋俾肥妹,佢開心左好多xd
我仲包左$10利是俾肥妹,祝佢快高長大.
點知真係大左好多xd

wel524

回復 blackbuster 的帖子

$1000係今年, 之前真係買左唔少野 換箱換過好多次
封利是, 我又未試過

blackbuster

wel524 發表於 2012-5-27 00:57
回復 blackbuster 的帖子

$1000係今年, 之前真係買左唔少野 換箱換過好多次

我都係養左兩年姐,一年我諗最多都係$800
下年應該又要換缸.
呢個缸就留黎養食蝸先xd龜龜都係屋企人,都係小朋友.!
所以要封利是
不過佢搵到老公我就唔會封lu

izzy

回復 wel524 的帖子

Ching,,,查實唔刷，除咗影響美觀，仲有咩問題噶~~PS  我一枚懶人