動物傳心 If Only You Know - 於龜友論壇正式投入服務!

wongfafa

其實我有幾點好有疑問，
當然樓主或者其它朋友唔鐘意的話，
可以當我吹水唔洗理我。

只要給我們一張孩子們看到眼晴的正面照即可進行溝通，往生的孩子一樣可以連結。

human subjects could train themselves to emit Alpha waves

腦裡專心想著與其溝通，便能準確將腦電波傳送給該動物。

人也是動物，也是可以互相傳心的。我們沒有專登去嘗試(因老師信仰問題)

人也是動物，不過聽說很多傳心師試過，成功機率很低(大約兩成)。原因暫時不明

我的寵物智商那麼低，他們真的能明白我在說甚麼嗎？只能說，動物比我們目前理解的，懂得更多。

有人外出買菜時，明明已經離開屋企，但卻突然心血來潮折返回家，便發現家裡的電線短路起火了。

如果純粹以"科學"的角度去看待直覺，沒錯它只是一個"Hypothesis 假定

我們上課所教授和傳遞的, 跟通靈是2碼子的事,

首先，我作為一個懂得小小物理學既人，會對所謂既腦電波傳送有小小疑問。其實人腦會發出腦電波好多人都知，係現代醫學中，都有好多腦部退化病人會做腦電圖，測試出有關部份細胞有無異常。電波讀取有時可以同做心電圖一樣，用導電貼，又可以用金屬針取得，之後用電腦或者好似示波器之類，測下頻率或者波動，就算係樓主引用的文章，都係用大致同上既方法，但樓主指可以用腦直接溝通，發出同接收隔空(仲要係好遠都即時收到,勁過我用緊既中移動)，又可以唔知點解可以係不同動物之間，只用腦分析出腦電波所表達既內容，有無可能呢？(如果係真的話，我又好樂意用我笨拙既英人，介紹呢個方法去The U.S. Army，到時可以叫老鼠蜘蛛之類監視國民，稜鏡都可以收起。)

其次，如果用腦電波可以傳送資料，發出腦電波既究竟係咩？(係我隻龜？我隻龜張相？定係我家中短路起火的電線？)隻龜既電波有效距離又係咩？(如果我隻龜可以發出好遠好遠都可以接收到既電波，我一定唔會放佢係屋企，免得d磁場令人生癌)，更令人好奇係，點解死左都可以有腦電波？(我有小小明白點解盲人體育會會搵人通靈，原來佢地係用腦電波表達死者死於醫院疏忽)

其實我地好清楚，動物既想法係咩根本無人知，最好既方法係用人做一個明確測定，之後以統計學測試出佢準確程度，好可惜連樓主都表示可信性極低，原因仲要係不明，而老師更要因為宗教原因不願意同人溝通(我睇完其實最想知呢位老師係咩宗教)。係呢個情況下，完全無法令人信服所謂腦電波對動物可信性。如果真係咁可信，可以運用係醫療上，對腦退化，不能言語或者弱智人士身上，一定可以更有作為，對醫生斷症，有一個更好既方向。

小小意見，歡迎交流

題外話：其實做左好幾年交易區版主，我都好少會回應有關交易區既帖，怕其他人會覺得有版主偏幫或者針對，但今次真係有小小所謂忍唔住。其實網上商店區既前身—龜友小店，所有商家都係龜友論壇認可，讓大家更放心地在網上交易，不怕被人欺騙，雖然今日網上商店區同當年唔一樣，講大D就係唔會再為網上商店區賠上龜友論壇名義。但我三日之前見到呢個新商家，真心覺得點解連個(  )都入到網上商店區，我唔係有心挑起罵戰，雖然多個商家可以俾龜友多個收入。交易區板主既中立對會員既信任有頗大重要性，但或者作為交易區板主，我真係好難完全接受腦電波同隻龜講野，呢D無稽方法有一日竟然可以係商店區宣傳。