本帖最後由 CK116 於 2015-6-19 00:54 編輯
以下為非專業養龜新人分享,
並不代表以下分享內容全部正確.
首天 22/5/2015:
早排由人手1~2日換一次水, 到買左個濾水.
一個禮拜冇換水就咁...
(頸右邊)
其實我估我個濾水水流唔哂成個缸, 積左D便便喺腸台後面...
當我正諗住放假再執執佢既時候已經趕唔切...
今日開始乾養緊.
**補充: 生猛, 好生猛, 好好餵口
***再補充: 殼硬, 重硬過另外一隻. 重有D肥...
****再補充: 龜殼輕度黑邊
________________________________________________________________________
11/6 Update
乾左兩個幾禮拜, 除左食野個幾鐘同浸藥個幾鐘, 其他時間乾養.
應該都腫得8899, 如果呢排都唔消就要去睇醫生了...
補充: 黑邊情況輕微改善
_____________________________________________________________________________________
18/6
上網爬文了, 6月13號決定自己了斷.
親手操刀!
以下為非專業養龜新人分享,
並不代表以下分享內容全部正確.
準備工具:
1.水杯x1
2.煲過既水 (本人安全起見沒有用水喉水)
3.消毒藥水 x少量
4.綿花棒 xn
5.綿花 xn
6.好利既刀片 x1
7.圓頭剪刀 x1
8.細鉗 x2
9.耳挖 x1
10.止血粉 (應該要預備, 但我沒有)
11.碘(應該要預備, 但我沒有)
12.病龜一隻
13.Silvirsulf Cream
14.紙巾(後備用途,因為太多細菌免得就免)
重點注意工具多比預備少好, 什麼樣的小工具也準備一下,
不然到切開傷口後才發現不夠工具就大件事了.
(所以可以看到本人很多工具其實都不會用唔到)
正式開始
1.工具消毒:
水杯裝上熟水, 然後倒入小量消毒藥水,
再把會接觸到龜龜的工具放入並消毒. (刀片, 剪刀, 鉗...ETC)
(本人任職護士家姐說滴露也可以, 反正比沒有消毒好)
2.龜發炎一帶消毒:
就是用消毒藥水+水+綿花棒輕塗到傷口
注意小心弄到龜龜眼睛, (雖然應該不大影響)
放5分鐘左右可以開始手術
3.手術開始
步驟我不詳細分享, 簡單點說就是捉著, 十字切開, 取出, 消毒,(親自操刀應該不會有人縫合).
反正本人不是專業人士.
流血量唔算多, 基本上血都是慢慢淺出來, 沒有一下流出來.
注意就是如果自己沒有太大信心就要等到熟透才切, 畢竟太小的話不宜新手操刀
如果唔夠熟太細粒好難掌握位置切開.
所以本人決定等熟先正式搞.
本人失誤位置:
初初切開傷口唔夠入表皮, 撥開綠色皮挑+擠左一陣才發現還有層透白色既皮.
浪費了時間, 血也只會流多一點, 令後來傷口只能開大一點.
最後我雖然成功取出分泌物,
但最後都用左以上其中一種工具把分泌物挖出...你就知切口唔算細...
事後三天完全乾養
視符傷口埋口情況可以更久, 安全起見的人可以完全乾養7天或更久
基本上食物先浸泡後才餵食, 太陽不要太猛曬太耐, 不然龜龜這時脫水更麻煩.
看情況, 本人傷口6時小後開始每天早晚搽藥膏,(本人用Silvirsulf Cream)
重點重申
1.首先你要練習捉著龜龜頭部
畢竟有些龜真的很抗拒, 先練習. 手術中途鬆左手只會傷到龜龜.
我手術時才第一次強制捉頭, 好累好吃力.
2.刀片要利,工具一定要先消毒.
強烈不建議界刀/普通剪刀, 唔夠利只會令龜龜更痛.
3.發炎位置越大, 開刀理論上越安全
手術完後才發現, 切開表皮後基本上就能看見的乳白色分泌物,
看見分泌物都不會再用刀,所以傷不到內部.
距離真正內部還有一層皮隔著(挖出分泌物時能夠感覺得到傷口內偏圓滑, 絕對還有層)
所以大比小更安全, 最少知道切那裡
4.事後緊記乾養
如沒有持續出血, 就能開始乾養+觀察.
要乾養多久不知道, 但要肯定傷口已經基本癒合, 才能給一點點水.
_________________________________________________________________________________
今天18/6
傷口情況
搽藥情況(得啦,我知太多唔夠雲啦,今次失手姐)
未完全消腫, 保持乾養中, 但昨天開始給了極少量水在乾養兜.
食物一樣浸泡後分開餵食.
以上為非專業養龜新人分享,
並不代表以上分享內容全部正確.
**其實簡單D講即係擠一粒要開刀有風險既大孖瘡, 所以點解成日聽見人話好易.
|
發表於 2015-5-25 01:01:34
提升卡
置頂卡
變色卡
)
