本帖最後由 龜龜ying 於 2014-10-21 16:16 編輯
人生無常，龜的生命亦然 前一晚仲生龍活虎，可能今日已猝然離去 前一晚仲親手餵佢，可能今日已再冇機會 前一晚眼仔碌碌望住你，可能今日已經無法再睜開眼 前一晚仲笑佢爛瞓，可能今日已經長眠，永遠都唔會醒
曾經諗過佢長大後，會唔會同龜龜們打交？ 佢咁為食，會唔會其它龜龜爭食？ 佢係仔仔定囡囡？..... 一切黎得太突然，原本諗好既問題，永遠都冇機會知道答案..
我知道好多事無法改變，只能眼白白睇住佢發生，然後無奈接受 但如果可以返去前一晚，即使改變唔到，仍然想好好望多佢一眼，當佢仲有呼吸時..
尋晚係我好朋友生忌，估唔到黃肚ｂ都喺呢一日離開我.. 雖然同龜龜相處日子唔長，但仍然好心痛 因為望住佢，就好似細細粒同小ｂ既混合體咁，所以我特別錫佢...
明明前一晚仲露出一臉可愛既討食樣 你大安旨意，以為往後仲有好多機會會見到 可以陪住佢成長..睇住佢越黎越肥嘟嘟.. 但世事難料，下一秒既事真係無人會知
所以...大家要珍惜眼前龜 生命無常，好多意外驟然發生，無法預料 唯有珍惜同佢地相處既時間，唔係錯過左，只會後悔。
唉..純粹有感而發。 希望我既負能量冇影響到大家啦...:'(:'(
| 
[複製鏈接]
發表於 2014-10-21 16:05:40
收藏
分享
提升卡
置頂卡
變色卡
樓主