|
|
發表於 2011-7-14 00:02:14
|
顯示全部樓層
林Phone 發表於 2011-7-12 23:15 
回復 ah_jai2005 的帖子
C ching 你一定好大過la~無所謂既笑話就叫無恥~咁殺人放火個D,你咪殺左佢地~
真心話未必一定o岩聽，不過我都想回應返你既問題：
1) C ching 你一定好大過la~
A：對！
2) 無所謂既笑話就叫無恥~咁殺人放火個D,你咪殺左佢地~
A1： 唔係指無所謂既笑話，完整意思係考試得到好多「F」都無所謂，而且要覺得係笑話。
A2： 實際D講，你唔止覺得係笑話，你一句「有無人夠我多F」既態度表示出你為自己拎到好多F不但止無問題，而且係一件值得自豪既事！
A3： 我用「無恥」呢個詞之前係有諗清楚有無過火。不過，我呢D老餅始終認為，名次低只係輸俾人，但唔合格就主要有兩個原因：一係自己根本無落力(包括平時上堂聽書同考試前溫書)，二係自己盡左力但始終能力有限。
如果係盡左力但只係能力未逮，我覺得唔會係呢種「有無人夠我多F」既態度。應該至少覺得可惜。
如果係未落力以至咁多唔合格，呢類人除左浪費納稅人既金錢，更加係辜負左父母或監護人對佢地既期望！父母或監護人努力搵錢，唔一定保証仔女成績好，但都想仔女將來有好前途。唔好話盡全力，至少俾少少努力都唔係好過份既要求卦？！ 咁都唔落力，應該要知到羞恥。但完全無呢種覺悟既人，叫做無恥，或者叫聒不知恥！
A4： 如果惡意殺人，呢D叫做死有餘辜。老實講，就算真係有人殺左佢我都覺得應份！
3) 吾該答下我學業表現同嬉皮笑臉有咩關係~
A：答案如上題。不過簡單D講多次：成績差到咁多唔合格，至少應該有認真檢討、希望改善既想法，否則就係浪費社會資源同辜負為你付出努力賺錢養你教你對你有期望既人。嬉皮笑臉既意思就係連少少諗住認真面對既意思都無，只係打算繼續放縱自己而傷害對你有期望既人。(包括你既老師)
4) 假如成績差就可以嬉皮笑臉??
A：我估你想講「成績好就可以嬉皮笑臉」。我想重申，唔係成績好唔好既問題，係心態既問題。於學生而言，認真對待學業就係承擔自己應付既責任，係學生、子女既義務！有盡心落力，無論成績好壞都可以坦然面對。
5) 我吾知你對學業點睇~但如果你未衰過又點會知衰左ge滋味~
A： 我再重申(第一個回帖已提過)，如果係只係以笑遮醜，又或者我換個講法，如果係心入面都覺得成績差想改善，只係同大家分享下吹下水，我覺得還可以理解。
IF 你意思係指你知衰左既滋味其實唔好受，THEN我既意思就係我理解衰左既人會唔好受。 (講真，咁大個人點會未試過衰過。)
但 IF 你係心入面完全唔認真去面對，仲要覺得係一件好威既事，THEN 先至係令人覺得無恥同令人覺得扯火！
最後，我想講返，「令人扯火」絕對唔係一個好嚴重既指控。有人行街俾舊石「KICK」親都可以好扯火。只不過，如果係「令人鄙視」，絕對唔係一個好既感受。即使呢一刻你可以好強硬同自我地覺得自己想o黎出post係天經地義既事，成績表滿江紅其實無咩大不了，但始終面係人地俾，架係自己丟。
忠言逆耳，如果你都係聽唔入耳既，隨緣啦！ |
|
