醫生懷疑我染上登革熱 (急)

602151

jefflamcy 發表於 2013-6-13 17:40
登革熱唔係普通病呀
憑意志都要記住食藥睇醫生
因為後果唔係普通傷風咁簡單架

乜登革熱咁得人驚架

wel524

回復 602151 的帖子

C姐, 你既意志係咪搞錯左!!
而家未證實係登革熱, 咩病都未知, 完全好難估計嚴重性, 咁拖落去唔知發生咩事,
你現在是畏疾忌醫, 用消極既態度, 懦弱既意志 去面對,
是否應該用你既意志 + 少許勇氣 追求真相, 不要被過去慘痛既經歷影响未來的人生,
難道你以前在醫院留院時, 只想著自己的痛苦, 而沒有體會到其他的事情嗎?

alexwong2012

你唔入醫院，我就同你絶交。

jefflamcy

回復 602151 的帖子

難聽都要講架喇
登革熱唔醫係會死架

快啲去醫院body check喇
我地龜友支持你

龜媽

你乖啦,咁硬頸只會撞板架咋

ex903

602151 發表於 2013-6-13 15:33
多謝各位朋友關心，但我真係好驚入醫院、好驚見到血、好驚醫院既中央冷氣，令我好凍{ ...

我都試過入院留醫 前後先係三日 我就自己番左屋企啦 果D感覺真係好難令自己安心

龜大仙

師姐有病就要醫,不要太驚,醫院並不是可怕的地方,可怕的是自己的心魔,快啲入院檢查一下,你啲龜龜也一樣很擔心你,難度你要令牠們擔心難過,各龜友也一樣擔心你,如你不介意,大家也會來探望及支持你,師姐加油

dmchiu

602151 發表於 2013-6-13 14:59
　　6月11號我開始劇烈頭痛、一對眼窩後面痛到死咁制、肌肉及關節痛、食慾不振、呢幾日我每日都食８粒止痛 ...

快入醫院 la

wel524

wel524 發表於 2013-6-13 17:52
回復 602151 的帖子

C姐, 你既意志係咪搞錯左!!

如果你想用自己既方法去獨自對抗未知的疾病, 最初就不應選擇去看醫生,
當你決定去看醫生那刻, 就已經表示你已經舉白旗投降,
現在你被以往的經歷所畏懼, 去無視醫生的判斷,
這不但是對該名醫生的侮辱, 甚至令所有疼愛的人失望!

要好好記著自己的生命不是自己完全擁有,
人人平等的概念下, 傷害自己跟傷害別人是沒有分別,
你由投降那刻就本應順著醫生的首要建議實行,
你現在這樣拖下去, 即使自行病癒都可能引致后續隱憂,
eg 登革熱患者康復後，身體會產生免疫能力，可預防同一血清型病毒的感染，卻不會對其他三種血清型病毒有防禦能力。
登革熱再病發時會更嚴重, 若果知道上次感染過那種血清型病毒, 可能會影响斷症
你現在這個舉動確實是在損害自己的自身利益,
而且寧願服食強力止痛藥, 卻堅決拒絕查清病症,
根本是在摧殘自己, 消耗自己的生命,
這是什麼意志!!!!!

joeyball

我都明白好多人都驚睇醫生,但你咁辛苦都係早D檢查下好D,
病向淺中醫

icaicayin

快啲入院吧！明白身體有事會好唔問心同好灰的！的確係要呻下

正面啲睇，唔好咁多負能量個人會快啲好返
師姐加油！！！

寵物達人

我想：樓主你都是想集合大家的力量、祝福去支持你，令你可以渡過難關。
如果你需要別人支持，這是大家都可以諒解，我亦同時相信龜友論壇好多人都會祝福你，但如果你需要我地論壇的所有人去祝福一個不懂愛惜生命的人，我第一個不會去支持你，更會另外"祝福"你^_^。

無錯，你過往的經歷可能令你不快，辛苦，不過既然你今次選擇了不去就醫，咁我唯有代你家人惑到惋惜，同時，你上了蘋果動後我會第一個跳出來報料：”少女自命意志大於一切，挑登革熱機，亡”　你想靠你的意志嬴病魔？你係腦有問題？還是太過年輕？未經歷過挫折（除了所謂的時常進出醫院）？

我知道來緊將會有好多人替你講好說話，但我想強調一項，不熱愛生命的人，值得我們去支持？去鼓勵？（大前提是已經有太多太多的師兄說服你了，你都是不願意就醫）

如果這世界上真的有投胎一說，我但願盡早讓另一個熱愛生命的人盡早來到這個世界。
如果這世界上真的有耶穌一說，我但願上帝看重你的意志堅強大於你的不珍惜生命，讓你成為天使。
如果這世界上真的有捐贈器官一說，我但願你的家人同意將你的分給他人，幫助更多更多熱愛生命，珍惜生命的人！

請原諒我的直接，但請你好好想一想。

chim

快D入院吧！祝早日康復....

ting2757

gd luck

602151

alexwong2012 發表於 2013-6-13 17:53
你唔入醫院，我就同你絶交。

Alex Ching唔好絕交啦，我本來就已經極少朋友的了，咁難得搵到位咁好心地既人，唔好同我絕交啦
我剛剛食咗藥，好眼瞓，我去瞓下覺先

wel524

回復 602151 的帖子

都話淨係止痛無用, 訓埋今晚, 聽朝即刻去急症室

閃靈再現

回復 602151 的帖子

R.I.P...........

卓子

登革熱唔洗入隔離病房既 因為你染左但都唔會傳比其他人
拿拿聲醫好佢好過自己咁辛苦啦 panadol 唔係用黎些呢d severe 既痛架。。。乖乖地入院觀察下啦

602151

TO: 所有勸過我既朋友：
好多謝您地勸我入院，我而家仲係全身好痛、頭痛、眼痛。我決定聽你地話入醫院了，唔好同我絕交啦，好無？
如果出到院既話，我會上嚟龜壇報平安。
另外，在我住院期間，我男朋友願意代我照顧我ｄ寶貝仔女共８個。
我走了.................................................

君臨天下

回復 602151 的帖子

咁咪好囉，快Ｄ啦，希望妳冇事，勇敢Ｄ去面對記得帶手機上綱報平安呀！