養水龜的濾材你會選擇活性炭/竹炭?效果如何?

金金

朗_- 發表於 2014-2-26 00:21
聽人講用炭好似D水會清D同除臭...不過感覺上隔日換水好似乾淨D..

我養5隻成體水龜，用大濾筒落2 /3活性碳，可三個月先大換一次！

金金

kashell 發表於 2013-7-25 17:52
不過用左又真係無咩味，我朝朝都洗濾水器X2 十 擒換1/7水

如果朝朝都要洗濾水器或換水，咁不如唔好用改為直接換水

金金

大頭蝦 發表於 2013-7-25 21:48
唔駛放炭， 最重要係唔好養太多同餵太多，盡可以放多些生物石生物環响缸，d水自然唔臭同靚的 ...

生物環只係擺o係濾水器入面養益菌，未聽過擺o係缸內會有同樣功效，只知會將所有污糟o野藏o係缸底難於清潔！
其實落生物環對養龜作用不大，因龜排泄物有強阿摩尼亞，好難會養到益菌，除非個濾水器超大，可放極多數量生物環先可養到有足夠效用o既菌，否則，留返d 位放多d 活性碳好過喇！

waterwater

小刺 發表於 2013-7-25 10:51
我就吾用，日曰換水。

以前睇過一篇外國文章，講龜雖然愛清潔，但係佢地更愛响佢地熟悉嘅環境生活，就算個環境好污糟都好都唔會離開，所以响大自然好多時都會見龜住响一D污水到，因為果度佢地住開，佢地會直至忍受唔到D污水先會走（龜本身係有抵抗力，所以一般我會建議D人養龜唔駛太保護，咁反而害左佢），有時我帶龜龜出外佢地就會好驚，但响屋就「橫行霸道」變左主子，每次出外時雖然手舞足蹈不停郁，但一入屋，佢地就會好神奇咁即時靜左，所以一般我都唔建議日日換水，因為D水來來去去都係果D，而龜龜已經適應左，係連帶水中嘅細菌佢都適應埋與之並存，只要無額外污染就會安全，反而新水龜龜要重新適應，日日去適應，因新水和舊水當中含菌或其他雜質一定和舊水有分別。

我龜龜經常响地下行，地下嘅細菌有幾多可想而知，一般我都會幫佢地冲一冲先回缸，當中一定會帶些少細菌入缸，但多年黎相安無事，我個缸嘅水半年先大換一次，有次仲擺左成年（當然有個好過濾），所以我龜龜係有兩個窩，一個响地下，果個窩唔係我比佢地係佢地自己搵，仔嘅會搵現成嘅窿去捐，女嘅就會落手自己「整」（D野比佢整亂晒 ），大妹「整」左嘅窩唔係太「離譜」我都會由佢，而每次响地下搵龜一般無難度，佢地匿埋時一定會番自己個「竇」，八成機會準，龜龜愛自己習性和喜好生活。

以前阿媽屋企有養竹，佢問人D人話唔駛換水，咁佢真係無換水只係定期加水，我以為竹會死水一定臭，點知D竹茂盛到好煩，年尾洗花樽時裝下發覺D水神奇地係無臭，大自然好奇妙有佢地嘅習性，點解好多時唔知，當然竹和龜不同，但好多時我地會為佢地好而overdone左，有人同我講竹好難養易死，我同佢地講唔好換水佢地就話我傻。