醫生懷疑我染上登革熱 (急)

君臨天下

Ｃ姐，唔好咁任性，有病一定要醫好佢，自己又辛苦，家人又擔心，小小苦楚有嘜問題，聽我講啦，快Ｄ入醫院檢查啦，攪到旁邊Ｄ人都要為妳擔心妳過意得去嗎？妳都唔想Ｄ龜冇人照顧呀！依家祇係過唔到心理個關姐，比Ｄ信心面對佢，龜龜都會擔心妳架，比Ｄ信心自己克服佢，祝妳早日康復。

twbb

姐姐,我諗你都好明白連龜龜有病都要睇醫生,龜龜受傷都要做手術,你都經常叫其他龜友帶d龜龜去睇醫生,其實你都心裡有數接受治療係必然架喇,我同你雖然唔係相識好耐,但都真係唔想聽到有關你出事既消息,希望你可以快d去醫院接受治療啦

choichakyam

咁唔小心嫁~~

mblack

602151 發表於 2013-6-13 15:49
我而家打緊字，個頭、後眼窩、關節都係極痛中，
我自幼常出入醫院，
覺得醫院好恐怖

畏疾忌醫! 唔得! 快d去睇0拉! 睇完冇事喇, 唔睇仲有排你受0拉!

wel524

拿拿林入醫院啦, 唔係到你發燒/無意識果時都係強制俾人送入去, 病向淺中醫
而家仲有意識, 唔鐘意做既野入到佢先REJECT, 唔係到你暈左果時就無得SAY NO

食止痛藥好傷胃, 長食不是辦法~~ 到時傷到個胃有問題唔食得野, 仲麻煩

twbb

602151 發表於 2013-6-13 15:33
多謝各位朋友關心，但我真係好驚入醫院、好驚見到血、好驚醫院既中央冷氣，令我好凍{ ...

見你咁講其實都只係心埋因素,一個字~驚,我都明白一般人對未知既事會有恐懼,但其實入院檢查只係一件好小事,抽血一d都唔痛架,只要放鬆一d,用平常心去面對就無乜野架喇,我之前都因肚生瘡有濃要入院,做手術前都好緊張到成個人有d震添,但到正式嚟個一刻只係界一刀放血抽濃,一陣間就完,平常到我覺得乜就咁架咋,全程望天花版唔會見到血,全程真係無乜特別,所以你真係唔好驚喇,快d去檢查啦,希望你知道會有好多人關心你架。ps:頭痛就去休息下,唔好上咁多電腦,望得多越用精神只會越痛架,最後再囉唆一次,快d入院接受治療呀

wel524

回復 602151 的帖子

最多你入左醫院, 帶埋D龜去探你, 快D拿拿林CALL的入急症室

P.S: 記得帶埋外套, 急症室都幾凍

快快長大吧

祝c兄早日康復

602151

TO: 各位Ching/C姐/C弟/C妹:

我呢世人日日都需要按醫囑，服食各種既藥物，係名符其實既「藥煲」，我已經好辛苦了。
如今無端端染上此病，我真係諗爆頭都唔明自己點解會感染到。我真係唔想入醫院，好驚聞到果浸血腥味，有人或者無留意到，但我出入醫院多了，就好討厭去。

我响呢個網頁了解到有部份染上登革熱既病人係會自然痊癒：http://www.chp.gov.hk/tc/content/9/24/19.html

尼次我希望憑自己既意志力與登革熱對抗，唔想越食越多藥，祈望大家祝福我戰勝病魔

twbb

wel524 發表於 2013-6-13 16:57
回復 602151 的帖子

最多你入左醫院, 帶埋D龜去探你, 快D拿拿林CALL的入急症室

咪係囉,C姐帶龜我帶食物,你想食咩就開聲,最梗要你快D去睇呀

森山

C姐去急政睇睇好D喎，可能唔洗留院呢!

twbb

呢個網頁(只係)(有部份)染上登革熱既病人係會自然痊,病呢家野唔可以靠估架,憑意志戰勝病魔,你而家唔係無得醫既絕症,睇醫生可以盡快減輕痛苦點解唔睇,或者你曾經有過唔愉快既經歷,不過大多數既病只會越拖越重,真心的希望你無事,所以都係快D去睇醫生啦好無

jefflamcy

登革熱唔係普通病呀
憑意志都要記住食藥睇醫生
因為後果唔係普通傷風咁簡單架

第一級

發燒伴隨有非特異性體質症狀：
血壓帶試驗陽性是唯一出血現象


第二級

第一級加上有自發性出血
登革休克症候群


第三級

已呈現循環衰竭現象，
如:脈搏弱、脈搏壓變窄，血壓變低，伴隨有皮膚濕冷，坐立不安。


第四級

嚴重休克，血壓脈搏量不到

602151

森山 發表於 2013-6-13 17:27
C姐去急政睇睇好D喎，可能唔洗留院呢!

今朝果個醫生對我講話我要入急症室兼留院, 我晴天霹靂, 問佢: 咁駛唔駛住隔離病房, 佢答唔駛

wel524

咁快斷定自己登革熱可以自癒, 個醫生只係話懷疑, 而家未確診都未知係咩病

samyung0117

回復 samyung0117 的帖子

無用架，最好早o的治療，病情惡化就難處理啦

602151

twbb 發表於 2013-6-13 17:34
呢個網頁(只係)(有部份)染上登革熱既病人係會自然痊,病呢家野唔可以靠估架,憑意志戰勝病魔,你而家唔係無得 ...

多謝C弟你既祝福，我而家個身及臉孔暫時未有出紅疹既現象。
我會密切留意自己塊面，如果我塊面出紅疹既話，我會立即入醫院的了，
我而家要好好的瞓一覺，聽朝睇下塊面有無事再算吧

go02105395

有D病真係食止痛藥都冇用架，講出黎由驚嚇親你，快入院做檢查啦！求安心都好啊！

twbb

順口提多一提,我之前有個朋友廿幾歲仔感染乙型肝炎,但就係拖左成個月先去睇醫生,搞到次級嚴重(即係差一級就最危險個隻),需然醫得返,但就已經有後遺症,成世仔要界口,好多野唔可以食,雖然病唔同但道理一樣,所以希望你明白我既苦心,再唔喜歡醫院都要去,唔好拖喇

bb7628

C姐,快D入醫院睇下啦