新人POST,我家的鑽紋龜, 名字是小白,請多多指教*加小問題

908a

loklokkenny 發表於 2016-1-18 13:11
見佢好令仔,忍不住要帶佢回家~~

我隻小白是北鑽,?還是卡鑽???

卡鑽.C兄

loklokkenny

908a 發表於 2016-1-19 14:52
卡鑽.C兄

THANKS　ＣＨＩＮＧ～～～～～～～～

8888

靚北鑽，但不是卡鑽

loklokkenny

8888 發表於 2016-1-19 16:56
靚北鑽，但不是卡鑽

CHING,
但有其他CHING,同龜店老闆都係卡鑽,
應該點分?~

loklokkenny

HELLO~~~~~~~~~~~~~~~~~~~

johnnyhk323

好可愛呀
其實如果好似我咁 早上至晚上都係返工 無時間帶佢地出去曬真太陽 開燈比佢地係一個好好的方法

我都有睇過好多人的文章 話龜龜唔鍾意曬燈 係可能佢地未習慣

如果係第一次 可以先試下開十分鐘 觀察佢地的情況 之後可以慢慢加長時間

以我為例 今日第一次開燈 我原先打算係開十至十五分鐘 點知佢地見到燈燈 即刻上台到曬 其中一隻仲要反肚曬 勁enjoy  最後開左一個鐘 熄燈後 就返回暖管到

曬證期間 我仲比野佢地食 佢地胃口好好 之前無證都一樣咁開胃

c 兄 加油!!!

waterwater

上個月响中蜂見到兩隻仲靚，問佢地話500-800。

waterwater

loklokkenny 發表於 2016-1-19 00:08
THANKS,
普通的就可以??要加膠套睪住暖管嗎??
怕熱到龜仔的皮膚嗎,,,因龜仔可能會貼在暖管上休息,,,, ...

唔駛啦，一遇滾水佢地即閃身快過白兔，D龜唔係豆腐做！

小白好肥美噃，好可愛好精靈。

loklokkenny

waterwater 發表於 2016-2-20 16:00
上個月响中蜂見到兩隻仲靚，問佢地話500-800。

中鋒在那裏的?

loklokkenny

johnnyhk323 發表於 2016-2-20 01:21
好可愛呀
其實如果好似我咁 早上至晚上都係返工 無時間帶佢地出去曬真太陽 開燈比佢地係一個好好的方法

對,我每日都開好耐暖燈,佢好中意,

loklokkenny

waterwater 發表於 2016-2-20 16:03
唔駛啦，一遇滾水佢地即閃身快過白兔，D龜唔係豆腐做！

小白好肥美噃，好可愛好精靈。 ...

謝謝你
佢係好乖,好可愛的小龜

waterwater

loklokkenny 發表於 2016-2-20 22:40
謝謝你
佢係好乖,好可愛的小龜

我養龜嘅理論係天生天養，只要供應基本就得，唔駛咁小心眼，佢地响大自然遇到嘅問題和細菌仲多，越係保護佢地抵抗力就越低，老一輩嘅人養龜亦係呢種方法，好少照顧只係比飯，但D龜隻隻好長命，龜嘅適應力好強，係史前動物，恐龍捱唔到但佢地就捱到，其實我係無暖管比佢地，室溫低過十八度就每天比D暖水和食野時比暖水，唔食野瞓覺任佢，只要確保佢無冬眠就得（龜可以三個月不食野唔會死，我試過，龜龜匿埋左搵唔到以為無左，點知三個月後忽然見佢响大廳頭「惡惡」搵水飲，比佢嚇鬼死），氣溫暖番佢地會慢慢食番回復，有一段時間我都有用暖管但龜龜都無問題，食野時水污糟，我會幫佢冲涼，每次都用暖水冲，佢對溫度好敏感，有時無為意水過熱，佢就會即時發癲快過支溫度計（佢地個龜瞉其實係好敏感）。

其實我養龜咁多年，反而覺得水龜要健健康康，係要有一定離水時間乾身，我經常放佢地通屋走，因覺得困佢地响缸好慘，龜龜愛「登高」愛八卦愛探索，而且長期濕怕菌，就算幫佢地執屎執尿都願，只係不停叫家人小心踏親佢地，太陽燈都無，因為佢地有向光性，屋中邊處地方有陽光射入佢就自然响果度打椿咁，搬開佢又會走番去，同佢斗耐性你永遠都係投降果個，有時佢匿埋左幾日搵唔番由得佢，佢肚餓搵水飲搵野食自然會走番出黎，到時又掟番佢落缸，就係咁，由BB時期養左十幾年，未睇過醫生，有次嫌麻煩無放佢地一年淨缸養就出時，大妹無端端側身游疑似肺炎要睇醫生，另舊年因家中問題放左佢地响厠所一年又出事，因地方潮濕手仔惹左菌生左個大瘡（心痛死）要去醫，個人同我講龜龜好靚好健康你照顧得好好，我話其實無咩點照顧。

仲有一樣係我只會比龜糧，仲要係最好果隻，零食就肉要全熟，菜要洗清去農藥，生果要新鮮剛去皮，好嘅龜糧好重要，因試過貪平轉糧龜龜又出事，所以依家轉糧好小心小心，雖然每次買時都好肉痛，但龜龜健健康康無病無痛唔駛睇醫生就番晒黎。

亦因為我係放養，和龜龜嘅互動就好多，次次見佢地响地頭「惡惡」就會抱下，傾下，玩下，佢地响地會自然搵我隻腳匿响我腳邊（龜嘅臭覺係好靈敏拍得住狗），叫佢地名會望向我，拍下手做下動作會自動走埋身邊，家人見得佢地多慢慢都由無反應變得有興趣，主動問我龜經，開始闗心佢地想了解多D，發覺龜龜有異樣會即時通知。

最後一樣係龜龜係有靈性，佢地平時好白厭，但當我或家中出問題時佢地係出奇嘅變得寧靜，搬屋前一晚佢地會好乖好乖，試過幾次都係，好似知道有事「發生」，我心情唔好時佢地又會好乖，幾隻放地下聚埋時佢地會自然砌出一D有意思嘅圖案，試過好多次兩隻「坐」左响門邊好似兩隻門神，我影相比fd 睇笑死佢地，問係咪我放，我話佢地自己走過去「坐」。