香港龜友論壇

標題: 可見死不救嗎? [打印本頁]

作者: ryoryoryo 時間: 2012-11-12 14:26
標題: 可見死不救嗎?
本帖最後由 ryoryoryo 於 2012-11-12 14:45 編輯

分享我最近發生的不快事. 以下純個人感覺. 內容很長, 不喜歡可不看不回.
之前有POST,在幾星期前小星開始出問題.(手腳無力)
首先我是一個新手, 雖有爬文. 但對於很多養龜學文都未完全了解.
一般溫度, 濕度, SETTING, 食物等相信都跟論壇中各高手教路的接近.
而重點並不是該話題. 最終什麼說龜生病都是主人錯. 所以我認,也不能怪別人.
也不再作討論什麼SETTING,什麼...什麼..

自從小星出問題後, 很高興得到各師兄/姐熱心指教. 而我理解後也嘗試各方式去治療.
但好可惜經過一個月都沒有好轉.情況急轉直下.能做的方法都做過.
包括買藥, 換燈, 換底材等等. 亦有去了這裡有名氣的診所睇醫生.
目的就只有一個. 想小星可以回復健康.
不論當中那一個帥兄帥姐, 醫生, 爬舖朋友所教的方式各有不同.
但也充分感受到大家都是尊重生命, 愛護動物的.

可是當中亦是唯一令我很不高興的事. 就是最不應該見死不救的竟然是賣小星給我的舖頭人員
(不好意思,我不知道是否老細還是職員, 由於是公開POST,我不會公開店名, 不是藍衫, 不是地舖,
在此論壇中沒有此店名.位置在MK. 能夠說的就只有這麼多.)

其實小星出問題後的第2個星期, 因為預約不了當星期醫生. 我已經帶了小星去那家店.
當時小星狀況未十分差. 仍開口, 仍有便有酸.我一心帶去是想幫忙醫治. 客氣地承認錯誤.
尋求小星可回復健康. 心想如果願意幫忙, 即使結果如何. 之後也會再向該店購新成員.
但換來很多難聽,有骨說話. "又說龜很小氣. 我幫你救一次. 下次就救唔番". 當中一句"生養死葬" 更是聽得我有點怒火中燒.
說三道四就是不想幫忙. "只要你跟我方法去做. 好快好番, 再唔得你先拎番黎啦. 唔好聽埋上網D人亂教你"

別人教導,我也感覺得出他們有心為小星好. 但他的回答.我只覺他不想處理.
同他爭拗我也沒有好處. 想到我也該負上責任. 只好按他所教的再回家處理. 如是者又一個星期了.
情況轉差..我的心也隨之急起來..之前預約的醫生是我最後一著. 結果驗出有很多虫. 而且需要人手餵食.
所以上星期開始每天上班前,自己都未開始刷牙洗面就先去為它浸水, 整藥, 餵食...

到了第4天發現很多活虫在水盤上. 我開始感覺到死亡的氣味. 到了昨天我再次鼓起勇氣,帶它到那家店,即使再被人說什麼也好.
我就是想救它. 結果再一次令我失望. 當我說明我所盡力的方法後. 當然又被一一否定.
而最離譜的是把小星打橫拿起.小星用它慬餘的力量去把頭伸出. 他冷淡一句. "很健康, 好正常, 真正的病龜連頭都伸不直"
我說."那行都行不了仍算健康?" 他回答."只是很勊姐". 上一次我聽他說仍有反省是否自己問題. 之後的2星期. 我只有在餵食浸水
才會接觸.其他時間都是讓它休息的. 沒有可能單單的攰. 我已經不再想跟他說太多. 最後只再問多一次. 真的不可以幫忙治療? 回答 "自己番去試下吧"

最後找到了經營多年的地舖老闆. 簡單陳說經過及表明小星不在他店購買. 而老闆十分好人地願意治療. 雖然沒有多大把握.
但仍然願意為一個不是在他買的龜治療. 小弟萬分感激! 現在仍在治療當中.未知結果. 希望可以見到它健康的回來!

作者: alien666 時間: 2012-11-12 15:05
樓主要加油，唔好為D咁嘅人唔開心，要努力養好小星

作者: MichaelL 時間: 2012-11-12 15:24
5木啊聽d語氣都估得到
不過人地打開門口做生意你死龜佢仲開心佢又會做多單生意囉
最重要係有充分準備先好再養生口

作者: khip 時間: 2012-11-12 15:36

sos_hk 發表於 2012-11-12 14:48
應該開名喇
佢嘅心態係:
龜病, 你買藥材

希望小龜冇事......

作者: 婷婷 時間: 2012-11-12 15:36
唔好再將龜帶出帶入~
講真,既然你感覺到爬店對你膚洐,冇需要帶埋隻龜出去,
陸龜對温度敏感,尤其你既係苗,每次外出,都會加重佢病情~

經驗之談~
轉換環境飼養,龜要重新適應新地方,
開始會令病情反覆,尤其杜蟲後,腸胃會差左,即使食左食物,
要留意便便中,食物有冇被消化,需要另外補充營養品~

飼養寵物,因為每個有自己一套方法,接收得多,開始會比較迷惘~
除左反省,可以吸收别人意見後,觀察再改善~
我都係全靠朋友教導同幫忙^^
希望龜龜調理完,健康返到你身邊,其實睇番你之前既post,佢已經好堅強下……
P.S、完全康復先再入龜,好易傳染

作者: 小豹 時間: 2012-11-12 15:38
咁依家隻星情況點？？

作者: ryoryoryo 時間: 2012-11-12 15:54
多謝各位回覆！並不是大家所講的店名，也說了不公開就不公開。只說自己新手又找錯地方，怪不了人。反而發現了那一家才是良心舖頭、買什麼也應該找好信譽的，這件事深深體會！暫時不會入新龜，我也希望小星可奇蹟回到

作者: ryoryoryo 時間: 2012-11-12 16:09
回復婷婷的帖子

多謝意見! 經過今次我都要做好充份準備. 但目前都希望小星可以回來. 希可以再為佢影多D靚相.
同埋上次我問左妳紅土幾$果D都未覆妳. 而家我暫時用緊假草皮. 或者之後有需要再搵妳.唔好意思呀帥姐~

作者: siumaiguy 時間: 2012-11-12 16:10
那好的肯幫手地鋪個家係？
聽你講咁多我都肉緊起來
龜龜要無事哦

作者: ryoryoryo 時間: 2012-11-12 16:14

小豹發表於 2012-11-12 15:38
咁依家隻星情況點？？

多謝關心! 最後其實佢都冇哂力. 但仲識去開口食野. 雖然食得唔多,又好虛弱. 不過我都感覺到佢係想生存落去既..而家係老細手上治療. 不過老細睇完講左機會好微.

作者: samwong4949 時間: 2012-11-12 16:23
希望小星能捱過這關及早日康復！

作者: 婷婷 時間: 2012-11-12 16:30

ryoryoryo 發表於 2012-11-12 16:09
回復婷婷的帖子

多謝意見! 經過今次我都要做好充份準備. 但目前都希望小星可以回來. 希可以再為佢影多D ...

囧“…………sorry,有時覆PM亂,miss左,一陣報比你,
有貨既~到你需要,call我約交收啦~
係啊,到你接返佢時,記得用暖包放盒外

作者: kinson_ma 時間: 2012-11-12 16:31
HEY~FRIEND!你隻星仔會好番架!唔好咁SAD啦!

作者: ryoryoryo 時間: 2012-11-12 17:01
回復婷婷的帖子

師姐妳PM左我$喇..係我冇答妳咋...等之後有需要我先再PM妳啦~

作者: ryoryoryo 時間: 2012-11-12 17:02

kinson_ma 發表於 2012-11-12 16:31
HEY~FRIEND!你隻星仔會好番架!唔好咁SAD啦!

HI~ 而家未知有冇事呀..不過果個人咁樣講野..我都係發洩一下.

作者: klho 時間: 2012-11-12 17:16

ryoryoryo 發表於 2012-11-12 14:26
分享我最近發生的不快事. 以下純個人感覺. 內容很長, 不喜歡可不看不回.
之前有POST,在幾星期前小星開始出 ...

樓主可否告知那舖頭是用甚麼的方法救龜如浸水(用甚麼粉,等等),温度,食物,藥物,如不知到,問問舖頭老细及post上來給其他C兄C姐分享,有否须要加減治療的方法,一人計短二人計長,希望能幫到龜龜能將牠的生命延續下去,快快.

作者: kellyBB 時間: 2012-11-12 17:25
人生九品，慶幸嘅你遇到大多是有心人，無謂為一個賤人不快，此終是苗，比較易病，不必太自責！小星會感受到主人的愛！加油呀！小星！

作者: ryoryoryo 時間: 2012-11-12 17:27

siumaiguy 發表於 2012-11-12 16:10
那好的肯幫手地鋪個家係？
聽你講咁多我都肉緊起來
龜龜要無事哦

在這論壇的MK地舖是指超人老細.(好的應該可以公開) 不論結果如何. 我也先感謝他的幫忙! 比起一些明明有病都可以對你講它好健康既人/店黎講.真係差好遠..

作者: 大少 時間: 2012-11-12 17:41
希望沒有事LA, 個間舖也太冷血了吧

作者: bbMANHO 時間: 2012-11-12 17:57
你的小星是你相片個隻?今天見到

作者: 大win神 時間: 2012-11-12 18:08
咩鋪頭甘衰啊...

作者: bb3chan 時間: 2012-11-12 18:56
之前小星病, 現在好返啦, 所以我好明白你心情,
真係好擔心, 我都試過上門找其他店子比意見,
佢地可能只是一兩句, 牠重好肥仔呀, 好大隻,
滴黑葯啦, 試下啦,
我都有聽他們話, 樣樣都照做,
這幾星期的日子, 日日想著小星, 每天都照著CHING 及店子意見,
再要加上自己付出的細心及愛心, 佢好返啦.
最後我想講, 通風, 空氣流通, 真係好重要架.
希望你的小動物好日好返.

作者: yammy_kk 時間: 2012-11-12 19:11
ching加油,星星加油!

作者: 龜大仙 時間: 2012-11-12 19:29
重要是未到最後一分一秒,絕不要放棄龜龜,龜龜唯一生存希望就靠妳

作者: ryoryoryo 時間: 2012-11-12 19:47

bbMANHO 發表於 2012-11-12 17:57
你的小星是你相片個隻?今天見到

係呀，我張相果隻，你見到佢今日狀態點？

作者: ryoryoryo 時間: 2012-11-12 19:51

bb3chan 發表於 2012-11-12 18:56
之前小星病, 現在好返啦, 所以我好明白你心情,
真係好擔心, 我都試過上門找其他店子比意見,
佢地可能只是 ...

係呀，我有馬上買左個電腦用抽氣，我又係咁聽各師兄同店員既方法去做，真係希望小星可以好番

作者: ryoryoryo 時間: 2012-11-12 19:52

yammy_kk 發表於 2012-11-12 19:11
ching加油,星星加油!

多謝！打氣！

作者: ryoryoryo 時間: 2012-11-12 19:54

龜大仙發表於 2012-11-12 19:29
重要是未到最後一分一秒,絕不要放棄龜龜,龜龜唯一生存希望就靠妳

我知道小星都冇放棄，我更加唔會放棄佢，所以買咩，睇醫生都去醫佢

作者: 龜大仙 時間: 2012-11-12 20:01
回復 ryoryoryo 的帖子

感謝你對龜龜不離不棄

作者: SnappingTurtle 時間: 2012-11-12 20:06
衰鋪其實應該公開，做福龜友，等龜友知道邊間唔好

作者: bb3chan 時間: 2012-11-12 20:14
你是否每天都去睇佢,
有冇佢最新消息,
請第一時間通知大家.
我們都很關心牠.

作者: bb3chan 時間: 2012-11-12 20:41
MK地舖是指超人老細, 好的應該可以公開,
唔好意思, 咁即係那間.....我真係唔知.
請你要好好對牠, 牠係會知道架.
我的小星對我信任, 應得我, 我係感覺到架.

作者: matt_zero 時間: 2012-11-12 20:55
回復 ryoryoryo 的帖子

不要放棄.....

作者: bbMANHO 時間: 2012-11-12 21:17
回復 ryoryoryo 的帖子

見到冇精神都有走兩步

作者: ryoryoryo 時間: 2012-11-12 21:46

bb3chan 發表於 2012-11-12 20:14
你是否每天都去睇佢,
有冇佢最新消息,
請第一時間通知大家.

冇去睇佢，而且黎緊一個星期都唔係香港，所以就更多擔心冇人睇住，我同左老細講要下星期先可以拎番，希望可以醫得好

作者: ryoryoryo 時間: 2012-11-12 21:48

bbMANHO 發表於 2012-11-12 21:17
回復 ryoryoryo 的帖子

見到冇精神都有走兩步

走到兩步？係唔係有貼左黃色膠紙係殻到？

作者: bbMANHO 時間: 2012-11-12 22:00
回復 ryoryoryo 的帖子

係丫。。。。。。。。。

作者: kellyBB 時間: 2012-11-12 22:23
估唔到超人咁cool 嘅外貌，有一個咁熱誠嘅內心！讚！

作者: joeloklok 時間: 2012-11-12 22:38
我絕對感受到你對小星星既愛! 我知你好盡心盡力用金錢,誠意去照顧佢, 祝小星早康復! 小星都感受到你的愛支持下去!放心

作者: ryanfung11 時間: 2012-11-12 23:02
MK賣龜既舖頭唔係好多間,唔係地舖唔係藍衫唔係xx森林,淨下都估到,啲語氣咁衰之前係呢個論壇都有ching post過果間既老細員工對客既惡劣態度,同樓主今次所講既個案差不多,所以本人覺得應該係果間,我亦試過曾經係果間舖見過客人同果間舖既人嘈

作者: climbv35907 時間: 2012-11-13 22:53
全魚街得5木一間最PK , 唔洗問都估到....

作者: khip 時間: 2012-11-13 22:55

climbv35907 發表於 2012-11-13 22:53
全魚街得5木一間最PK , 唔洗問都估到....

但樓主話唔係....

我諗樓上鋪唔係好多間有龜賣姐, 爬虫地帶，魚佬，龜仔樂園.....

作者: climbv35907 時間: 2012-11-13 22:59
回復 khip 的帖子

我熟識三間店老板都好好人

作者: khip 時間: 2012-11-13 23:36

climbv35907 發表於 2012-11-13 22:59
回復 khip 的帖子

我熟識三間店老板都好好人

好坦白講，case by case 可能隔一排樓主上去買其他野，同一個人又有唔同既態度..

so for ref. only 算啦

作者: Bryan7138 時間: 2012-11-14 03:24
其實超人真係好好人架，上次我隻小白病咗我都唔係係佢到買佢都行幫我醫，可惜最終到小白最終都係唔得，但我都好感謝超人嘅幫助，樓主你放心啦有超人呢個好人幫你睇住小星唔好太擔心啦，希望小星可以早日康復啦

歡迎光臨香港龜友論壇 (https://www.hkturtle.org/)