|
|
本帖最後由 catmandy 於 2012-6-5 09:00 編輯
由於買雞蛋仔返到而家過左兩個幾星期都仲見佢肚痾~
於是BOOK左余醫生今日6點CHECK下~
雞蛋仔黎到每日都有朝早浸水~但冇便便~而且唔多食野~餵o既係車前草加桑葉~
黎到第三日浸水佢終於去到便便~但係爛便~便完就開始食多番少少野~餵o既依然係車前草加桑葉~
但之後幾日雖然都有食野~卻仍然爛便~於是停左車前草~淨俾桑葉~
停左車前草兩日後仍然爛便~仲要停口唔食野~
之後試下轉菜心又肯食少少~但食左一次第二日又唔肯食野~仍然爛便~仲有菜渣o係便便內~
之後浸左ReptoBoost~買波蘭糧+桑葉+bac引佢食~開口食番野~但仍然爛便~有菜渣o係便便內~
今個星期六~佢d便便仲變左啡色啫喱咁o既野~擔心佢就book左余醫生~最快都要星期四~
之停左所有菜或葉~只俾糧+bac~繼續浸ReptoBoost~
但星期一開始停左口,仲冇便便添~直至尋晚我俾番桑葉佢先肯食番小小野~
今日就帶左佢返工~見佢都有四圍走~但就係唔多食野~又冇便便~
希望見完余醫生會好啦~見佢情況咁反覆~勁擔心佢係咪有咩事....
今晚完report番咩事, 無論好消息定壞消息....
俾埋爛便圖你地睇, o岩o岩頭先終於又痾到便...
但痾o既便便唔再係有菜渣......而係變左咁樣....
5月31日睇完醫生，余醫生話佢生蟲，腸胃唔舒服痾血，食左藥之後，余醫生話要十日後再杜多一次蟲，而且要留意佢呢十日肯唔肯食野，唔肯食就要FF
6月2日, 朝早俾油麥菜雞蛋仔食，但係油麥菜似乎唔係好對佢口味，佢食左一啖就走開了。
我帶佢去曬太陽, 佢一見陽光就超興奮四圍爬,
我打電話去余醫生診所, 護士小姐話其實油麥菜之外, 龜糧或者蕃薯葉都可以俾佢食, 最緊要佢肯食,
所以我曬完太陽番去就浸左兩粒佢平時食開o既龜糧整爛俾佢, 佢即刻食左大半, 食飽飽好快就訓左覺,
佢肯食野我就安心好多了, 因為佢冇拒食, 唔洗再搵余醫生, 正在康復中
6月5日上次杜完蟲蟲之後幾日一直都係爛便, 但好在雞蛋仔乖乖食野, 終於今日, D便便開始成形啦
|
|
發表於 2012-5-31 12:41:03
收藏
分享
提升卡
置頂卡
變色卡
樓主
