好朋友..一路好走...

龜龜ying

人已走，縱然死者有錯，也懇求各位將責備留在心底，好讓死者安息。
生者可憐，死者亦可悲，有誰甘願走上絕路？
他們只是以為路已走到盡頭，其實只要轉彎就能看到希望....
還是要說多遍，好朋友..一路好走！


http://hk.news.yahoo.com/兩子接連殉情-失婚母哭崩-224038030.html

君臨天下

RIP冇辨法喇,佢要行呢條路妳都要尊重佢,或者佢係天國仲開心，有時真係一個情字另人摸不着頭腦，一念之差,就.....

DY123

為何殉情?女人..多的是<可惜>

龜大仙

人總不會學識放下執著煩惱自消

siusun

2個不考子   

龜龜ying

回復 siusun 的帖子

人已走了，即使他有多不負責任，深究都冇意思
人地媽媽都未話佢地係不孝子，你又何來資格？

開心龜友

回復 龜龜ying 的帖子

一定要呀媽先有資格
甚麼道理

無極

白头人送黑头人，真的有话说不出

siusun

不孝係事實, 人地養到2個仔咁大一個唔該就要佢阿媽承受所有痛苦, 自己就死左一了百了, 一D責任心都無.

我從來無深究, 再者我無資格唔通你當自己係道德判官就有資格唔比人評論呢2個不孝子?
就算真係你既朋友, 甚至係呢度龜友. 我都係會咁講

kb君

人已走了,說什麼都不能補救.只希望他的母親能堅強生活下去.

君臨天下

開心龜友 發表於 2013-9-29 19:47
回復 龜龜ying 的帖子

一定要呀媽先有資格

人地個帖咁衰傷,你唔安慰人不凸止仲係人地帖嘻皮笑臉,有冇攪錯呀你,你係咪人黎架！有冇尊重過人呀,唔岩睇就掉頭走,可睇得出係呢個人幾冇同情心同冇人性,真係不知所為

開心龜友

我只會登個媽媽哀傷 覺得佢好慘 十分同情佢
至於死左果兩個我就真喺唔會同情咯 真喺得啖笑
完全冇諗過自己呀媽會幾傷心
唔啱睇就掉頭走？ 咁你唔啱睇我既野都可以掉頭走唔好嘈啦
成個壇凈喺比你一個發表意見好冇？

龜龜ying

回復 開心龜友 的帖子

你剩係睇到佢自殺一面不負責任，其它既你睇到幾多？你知道咩？你了解幾深呀！？
不孝子會唔會比家用屋企，過時過節會唔會陪住屋企人過呀？
孝唔孝順唔係父母有資格鬧，唔通你有資格去批判他嗎！？
我都好想當面鬧醒佢，點解要自殺咁蠢咁傻咁戇居　有咩野問題係解決唔到
一定要用死去解決，可惜我已經冇機會去鬧佢

君臨天下

開心龜友 發表於 2013-9-29 22:10
我只會登個媽媽哀傷 覺得佢好慘 十分同情佢
至於死左果兩個我就真喺唔會同情咯 真喺得啖笑
完全冇諗過自己 ...

仲係度解釋，我諗你真係唔小唔安樂，你點同情人呀？你有講個一句說話安慰人咩？你有覺得佢媽咪慘咩？有同情過人咩？我淨係見你係度笑人,我就係見到你Ｄ咁冇人性既係人個帖攪攪震，唔係我都費事出聲,我諗你都有亞媽生的，點解生你個仔咁冇人性咁冷血架？

龜龜ying

回復 siusun 的帖子

係唔係事實，留返比人地阿媽去講，都唔會輪到你去話人２個仔有幾不孝
我冇心情亦冇諗過做道德判官，成件事上面，我只係為我朋友既死難過，傷心
我唔會當你係幸災樂禍既人，我只可以講針唔拮到肉唔知痛，悲劇發生喺人地身上，當然可以好輕鬆冷血咁去評論死者有幾不孝有幾錯幾唔啱，喺人地傷口上大曬鹽花，而唔需要理人感受，畢竟世上有同情心既人並不多，我唔可以要求身邊既人都係咁，但至少我唔會同冷血無情既人做到朋友，講完。

開心龜友

你唔好咁弱智好冇呀
我喺度笑既原因喺乜？唔喺因為果兩個死人
喺因為有人講批評佢地喺不孝子  居然被人話佢冇資格話人  我就真喺忍唔住要出聲啦
咁各位龜友  你地唔好話d動物or人 好可愛 好樣衰之類啦
因為你地唔喺果d野既母親  所以大家冇資格作出評論
你唔喺佢母親呀 冇資格覺得人慘 :)

龜龜ying

回復 君臨天下 的帖子

真的只能歎一句，針唔拮到肉唔知痛
世上無情冷血的人比比皆是。

君臨天下

開心龜友 發表於 2013-9-29 22:38
你唔好咁弱智好冇呀
我喺度笑既原因喺乜？唔喺因為果兩個死人
喺因為有人講批評佢地喺不孝子  居然被人話佢 ...

都唔知你個弱智仔講嘜，咩冇資格覺得人慘，我諗你亞媽生佐你呢個弱智仔都好慘,我好同情你亞媽,、生佐個咁冇人性冷血既人，仲為自已解釋。

龜龜ying

回復 開心龜友 的帖子

你可以覺得人慘，但你冇資格去代人阿媽話人地２個仔係不孝子
為什麼是孝順父母？而不是孝順朋友，孝順老闆，孝順員工？
你對人地了解很深？認識很多嗎！？因為一件事就批判人地，話人地不孝，況且死者而已，係咪要唔要人地上返黎同你勘茶認錯跪地道歉呀！？