我家的豹龜b是否有問題??? 煩請各位師兄﹑師姐指導，謝謝~~~

ah-yoo

各位師兄﹑師姐好呀~~~  有少許問題想請教一下各位~
1. 我家於剛過去的星期天接了一隻豹龜b入門，已預備了太陽燈及電熱毯供牠早晚使用，遲點會再預備UVB燈給牠~ 想請教如有電熱毯的話仍需要預備紅藍燈給牠嗎?
2. 昨天放工回家約下午5點，我開左一小盆淺的溫水給牠浸，未夠15分鐘牠就痾左屎，痾完後牠不斷地往外爬出，是否不用浸足15分鐘也可以? 浸溫水的主要作用是要令牠去到廁所就可以???
3. 痾後就預備左啲菜同埋浸軟左既龜糧比佢，但佢冇理，跟住我將塊菜遞去佢口前時，佢只係咬2啖就走左去，跟住全晚都圍住缸邊不停行...佢尋晚應該都冇咩食過野兼且圍住缸邊不斷地行(睡覺除外)，請問有沒有問題???
4. 新購入的餵飼岩石盆牠像是爬不到上去，對牠來說會否太高? (詳見下圖)
5. 昨天冇人在家既時間牠反轉了兩次(我們分了兩段不同時間外出)，自己又唔能夠反番轉，對牠來說是否十分危險? 有咩辦法可以解決???
6. 溫度同埋濕度對豹龜都好緊要，暫時太陽燈同電熱毯以溫度來說是否足夠? 因香港天氣也頗潮濕，因此濕度方面又如何調節???

謝謝各位~~~~~~

奇蹟

你個缸温度幾多呀？加上底材要換，粟米沙龜仔誤食會死

神秘俠

唔好用粟米沙,好大機會出事
未適應環境,會導致唔太開胃食野,觀察多兩日…
豹可以唔洗咁濕養,非洲沙漠陸龜,一星期浸水兩次都夠哂…
佢需要會自己走落水度浸,要留意水保持清潔~!
溫箱中溫度&濕度幾多~?

ah-yoo

神秘俠 發表於 2013-1-29 13:49
唔好用粟米沙,好大機會出事
未適應環境,會導致唔太開胃食野,觀察多兩日…
豹可以唔洗咁濕養,非洲沙 ...

會咩底材會比較好??? 係咪用一條條啡色嗰隻會好啲???
意思即係唔駛日日浸水??? 甘佢地係唔係一定要浸水先去到廁所?
溫箱->日間30-32度左右,晚間25度左右...溫度會否不足夠???
濕度方面...我真係唔知點可以檢測到,係唔係要買個濕度計放入溫箱???
謝謝解答~~~

奇蹟

奇蹟 發表於 2013-1-29 13:43
你個缸温度幾多呀？加上底材要換，粟米沙龜仔誤食會死

你不如轉用樹皮啦

奇蹟

我想知你個缸是否有熱點冷點架？

奇蹟

回復 奇蹟 的帖子

熱點係指熱燈照住既位置，通常會放在缸既其中一個角，而冷點係指無俾熱燈照到既位置，熱點我們會set30~32度，而冷點大約會27~28度，晚上要用紅炟或陶炟 做一個熱點大約25~28度。
食物方面：油麥菜本身含水份高，鑯維唔算高，龜仔鍾意食原因夠脆像小朋友見到薯片一樣，如果真的要餵我個人見意餵新鮮車前草、龍利葉、桑葉、蕃薯葉等，在論壇中有講植物鈣鏻表你可以自己去參考下

ah-yoo

奇蹟 發表於 2013-1-29 14:53
回復 奇蹟 的帖子

熱點係指熱燈照住既位置，通常會放在缸既其中一個角，而冷點係指無俾熱燈照到既位置，熱 ...

oh no...我盞太陽燈係放喺缸既中間,一陣返屋企係唔係要移去缸既某一角???
甘即係用電熱毯之餘要裝多個紅炟或陶炟for夜晚訓覺用?
食物方面既草同埋葉,請問可以喺邊到買到呢? 因為一陣我會出魚街買過晒啲底材,希望可以順便幫佢換埋啲食物~~~

奇蹟

回復 ah-yoo 的帖子

你個缸幾大呀？