香港龜友論壇

標題: 龟系吾食得架 [打印本頁]

作者: Andygogo 時間: 2013-9-27 20:18
標題: 龟系吾食得架
睇雜誌見到呢段野分享下！

20130927_194835_mh1380283937209.jpg (450.75 KB, 下載次數: 20)

20130927_194903_mh1380283950252.jpg (430.82 KB, 下載次數: 22)

20130927_194936-1_mh1380283960749.jpg (304.69 KB, 下載次數: 21)

20130927_194949-1_mh1380283970230.jpg (359.85 KB, 下載次數: 22)

作者: 長毛 時間: 2013-9-27 23:11
原來李c父咁有見地，一於幫襯佢睇風水！

作者: 琛琛 時間: 2013-9-27 23:42
其實龜龜真係唔食得呀!佢地係有靈性,如果你對佢好, 佢地會保佑你全家呀!!!!

作者: herbalchung 時間: 2013-9-28 00:00
佢話放生龜增壽喎@@~~ 依家大陸龜場養龜時落咁多抗生素, 龜生長期又咁長吸收咁多重金屬, 對倀者真係排唔到毒反而積毒. 胡鬚佬都勉強算衰唔哂... 不過我由始至終都形住佢會加胡鬚去做膏.

作者: lcw 時間: 2013-9-28 08:01
原來龜苓膏係叫 "巴西龜苓膏", 還以為是用草龜製作..
肯定無人用盾龜去製作..

【am專訪】一盅被指無龜的龜苓膏、一段驚心動魄的沖洗霉菌片段，引發涼茶老字號「海天堂」的「龜零膏風暴」，「鬍鬚仔」吳耀明否認指控，但承認品牌已到「好危險地步」。曾與他合作、及後對簿公堂分家的堂姊「大家姐」吳玉娟，風暴後在工場首次接受專訪。分家14年，親戚關係與公眾印象始終無法化開，她旗下分店生意大跌，銷量一度急跌八成，更有鬍鬚仔的食客到她的店要求退膏券。由當年拿着亡父遺下的龜苓膏配方開業至今，大家姐說仍堅持每日親自試味，也慶幸分店少，運送路程短，「我嘅膏，從來無發霉。」記者：葉兆臻、攝影：鍾式明
吳耀明的龜苓膏，早前被大學化驗所驗出無龜、或龜成分如「如芝麻般小」，又被人公開指控「預製扮鮮製」，吳耀明隨即發律師信控訴遭人誹謗，但這場龜「零」膏風暴已打擊全港涼茶業，首當其衝的，是系出同門的「大家姐」海天堂。海天堂分為「鬍鬚仔」吳耀明和「大家姐」吳玉娟兩個字號，是緣於99年，兩人爆發商標爭奪戰，其後對簿公堂，最終庭外和解。海天堂商標由雙方共同擁有，各自須以「吳耀明監製」、「吳玉娟監製」或「大家姐監製」作為識別。

兩名主角對二人關係各有演繹，吳耀明曾稱與她「沒有血緣」，在網頁則稱「同村的堂姐」；吳玉娟則一鎚定音，「就係親堂姊弟，我父親最大，佢父親排第三，我哋同阿爺的。」兩人自小感情不錯，吳耀明稱她「阿姐」，間中兩堂姊弟還會外出飲茶傾偈，因此當26年前吳玉娟患癌，用父親古方醫病，堂弟在旁亦了解詳情，「87年我患上腎上腺癌，主診醫生係梁智鴻(前醫管局主席)話我得9個月至年半命，當年都未有標靶藥。做完手術和電療後，開始用中藥調理身體，就係用父親古方，中藥煲龜湯飲，做龜苓膏食，一星期食四、五盅。食咗兩年幾，總之到而家都無事、無復發，好多謝上天。」

病後4年，堂弟鼓勵她合作搞生意，「嗰陣吳耀明喺一間野味舖(「海天野味」)幫手，間中會問吓我搞咩生意好，我覺得市面賣嘅龜苓膏，同我整嘅有分別，於是就開始合作。當時我出資300萬，講明賺就一人一半，蝕就我嘅。我負責配方同試藥，佢負責店面、人手分配同收銀。」海天堂開業一年後，擴充至逾10間分店，生意愈做愈大，名利雙收的後果就是反目成仇。

99年二人達成和解後，大家姐曾在庭外跟傳媒說，「好難再同枱食飯。」果然一語成讖。「自訴訟後我哋無聯絡、無見面，官司結束至今，只見過一次，都係為公司嘅事。」吳耀明身陷龜「零」膏風暴，大家姐說得避忌，「凡是做得太大、出品太多就會較難保證質素。但分家後我無試過佢嘅膏，我唔評論其他店嘅方法。」
網上那條發霉膏片段，看得港人心裡發毛，大家姐無有怕，提起造膏，仍然眉飛色舞。「我係用鮮龜，唔係乾龜板，鮮龜劏完再洗、出水，先可以同藥材一齊煲。龜苓膏的龜係藥引，藥方都好重要。由劏龜至成膏，要成廿個鐘頭，一定要慢慢煎………」

雖說「真金不怕洪爐火」，但世間更多「馮京作馬涼」。事件後翌日，大家姐的生意暴跌八成，還遇上鬍鬚仔的顧客來發難，要求退膏券，「啲熟客近日開始返嚟，但生意仍然少咗兩三成。」大家姐的分店由高峰期12間，至目前6間。「那是因為舖租好貴，材料亦貴，生意好難做。我唔賣廣告，唔會貼自己個樣做宣傳，我好低調，靠熟客一個帶一個來的口碑，熟客都知，每日出品嘅膏都係由我親自試味的。

我6間店都在香港，在紅磡呢個工場出品後，即刻送去分店，時間短，點會發霉？」令大家姐最介意的，是有中醫表示食膏無仔生。「我患癌後幾乎日日食，一個星期食五、六盅，康復後食少咗，都每周食三、四盅，食嘅都係舖頭所賣嘅膏，我就有5個仔女、6個男孫、1個女孫。全部食龜苓膏大的，會唔會不育，等消費者判斷啦！」

作者: lcw 時間: 2013-9-28 08:07
回復 Andygogo 的帖子

古代用金錢龜.
現代用巴西龜

作者: Andygogo 時間: 2013-9-28 12:26
回復 lcw 的帖子

嘩，好恐怖呀，攪乜錯！

歡迎光臨香港龜友論壇 (https://www.hkturtle.org/)