香港龜友論壇

標題: 係街市魚檔買左隻盲龜!!! [打印本頁]

作者: good123 時間: 2013-9-22 21:35
標題: 係街市魚檔買左隻盲龜!!!
本帖最後由 good123 於 2013-9-22 21:37 編輯

因為爺爺病左,想買隻龜同佢祈福,買左隻龜諗住養一星期至放,見佢隻眼唔開,依家見佢甘樣唔想放,因為覺得放左好冇責任心,希望甘多位龜龜網友幫幫手,因為真係很想佢好番!!!我滴左D龜精靈加埋(人用的消炎眼藥水)因為以前有一位龜網友講過人用的眼藥水都可以試下用,兩個小時之後見佢慢慢努力睜開眼睛,見到入面隻眼紅紅地,有粒好似白色的厚膜,遮住哂成隻眼睛,只看到一點點,幫幫我隻可憐盲龜~~~

2013-09-22 20.45.36.jpg (719.41 KB, 下載次數: 73)

圖片

2013-09-22 21.02.59.jpg (831.38 KB, 下載次數: 70)

圖片

2013-09-22 20.45.36.jpg (719.41 KB, 下載次數: 69)

2013-09-22 21.02.59.jpg (831.38 KB, 下載次數: 69)

作者: Healthy 時間: 2013-9-22 22:12
ching add oil.

作者: bb3chan 時間: 2013-9-22 22:26
去找中峰,
早日康復。

作者: 鱷龜先生 時間: 2013-9-22 22:29
試下去魚街買枝龜用眼藥水，zoomed幾好的

作者: 貓may 時間: 2013-9-22 22:31
買龜放生係折福，唔係祈福，你快啲醫好隻龜，如果真係唔想養就幫佢搵過個好人家啦。

作者: 兆輝J 時間: 2013-9-22 22:33
好少事,買眼膏查完乾養,
D濃出咗嚟就好快冇事,
巴西要用眼捕食,希望快D好,
仲有唔好諗放生=積蔭德
對生態環境會做成問題.

作者: cclook 時間: 2013-9-22 22:35
巴西放生危害大自然

作者: happyghost666 時間: 2013-9-22 22:36
回復貓may 的帖子

唔好怪責LZ, 因為街市魚檔亂賣龜龜,
買來放, 下場都總好過留在魚檔,
有人會懵盛盛買來煲湯的

作者: Teddy西瓜 時間: 2013-9-22 22:43
你醫好左只龜祈完福拜託真係唔好就甘害佢冇命，你想救你爺爺唔代表你要殺左只龜佢，甘樣你害左人仲點積德，龜同人都系平等，佢都系一條命唔係工具，你唔要佢同我講，我幫你養左佢，唔好打算放生，唔通你只龜病左你囖你啊媽去放生祈福？
當我求你，真係唔好放生，我專收養人地唔要ge龜，唔要你就比我。我只希望龜龜可以幸福，你想你爺爺過得好，龜龜都想擁有自己幸福ge人生，唔可以甘不負責任。

作者: 貓may 時間: 2013-9-22 23:00
回復 happyghost666 的帖子

我係唔想人們再有買啲小動物放生嘅迷信思想，係羅輯上根本係反智。呢啲嘢蠢一次就算，千其唔好再咁做。同埋希望版主可以為龜龜盡力謀下幸福。

作者: SliderFan 時間: 2013-9-22 23:21

Teddy西瓜發表於 2013-9-22 22:43
你醫好左只龜祈完福拜託真係唔好就甘害佢冇命，你想救你爺爺唔代表你要殺左只龜佢，甘樣你害左人仲點積德， ...

聽師兄們講，千萬唔好"放生"!!! 盞害死佢!!!

盡快搵中蜂幫手，或請Teddy師兄收養啦!!!!

作者: aatcarllaw 時間: 2013-9-23 00:18
千萬唔好"放生" x 2

作者: siumaiguy 時間: 2013-9-23 00:22
你努力醫番好隻龜對眼
再養好佢就係同你爺爺祈福的最好方法
水池好多毒菌你醫好佢放番佢落去
佢對眼又會腫番的

作者: lisamama2002 時間: 2013-9-23 01:05
本帖最後由 lisamama2002 於 2013-9-23 01:08 編輯

我喺佢ma,魚老板話不是巴西龜!叫我們可在牛頭角佐敦谷公園放,我未去過唔知嘜環境

魚檔賣不是比人煲嗎?.我只是想少隻龜比人食,同我老爺積福啫.我見廟的水池或宝福山也有好多龜??,是廟養嗎!我只聽過不可放大海中會浸死.Teddy你好!我自己也養咗隻巴西5年啦!我是愛龜人嚟架!我屋企唔容許養多隻,我宣家都無晒主意.見D佛教徒定期去放生?何解是做壞事呢?

作者: JACKTONG 時間: 2013-9-23 01:47
回復 lisamama2002 的帖子

尼隻應該係巴西龜黎,魚檔賣唔一定攞黎食架姐。你知唔知就咁拎龜去放生,佢地生存機率係好低。得罪講句, 如果隻龜因為你放生而死左既話,個天會點諗你?你老爺會係積福定折福?

你見到D池有龜就以為放埋落去都無事?你有無諗過邊個會比錢去餵佢地? 好彩咪有人餵囉,唔好彩咪餓死晒囉。你地老一輩當放生就係積福, 見到D信徒放生就以為無問題, 其實大錯特錯。
你咁諗,只係讓自己心靈純潔,雙手卻污穢得要死。

作者: jerryckpoon 時間: 2013-9-23 04:08
回復 lisamama2002 的帖子

希望你唔好為左放生而放生，你放生一個物種首先要考慮放左之後存唔存活到？地點是否合適？對附近其他物種有無影響？每個step都需要認真仔細考慮過，如果唔係就只會增加自己既業。放生唔一定要用龜，任何將被殺既生物都可以，甚至乎你面前走過既一隻螞蟻你選擇唔踩死距都已經係一種福德。
若然你屋企養唔到多隻龜既話，你就交比壇上既師兄啦總好過你自己醫唔好或者延醫已死亡。

其實食長素都係一個好好既積福方法。

作者: kanhung 時間: 2013-9-23 09:33
家人有病 ,只須看醫生 ,休息及陪伴 ,同放生無關係 ,無經驗買隻病龜返來 ,棧曬錢及瓜柴 ,攞去比人醫真係貼錢買難受 ,將 D 錢比爺爺買嘢食重實際。

作者: www 時間: 2013-9-23 10:47
回復 good123 的帖子

每日浸鹽水(唔好太多鹽,小小ok) 15-30分鐘可以ga~~ 我親身試過~~~

作者: 龜龜ying 時間: 2013-9-23 12:47
回復 good123 的帖子

醫好龜龜後，唔好再諗放生喇～
放生等同放佢去死～～～！＊
要積德有好多唔同方法喔～
好好照顧龜龜吧～～

作者: SliderFan 時間: 2013-9-23 13:32
回復 lisamama2002 的帖子

公園亦會耐唔耐"清龜"，即係"人道毀滅"! 以前九龍公園幾百隻龜，去晒邊自己諗.

是否"巴西龜"唔重要，係嗎??

況且咁都話"不是巴西龜"!!! 你自己諗.

快D醫或搵師兄收養啦!!!

作者: lisamama2002 時間: 2013-9-24 23:28
我買咗龜眼宝希望ok啦!佢唔飲唔食?!比蝦唔吼.我買咗兩隻咁大隻喎!我真喺冇諗得咁仔細,以為氷池咁大,廟有善信捐獻必有人定期放飼.我日後也不會再放生.食多些素好過.
那日水族館老勢話第日同佢買細隻就得,話街市個D救唔得幾多隻.佛教放生是否去西貢D食肆買D鹹水魚,然後放回海嗎?定是買白鴿放嗎?

作者: jerryckpoon 時間: 2013-9-25 00:24
回復 lisamama2002 的帖子

勸你都係打消放生呢個念頭喇，一來你無放生既知識，二來你手上隻病龜都未搞掂。
仲有食長素同食多D素係有分別咖，你真心想放生既應該先學習佛理明白放生背後既意義同埋要注意既野。

作者: Teddy西瓜 時間: 2013-9-25 13:01
回復 lisamama2002 的帖子

你養巴西龜咁耐都唔知放生會死?
同埋人地咁做就係arm?你自己唔色得去睇事實同其他人意見?何解做壞事?
咁你啊媽話你啊爸病左殺左你黎祈福唔通就係arm唔使比警察拉?
咩天理?

作者: Teddy西瓜 時間: 2013-9-25 13:11
回復 lisamama2002 的帖子

仲話愛龜人,你而家有為過佢lum過咩?屋企唔比養就祈福放生?我未見過有咁樣ge愛龜人,
講真我唔係想攻擊你,只不過龜同人係一樣唔係工具,更加唔係玩具,你係佢你有咩感受?
冇啦啦比你囉反屋企又掟佢去死,
'魚檔賣不是比人煲嗎?'你知唔知就係你呢d人咁樣幫趁佢地佢地先會更加入多d龜反黎賣,累到更加多龜死,
'我只是想少隻龜比人食'但係你放生同佢比人食一樣都係慢慢將龜隻折磨到死,
其他ching都有講,你係愛龜就聽下啦.

作者: lisamama2002 時間: 2013-9-27 14:51
本帖最後由 lisamama2002 於 2013-9-27 14:52 編輯

我宜家每天都為盲龜護理緊好些!重有一隻已開始食緊嘢啦!有網友收留就最好!唔怕講我養咗隻巴西龜4年,我先生都唔鍾意...怕用錢..最後極力

堅持他才好D.佢話D龜喺比人食

如果有網友是中峰兄?收留啦!

作者: 鎮汝 時間: 2013-9-27 16:14
因為爺爺病左,想買隻龜同佢祈福<--- 哈哈好白痴的想法~~~

你不如死左佢為你阿爺增添壽命~~

作者: lisamama2002 時間: 2013-9-27 20:51
我們唔富有

喺用200蚊買牠們並不是用來煲食.牠們起碼都不用在魚檔等死吧!龜好解毒架海天堂咪助長人殺多D龜咯?!佛教曾說放一些會被殺的生命才是放生我可去花園街買架!太激啦!希望網友自重.相信D龜比人更有靈性,並不會叫人死或殺咗人瓜.我只入來求問...受教並不是受辱,好失望網友會如斯殘忍

作者: 龜仙仁 時間: 2013-9-28 00:25
你們點可以甘講野!版主快d出手,樓上只是想在魚檔買一些龜放生.出發點已經是好,最起碼幫左隻龜離開左死亡的命運,不會被別人殺害,網友是否應了解清楚別人放生的方法?並不是每一種放生的方法也是錯,當然直接放落大海對某些龜來說是必死的後果,但如果其他的放生方法,比如放在寺廟的大龜池或放給別人的飼養愛龜池,也是錯?如果全是錯這個世界便再沒有敢放生!!!如果樓上不是真的愛龜,直接去魚檔買了龜,直接把龜拋落大海便可為其完成祈福便可,一了百了!!!為何樓上還會來【龜友論壇】請示大家?問問大家?打個比如:如果走去偷野,會通知哂所有人我會偷野留下無限線索讓大家追查,之後再偷野?所以大家不要再這樣說樓上!!!來得龜友論壇的也是愛龜的

作者: lisamama2002 時間: 2013-9-28 11:48
網友可能太愛D龜.....只不過一時感觸啫

因父肺癌,常陪覆診...父母恩重!!謝謝網友我仔昨買咗鈣片,因肓龜须好些,但一直不吃不喝,我們用針筒把鈣水餵吓唔知可行嗎?
我們現明白放生是不智,咁等下有心網友收養啦

thank.或者指點那兒會收?不然我先生

作者: STar`朗 時間: 2013-9-28 13:35
樓主吾識,想做佢應為既好事
點知比d激進派插到不似人形

作者: shoutou 時間: 2013-9-28 14:58
用針筒把鈣水餵吓唔知可行嗎?
幾耐冇食過野? 灌食可行(鈣水+整軟左的龜糧)，保住條命先

作者: HenryLee623 時間: 2013-9-28 15:21
其實寺廟的大龜池環境好差架....爬協都有去過某D寺廟接收D龜喇!
放生有太多因素喇...例如會識應吾到死亡,重點係巴西龜係入侵物種,
佢地會影響到本土既物種!所以其實大家應該停止購買巴西龜!!!!

作者: lisamama2002 時間: 2013-9-29 18:21
我先生速我放.又建議比佢的細佬養吓至食

我們想比番街市阿嬸.命運由天.我當然希望有主人是買來收養.但看到檔主是用網網住就好慘.放又危害!!我又養唔到!!可交去中蜂嗎?

作者: tiffany_john 時間: 2013-9-29 18:30
之前咪有個叫 Teddy西瓜既答過你鑼，搵佢收養啦

作者: lisamama2002 時間: 2013-9-29 22:52
本帖最後由 lisamama2002 於 2013-9-29 22:55 編輯

但喺Teddyy西瓜未發表!我緊喺好想比晒兩隻佢照顧啦.相信他會好好咁養牠們.他雖激D但必定好愛龜架

作者: s2007023 時間: 2013-9-29 23:17

lisamama2002 發表於 2013-9-29 22:52
但喺Teddyy西瓜未發表!我緊喺好想比晒兩隻佢照顧啦.相信他會好好咁養牠們.他雖激D但必定好愛龜架 ...

主動係論壇度短訊人地啦, 人地無理由長期係度睇你個貼
同埋你地應該都仲有好多野要傾,E.G.交收地點,時間等等
如果有心比人地,唔係佢唔回你就唔洗理架嘛~~~

出發點係好,但下次了解多D野先好學人地"積陰德"

作者: 科拿仔 時間: 2013-10-28 15:52
邊個魚檔？等我踩佢場。

作者: polar9212 時間: 2013-10-28 16:44
師兄加油!!!!!!

歡迎光臨香港龜友論壇 (https://www.hkturtle.org/)