香港龜友論壇

標題: Open Letter To Alexwong2012 [打印本頁]

作者: dragonkomodo 時間: 2013-4-20 22:15
標題: Open Letter To Alexwong2012
本帖最後由 dragonkomodo 於 2013-4-20 22:17 編輯

食蕉啦你, 我最近忙, 要參加醫療展會, 冇人頂你, 好心你醫學常識少就唔好越吹越大誤導人啦!!!

我都忍左你啦, 你條病君, 因為你肯花時間幫人救龜, 我冇咁既時間同精力學你咁, 我常要出差.  我尊重、敬佩你既幫人精神, 但好心你就教下人去藥房買藥醫龜啦, 成日叫人買埋D懶係professional既寵物專用藥品、補品返黎, 扮專業!

http://www.proexotics.com/store/product.php?productid=16279
F10 or F10Sc Disinfectant 同個名一樣, 係消毒液, 唔係抗生素, 全行都知只係幫感染初期上呼吸道的寵物消毒之用, 同黑藥BIO Disfectant一樣, 根本不能夠醫治嚴重的上呼吸道感染或肺炎!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

肺炎只能夠打抗生素針!!!!!  或打寵物常打的Baytril.

學下醫學常識啦, 病君!  肺炎係secondard infection - bacteria based/borne, 肺炎係病毒後的二次感染, 係細菌感染, 嚴重細菌感染只能夠用抗生素!!!!!!!!!!!!!!!!!!!!!!!!!!!!!

果位師姐的四趾, 當時症狀好明顯係肺炎, 但土瓜灣女醫生沒有馬上打抗生素針或Baytril, 卻讓四趾留院聞F10SC, 拖延了肺炎病情, 引致死亡.  你唔好冇基本醫學常識就屈落我度!!

作者: 龜大仙 時間: 2013-4-20 22:25
請問你可提供醫肺炎葯物水龜和陸龜感謝

作者: 快快長大吧 時間: 2013-4-20 22:25
本帖最後由快快長大吧於 2013-4-20 22:50 編輯

我純粹想反對下你呢一大堆文字

除條link外
另外我感謝你俾條咁有學術性既link出黎..

作者: choichakyam 時間: 2013-4-20 22:30
其實係咩事....

作者: ft2728 時間: 2013-4-20 22:45
其實alex c兄冇叫過我地買喎,佢只係話比我地聽佢用呢隻藥黎e龜,同埋佢由始至終都冇叫人比龜佢e喎,佢都係叫啲龜友去睇獸醫.
alex都係出自好心去幫人,再講有邊個e生唔用新藥同試新藥傢,有冇一個e生可以同你講一定e好個病傢,你唔幫人就唔好咁話人啦.

作者: 602151 時間: 2013-4-20 22:52
無論發生咩事，都唔應該人身攻擊別人，抵毁別人係病君，好過份！

作者: ft2728 時間: 2013-4-20 23:06
((((((但好心你就教下人去藥房買藥醫龜啦, 成日叫人買埋D懶係professional既寵物專用藥品、補品返黎, 扮專業!)))))<<<呢句都有問題啦,你有病e生有冇比隻藥名你自己買黎食呀?叫我地自己買藥e龜喎,我地又唔係e生咩都唔識點e呀,好彩冇搵你幫手e龜姐,搵你你咁專業咪叫我地自己買藥自己e 0.0?

作者: 啊橙 時間: 2013-4-20 23:10
本帖最後由啊橙於 2013-4-20 23:18 編輯

初期既肺炎或可用市面上一尐普用爬蟲藥物治療
但中期或後期，呢尐藥物仲起唔起到殺菌功用已經成疑
需知道最強殺菌武器並不是藥物，而是身體所製造的抗體
一但抗體無效，比起抗體還弱既藥物還有用武之地?
抗生素既作用大致係「攬炒戰」，將體內有害無害既菌全數毀滅
所以初期既肺炎或可以用普通藥物醫治，但充其量係減輕抗體既負荷
去到中後期，連抗體都起唔到作用先用抗生素
抗生素既藥性過烈，不易隨便使用，
若知道病情既嚴重性，方可準確用藥
alex師兄既心意大家都敬重，不過佢始終唔係專業人員
所以佢一直強調「建議」大家用邊一只藥，
係指若果知道病情嚴重性先可自行用藥
嚴重尐既時候就要睇vet，打抗生素
就好似樓主最後提出個位vet輕估病情而用錯藥
結果斷左證害死龜只
所以大家未能確實知道龜只既病情
都係交番比專業人士去判斷。

(不過有某尐師兄過份吹捧alex兄，又神醫又聖手等等，的確有少許過火之嫌

)

作者: alexwong2012 時間: 2013-4-20 23:12
本帖最後由 alexwong2012 於 2013-4-21 02:53 編輯

dragonkomodo 發表於 2013-4-20 22:15
食蕉啦你, 我最近忙, 要參加醫療展會, 冇人頂你, 好心你醫學常識少就唔好越吹越大誤導人啦!!!

我都忍左你 ...

"這位醫生當時是用F10 Nebulisation治療+抗生素治療,F10是一種非常勁的消毒劑,能夠殺死真菌和病毒,"
http://www.hkturtle.org/forum.ph ... 73389&extra=&page=2

係你唔夠專業,唔知你睇啲乜,請你睇清楚我寫乜,我是寫F10是消毒劑,王醫生和余醫生都是用F10+Baytril,進行治療,我買左這支野都去問過余醫生,我重對他說你們平時開的份量溝5ml水,家用放濕機用唔到,要開多啲先得.

F10SCVeterinary Disinfectant
http://www.f10biocare.co.uk/sc.html

土瓜灣動物醫院是用F10® Antiseptic Solution
http://www.f10biocare.co.uk/as.html

http://www.f10biocare.co.uk/Asleaflet.pdf

補充當時醫生己用了Baytril,不是淨係用F10聞氣.只是他主人冇講你知

重有我唔係好得閒幫人醫龜,今個星期我有30長單遲左出貨.

我買任何工具我都冇收過大家分毫,有師兄話比錢我,我都叫他捐去兩栛.

重有啲龜死左,我重要凌晨去公園埋左他們,等他們安息.

最後通知你我手上現有大大小小16隻病龜,我醫埋這16隻,就唔再接收病龜

作者: kelvintamkrs 時間: 2013-4-20 23:21
首先,多謝你的建議。無錯,Alex兄可能有不足之處。但係我地上論壇都係想集思廣益。有time就出time,有knowledge就出knowledge。互補不足!

作者: alexwong2012 時間: 2013-4-20 23:29
本帖最後由 alexwong2012 於 2013-4-20 23:30 編輯

我話你知我買左好多野都係為左啲病龜.

幼龜用胃喉

裝藥比龜友的藥樽.

重有e部1200元的攪拌機,用來打草粉.

我重來冇收過錢.

作者: ft2728 時間: 2013-4-20 23:31

啊橙發表於 2013-4-20 23:10
初期既肺炎或可用市面上一尐普用爬蟲藥物治療
但中期或後期，呢尐藥物仲起唔起到殺菌功用已經成疑
需知道最 ...

但係dragonkomodo c兄連專業人士都質疑呢>>>>((果位師姐的四趾, 當時症狀好明顯係肺炎, 但土瓜灣女醫生沒有馬上打抗生素針或Baytril, 卻讓四趾留院聞F10SC, 拖延了肺炎病情, 引致死亡. 你唔好冇基本醫學常識就屈落我度!!))

佢講到其他人都唔識e龜,佢自己好似咩都識感,但係原來佢只會叫啲龜友自己去買藥e龜囉!!!!!

作者: Fatal_Paladin 時間: 2013-4-20 23:32
近年魚街好多豹B賣, 雞蛋size以下既星豹從來都唔岩新手養,

無奈價錢上定係外觀都係非常吸引新手,

但呢兩種BB size既陸龜返到黎都容易會有一啲小問題, 唔理佢就會變大問題,

好似蟲咁係普遍到不得了既問題。

Alex師兄肯抽空幫好多新手杜蟲係非常值得欣賞同尊敬既事。

(當然橙師兄都講得岩, 咁樣就係聖手神醫既話, 咁Terry係咩...)

樓主曾經都為陸龜版提供唔少有價值既文章,

希望大家唔好因為Alex兄一時「人氣旺盛」, 而忽略其他人曾作出既貢獻。

但我同意樓主比較激動同用字不當, 希望可以留意一下語氣。

作者: 龜大仙 時間: 2013-4-20 23:34

alexwong2012 發表於 2013-4-20 23:29
我話你知我買左好多野都係為左啲病龜.

師兄不要理其他人說法我們大家都支持你計續為病龜醫治

作者: 啊橙 時間: 2013-4-20 23:36

ft2728 發表於 2013-4-20 23:31
但係dragonkomodo c兄連專業人士都質疑呢>>>>((果位師姐的四趾, 當時症狀好明顯係肺炎, 但土瓜灣女醫生沒 ...

所以兩方面我都覺得冇評論對錯既必要
我個人認為「專業」除左係睇佢醫好左幾多生命
同時都要睇佢醫唔到幾多生命
而呢尐醫唔到既生命
係人為斷錯證定病入膏荒藥可無靈
學歷唔係專業既證明，經驗先係最全面既證據

作者: guy 時間: 2013-4-20 23:36
何苦要針對AIex師兄呢！
佢幫人係真心嘅，
我可以肯定！
佢只係把佢所經歷過嘅分享比我地知
而且無條件幫人

好人唔應該受到甘樣嘅對待
大家同意嗎

作者: yuho 時間: 2013-4-20 23:37
壇友如家人,放下成見,虛心向其他人學習,互補不足WIN,WIN

作者: 楓之子 時間: 2013-4-20 23:45
大家都係为龜龜著想，都是有心的人
大家不要這様吧

你們這樣......龜龜才是最大的受害者

作者: 豹豹豹 時間: 2013-4-20 23:47
好心啦！人地只係熱心幫人照顧病左既烏龜！
可能人地真係吾係專業人士，但都係岀於好意姐！
呢份熱心自問又有幾多人做到？我諗好少！
熱心幫人換來既竟然係俾人話自己病君？有無少少離普？
就算人地有錯係咪都應該禮貌d指岀人地既錯處？

作者: alexwong2012 時間: 2013-4-21 00:04

Fatal_Paladin 發表於 2013-4-20 23:32
近年魚街好多豹B賣, 雞蛋size以下既星豹從來都唔岩新手養,

無奈價錢上定係外觀都係非常吸引新手,

Terry係乜,你地問吓自已,日日淨識Terry收得貴又難Book,醫好左就話收咁貴是應份的,醫唔好就唱人九條街,你地有尊重過他嗎?
我有十隻仔是他杜蟲,亦試過杜完蟲後差左要搶救,但我冇在背後鬧過Terry一句.
我叫人去睇Terry,重要比樓主話我是土瓜灣動物醫院代言人.

作者: kenny1412 時間: 2013-4-21 00:10
人地都係出於好心已經好好
試問樓主會唔會唔收錢幫d 3唔識7既人睇龜呢?

作者: Fatal_Paladin 時間: 2013-4-21 00:25

alexwong2012 發表於 2013-4-21 00:04
Terry係乜,你地問吓自已,日日淨識Terry收得貴又難Book,醫好左就話收咁貴是應份的,醫唔好就唱人九條街,你 ...

我家中大大小小寵物不論貓狗絕育、手術、爬蟲大小問題多數都係搵Terry搞,
我亦冇係背後話過Terry任何野。

師兄, 要講尊重, 請先尊重自己尊重他人,

都係果句, 我非常欣賞你樂於助人既態度, 但唔代表你可以亂開槍。

作者: alexwong2012 時間: 2013-4-21 00:42
本帖最後由 alexwong2012 於 2013-4-21 00:43 編輯

Fatal_Paladin 發表於 2013-4-21 00:25
我家中大大小小寵物不論貓狗絕育、手術、爬蟲大小問題多數都係搵Terry搞,
我亦冇係背後話過Terry任何野。 ...

我冇開槍射你,我只是話你知,我好敬重土瓜灣醫院兩位爬醫.
但事實有幾多人是尊重他們,在這裹叫人帶龜去睇醫生是錯的,自己亂買成藥醫龜是對的.
好我在他們所學到的,捧獻番出來幫啲學生低收入人士都要比佢插,我真係受夠了.

作者: Fatal_Paladin 時間: 2013-4-21 00:52

alexwong2012 發表於 2013-4-21 00:42
我冇開槍射你,我只是話你知,我好敬重土瓜灣醫院兩位爬醫.
但事實有幾多人是尊重他們,在這裹叫人帶龜去睇醫 ...

如果你覺得自己係做緊好事, 唔應該咁容易比人打擊到。

作者: warden 時間: 2013-4-21 01:02
其實大家都係為左龜龜好, 分享經驗等迷茫既龜友們得益而行少d冤枉路。再多針對性既言論只會令大家減少發言, 似乎唔係一件好事。我宜家日日都上黎呢度爬文學好點樣養好龜龜, 亦好希望以後可以繼續睇到龜友們分享既心得同靚相。

Alex師兄幫素未謀面既龜友花咁多時間心機醫d病龜, 無論如何都好值得讚賞專重。

作者: Sa1046 時間: 2013-4-21 01:33

好人從來都係最難做的。但是從上學的第一天開始，在書本和老師的指導下都是要做個好人。總之人在做天在看。一笑而過吧

作者: khip 時間: 2013-4-21 01:56

alexwong2012 發表於 2013-4-21 00:42
我冇開槍射你,我只是話你知,我好敬重土瓜灣醫院兩位爬醫.
但事實有幾多人是尊重他們,在這裹叫人帶龜去睇醫 ...

其實做獸醫，有時係外表風光內裡並不一樣。

其實對爬行動物既病，過往我亦有不少誤解...不過經驗過後學懂的便明白以前的是什麼回事。

而樓主同你所執著既藥理常識我諗你當係一個提示就算吧，唔好太執著對方言詞繼續對罵下去，你也有照顧其他師兄姐既龜，也承受一定的風險，最緊要了解藥性。

作者: khip 時間: 2013-4-21 02:07

dragonkomodo 發表於 2013-4-20 22:15
食蕉啦你, 我最近忙, 要參加醫療展會, 冇人頂你, 好心你醫學常識少就唔好越吹越大誤導人啦!!!

我都忍左你 ...

其實對於獸醫既醫療手法，就咁聽你講女醫生亦非拖延病情，動物病理也非照單執藥，有可能只係用藥沒有一次到位。

如果你真係覺得醫生用錯藥可以去投訴佢，但到診所吵吵罵罵亦於是無補。

而且既然你已斷症為師姐的動物，為何當時有沒有向師姐或醫生提出及研討?

作者: alexwong2012 時間: 2013-4-21 02:52
本帖最後由 alexwong2012 於 2013-4-21 03:07 編輯

khip 發表於 2013-4-21 01:56
其實做獸醫，有時係外表風光內裡並不一樣。

其實對爬行動物既病，過往我亦有不少誤解...不過經驗過後 ...

我用的藥物全部是兩位爬醫所用,杜原蟲,奇生蟲,感冒,肺炎針,化痰藥等,而今次樓主噪的F10,是一位龜友的龜去完土瓜灣睇龜,冇法餵到隻龜食藥,但住院又太貴,所以交比我照顧,F10便是這隻龜要用的藥之一,這位龜友同我講他部放濕機用不到F10,因5ml份太小如人用的聞氣機是OK的,後來我自已買左支F10SC Veterinary Disinfectant,因買唔到F10® Antiseptic Solution,後來我都有返土瓜灣問兩位爬醫F10問題,我話給兩位爬醫知我們家中的放濕機用唔到咁小份量F10,兩爬醫話下次會開番多啲比龜友.

作者: ft2728 時間: 2013-4-21 08:39
本帖最後由 ft2728 於 2013-4-21 08:44 編輯

其實土瓜灣兩位爬醫都係一個好好既E生,其實佢做生意係冇必要教ALEX去E龜,教左ALEX咪小左養龜既人去睇佢地/其他爬醫,感樣咪姐係倒自己米,佢地就係知道好多人都出唔起錢去E龜先教ALEX一啲普通常見既病例,希望幫到人幫都生命.
((本人各得佢地3個人都值得尊重,又係果句有邊個e生唔用新藥同試新藥傢,有冇一個e生可以同你講一定e好個病傢!!!))

作者: rcheng 時間: 2013-4-21 10:54
土瓜環我都去過，嗰日係女醫生睇，好细心，好認真，又分享左好多她在醫龟時見到的案例和经驗,個人覺得不錯。

作者: matt_zero 時間: 2013-4-21 12:01
人在幹,天在看...... 公道自在人心!!

作者: 權強 時間: 2013-4-21 12:29
其實有時大家會唔會太容易信人哩？
有人話食得少會唔起釘，又唔睇番自己濕度同食物的營養
有人話唔可以用魚缸養，一見人用魚缸就話等收屍
有人話陸龜唔食得肉，就連有人話俾紅黃腳食肉都要不停插
有人出貼問隻龜有無事，一有一個人話有事就全部人都話有事
有人話紅土好就全部人去哂買，就算後來有人講左話赤玉土唔係紅土之後都有人用
之後到uvb200,有人測驗到靚數據就全部人去哂買,又唔唸下個燈同燈罩的配合原來影響好大,又唔唸下uvb的衰退速度

作者: ft2728 時間: 2013-4-21 12:51
事實就係ALEX C兄幫到好多龜友E番好啲龜,我只會信事實,(好人到唔收$$)
論壇係一個言論自由同分享個人經驗既地方,你信唔信聽唔聽係你個人決定,而唔係好似某C兄感質疑人地既方法(仲要人生攻擊).感樣我接受唔到囉!!!!!

作者: alexwong2012 時間: 2013-4-21 15:23

權強發表於 2013-4-21 12:29
其實有時大家會唔會太容易信人哩？
有人話食得少會唔起釘，又唔睇番自己濕度同食物的營養
有人話唔可以用魚 ...

我又冇收大家錢,我為什麼要騙你地?
我日日要差不多兩三個鐘照顧你地班病龜,餵藥,餵食物,重要時常找醫龜用品.你古好好玩呀?

以下18隻是這個網的龜友的病龜18隻,加埋我自已的總供28隻.

以下是自已的.

作者: alexwong2012 時間: 2013-4-21 15:28
回復 ft2728 的帖子

算啦~~~~~~~
我都唔想浪費時間和心機.
請大家盡快與我聯絡認領番啲龜.thx

作者: tortoiselover 時間: 2013-4-21 15:29
回復 alexwong2012 的帖子

樓主去左邊

作者: ryoryoryo 時間: 2013-4-21 17:18
大家養龜都希望龜龜健康,冇病冇痛.
當有病,又負擔唔起獸醫既醫藥費時, 龜友論壇就發揮左好大幫助
ALEX C兄又好, 樓主又好. 大家都係為左醫好龜而回覆/幫其他龜友救龜.
當中冇收任何利益,大家又各不相識. 如果大家都答去睇醫生, 咁問黎都冇意思.
到有人願意分享出黎甚至出$出力, 自己唔識醫既話, 聽得人地教/交得俾人地幫,就算最終醫唔好都冇得怪人.
以上只係個人睇法. 對於2位C兄及其他經常分享經驗既龜友C兄,小弟都十分尊敬的!
如果少左C兄們既分享, 我估大家都會覺得好可惜.

作者: alexwong2012 時間: 2013-4-21 17:45
我昨晩唸左好耐，可能我真浪費左好多時在龜上，搞到星期日都要係中環郵政總局寄貨。
辛辛苦苦找藥回來醫龜，最後換來一句死病君。還有我相信王醫生的專業，你冇証冇句就悟好公開話人醫療失誤，你大可以叫龜主去土瓜灣取醫療報告。
我都係時候要放手了，請大家盡快聯絡我帶龜回家。

作者: ryoryoryo 時間: 2013-4-21 18:15
回復 alexwong2012 的帖子

睇左C兄既文都有一段時間, 得益不少.
希望C兄有時間都分享下D龜相, 依度除左醫龜之外, 大家都主要係為興趣去養龜.
(註:我冇龜在C兄手上, 不是打手)

作者: Dick_Neo 時間: 2013-4-21 18:24
回復 alexwong2012 的帖子

ching,幫人幫到底.洗理無理人?
~~~~~~~~~~~~~~~~~~~~
其實點解你要理佢?
佢點話你你咪做得比佢睇你唔係唔得ge
樓主:咁你係咪肯比咁多錢落去幫人?
我唔係話你有錯,但係你話人一句死病君,你係咪做得岩先?
做咩你唔可以心平氣和咁提議出泥要人身攻擊
係,可能你上面話alexwong既係講得冇錯係岩既
但係你人身攻擊做得岩定錯自己唸下~
ps 我唔alexwong fans 泥.~~~

作者: klho 時間: 2013-4-21 18:34

alexwong2012 發表於 2013-4-21 17:45
我昨晩唸左好耐，可能我真浪費左好多時在龜上，搞到星期日都要係中環郵政總局寄貨。
辛辛苦苦找藥回來醫龜 ...

C兄,請不要輕言放棄,其實這龜網有好多好多龜友支持你的善舉,同時真的有好多龜友如果他們的龜病了真的拿不起錢去睇獸醫,我內心明白其實你這無私的舉動得不到認同真會感覺不是味兒,比着我也會放棄,心想咁辛苦為什麼呢!但希望C兄為D病龜龜繼續照顧吧!我都是果句救龜一命勝做七级浮屠,同時我覺得你幫助人照顧龜龜,無論醫好與否都是龜龜主人與你俩者之間的事第三者無權過問(就算醫死龜又如何),旁人也不能指指點點,更何況人身攻擊咁無品,版主應該要做下野啦否則這裏變成嗌交論譠了,最後我要聲名我沒有放龜在alexwong2012 那裏醫龜

作者: rcheng 時間: 2013-4-21 21:07
alex C兄所做的都是屬於善心行為，亦解决了很多C兄的問題，包括心理方面，因龟龟如果有病真係會好擔心。不要管其他人的話，做回自己，開心行醫吧。本人不認識alexwong2012.

作者: 啊橙 時間: 2013-4-21 21:26

klho 發表於 2013-4-21 18:34
C兄,請不要輕言放棄,其實這龜網有好多好多龜友支持你的善舉,同時真的有好多龜友如果他們的龜病了真的拿不 ...

你地都未有罵戰，我地可以做尐乜?
每個人都可以發表自己既意見
即使係不滿某人，都可以出帖
我地冇任何理由去限制會員出帖
只要符合版規就可以
樓主佢完全冇任何引起罵戰既意欲
只係純粹既個人意見，佢既批評大家可以自由討論
即使有人意欲挑起火頭，只要唔係樓主本人
我地都唔會刪帖，只對個別人士作出處理
呢個帖內客除左少許字眼上既問題
都唔構成對罵帖，我地唔會刪帖
若真的要刪帖，第一個會係「太國蕉展」

作者: 快快長大吧 時間: 2013-4-21 21:48

啊橙發表於 2013-4-21 21:26
你地都未有罵戰，我地可以做尐乜?
每個人都可以發表自己既意見
即使係不滿某人，都可以出帖

在下不認為個貼有問題,望版主指出

作者: alexwong2012 時間: 2013-4-21 21:54
我己聯絡所有龜友帶走啲龜,
有些差小小就康復,我會比埋藥和醫療用品你地,回家繼續醫.
而之前睇左余醫生或王醫生唔識餵藥,所以交比我照顧果啲龜友,真冇辦法了,你們帶他們返土瓜灣動物醫院留醫或每日帶他們返醫院叫護士餵藥.

作者: 啊橙 時間: 2013-4-21 21:55

快快長大吧發表於 2013-4-21 21:48
在下不認為個貼有問題,望版主指出

冇話有問題
只係話如果呢個帖要DEL既話
首先要DEL左個個搬字過紙，
純粹搞事既「太國蕉展」姐
「太國蕉展」完全係用來含沙射影
留佢係世上只係以至公允而已

作者: 快快長大吧 時間: 2013-4-21 22:25
本帖最後由快快長大吧於 2013-4-21 22:26 編輯

啊橙發表於 2013-4-21 21:55
冇話有問題
只係話如果呢個帖要DEL既話
首先要DEL左個個搬字過紙，

在下只是想俾大家知道,我系想同ALEXWONG2012良性討論下蕉對便秘和便秘所帶來既一系問題的好處姐,并沒想發起MA戰.我并沒有對他人身攻擊,龜公是他自己對自己既稱謂,我只是跟從他叫罷.
我擘頭第一句就叫佢食蕉,是因為我想佢親身感受下食完蕉,對排便方面的感覺姐.
我不像樓主那樣,一開頭就叫人食蕉,但食蕉同佢下面所要發表的大致是沒有關聯,令到讀者心中留有一大疑問.佢又話ALEXWONG2012常識少,然而又唔解釋俾佢聽,點解要食蕉.

另外我想講樓主果句講得好丫>>肺炎只能夠打抗生素針!!!!!  或打寵物常打的Baytril.
  上者在Open Letter To Alexwong2012一文中起了''承上啟下既作用.也是本文的中心句.
樓主的中文寫作水平令在下佩服萬分.

作者: chan359777 時間: 2013-4-21 22:42
回復 alexwong2012 的帖子

我隻豹都係你E好,好多謝你,我同囡囡都好支持你!而我囡囡睇到今次事件佢問我為乜?我都無言!(紅眼症)!

作者: klho 時間: 2013-4-22 00:06
本帖最後由 klho 於 2013-4-22 21:15 編輯

回復啊橙的帖子

明白,我只是提醒版主, 恐怕不是出帖者跟對方罵戰,而是兩邊的支持及反對者作出罵戰姐,而樓主出帖後一直失蹤,當然不是罵戰啦,我咁低知識水平都明白兩條鎖匙才會響的道理,要防範於未燃才回應姐.

作者: klho 時間: 2013-4-22 00:48
回復 alexwong2012 的帖子

我覺得好無奈,希望D龜龜自身強壯D健健康康,快D好番啦.

作者: askcwy 時間: 2013-4-22 01:15

alexwong2012 發表於 2013-4-21 21:54
我己聯絡所有龜友帶走啲龜,
有些差小小就康復,我會比埋藥和醫療用品你地,回家繼續醫.
而之前睇左余醫生或王 ...

公道自在人心,邊個係出心出力幫人既,大家有眼睇架,就算以後唔幫龜友醫龜,都可以繼續俾意見或者有需要既龜友pm問,一樣可以做到助人助己嘛

作者: 呆呆 時間: 2013-4-22 01:45
回復 alexwong2012 的帖子

Ching 請不要為一些言論就放棄自己想做既事可況你現在係做梗一d幫人既好事呢？
早兩日見到個媽媽帶住個小朋友扲住隻豹b 問藍衫鋪既人隻龜唔食野個店員好冷淡就同佢講買呢隻藥浸浸幾日就會食番野如唔食都無計過程當中店員都無望過隻龜
大家都係想自己養既龜健康成長但病左就真係好無助好希望有人可幫幫自己救番條小生命
既然ching 無條件幫人右可需理會其他人言論呢？公道在人心……

作者: klho 時間: 2013-4-22 01:59
回復呆呆的帖子

針唔拮到肉唔知痛,D病龜的龜主又冇錢醫又或經濟能力差的龜主(如學生),睇住自己隻龜慢慢衰弱死亡真感到心痛及無奈.

作者: Puiki 時間: 2013-4-22 02:06
回復 alexwong2012 的帖子

雖然小弟從未見過Alex兄，但從論壇得知佢嘅事蹟，Alex兄絕對係龜界嘅模範，真心講句，有邊個可以做到Alex兄嘅無私丫，佢咁高尚嘅情操係好值得各位龜友學習，如果Alex真係唔左接收病龜，咁樣絕對係龜界嘅災難性損失，Alex兄，你何必為左一個心懷妒忌嘅小人而去放棄你高尚嘅理想呢?雖然你我素未謀面，但係我絕對會支持你架，希望你繼續做褔龜界，繼續幫助一啲弱小嘅龜龜，小弟大膽代表被你醫治過嘅無數龜龜，同你講一聲"多謝"，希望你睇在龜龜嘅份上，繼續你高尚嘅行徑，唔洗理會一兩個心存妒忌嘅小人

作者: 呆呆 時間: 2013-4-22 02:25
回復 klho 的帖子

記得新手時唔識養豹龜比唐生菜佢食頭3日大大啖第4日唔食野出魚街間間龜鋪行晒答你一句買隻藥番去浸幾日就得唔得睇醫生一係答你唔知wow 我呢度隻隻食野wow 好似個傻仔自己去比人串咁！雙眼滿淚水心右酸都唔知幾想有人幫下自己好似現在街豹b 380一隻唔通個亞媽會帶佢睇過千蚊醫生咩買過3隻仲得生命就係生命買唔番
所以ching 知道自己做梗既係幫人既事就得如果香港

作者: khip 時間: 2013-4-22 02:44
本帖最後由 khip 於 2013-4-22 02:47 編輯

呆呆發表於 2013-4-22 02:25
回復 klho 的帖子

記得新手時唔識養豹龜比唐生菜佢食頭3日大大啖第4日唔食野出魚街間間龜鋪行晒 ...

師兄，其實睇醫生除左個別獸醫收費貴，亦都睇番你動物既病情，如果你只係以價值來衡量是否要睇醫生，你為什麼要去問點醫?

就係因為你唔想佢地死亡，要動物健康除了剛購買時要小心點，買之前亦要了解相關習性，製造合適環境，才減少到因飼養不當而造成既常見疾病。

否則因為飼養出錯而導致生病，再亂用藥或上網隨便求醫，最後才睇獸醫就不要把收費高的責任完全推在獸醫身上。

作者: ft2728 時間: 2013-4-22 20:28
本帖最後由 ft2728 於 2013-4-22 20:35 編輯

tortoiselover 發表於 2013-4-21 15:29
回復 alexwong2012 的帖子

樓主去左邊

佢會唔會最近又好忙,又要參加醫療展會呀

大忙人要得閒先出黎(叮)一(叮)

作者: i-walker 時間: 2013-4-23 19:57
樓主開了題後不顧而去... 失蹤了!?

作者: 602151 時間: 2013-4-23 20:05
樓主潛水了

作者: Alvin-MP5 時間: 2013-4-23 20:25
佢去水底搵龜姐~

歡迎光臨香港龜友論壇 (https://www.hkturtle.org/)