香港龜友論壇

標題: [傷心] 小白走了 [打印本頁]

作者: 小黑豬 時間: 2013-4-17 17:17
標題: [傷心] 小白走了
本帖最後由小黑豬於 2013-4-17 17:19 編輯

各位好!

小女子係新手一名, 細個時屋企都曾經養過十幾年龜, 不過一次意外就升左仙....
前個星期六老公係魚街買左兩隻珍珠BB(小白&小黑)返黎陪我, 唔知點解, 頭一兩日都好地地, 但到第三日其中一隻(小白)就開始自閉(本身已經唔算活躍), 成日訓覺仲唔食野添, D糧餵到咀邊都無視之....初時以為佢未適應新環境, 加上上星期天氣有D凍又冇太陽(想俾佢地晒都唔得), 所以冇乜食慾, 過左7日都冇食過野, 心諗龜捱得餓, 一個禮拜應該冇乜問題, 點知.....前日朝早就發現全身僵硬仲挨係個缸邊郁都唔郁.....心知不妙, 結果証實佢仙遊去矣~~

(完全唔知佢點解會咁, 老公話朝早返工時都仲識郁既><)

兩個可愛既小生命, 一個禮拜就少左個, 好心痛啊!

剩低個隻早幾日又發現頸背出左好多白點(另一隻又冇喎), 之後手手腳腳都有, 最後連頭部都有少少(附圖), 好驚唔想咁快又第二隻....即刻叫老公買藥返黎, 而家我地係咁樣醫佢, 唔知啱唔啱呢?

1. 餵完糧之後幫佢滴龜精靈於患處
2. 等佢1個鐘吸收同乾身
3. 放佢落個兜仔(加左龜精靈)浸兩個鐘, 因為驚滴藥滴唔到頭部患處
4. 最後放返落個缸乾養直至下次餵糧為止

尋日老公再買多隻珍珠BB(大黑)返黎, 不過驚是旦一隻有病而家分開佢地養住先......
最後想問: 之前曾經見過小黑凶小白, 係佢面前張開個口好似想噬佢咁, 點知有次真係咬左落小白隻手度, 自此就分開左佢地養, 唔知關唔關咁事所以小白一直鬱鬱寡歡....遲D可唔可以擺返埋佢地一齊養呢?

IMAG0316.jpg (683.02 KB, 下載次數: 46)

發現白點_2

IMAG0317.jpg (581.86 KB, 下載次數: 46)

發現白點_3

IMAG0324.jpg (871.5 KB, 下載次數: 51)

發現白點_1

IMAG0330.jpg (620 KB, 下載次數: 44)

第2日加浸藥

作者: 龜大仙 時間: 2013-4-17 17:22
回復小黑豬的帖子

請問用甚麼水養白點很嚴重

作者: 小黑豬 時間: 2013-4-17 17:27
隔夜水喉水

作者: chim 時間: 2013-4-17 17:28
首先平時要用隔夜水養，水中有chloride,要揮發左先用得，唔係會生白點。如果沒有用濾水器，要至少天天換水。龜精靈直接滴患處，早晚一次，直至康復。

作者: Grace0403 時間: 2013-4-17 17:33
唔好太傷心喇,我屋企3隻龜細個都試過有白點,一定要分開養呀,
當時我將佢地浸龜精靈,有太陽就拎落街晒日日如是,最後都醫左成個月.........
要加油喔^^

作者: 小黑豬 時間: 2013-4-17 17:38
回復 chim 的帖子

除了家中没有濾水器外,你講嘅之前都已做齊,但都係起白點!水係咪隔一晚夜太少呢?

作者: 小黑豬 時間: 2013-4-17 17:42
回復 Grace0403 的帖子

謝謝你~

作者: climbv35907 時間: 2013-4-17 18:31
R . I . P ...........

作者: 嘉榮 時間: 2013-4-17 19:03
R.I.P...

作者: 1mm 時間: 2013-4-17 20:47
本帖最後由 1mm 於 2013-4-17 20:48 編輯

白點病
病發徵狀
白點病初起的時候在龜龜的手、腳、身上出現小小的白斑點，後期才延至殼上。白點只是一點一點，白點上不會看到有白色的絲。初起不會影響胃口，後期便慢慢日漸胃口減退。唔理的話，白點會擴散至全身。但也可以放心，白點病如果及時處理係有機會醫得返，並不是絕症。

***龜龜起了白點也不一定是白點病的***
更多資料可參考本 Blog 之霉菌病 / 黴菌病的認知與處理方法

霉菌病 / 黴菌病的處理方法
2009年8月17日上午4:06公開累積瀏覽 1603 46

相信很多龜友也聽過霉菌病或黴菌病之類的龜病，但對它的認識就不是很廣，而且近來亦不只一、兩宗在本 Blog 上出現的龜病是由霉菌引起，所以本人不得不在此介紹一下這個難搞的病。霉菌又名黴菌，所以霉菌病或黴菌所指的都是同一種病，而由白色念球菌引起的霉菌病也有人叫作白斑病，霉菌病屬真菌類。

霉菌一般在低溫清水繁殖力較強，一年四季都有，傷口處較易感染，會經傷口入侵龜龜的身體。幼龜發病率約70%，死亡率約20%，因此這不是絕症，及早在龜龜身體完全衰竭前醫治也大都可好返。

霉菌病病徵
初起的時候在龜龜的殼上出現白斑點，與白點病很相似，不同之處就是霉菌病初起時就已經在殼上，後期才延至手、腳、身上，而白點病初起時是在手、腳、身上的，後期才延至殼上。而白斑點可見通常也是一團一團的，或一舊舊的，只有初期是一點點白色微突的東西，用放大鏡可看到有白色的絲，中期白斑便會延至手、腳、身上並合併成一團的。此外，霉菌病生在口上就形成霉菌性口腔炎，徵狀和普通霉菌病一樣，但就是長在口上或口邊。一般霉菌病的龜龜在初期到中期也會進食，至後期便慢慢斷食。

另一方面，霉菌亦有分多種，主要為白色念球菌，亦有其他的念珠菌、和真菌群。另一種霉菌病感染病徵是大部分相同，唯一不同之處是白斑會是黑色的。

***龜龜起了白點也不一定是白點病的***
更多資料可參考本 Blog 之白點病的處理方法

霉菌病的處理方法
這個霉菌病是真菌感炎，用龜精靈有效，能消除一般真菌。但一般要殺霉菌難於只用龜精靈就可醫好，這黴菌病可配搭一個AZOO的烏龜治黴菌劑來醫治，亦可避免霉菌病的感染併發症，用法、特性盒上有詳細寫，將藥水滴在感染位置，乾放一小時後放回乾淨水，每天2-3次，本人以前試過約2星期已退大半，3星期完全康復，係金魚街約$25。這個尊殺霉菌的，殺力會強一些。此外，每次換水時把龜龜放入鹽水浸洗，換完水放回缸裏，鹽水比例為3-5:100。

病發原因
BB龜起白點很常見的，起因都是不適應水質或細菌感染，初買回來的龜龜，特別是BB龜，也是該用煲過的水，清了水中的化學物質，據本人所知，金魚街也有給龜龜用的活性炭，功用同上是清了水中的化學物質。此外，長時間浸水也會增加患白點病的風險。
參考 : http://blog.yahoo.com/_W2JZTQQIVJEL3O26Y7CVPLGOM4/articles/26699

作者: samyung0117 時間: 2013-4-17 21:04
R'I'P

作者: 小黑豬 時間: 2013-4-17 21:19
回復 1mm 的帖子

好詳盡~謝謝你

作者: chim 時間: 2013-4-17 21:49
我隻養了兩年半的草龜仔“豆腐”，起初幾個月都耐不耐生白點，後來改了基本上乾養，在缸中放個大的淺盆盛點水，才減少了白點。現在養多了幾隻水龜仔，買了大缸加濾水器，方便好多。

作者: 小黑豬 時間: 2013-4-17 21:55
回復 chim 的帖子

下? 咁咪淨係放糧時先可以俾多D水佢, 平時冇得玩水囉

作者: Johnson 時間: 2013-4-17 22:59
乾養系甘架啦

作者: chim 時間: 2013-4-17 23:33
回復小黑豬的帖子

個淺盆平時都有水, 只浸到殼邊, 缸是清缸, 無底材, 另加一個假山洞, 個盆早晚換隔夜水, 佢口渴自己爬入去飲水
佢平時最愛在山洞底瞓覺, 好少爬入水盆...

作者: jefflamcy 時間: 2013-4-18 09:24
RIP

作者: chim 時間: 2013-4-18 15:46
類似呢個setting, 但冇用泥, 清缸養...

作者: 602151 時間: 2013-4-18 16:06
R.I.P.

作者: 小黑豬 時間: 2013-4-18 16:32
回復 chim 的帖子

謝謝你~

歡迎光臨香港龜友論壇 (https://www.hkturtle.org/)