香港龜友論壇

標題: 請各位急急幫忙!! 我的龜龜病了 [打印本頁]

作者: 肥肥龜 時間: 2012-12-5 10:05
標題: 請各位急急幫忙!! 我的龜龜病了
我是新手的, 我養呢隻巴西龜一個星期, 已發現雙眼有問題了!! 都係我咩都唔識而養佢, 請各位高手請教如何救它!!

除咗白眼病仲有無其他病症?? 例如龜身, 龜殼之類等..... 佢已好多日無食野, 又成日上岸, 唔多浸在水里, 我有買龜缸 , 龜糧, 暖管俾佢, 但佢仍然唔食野, 我每天都有換水, 我好痛心, 我好傷心, 請各位高手多多指教, 唔好同我講有定心理準備呢d說話, 我會盡力救得佢就救呢!! 我想要希望救佢的方法, 謝謝各位!!

2012-12-05 08.27.27.jpg (21.49 KB, 下載次數: 76)

2012-12-05 08.28.099.jpg (339.94 KB, 下載次數: 72)

2012-12-05 08.27.422.jpg (359.3 KB, 下載次數: 73)

作者: 火水. 時間: 2012-12-5 10:37
回復肥肥龜的帖子

出魚街買支黑藥,回來滴眼和滴鼻,這段時間干養唔好落水,要保暖在27度左右,連用藥一星期,這段時間唔使餵龜

作者: 肥肥龜 時間: 2012-12-5 10:57

火水. 發表於 2012-12-5 10:37
回復肥肥龜的帖子

出魚街買支黑藥,回來滴眼和滴鼻,這段時間干養唔好落水,要保暖在27度左右,連用藥一星期 ...

謝謝你回覆, 我想問成個星期唔洗俾佢落水同埋食野??? 仲有無其他野要注意???

作者: 火水. 時間: 2012-12-5 11:10
回復肥肥龜的帖子

要注意保溫唔好冷親......早晚用一次藥,之後時間都是干養,每隔三日才放在暖水半個鐘俾佢濕濕飲啖水,之後再干養

作者: 肥肥龜 時間: 2012-12-5 11:20

火水. 發表於 2012-12-5 11:10
回復肥肥龜的帖子

要注意保溫唔好冷親......早晚用一次藥,之後時間都是干養,每隔三日才放在暖水半個鐘俾 ...

咁即係我要買射燈嗎?? 因為要干養, 一支黑藥大約幾錢???

佢其實係咩病?? 點解佢會生病呢??

作者: 火水. 時間: 2012-12-5 11:23
回復肥肥龜的帖子

要保暖怕冷親,所以要買射燈或陶瓷膽....
黑藥好似大約一百左右,唔肯定,但差不多.....
應是冷親和水質差...

作者: 肥肥龜 時間: 2012-12-5 11:37

火水. 發表於 2012-12-5 11:23
回復肥肥龜的帖子

要保暖怕冷親,所以要買射燈或陶瓷膽....

今次真係謝謝你丫, 不過我都有睇過呢個網之前紀錄有網友隻龜龜大概有呢個問題, 有網友提議用龜精靈同埋Zoomed眼藥水, 同樣有效嗎????

我已經日日幫佢換水架啦!! 唔知會唔會龜糧有問題影響水質呢???? 可能第一,二天處理佢唔多好啦!!

作者: 火水. 時間: 2012-12-5 12:07
回復肥肥龜的帖子

龜精靈藥力不夠隻龜現在這病情用了,眼藥水是對眼腫有用,但你隻龜似是仲有冷親問題,所以要用黑藥...
換水時注意水的溫差,和唔使餵咁多,有食剩的會影響水質

作者: 肥肥龜 時間: 2012-12-5 12:18

火水. 發表於 2012-12-5 12:07
回復肥肥龜的帖子

龜精靈藥力不夠隻龜現在這病情用了,眼藥水是對眼腫有用,但你隻龜似是仲有冷親問題,所 ...

好的, 今次謝謝你指教, 換水時我會加更注意~~~

作者: 肥肥龜 時間: 2012-12-5 12:19

火水. 發表於 2012-12-5 12:07
回復肥肥龜的帖子

龜精靈藥力不夠隻龜現在這病情用了,眼藥水是對眼腫有用,但你隻龜似是仲有冷親問題,所 ...

我仲想問呢個網有無手機app?? download下來可以方便用手機留言呢~~

作者: 火水. 時間: 2012-12-5 12:47
回復肥肥龜的帖子

這個不太清楚,好似無的

作者: kellyBB 時間: 2012-12-5 15:10
回復肥肥龜的帖子

希望佢早日康復

作者: 肥肥龜 時間: 2012-12-5 15:33

kellyBB 發表於 2012-12-5 15:10
回復肥肥龜的帖子

希望佢早日康復

謝謝你的鼓勵呢!! 我真係乾擔心佢健康, 你隻龜龜有無同類似情況嗎???

作者: 肥肥龜 時間: 2012-12-5 16:04

火水. 發表於 2012-12-5 12:47
回復肥肥龜的帖子

這個不太清楚,好似無的

我仲想問, 佢咁既情況去到肺炎嗎??? 如果萬一黑藥未見好轉, 好唔好帶佢去睇獸醫???

作者: 小妃 時間: 2012-12-5 16:14
本帖最後由小妃於 2012-12-5 16:15 編輯

你去中蜂到買枝眼藥水比佢.
再問佢有咩藥食得啦.
當初我係垃圾桶到汁到隻龜仔.
仲要超級迷你BB.病得仲重過你.又係眼腫.肺炎+唔食野
個時呢.我每2.3粒鐘就幫佢茶1次眼藥水
茶完眼藥水.就搵燈曬住佢.乾養幾個字
然後幫佢浸中蜂比我個D藥..
如果龜龜真係虛弱到不得了.
為求吊命.你用住葡萄糖水吊命先.
我都好愛巴西龜架.你加油丫.

作者: 肥肥龜 時間: 2012-12-5 16:23

小妃發表於 2012-12-5 16:14
你去中蜂到買枝眼藥水比佢.
再問佢有咩藥食得啦.
當初我係垃圾桶到汁到隻龜仔.

謝謝你的分享, 你隻龜龜搞幾耐先至好番丫???
其實我都唔知我隻龜龜係咪肺炎或其他普通病???
我淨係知見佢雙眼又唔食野我好心痛呢!!
你宜家養到佢幾大丫???
佢病咗你一定好擔心,
心情就好似我宜家咁!!
你剛才話去中鋒買藥, 係咪荃灣果度丫???
好多謝你鼓勵!!

作者: 小妃 時間: 2012-12-5 16:29
我隻龜仔都搞左一個幾星期呀.
你個隻呢.多數都係凍親咯.然後就眼腫又唔食野
依家?佢仲係細細粒咁呀.我比佢之前同之後D相你睇啦
係呀.個陣汁到佢覺得佢好慘.係.荃灣個到.

作者: 肥肥龜 時間: 2012-12-5 16:40

小妃發表於 2012-12-5 16:29
我隻龜仔都搞左一個幾星期呀.
你個隻呢.多數都係凍親咯.然後就眼腫又唔食野
依家?佢仲係細細粒咁呀.我比佢 ...

謝謝你分享, 我見到相片治療後好似雙眼仲合埋咁??
係咪仲係好得晒??
或是我電腦睇唔清的相???
你係幾時執佢番來架??
點解d人咁衰, 唔養佢零於俾人,
點解掉去垃圾桶呢??
好彩你執咗, 如果唔係......
我見到呢度好多網友幫襯中鋒,
佢賣既野好平嗎??
係咪有信心保証??
話晒買藥, 我都唔想食死我隻龜龜!!

作者: 小妃 時間: 2012-12-5 16:43
回復肥肥龜的帖子

應該係你睇唔清.佢治療後雙眼開得好精靈架.睇第2張就知啦.
我諗汁左佢返黎都有1個幾月
係囉.依家就係有D咁衰既人.扔佢落垃圾桶等死
佢有信心保證架.絕對唔會食死龜
我好多龜仔有事都係搵佢.
UM.1黎佢細心啦.會解答問題同埋收得平.

作者: 肥肥龜 時間: 2012-12-5 16:47

小妃發表於 2012-12-5 16:43
回復肥肥龜的帖子

應該係你睇唔清.佢治療後雙眼開得好精靈架.睇第2張就知啦.

咁好啦, 我試吓幫襯吓, 謝謝你分享
除咗希望我隻龜龜早日康復之外,
都希望你龜龜快樂健康地成長

作者: 小妃 時間: 2012-12-5 16:49
回復肥肥龜的帖子

加油.我都祝你龜龜早日康復

作者: 敏carmanlui 時間: 2012-12-5 19:31
我隻大眼龜 (巴西)，滴zoomed 眼藥水兩星期後冇好轉，

睇dr terry yu ，forced feed 糧及藥 +浸 reptoboost ，一星期已開番雙眼

相片是剛剛好番的樣子

作者: kellyBB 時間: 2012-12-5 19:37
回復肥肥龜的帖子

好彩我四隻寶貝無病過，剩係肥Hole搶食太狼死，飽到嘔，嘔完又無事喎，嚇鬼死我！

作者: 肥肥龜 時間: 2012-12-6 09:34

敏carmanlui 發表於 2012-12-5 19:31
我隻大眼龜 (巴西)，滴zoomed 眼藥水兩星期後冇好轉，

睇dr terry yu ，forced feed 糧及藥 +浸 reptoboo ...

邊個係dr terry yu 丫???  係咪獸醫丫??

我昨晚幫襯咗中鋒, 佢俾咗黑藥同眼藥水我, 佢食咗兩次, 要睇吓情況點>??  如果再無好轉, 就要再請教吓大家啦!!!

我想問forced feed 糧, 係咪好似龜糧咁一粒粒丫???  係咪好高營養丫??  你話藥係咩藥??? 同埋浸 reptoboost 係咩來架???

作者: 肥肥龜 時間: 2012-12-6 09:36

kellyBB 發表於 2012-12-5 19:37
回復肥肥龜的帖子

好彩我四隻寶貝無病過，剩係肥Hole搶食太狼死，飽到嘔，嘔完又無事喎，嚇鬼死我！{:11 ...

嗄, 咁跨張??? 不過我都聽過龜唔識飽, 所以餵糧俾佢要適可而止!!

你真係幸福呢, 我養唔夠一星期已病, 都係怪知道照顧佢疏忽啦!!

作者: kellyBB 時間: 2012-12-6 14:13
加油

作者: 小妃 時間: 2012-12-6 15:19
回復肥肥龜的帖子

黑藥呢.我曾經有買過..但我發現成效不大..
中蜂有d另外既藥.個d效用高好多.
不過係要你帶埋隻龜龜去佢店.比佢睇下先再諗下比咩你

作者: 肥肥龜 時間: 2012-12-6 16:21

小妃發表於 2012-12-6 15:19
回復肥肥龜的帖子

黑藥呢.我曾經有買過..但我發現成效不大..

嗄, 真係架!! 我今次無帶龜龜俾佢睇, 只係俾相佢睇同埋講龜龜病情咋!! 佢只介紹我黑藥同眼藥水呢!! 我怕拖得一日龜龜就辛苦多一日, 甚至有生命危險呢, 所以我昨晚都馬上買藥!! 如果真係病情無咩好轉, 我到時帶埋龜龜俾佢地睇啦!! 希望呢d藥對我隻龜龜有幫助啦!!

作者: 肥肥龜 時間: 2012-12-6 16:21

kellyBB 發表於 2012-12-6 14:13
加油

多謝!!

作者: 小妃 時間: 2012-12-6 16:56
回復肥肥龜的帖子

因為呢.你唔帶龜龜比佢睇.佢始終唔敢亂開藥.咪推介黑藥同眼藥水囉
姐係好似你睇醫生咁.你去睇病.醫生都要幫你檢查完知咩事先開藥啦
唔可以隨便開架嘛.係咪:)如果你係擔心既.去多次咯..
反正唔貴.我記得我次次睇都係100蚊幾10蚊

作者: 肥肥龜 時間: 2012-12-7 10:34

小妃發表於 2012-12-6 16:56
回復肥肥龜的帖子

因為呢.你唔帶龜龜比佢睇.佢始終唔敢亂開藥.咪推介黑藥同眼藥水囉

好的, 如我有時間帶佢去俾老闆睇啦, 謝謝妳的提議!!!

作者: ip_az 時間: 2012-12-9 01:58
樓上師兄,請問中鋒係荃灣邊到?因為我隻BB龜同樣有咁樣情況,唔食野,又成日上岸, 一比水佢又唔浸係水里,每日幫佢換水好似好驚咁樣.....請大家指教一下

作者: 小妃 時間: 2012-12-9 17:46
回復 ip_az 的帖子

地址：荃灣眾安街142號B座，即（荃灣河背街68號天佑小學斜對面）
治療方法已經係以上既留言有曬

作者: ip_az 時間: 2012-12-11 01:40
Thanks

歡迎光臨香港龜友論壇 (https://www.hkturtle.org/)