香港龜友論壇

標題: 一人一個養龜的故事 [打印本頁]

作者: zero_1 時間: 2012-7-5 23:20
標題: 一人一個養龜的故事
本帖最後由 zero_1 於 2012-7-5 23:38 編輯

一人一個養龜的故事~分享下點解會養龜同發展,我好想知而且我覺得有排傾可以當聊誼

甘我講先啦~我係二十幾年前因為行街市見到一只龜龜(後尾先知佢係一只安布)好得意買左番泥而開始既

跟住養下養下有左樂趣就成日行街市想揾只母既俾佢,但係揾吾到,反而見黎見去刀係橙色同啡色的龜龜,望

望下中哂毒先先後後買左50幾只番去,七小福,十兄弟,師,團,旅,軍甘買~養落又想知咩龜,周圍望周圍睇去發

掘真相,睇得多其他品種就深陷龜界了~

作者: ah林-3- 時間: 2012-7-5 23:24
本帖最後由 ah林-3- 於 2012-7-5 23:25 編輯

zero_1 發表於 2012-7-5 23:20
一人一個養龜的故事~分享下點解會養龜同發展~

我講先啦,我係二十幾年前因為行街市見到一只龜龜好得意買左 ...

我係因為好耐之前係班上睇到一個男仔比一個女仔隻龜龜加龜糧~
而引致我養龜..家下搞到我上年仲養埋陸龜添..

不過我隻水龜個生命力十分之強~

作者: wongfafa 時間: 2012-7-5 23:25
回復 zero_1 的帖子

係咩龜咁厲害…可以吸引你呀？

作者: mattwun 時間: 2012-7-5 23:25
我係新加入的.....早2年前都養龜，當時係因為一時慶喜，但係養養下有了感情
知後仲加入埋論壇，中晒CHING你放既毒，所以開始養龜.....

作者: 肥仔龜龜 時間: 2012-7-5 23:25
系2000fun睇睇下倉鼠禁左去爬蟲區
自此就中毒....

作者: ah林-3- 時間: 2012-7-5 23:27

肥仔龜龜發表於 2012-7-5 23:25
系2000fun睇睇下倉鼠禁左去爬蟲區
自此就中毒....

哈哈,陸龜我都係呀~
我之前養緊水龜果陣都吾知有陸龜呢家野,你話低吾低笑先`

之後就慢慢禁左陸龜版睇ching/ching姐啲帖..自此就養左陸龜;

作者: zero_1 時間: 2012-7-5 23:28

wongfafa 發表於 2012-7-5 23:25
回復 zero_1 的帖子

係咩龜咁厲害…可以吸引你呀？

橙色係三線同石金,

啡色係草...

嗰時呢3種龜周圍刀係,但又真係好令

作者: wel524 時間: 2012-7-5 23:31
本帖最後由 wel524 於 2012-7-5 23:32 編輯

我就因為細過果時養既寵物全部都係悲慘結局, 完全唔知點解會咁,全部都唔係病死,而係離奇地死, 十分之唔甘心, 所以長大之后有能力再養,下定決心想養好一隻寵物, 因為實在太可愛, 假日又可以响屋企陪佢地玩下, 選擇龜係因為龜比較長命, 不用傷心N次

以前既悲慘結局 eg 雞就走雞, 龜就離奇地死(, eg有一隻放入洗手盆游水食野,最后發現响地下唔郁,應該係爬唔到出去, 水位仲有一段距離T.T, 又有一隻被人打翻左龜箱后,搵極隻龜都搵唔到, 最后洗鞋果時發現响洗衣機T.T)

作者: kenny555 時間: 2012-7-5 23:33
我都系兩年前開始養
一開始都系養巴西,但係果時唔識,無買任何器材,搞到死左
後來決定再買多一只巴西,果時買左一隻,返來先見原來他左手唔系好靈活..不過我無放棄他,因為他好乖,成日望住我,可能我同他有緣掛

,其中都加多左一隻巴西,兩隻一直都好好感情,養到宜家..
跟住後來又養埋刀蛋,黑蛋,同鱷龜
宜家考慮到龜龜們大個以後,所以無再加過

作者: Koa 時間: 2012-7-5 23:41
我成家人都好中意龜，因為有靈性，比較長命同無毛（最重要係無毛，因為我地鼻敏感

）
所以我阿爸養巴西我養陸龜

作者: tom5985 時間: 2012-7-5 23:53
舊年新年..表妹係花市買左隻巴西龜,番大陸探佢個時見到隻龜就愛左上

跟住番香港個時佢就送左隻龜比我.第一隻龜既由來;不過養左半年佢死左..之後買左兩隻龜黎養都係死左..
依家呢隻係.個FD去玩撈龜.揀左呢隻龜.佢養左一個星期就比我養,養到依家.0.跟住又發現左呢個論壇~~加深左我對龜既認識
最愛草龜

作者: eaglerx 時間: 2012-7-6 00:11
我細個幾歲就,,,在街市見倒龜就愛上左,,,中學無玩,,大個仔出來做野又玩,,,,,,一直到現在,,

作者: boey_carson 時間: 2012-7-6 00:12
我成世人都好怕爬蟲類同其他小動物，半年前同男朋友經過魚街，佢話好想養小隻龜仔，咁我地就周圍睇啦，睇到街尾都吾岩心水，本來諗住走人，點知有隻龜龜係咁游向我地，又附合哂我地想買既條件，所以就一見鍾情啦！佢個底d點點有d騎呢，本來我男朋友話想買另一隻同品種既，但我覺得同呢隻龜龜好似好有熟悉感咁，最後都決定買佢番黎！(不過我仍然係吾敢捉佢摸佢)買番黎頭幾個星期我都無點特別理佢，直到有次佢突然好呆滯，嚇到我同我男朋友都好驚佢有咩事，好彩餵佢食左兩片菜又活潑番啦！不過我地第二日都立即買定好多藥係屋企。。果晚我仲喊左成晚，眼都腫哂！真正感到佢係我地既一份子！而家都吾再驚龜，仲成日摸摸佢，同佢玩！

作者: iamnero 時間: 2012-7-6 01:26
細個好奇貪玩，買左3隻巴西苗返來，日日虐待，不日盡數歸西。
上高中時有活動搞生態缸，買左兩隻巴西苗兩隻草龜苗。兩隻巴西毫無意外地葬身生態缸，二草無恙。生態缸玩完后，兩隻草龜養系宿舍，擔任宿委既同學很通融，當見唔到。但有日朝早起身，冇啦啦唔見左隻，有可能系合作越獄，或成為學校里野貓的盤中餐。
剩下個隻草，用一個膠盆一直養到上大學，系大學宿舍繼續用膠盆養，冇點大過。咩腐皮爛甲之類既問題應該都有。之後要來香港，屋企爸媽又唔會幫手照顧，就俾同學阿媽拎左返屋企，聽講錫佢仲錫過個仔，好食好住。
直至上年，寂寞難耐，入左隻紅腿到而家。

作者: michaelklkka 時間: 2012-7-6 01:44
細細個開始呀媽就養龜..同D龜一齊大....到左我12,3歲O個年...自己就開始識得走出魚街A...天光墟O個D地方買魚養...養魚養左幾年之後因為屋企要裝修...呀媽叫我全部D魚缸都唔好要喇..裝修完唔可以再咁樣養魚喇..O個時養左超過三十缸魚..

咁呀媽叫到..冇得傾啦...無耐接受

跟住留返起兩隻大D既缸O係屋企花園到養鱷魚龜喇....養到幾個月之前上黎呢度睇陸龜...愈睇就愈中意...所以而家就愛上了。其實早幾年已經愛上左鱷魚龜...覺得好有型...重有食野個樣好狼....

作者: 乂阿偉乂 時間: 2012-7-6 02:04

michaelklkka 發表於 2012-7-6 01:44
細細個開始呀媽就養龜..同D龜一齊大....到左我12,3歲O個年...自己就開始識得走出魚街A...天光墟O個D地方買 ...

三十缸魚

....

作者: zip 時間: 2012-7-6 02:07
本帖最後由 zip 於 2012-7-6 02:24 編輯

我小學一年班時考第四名爸爸送左隻巴西龜比我養，後來因為我太細照顧嘅責任當然係我爸爸啦！太約八年後我爸爸病了入左醫院半年龜龜開始唔食野，好似等我爸爸餵佢咁，過多八個月左右爸爸過身了！龜龜就一直宿在殻裡面無再出過黎，媽媽驚佢會餓死，所以就將佢放生去爸爸靈位的所在地裡的龜池，發生呢件事後我知道龜龜真係好有靈性到而家我都一直有養龜龜，而家屋企隻巴西龜都有10歲了，希望放生在爸爸那裡的龜龜和我而家的龜龜一樣身體健康啦

作者: 心寒 時間: 2012-7-6 02:08
我呢，其實由細到大都好中意龜架，
屋企都好多龜龜嘅精品同公仔……
但以前我唔敢養龜，可能係我對自己信心唔夠啦
我覺得我總係會糟蹋左佢地……
而我都成日叮囑朋友唔好送龜比我，公仔嗰啲就得
之但係，喺我廿一歲生日嗰年(其實係3個月前………)我女朋友好唔聽話咁買了隻龜比我
嗰時開始我不停爬文，但結果還是…………
嗰時我真係超唔開心…經常回想同牙龜的生活點滴
最後，又係呢個唔聽話嘅女朋友鼓勵我重新振作
終於用了一個月時間買齊設備藥物，喺上個月買了隻百厭星

每當我反到屋企見到佢，心情就會舒服哂，所以我相信未來我都會繼續養的
不過每逢廿二號，除了和女朋友慶祝(拍拖紀念日)，我都堅持去後山拜一拜牙龜(佢4月22去的…)
當然有時得閒都會去同佢吹下水(有次比個牙伯撞見，佢以為我痴線，自己同自己講野…)
所以希望呢隻百厭星可以健健康康咁長大！
而我都計劃好遲下會買多隻，等佢地唔使咁孤單

作者: michaelklkka 時間: 2012-7-6 02:19
回復乂阿偉乂的帖子

其實唔只TIM A...O個時玩繁殖...格唔中拎下出天光墟賣...

作者: zero_1 時間: 2012-7-6 02:46
多謝各位分享,全部己閱~加深了對大家既了解

作者: kuen少 時間: 2012-7-6 08:24
幾個月前去朋友家見到一隻黑蛋同刀蛋，就咁比佢地吸引住，
跟住捉我朋友去帶我買，就咁就開始對龜有興趣，
之後再發現到呢度，見到龜原來都有咁多品種同可以咁互動，
興趣又再加深了。

作者: keith0415 時間: 2012-7-6 08:48
我就係因細路果陣見到有d大人係到放龜好好挽甘到大果陣買左水龜買下買下就中左毒:xp

作者: 蛇頸之友 時間: 2012-7-6 20:10
10幾年前(大約1997年),  讀緊中學.某個星期6,日同同學去旺角天光 X買魚  (當時養魚..不過成日養死哂)

見到有一檔有好多巴西龜幾個FULL既大紅白藍的份量 , 隨手買左2隻..大膠箱..冇濾水...冇浮台/高台....長期浸水  竟然可以養到現在  (好神奇...)

2011年4月-5月在 XWANTX  的動物版  看到有人推介這裡

一看到這個論壇  水龜D相  太毒了 ~ 又看到某位論壇義工簽名相用蛇頸龜睇左張相就中哂毒(雖然現在這位義工,已沒有

養蛇頸龜了, 但不知道是不是和圖中的龜有緣份 ,我在其他賣家,把這龜買回來了哈哈,後來由義工師兄証實是同一隻龜(2012年才到我的手上 @@+)

同時間又有一位師兄在交易區賣蛇頸苗  PM了  成功買左回家

跟著在交易區又有其他師兄賣蛇頸龜又成功買左, 去到魚街又買左幾隻  買下買下 =.=現在11隻

歡迎光臨香港龜友論壇 (https://www.hkturtle.org/)