香港龜友論壇

標題: 香港外匯儲備多到..............點解仲吾派錢@_@ [打印本頁]

作者: KPS 時間: 2012-6-26 15:18
標題: 香港外匯儲備多到..............點解仲吾派錢@_@
現在香港外匯儲備已 OVER "2萬3千億", 相當於香港流通貨幣的9倍多, 大家可能吾係好知大約有幾多,
好簡單計就等於全港每人可分"三十幾萬", 政府依然夠錢運作, 大家可能胆心"大鱷"沖擊港元, 要留D錢,
任志剛當年講過用"3千幾億"就夠低擋"大鱷"沖擊港元, 我又當全數要留, 咁"2萬3千億"的利息可以用啦瓜?
"2萬3千億"在任志剛當年每年利息大約有2.5-3%, 大約等於700億, 即係每年利息可分比全港700萬人每人1萬,
咁仲有無貧窮問題呢? 大家又可能話有錢人吾應該有, 好簡單, 只要申請表寫明有1千萬以上資產人士不能申請,
咁又小左25-30萬人攞, 看完以上資料, 如果出年問你派吾派錢, 希望大家都會支持, 吾係政府又用晒D錢係無謂地方

作者: ali 時間: 2012-6-26 15:37
「派錢」這個詞不太好，如果正苦可以好好有d針對性項目，例如撥d錢在教育就唔駛殺校，一d在協助貧窮就唔駛住劏房、一d發展實際經濟項目就唔駛淨係靠炒賣，等等等等，其實已經可以幫到好多人，但這個正苦咁多年，白白將香港變了中國其中一個小鎮，乜優勢都冇晒。上至貪曾，下至政治助理，全部亂花錢，香港唔落鄰近地方後都幾難.....

作者: 蛇頸B 時間: 2012-6-26 15:57
與其比魚~不如教人釣魚~
儲備應該唔會有息~有息就多數係冇資金流動性~一定有取捨~但儲備金幾多先夠呢~?其實又好難計到出來~
與其針著多儲備~不如針著佢地GE政策改善吧~錢唔係唔夠~我個人覺得係用得有冇效率~同到唔到位~

作者: KPS 時間: 2012-6-26 16:31

ali 發表於 2012-6-26 15:37
「派錢」這個詞不太好，如果正苦可以好好有d針對性項目，例如撥d錢在教育就唔駛殺校，一d在協助貧窮就唔駛 ...

問題係, 我只係計用外匯儲備的利息來「派錢」,
末計政府每年收入, 每年平均政府收入仲有600-1000億 "剩" 夠晒你講個D: 教育, 協助貧窮......
仲有, 1. 政府吾係吾夠錯而殺校, 係因出生率低, 無人讀, 依幾年會好D (不個教育制度咁差,益晒D國際學校, 有錢我都比D仔女讀國際學校好過

) , 而多個國家有實際數據支持大班教學同小班教學出來成績無分別

2. 協助貧窮, 又係好簡單, 每年200-300億已完全解決,
a. 行負入息稅, 假設一個家庭基本需要$12000/月, 之前完全政府支助,
      現在佢只要每月工資有$6000, 政府比$8000, TOTAL $14000,
      佢每月工資有$7000, 政府就比$7000...........值到佢收入有$14000/月
   咁一來佢收入又多過原有支助, 二來政府又比小D.
b. 因大部份貧窮人事都係老人家, 只要曾加生果金到$3000, 但有入息審查便可
3. 發展實際經濟項目, 依樣吾洗講, 全世界政府發展的經濟項目都係輸錢的,
就算贏錢的都係因為政府霸權, 只可政府做, 如"港交所"

作者: KPS 時間: 2012-6-26 16:57
本帖最後由 KPS 於 2012-6-26 17:01 編輯

蛇頸B 發表於 2012-6-26 15:57
與其比魚~不如教人釣魚~
儲備應該唔會有息~有息就多數係冇資金流動性~一定有取捨~但儲備金幾多先夠呢~?其實 ...

講得好,
1. 如果政府能有效率地用D錢就好, 事實證明全世界所有政府都係不但冇效率, 仲會亂洗錢,
政策更加無得改, 因特首吾係民選, 佢只要向共產黨交代, 吾洗聽我地講, 咁又點改善?
2. 無錯"比魚~不如教人釣魚" 依句說話係政府用來扁我們, 等佢有值口吾派錢的,
而我上面第二點巳講出解決方法, 但有好多人真係無能力"釣魚"
如: 單親家庭, 雙殘人事, 年老體弱, 仲有D真係有心理問題吾可以打工等
3. 外匯儲備係有息的, 係任志剛當年講的
4. 儲備係有一定金額的, 當年低擋"大鱷"已係"百年一遇", 都係用左 3千億 (嗰3千億
只係放係度, "大鱷" 走左就放返出來), 現在儲備已夠頂六次"百年一遇"仲吾夠?
不過如果你要儲備頂到香港"大地震","火山爆發","世界末日" 就真係吾得

作者: Krauss 時間: 2012-6-26 18:17
派錢治標唔治本...睇下而家某D 90後未識搵錢就識fing錢....
簡直係幫助呢班蛀米蟲....希望下一屇政府可以舒緩香港貧富懸殊既問題啦~

作者: kanhung 時間: 2012-6-26 18:27

KPS 發表於 2012-6-26 16:31
問題係, 我只係計用外匯儲備的利息來「派錢」,
末計政府每年收入, 每年平均政府收入仲有600-1000億 "剩" ...

照你咁做....我做老板....唔加你人工...個個入職 $6000 ...其他政府補貼去到$ 14000....咪肥咗D老板....咁做只會越推越高通漲....

作者: KPS 時間: 2012-6-26 18:37

kanhung 發表於 2012-6-26 18:27
照你咁做....我做老板....唔加你人工...個個入職 $6000 ...其他政府補貼去到$ 14000....咪肥咗D老板.... ...

有入息審查嫁麻, & 只係舉例, 而政府仲緩4人家庭係萬幾蚊, 佢吾做野都有,
Sorry, 以為會明, 無寫清楚

作者: kanhung 時間: 2012-6-26 18:56

KPS 發表於 2012-6-26 18:37
有入息審查嫁麻, & 只係舉例, 而政府仲緩4人家庭係萬幾蚊, 佢吾做野都有,
Sorry, 以為會明, 無寫清楚{:1 ...

如果政府補貼.....我一家五口生活費 $10000 以上.....有補貼,,,,,我揾份好似月台助理做 ,車關門舉下牌,無壓力 ,唔受氣 ,唔辛苦 ,政府補貼我生活支出....嘩命都長D......到時工資下降......全部$6000出糧..政府包底...下屆特首我投你一票。另入息審查只係一個關口 ,無可能每份查 ,我識嘅人中大有綜綬者但多數大陸有樓 ,自由出入中國 ,上到大陸大魚大肉揸小房車 ,比佢吹x到漲。

作者: nichol 時間: 2012-6-26 19:07
個人覺得派錢只會加速通脹.
但如果政府撥多D資源比草根階層仲好...
交通, 進修, 門診醫療, 推出更多公屋
放資源係呢D方面先可以紓媛基層市民既經濟壓力
收窄貧富懸殊,
等貧者愈窮, 富者愈富呢個問題冇咁嚴重...

作者: Tony_Chu 時間: 2012-6-26 19:21
本帖最後由 Tony_Chu 於 2012-6-26 19:24 編輯

據我所知, 我聽過任sir講過, 呢筆儲備係為左穩住三樣野: 港元、金融市場及股票市場的。

如果派左, 港元可能即時貶值, 金融市場有可能崩潰, 股票市場也難保。

冇呢筆儲備, 香港評分會即時跌grade(現時係AAA, 美國同中國咁有錢都係得AAB及ABB)，外國人驚你香港市場隨時會崩潰, 到時錢都攞唔返, 咁就唔會轉錢黎香港市場。國際間也不會親你玩!!!!!!!!!

香港冇左金融及股票市場, 又如何過河濕腳咁抽國際水呢? 冇左水抽, 香港剩下自由行(100%靠中央養), 玩完。

作者: 蛇頸B 時間: 2012-6-26 20:38

KPS 發表於 2012-6-26 16:57
講得好,
1. 如果政府能有效率地用D錢就好, 事實證明全世界所有政府都係不但冇效率, 仲會亂洗錢,
政 ...

1。改善。。。真係睇政府有冇腦，聽唔聽市民講同點處理同中央關係了～
2。冇能力釣魚的～當然政府有責任去照顧佢地～派錢都要派得其所～不過～總有好多人識走法律位拎左著數～計哂入息審查。。。資產審查等等～的確唔易～在乎政府有冇心去諗方法做到最好～
3。在乎政府點處理呢筆錢，例如：佢地可能覺得呢半年唔會有咩大事，就投資某部份錢係某D野收半年息～諗深D～如果佢地估計呢半年冇大事～投資哂全部錢係某PROJECT～講真～唔算係儲備～萬一有事都救唔到命的～不過政府點處理呢筆錢～多多藉口都可以哄住我地D市民的～T＿T佢大可以話～D息都係放返落儲備～有事用來救HK～。～
4。雖說百年一遇～但世界係呢幾十年發展得太快（exponentially）～金融界變得複雜～以前隔廿幾三十年左右先一次金融問題～而家都十年內可能有兩次～97金融風暴～03沙士～08海潚～11～12歐債～八十年代十個有9個9都冇擔心過呢D野～。～

作者: kanhung 時間: 2012-6-26 20:50
衣食住行.........食...可平嘅..衣...一件衫着幾年都得...行...遠搭巴士近行路...住開支大....首先攪好住屋..遂步跟進其他

作者: KPS 時間: 2012-6-27 09:08

蛇頸B 發表於 2012-6-26 20:38
1。改善。。。真係睇政府有冇腦，聽唔聽市民講同點處理同中央關係了～
2。冇能力釣魚的～當然政府有責任 ...

1-3 都係要政府自動自覺做好, 但大家都有眼睇97年至依家政府效率奇慢 or 專做D市民返對
的政策, 信佢會自動自覺真係晒氣, & 政府投資在發展經濟的全都输錢, 除左政府自已做
吾比人做嗰D, 如港交所

4. 全球只有六個地方or國家有香港咁多儲備, 而全球百幾個國家有一半已上係負債,
如果香港都吾夠就真係吾知點先夠?

而點解多國都無儲備, 一來係經濟差, 二來係一個政府原理上收稅只可以收到夠政府營運,
多出就要用不同方法還返比市民, 你睇全球最大負債國美國都要退稅就知點解

& 我只係話用外匯儲備的"利息" 去派, "外匯儲備"係一亳子都吾會小左, 而外匯儲備不計利息
每年還會增加幾百億, 如果你的意見成立, 就同有次保險sale同我講唧野一樣, 我同佢講我巳
買左四份保險, 加上來有~400萬, 佢就同我講"保險D野無話多唧", 個原理一樣

作者: KPS 時間: 2012-6-27 09:14

kanhung 發表於 2012-6-26 20:50
衣食住行.........食...可平嘅..衣...一件衫着幾年都得...行...遠搭巴士近行路...住開支大....首先攪好住屋 ...

政府房屋政策差過以前好多, 由其聽到"梁生"講D房屋政策, 跟本無一樣野係能合理地做到的(係專業人事講)

, 都係嗰向, 要政府自動自覺做好是無可能的

作者: 蛇頸B 時間: 2012-6-27 09:26

KPS 發表於 2012-6-27 09:08
1-3 都係要政府自動自覺做好, 但大家都有眼睇97年至依家政府效率奇慢 or 專做D市民返對
的政策, 信佢 ...

同其他國家比~HK儲備當然多~但金融危機~天災等~往往唔係咁易計到個效果有幾大~所以儲備點先夠~根本冇答案~比如你有一萬儲備~我得一千~你當然多過我~但有事時~要十萬救命~一樣都係唔夠~
至於利息~佢點用呢筆錢~正是我指出政府不當的地方呢~D錢放唔岩位真係唉一聲~.~

作者: KPS 時間: 2012-6-27 09:32
本帖最後由 KPS 於 2012-6-27 09:33 編輯

Tony_Chu 發表於 2012-6-26 19:21
據我所知, 我聽過任sir講過, 呢筆儲備係為左穩住三樣野: 港元、金融市場及股票市場的。

如果派左, 港元可 ...

首先"任sir"已講過主要只係需要"穩住港元", 而佢講明"穩住港元"只需3千幾億,
而個"3千幾億"只需方係度就得, 之後係可以全數入返去"外匯儲備"度, 而現在"外匯儲備"係OVER 2萬3千億

仲有, 97年香港"外匯儲備"只係吾夠5千億, 咁當年香港點過, 吾通現在香港經濟好過當年650%

& 我只係話用外匯儲備的"利息" 去派, "外匯儲備"係一亳子都吾會小左, 咁又點會影響評分???
& 全球最多"外匯儲備"只有六個地方多過香港, 所以佢地喜歡點評分就由佢啦

作者: KPS 時間: 2012-6-27 10:13

蛇頸B 發表於 2012-6-27 09:26
同其他國家比~HK儲備當然多~但金融危機~天災等~往往唔係咁易計到個效果有幾大~所以儲備點先夠~根本冇答案 ...

原理係所有保險政策只係為左最基本需要, 比如: 你有一所房子有100萬末供完, 你有一對子女3-5歲要養, 而你每月開支係$15000 , 咁你要買嘅保險就係 100萬 + 10 年開支+通脹, 大約係300萬左右, 而你買的保險應該係一年小過一年, 直到你6-7十歲保險應減至只有醫療,
全世界政府都吾會預天災(除經常發生天災的地區), 金融危機.......等,
點解香港要預呢?
仲有就係全世界經濟學者都講過, 全世界政府管錢的效率&方法都係最差,
根據數據, 100萬在政府度營運只有大的2%收益, 在市民度係有5.6%以上收益,
而政府有錢就會做壞事, 例如香港張會起"博物館", 大過之前100部, 要用幾十億興建,
興建費個比例只係好小錢, 用最多錢係裏面的"文物", 現在一件普通的清朝古碗都要幾百萬至
過億, 保守估計, 新"博物館"全數最小要2千億, 而根據政府數字, "香港歷史博物館"已極低, 新"博物館"點算?

作者: 蛇頸B 時間: 2012-6-27 13:13

KPS 發表於 2012-6-27 10:13
原理係所有保險政策只係為左最基本需要, 比如: 你有一所房子有100萬末供完, 你有一對子女3-5歲要養, 而你 ...

歐洲國家冇預到~一有事就大獲~美國一直靠軍事同中方借錢~唔洗預(中國開始強大,美國而家就係好驚)~香港預係好正常~97同08年~香港比其他地方損失較少~都係有儲備幫手的~

作者: KPS 時間: 2012-6-27 14:22

蛇頸B 發表於 2012-6-27 13:13
歐洲國家冇預到~一有事就大獲~美國一直靠軍事同中方借錢~唔洗預(中國開始強大,美國而家就係好驚)~香港預 ...

咁點解美國仲退稅, 點解德國咁強都無咁多儲備, 佢地吾通痴左,
照你意思, 全球起碼over 一百個國家十年內消失, 因幾年一次"金融危機"及"天災"

原因係因為政府收稅只可以夠營運及預留小部份作不時之需,
所以大部份國家已可支持及一直存在到現在,
現在香港儲備已夠香港政府6年完全無收入都可正常運作, 還要更多?

你又問下人頂住港元嗰3千幾億去左邊, 咪又係去返"外匯儲備",
仲有, 我講明只係用"外匯儲備"的"利息"都夠派, 咁又點樣影響經濟呢?

作者: 蛇頸B 時間: 2012-6-27 14:38
樓主好似會錯我意~我一直冇話要更多儲備~一早已經講左~多少好難定~我只係指~政府儲得多~唔代表佢地冇原因死儲爛儲~我一直都冇咩點反對你意見~只係拎兩者中間點來講~

有金融危機代表國家會消失~GDP負增長唔代表會消失~至於天災~冇人會估到點發生~日本大地震~要幾多錢同時間先RECOVER?發生之前根本冇人會估計到呢個數~唔擔保有日一次天災足夠滅一個國家~你可以肯定一定唔會發生~?

另外~派息絕對影響經濟~當直接派錢為例~money supply多左~price level會冇影響?exchange rate會冇影響?如果冇~睇來ECON呢科可以作廢的~

都係個句~在乎政府點將舊錢有效地分開來用~

作者: KPS 時間: 2012-6-27 14:41
本帖最後由 KPS 於 2012-6-27 14:42 編輯

nichol 發表於 2012-6-26 19:07
個人覺得派錢只會加速通脹.
但如果政府撥多D資源比草根階層仲好...
交通, 進修, 門診醫療, 推出更多公屋

仲有"派錢"係完全吾會加速通脹, 因為香港係輸入型地區, 無原材料, 無生產食品,
全部物資99%都係入口, 只要入口貨品升就通脹, 要入口貨品跌就通脹就小D,
你睇澳門就知, 澳門99%物資都係入口, 同香港一樣, 佢地派左幾年錢, 通脹都無多過我地

仲有, 吾好其望政府會做好事, 全世界都係, 政府越小做野, 市場效率越高, 依個係經濟學者的結論

仲有提一提, 教育政策334己煩死D家長同學生

, 醫療, 早4-5年前做左個500億醫療基金, 錢就放左係度, 一直只係HOLD住, 末用過

作者: KPS 時間: 2012-6-27 14:54

蛇頸B 發表於 2012-6-27 14:38
樓主好似會錯我意~我一直冇話要更多儲備~一早已經講左~多少好難定~我只係指~政府儲得多~唔代表佢地冇原因死 ...

首先, 多謝樓主意見先, 我都係想講出自已睇法

問題係"天災"都要講幾會率, 前50,100,200年無法生過, 幾會率即係低, 只可以當無,
如果吾係, 地球至小發生過5次冰河時期, 又試過十幾次水立上漲十米以上, 你幾多錢都無用,
& 上面講左通脹的問題, 派錢個數同整體經濟活動個數實在差太遠了, 根本等於無影響,
你睇澳門就知

作者: restart2020 時間: 2012-6-27 15:23
回復 KPS 的帖子

應該係話：『還富於民。』
生活在貧窮線或以下的人士，應該可以分多些。財富多的人就分少些或無得分等等。
做到盡量公平。

作者: KPS 時間: 2012-6-27 15:30

restart2020 發表於 2012-6-27 15:23
回復 KPS 的帖子

應該係話：『還富於民。』

Yes, "取之於民、用之於民",
吾好好似大陸 "取之於民、用之於官"

作者: KPS 時間: 2012-6-27 15:34

蛇頸B 發表於 2012-6-27 14:38
樓主好似會錯我意~我一直冇話要更多儲備~一早已經講左~多少好難定~我只係指~政府儲得多~唔代表佢地冇原因死 ...

仲有, "政府"依樣野係全世界"最無效率的機構", 點其望政府地分開來用???????????

作者: kanhung 時間: 2012-6-27 15:35

KPS 發表於 2012-6-27 14:41
仲有"派錢"係完全吾會加速通脹, 因為香港係輸入型地區, 無原材料, 無生產食品,
全部物資99%都係入口, 只 ...

D嘢貴平亦有其他因素 ,舖租貴 ,賣嘅就會貴 ,澳門是一個埠仔 ,唔係個人遊 ,成個死城咁 ,你有無在未有個人遊及開放賭牌時去澳門 ,19:00 打後好似香港晚上11..2 點嘅情況。條街靜英英...

作者: KPS 時間: 2012-6-27 15:42
本帖最後由 KPS 於 2012-6-27 15:43 編輯

kanhung 發表於 2012-6-27 15:35
D嘢貴平亦有其他因素 ,舖租貴 ,賣嘅就會貴 ,澳門是一個埠仔 ,唔係個人遊 ,成個死城咁 ,你有無在未有個人 ...

就係細先容易返影出"派錢"對通漲的影響, 佢都無, 香港更加吾會,
你睇上年香港派左錢, 有無一個學者出來講("派錢"對通漲的影響)
"派錢"之前又咁多學者出來講"派錢"會通漲, 依家又無晒聲, 照理應出來攞威麻,

連今年政府吾"派錢"都已經無話個原因係會通漲

作者: kanhung 時間: 2012-6-27 16:12

KPS 發表於 2012-6-27 15:42
就係細先容易返影出"派錢"對通漲的影響, 佢都無, 香港更加吾會,
你睇上年香港派左錢, 有無一個學者出來講 ...

如果連續 5 年派 $ 比你 , 到第 6 年話無得派 ,第一個感覺就係"有無攪錯..無"...好多時有就更開心....如無得比就話點解無.....唔想市民太依賴派$.....到時D...麥派....麥黨又上街示威要脅政府派$。就好似做人咁....仔女有本事都唔希望問老豆攞零用$.......我有朋友仔女都 20 歲...工又做唔長...又賴成日响屋企上網玩手機 ,一派咗 $ 就失踪一個星期返咗大陸 ,用到山窮水盡就回家黐...聽到都好無奈。

作者: KPS 時間: 2012-6-27 16:55
本帖最後由 KPS 於 2012-6-27 16:56 編輯

kanhung 發表於 2012-6-27 16:12
如果連續 5 年派 $ 比你 , 到第 6 年話無得派 ,第一個感覺就係"有無攪錯..無"...好多時有就更開心....如 ...

如果政府吾派錢個年有理由, 如, 通縮, 政府收支不平, 天災,
我相信香人會明白

而"派錢"都只係UNDER 一萬, 當4人家庭, 兩大人, 兩小朋友2-5歲(如上次咁18歲以上至有),
每月都係多千幾, 幫助不大, 但個人開心好多

有次聽到聽眾打上電台, 佢係單親媽媽哭着說, 帶住2-3歲女兒, 揾到$9XXX一個月, 聽落好似幾好,
但她住係擋房$3XXX/月, 車費$5XX, 雜費$1XXX, 個女學費又$1XXX, 每月只得$2XXX-$3XXX,
三餐都吾夠, 吾好話睇醫生, 又吾想拎綜援, 佢試過問社工, 社工話幫吾到, 只叫佢吾做份工先可以幫到佢

我都明有好多"賴人", 但你派吾派錢, 佢地都係咁"賴", 你令願"賴人"都派, 定係窮人都吾派?
我就選擇全部一齊派

作者: KPS 時間: 2012-6-27 17:30
本帖最後由 KPS 於 2012-6-27 17:31 編輯

唔係架~唔派錢有D人逼住做架~派GE話真係唔做比你睇~世界上咩人都有=.=
每月幾百都夠用?

我指出佢應要做GE野~唔係而家發生緊GE野
咁即係大家只要"許願", 希望政府做好就得?

2011年日本地震都唔叫天災-.-!?點會前50,100同200年未發生過? 派錢個數應同現有money supply比~唔係其他econ variables~
我係講香港依百幾年都無好大的"天災", 吾通香港D錢要預比其他國家?

香港外匯儲備已是流通貨幣2部, 咁MONEY SUPPLY, 係指咩? 但實際就係無拎通漲加速

作者: 蛇頸B 時間: 2012-6-28 13:29

KPS 發表於 2012-6-27 17:30
唔係架~唔派錢有D人逼住做架~派GE話真係唔做比你睇~世界上咩人都有=.=
每月幾百都夠用?
我指出佢應要做GE ...

1) 計埋綜緩唔只幾百掛~
2) 發表意見~佢地又唔係受~特首又冇料~咁你有咩方法呢~?開POST講~?如果一早有有效方法改到~而家唔洗咁LA~
3) MS1效果點都大過MS2, RIGHT?

都係個句~我唔明樓主你點解要用反駁態度回我POST~我只係拎中間位來講~唔代表我同你意見立場唔一樣...

作者: KPS 時間: 2012-6-28 14:15

蛇頸B 發表於 2012-6-28 13:29
1) 計埋綜緩唔只幾百掛~
2) 發表意見~佢地又唔係受~特首又冇料~咁你有咩方法呢~?開POST講~?如果一早有有 ...

首先講聲Sorry 先, 我主要吾係想反駁你

我開依個Post 想大知道現實情况, 吾好比政府的謊言偏到,
而樓主所說的好多都同政府的謊言差吾多, 所以只想加以說明,
如有得罪, 本人在此致歉!

作者: KPS 時間: 2012-6-28 17:23
如香港人睇得明依段片, 然後多留意時事, 便會明白我想講咩

http://www.youtube.com/watch?v=-MSm87ExPSQ

歡迎光臨香港龜友論壇 (https://www.hkturtle.org/)