香港龜友論壇

標題: 買保險.....有無 Ching 可比D意見 [打印本頁]

---

作者: kanhung    時間: 2012-5-10 23:10
標題: 買保險.....有無 Ching 可比D意見
請教各 Ching 我的細女 (6個月大)...有朋友做保險...問我需唔需要幫個女買一份醫療及儲蓄保,,但我家中長輩話現時咁細唔使買醫療住 , 而我大仔 5歲才開始買醫療及儲蓄保..各位 Ching or C姐有何高見 ,因該 Sales 昰太太的朋友 ,太太時常催促我 ....我及兒子和太太都已買保險....如再加多一個女的保險都幾"溶"..

---

作者: 龜痴    時間: 2012-5-10 23:17
你先問問自己... 有沒有需要買???
如果只為了幫朋友而買... 不如直接俾錢你朋友洗算啦...

---

作者: 波子    時間: 2012-5-10 23:18


意見係唔好買保險

你個老婆的保險朋友都幾廢, 向朋友開刀.

---

作者: 殺破狼    時間: 2012-5-10 23:19
MY_MUM係我仲係8歲果時HELP我和SISTER買,但係到最後出事1蚊都囉唔返

---

作者: kanhung    時間: 2012-5-10 23:24
回復 龜痴 的帖子

開頭買咗都有傾有講 ,最怕到有事時有呢有罹賠唔足就連朋友都無得做

---

作者: 殺破狼    時間: 2012-5-10 23:25
回復 kanhung 的帖子

咁易賠錢咁間公司點搵你錢?

---

作者: kanhung    時間: 2012-5-10 23:26
回復 波子 的帖子

＋個著＋個都先向親人及朋友傾銷先.....

---

作者: jojo    時間: 2012-5-10 23:26
可以買醫療+儲蓄(醫療佔3份,儲畜佔7份)供1千/月,點都好过自己儲$呀

---

作者: kanhung    時間: 2012-5-10 23:31
回復 殺破狼 的帖子

我亦聽朋友及親人講過真有其事 .但我的保險是自己揀 ,亦試過約4次入院及意外都賠足比我 ,但就年年加你幾＋保費...都唔會死x錯人...而我太太 ,兒子是同一 sales .現在叫我買埋女個份.

---

作者: 龜痴    時間: 2012-5-10 23:36

kanhung 發表於 2012-5-10 23:31
回復 殺破狼 的帖子

我亦聽朋友及親人講過真有其事 .但我的保險是自己揀 ,亦試過約4次入院及意外都賠足比 ...

你和你屋企人入院率咁高...
看來真係有必要買保險...

---

作者: kanhung    時間: 2012-5-10 23:38
回復 jojo 的帖子

建議都有得念,,,而家銀行存$1000000...都無息..重係銀行借出去有 5-10厘息收歸佢自己 ,而家D銀行唔係幫市民...而係"湯"市民

---

作者: kanhung    時間: 2012-5-10 23:40
回復 龜痴 的帖子

入院個位人只有我咋....所以我要買....無計

---

作者: wel524    時間: 2012-5-10 23:43
回復 kanhung 的帖子

長期病定真係意外, 入院率都幾高WOW

---

作者: kanhung    時間: 2012-5-10 23:46
回復 wel524 的帖子

緊係意外.....長期病保險都唔X你啦.....

---

作者: leoyuchiu    時間: 2012-5-10 23:48
回復 kanhung 的帖子

醫療同意外保有需要，儲蓄保一定唔會做，搵笨，放定期都好過佢

---

作者: kanhung    時間: 2012-5-10 23:51


回復 leoyuchiu 的帖子

我都係咁話.....佢講嘅回報只是公司業績好才有......如果唔好嘅話.....佢就唔會講點計...只是話以前公司業績點好....唔會有事....雷曼都爆煲啦...

---

作者: wel524    時間: 2012-5-10 23:52
回復 kanhung 的帖子

我未買過醫療+儲蓄, 以前有諗過買醫療, 只係幫襯AXX(前排改左名X盛果間)買左份人壽危疾, 其實我指長期果D係普通病, 不是嚴重已被斷症果d eg胃病,如果之后入院照咩照麥有無得賠??

---

作者: kanhung    時間: 2012-5-10 23:58
回復 wel524 的帖子

好多病由佢話是否之前的病引致...如係就

---

作者: leoyuchiu    時間: 2012-5-11 00:01


回復 kanhung 的帖子

佢個儲蓄講到好多年後回報幾百%根本厄人
佢guarantee既可能得<1%，其他都係fluctuate，佢計比你份野係寫每年4-5%, 咁樣複式滾落去當然多，但係fluctuate果part分分鐘係0，變相你幾十年後得到既錢可能只係多左1x%，假設你放定期得1%，複式滾落去一定多過佢
其實諗都諗到，保險儲錢點會好

不過實說實說，保險係一定有用，醫療同意外，人壽唔需要幫細路仔買
不過最最最重要，買保險一定要搵個信得過唔會唔做，唔係變左孤兒單你就煩

---

作者: leoyuchiu    時間: 2012-5-11 00:04
回復 wel524 的帖子

要睇你買咩...佢入面有寫清禁...一定要睇清份保單
醫療正常係你睇醫生有得claim, 意外就住院有得claim..
我自己覺得意外保重要好多

---

作者: wel524    時間: 2012-5-11 00:26


回復 leoyuchiu 的帖子

做既職業危險易生意外? 我諗我自己做野就應該唔危險, 所以以前諗過買, 之后又唔買,
我諗我會危疾或者直接死多d

---

作者: JevinLee    時間: 2012-5-11 01:24
回復 kanhung 的帖子

買唔買真係要睇你負唔負擔得到
事實上年紀越細保費就越平
但係你那位經紀係叫你買咩保險先
如果係兒童保既話
都係承保到18 - 24 ( 視乎公司同埋類型 )
咁到你個女女去到年齡上限個時又可以拎番幾多呢 ?
同埋點解你唔揾個經紀同你做份理財分析評估下你既經濟狀況先去決定呢 ?
如果佢同你講有需要買你就買既話 , 多多錢都唔夠你買

---

作者: JevinLee    時間: 2012-5-11 01:33
回復 wel524 的帖子

CHING照你字面睇應該只係買左人壽加危疾
危疾間間都唔同，不過大多數都有四十幾、五十種
有D公司亦都有包非危險性疾病 ( 不過只係幾種 )
危疾只係你中左佢保單上指明既疾病都有得CLAIM
但係如果非保單上指明既疾病的話
你就冇得作出理賠

---

作者: JevinLee    時間: 2012-5-11 01:43
另外我叫好多CHING都話買左冇得賠
我都好明白，因為我爸爸多年前亦都係咁
但係其實保險公司有一個管理架構
當受保人OR保單持有人要申請理賠時揾唔到經紀
可以直接打去個間公司申請 ( 不過受保人OR保單持有人要自行去醫生拎一份保險索償報告 )
如果該公司都係唔受理既話
受保人OR保單持有人可以打去保險業聯會作出投訴
保險業聯會會對該公司作出訟裁
當然買個時一定要小心留意保險所包括同唔包括既野
如果經紀作出誤導或者暪騙成份
可以係簽保單後21日內取消保單
而所繳交既保險費都會全數發還
或者亦可以打去保險業聯會作出投訴

---

作者: wel524    時間: 2012-5-11 01:45
回復 JevinLee 的帖子

係呀, 有睇過, 如果中既話真係有得claim, 只可以話幫輕下, 本身份保險唔貴, 突然死既話, 除左佢列明幾種eg自殺, 都有得賠, 所以咪買左一份, 原本想買多份意外e '料' , 不過又覺得自己工作唔危險, 平日唔到唔郁得都唔去睇e生, 真係病到唔掂先會去, 但係有一排試過個個星期去睇e生, 不過d e生唔掂醫唔好, 抽血check過又無事, 次次去親都講費話, 普通病但係好困擾, 所以唔知買e'料'會唔會好d, 其實果時睇過費用都差唔多, 不如自己儲, 唯一意外既野就難講...所以寧願買危疾, 反正Check親都無事, 話唔定一黎就大大鑊, 連精神病中風之類果d都有得claim, 唔錯唔錯xd 希望如果到時中既話, 真係有得claim, 當然無事就唔想claim啦

---

作者: JevinLee    時間: 2012-5-11 01:52
回復 wel524 的帖子

CHING 你所講既醫療唔係一般人會買，好多都係公司買
平時d人會買個d係斷手斷腳斷指、燒傷、手術同住院先會用到
睇醫生有得CLAIM個D , 係好貴嫁

---

作者: wel524    時間: 2012-5-11 02:00


回復 JevinLee 的帖子

係呀, 不過我記得聽過果份之中好似有包平日睇e生果d套餐, 不過好似要去指定診所, 同埋每次去睇醫生可以claim最多唔知幾多百, 但係聽完又唔覺得自己會成日去睇醫生, 或者做手術果d, 費用話平唔平話貴唔貴,  覺得自己平日儲錢好過個個月供俾保險公司, 所以先响冷靜期退保, ching有無聽過尼d套餐, 包睇普通病既e'料'套餐?? 我唔記得係咪叫e'料'  , 覺得有d類似公司果d e'料'津貼

---

作者: JevinLee    時間: 2012-5-11 02:03


回復 wel524 的帖子

個D都係叫醫療 , 但係正常應該唔平囉
好多公司都有用既醫療福利

---

作者: wel524    時間: 2012-5-11 02:06


回復 JevinLee 的帖子

印象中好似個個月都二三百左右, 包埋意外, 好似叫意外e料保, 覺得費用真係話平唔平話貴唔貴, 不過本身在意供危疾人壽, 所以最后都唔要, 份危疾人壽好似話供夠十年有得攞息, 到十年先知啦, 不過見唔貴, 咪試下, 話唔定我响尼十年死鬼左, claim到咪賺, 主要想幫家人減輕殮'撞'費, 到時我死左係屋企人追啦

---

作者: JevinLee    時間: 2012-5-11 02:08
回復 wel524 的帖子

正常應該冇咁平囉 ! 我唔清楚你講個間公司當時係咪做緊推廣個d啦
係我做保險個時睇既資料應該冇咁平

---

作者: wel524    時間: 2012-5-11 02:11


回復 JevinLee 的帖子

應該係平, 因為我已經話供份危疾人壽(十分年輕既時候), 加上fd介紹, 本身佢果家人買開,
我就大病少, 普通病多, 所以都幾難搞, 或者小病是福, 太多就真係唔服,
我既諗法係 買危疾人壽, 我果時病到死下死下or死埋, 都係為左幫輕我家人, 家人自己追, 以少(金錢)博大,
而意外e料, 就係未死得, 執番條命果時要我自己追, 不如平日自己儲錢, 因為投保金都唔少, 計番好似無咁抵

---

作者: wel524    時間: 2012-5-11 02:23

wel524 發表於 2012-5-11 02:11
回復 JevinLee 的帖子

應該係平, 因為我已經話供份危疾人壽(十分年輕既時候), 加上fd介紹, 本身佢果家人買 ...

當然, 如果以樓主個 case, 危疾人壽果d就未必o岩, 只係同ching吹下水, 以自己個人既例子分享下睇法

---

作者: JevinLee    時間: 2012-5-11 02:33
回復 wel524 的帖子

我都係以我當初學到既專業知識去解答大家問題
比到大家意見我都開心既

---

作者: wel524    時間: 2012-5-11 02:36
回復 JevinLee 的帖子

其實講左咁耐, 你覺得買保險值唔值?? 而家唔係做保險果行? 憑良心wow 我就覺得如果真係claim到就值, claim唔到唔值

---

作者: JevinLee    時間: 2012-5-11 02:49
我覺得值 , 只不過係d冇良心既經紀做到負評咁多

---

作者: leoyuchiu    時間: 2012-5-11 09:13


回復 wel524 的帖子

唔係啊師兄，你有咩事要入院做手術/要留院果d係計落意外保度(醫療唔包)，通常住院都好貴，買份意外保有so，我自己都係做office工，買意外會平d
反而醫療公司有既話可以唔買咁多，你覺得要既話再+d危疾就perfect，我自己冇+危疾，就咁贀療意外每個月$5xx

---

作者: kanhung    時間: 2012-5-11 10:34
回復 leoyuchiu 的帖子

個人無可能保証到一路做落去 ,我都保証唔到自己份工啦

---

作者: leoyuchiu    時間: 2012-5-11 10:43
回復 kanhung 的帖子

係既師兄，所以要搵個做左咁上下既...
我唔會搵d後生，我果個係我媽咪個fd黎，40歲，有交帶 (保單逐條同我講，講左2 hours)
如果個agent冇交帶，真係要搵佢claim錢都幾煩，我而家出trip都成日搵佢買下旅遊保XD

---

作者: wel524    時間: 2012-5-11 11:05


回復 leoyuchiu 的帖子

我記得果時我加埋份意外E料, 每年只需$4XXX, 計番每月連五百都唔使 而家單係危疾人壽就每年$3XXX, 原來咁抵, 咁就應該買埋, 果時個SALE說(帥)我買番, 不過我聽過做手術果D, 諗住自己好少大病, 唔想買咁多, 意外果D, 本身自己唔鐘意周圍騰, 唔返工就係屋企, 而且揀親果D工穩穩陣陣咁意外既野又真係好難講, 果時都係諗自己比較后生, 想大少少先再買番

---

作者: leoyuchiu    時間: 2012-5-11 11:15
回復 wel524 的帖子

哇，咁你一年$4600好抵wo，我一年$6200定$6700
危疾佢叫我加都要$6200/年，你$3xxx好平@@

---

作者: wel524    時間: 2012-5-11 11:22


回復 leoyuchiu 的帖子

CHING唔講都唔知自己咁平, 仲話供夠十年有息收
咁我諗可能包既危疾唔同掛==我諗內容應該有唔同

---

作者: leoyuchiu    時間: 2012-5-11 11:26
回復 wel524 的帖子

咁可能係@@ 因為佢話我後生，已經好平

---

作者: wel524    時間: 2012-5-11 11:28


回復 leoyuchiu 的帖子

我係幾年前買落, CHING係咪而家先買? 通脹? 因為果時聽落差唔係幾多, 所以我先有諗過再買番, 如果而家買, 我諗未必咁平

---

作者: leoyuchiu    時間: 2012-5-11 11:33
回復 wel524 的帖子

係啊師兄，我岩岩買~~
我仲諗緊危疾買唔買，好似冇咩需要

---

作者: wel524    時間: 2012-5-11 11:40


回復 leoyuchiu 的帖子

咁無計啦而家通脹~係貴D啦, 我買到連間公司都改埋名, 下手接上手, 係平D啦果時係因為聽講有儲'束'成份, 有得退番$, 所以先買危疾人壽, 意外E料就無, 所以果時就 買左危疾人壽, 退保意外E料, 覺得入院機會低, 始終后生又唔係經常四圍騰, 鐘意'宅'在家多D, 除左返工有事出去, 比較少出外, 有假都休息, 唔想四圍去  所以諗想買E料多, 不過E料計番又唔多抵, 真係意外造成CLAIM果D E料先抵, 又或者突然要做手術

---

作者: kanhung    時間: 2012-5-11 11:48
我本身買咗約 15 年醫療 ,由$2xx 去X 到而家 $5xx ..加埋人壽儲蓄成 11xx 一個月 ,兩份同時一齊買。

---

作者: wel524    時間: 2012-5-11 11:50
回復 kanhung 的帖子

其實我果D都有每年加, 不過係自願性質, 肯加=息加, 拎到既息會愈多,
E料我未買過, 佢係咪強制加???

---

作者: tscwky    時間: 2012-5-11 11:57
摟主，為左夫妻和睦，早Ｄ買啦。

---

作者: kanhung    時間: 2012-5-11 12:12
回復 wel524 的帖子

佢話要追通漲 ,住醫之前每日 $600 而家要 $700 ,如果唔比....自已補貼差額 $100

---

作者: kanhung    時間: 2012-5-11 12:16


回復 tscwky 的帖子

因我個仔 5 歲先買 , 個女得 6 個月 ,我想跟個仔一樣到 5 歲才買 ,咁細個是否要咁早買,有無咁嘅需要 ,有無 Ching 可解釋到利及弊處 ,站响佢立場 (Sales) 緊係早D買好啦

---

作者: flower07223    時間: 2012-5-11 12:17
我一份保險都無買,side氣..
要儲蓄月供大陸基金好過,
有份首域基金,我供左10年百幾萬了

---

作者: wel524    時間: 2012-5-11 12:36


回復 kanhung 的帖子

其實可以了解下條款先, 聽完佢講先考慮, 事先講明只想了解, 未必買, 會考慮下, 到時自己衡量下再對比下, 因為聽番其實大家都有好多唔同既PLAN, 唔同既人 / 價格 都好大影响購買意欲, 覺得抵唔抵 或者 博得過先買, 其實買尼D, 就係要預先拎一筆錢出黎, 好似投資咁, 要先付出, 有一定風險, 聽多D比對下先考慮, 千祈唔好為左幫FD先買

---

歡迎光臨 香港龜友論壇 (https://www.hkturtle.org/)

Powered by Discuz! X3.2