香港龜友論壇

標題: 岩岩見到個關於被遺棄的巴西龜ge post轉左過來 [打印本頁]

作者: sing昇1378 時間: 2011-7-4 16:13
標題: 岩岩見到個關於被遺棄的巴西龜ge post轉左過來
3/6
今日0係涼衫架我發現左一個烏龜
見佢好慘，又差D跌落街.
我無養過龜，不過都想好好對佢，睇下有無人認領
大家可否教我點養呢種龜。
佢既眼係
白色既，唔知佢係咪病左。大家幫忙睇睇

5/6
養左幾日，見佢好似越來越差
今日走去D水族店，問下意見
得結論係
1。白眼＋眼炎
2。SHELL 有列，有真菌
3。有肺炎
4. 好弱，好有可能死

個老闆好好人。佢話我或者唔應該買咁多野比佢，因為佢好有可能好快死，因情況真係好差。但我真係唔希望見到一個生命就咁無左，雖然我唔喜歡烏龜。
所以最後，我花左大約＄550，希望烏龜會好反啦。

6/6
非常多謝大家。因為我唔係好會打中文，所以我無辦法复所有message。但係有D Update.
Last Night，我一直觀察個龜到朝早，同時，我都讀左好多好多有關龜既網站，印左好多論壇既資料。烏龜last night 仍然好虛弱，唔move, 又好大聲呼吸.
4個小時後，10am, 我起身睇睇，我發現佢似乎好好多，他既眼皮打開左少少。明顯身體強壯得多。( 4 肢）
我2pm 拿左佢D相去搵水族店老闆，睇下有無更多野可以做。佢非常驚訝，話好難得咁快有效。
有D照片分享比大家

雖然康復呢個過程會好長，但我而家好有信心。只要我再比心機D，個龜又比心機D，我信龜龜應該可以活下來.

9/6

今日一如平日，都係比個龜曬大陽。雖佢一日到黑都訓，但係曬太陽就會頭令令，爬下，有生氣好多。
我慣左比佢曬大陽幾分鐘，之後就滴眼藥水，同觀察下佢
點知個佢頭令下令下，爬下爬下，浮台跌左幾次落水，佢開左眼 !!
佢第一次見我，好似好驚，但係我模左佢一陣，佢就好放心比我模佢（好似好鐘意）
真係好開心呀我

我而家就比佢食黑藥，因佢傷風，係咁打噴嚏
仲有 Electrolyte & Vitamin D3
再用過瀘食水，過2 晚，再比 Water Conditioner 幾滴
一滴龜精靈（因佢不停甩皮& 指甲）
仲有 everyday 3 次滴 Zoomed 眼藥水
咁日日 10﹣11 曬太陽， 4-5 再曬

不過，佢仲係唔食野，仲有除左曬太陽，佢其餘時間都係訓 ! 要 + 油了

14/6

對唔住，尋日無Update 到，因為真係太累喇。
呢幾天，龜幾乎都係一樣，但係佢既眼睛無好似以前咁腫
除此之外，一切都係保持不變。
去左大圍，轉左3個車。Dr. Tiger 話龜仔有嚴重貧血，脫水，非常非常瘦弱。所以，龜仔需要anti-biotic，vitamin A，同fluid treatment。一次打3支針，3 日一次，共15針
我都無問錢，我既想法係，如果下個月用少D可以救反龜仔，我唔介意

但係，注射前，醫生話，如果烏龜過唔到呢次，唔好責怪自己。我成個呆左，一粒字都講唔出。幾秒鐘後，護士翻譯成中文，我想話可能聽錯都唔得，呢個時候先識心酸.眼都紅曬，一句野都講唔出。因我一直都想，我只要做好D，唔好孤寒，龜仔就okay,原來唔係.

之後我話比醫生知，如果烏龜會過唔到，我唔希望佢打咁多針，我只希望佢可以舒舒服服。DR。Tiger 話，針唔會傷害烏龜，而是比佢好D。咁我都 Okay 左.

但問題係我要每3日反來大圍一次打針，而我住在香港島。此外，醫生打針，每次需要180＄，佢明白，我花左好多錢比個龜仔。於是，佢Offer我今日免費打針，仲有星期五早D反工幫龜仔免費打針，真係好多謝佢。佢話佢好感動，呢個時侯，我心又好酸喇.

但係接下來3次既打針要我打喇。我一直係醫生房練習，真係好難，大家都知道，我很驚烏龜，呢個星期先克服恐懼.

最後，我問龜仔有幾大機會好反，醫生說只有5050，可能是51％，但唔係好多，要觀察佢既情況。
而而家我真係好擔心，唔係我唔想浪費我既付出，而係，我真係唔希望睇到龜仔死，我感覺到，龜仔係好想生存。

17／6

4am 做完野，立刻回家幫龜換水，浸Retoboost。
龜看成日都好疲累，唔知係咪因落雨，我試用d 燈比佢照下，佢就好似好D，起碼會開眼. 仲好似超人咁曬燈，我估龜仔如果係健康，應該係一個非常可愛既龜仔

7AM，我帶龜仔去大圍，見Dr. Tiger，佢說我睇落好疲累，再一次講,如果烏龜死左，唔係我既錯。世界係汰弱留強，人係，龜都係，如果龜過唔到，係佢既命運。

佢仲話，我可以唔打針藥，看看烏龜既反應，可能會好，又唔洗用咁多錢。
我估佢都認為烏龜會去喇, 見我無MUD 錢，都想我慳D.

我好唔鐘意呢種倒數既感覺

無論如何，好多謝大家支持, ESPECIALLY snowhkdiscuz, 按摩師!!
我帶左3針反黎，我會自己打，再update大家。而家，我身心都好疲累。

20／6

Sorry大家，咁遲Update 大家。再次多謝大家如此關心龜仔。
龜仔既病情非常反覆，眼睛大多都係唔開，好似昏迷左。皮膚變得非常非常dry。一樣野變既係，龜仔成日都叫，當我抱住佢，當我睇住佢，他就會走過來我呢邊，然後打開他的嘴，叫。係一D尖音。仲係不停叫。好費力. 似乎有野想話比我知，但我唔知道，或者可能係我想太多。不過真係唔知佢做咩呢幾日係咁叫.
我買左個龜陪下佢，我覺得可能龜仔會開心D，有個朋友，會想快D好反。看起來，都okay, 龜而家有時會游水，而我又花左450元+200元，買新既光UVA+ UVB燈，希望龜會喜歡。不過仲未得閒 Setup.
今日，我打左第三支針（第一次我打），好順利，不過打完龜仔好累。龜仔已經經歷左好多痛苦，打針後，龜仔立刻躺0係度，真係好弱。
我好心up, 我唔知仲可以點.
龜仔，我知道係好痛苦，我知道再打針，你會仲辛苦，但係我點可以明知有機會救到你都唔做? 應該點?
龜店老闆叫我向前看， dr. tiger 叫我唔好怪自己. 真係話咁易？
雖佢係一隻最普通不過既龜仔，幾蚊有交易，又唔係我買。但講真呢2星期，我一起身就係想起龜仔，訓又係想龜仔，好短既時間，本身好驚龜仔去到當佢係好朋友. 但係心理上，而家真係會好怕同龜仔越來越close, 因如果有咩野，我真係會崩潰！而呢一刻，我都感受到，龜仔真係會隨時走.

24/6

簡單update，我花左所有既錢買左新既缸+ fluval 瀘水器。（銅鑼灣老闆極力推介，只好相信）用埋新既ZoomedUVA+ UVB燈，我以為將有好大改善，但係無。其實基本上，老闆叫我買咩，我就算覺得唔洗，反到屋企見到龜仔咁，我都會覺得係因我無買0個一樣野，最後會死死地氣去買.
不過真係無錢喇。用左 4500$ 喇
接下來只有愛心喇

龜仔好似瘦左好多，仲眼又開始有D白色野，我好心急，日日用Qtips 清潔佢眼睛 +ZooMed
其實我真係懷疑係我唔識養龜
如果落0係大家手，龜仔命運應該會唔同。

仲有我覺得用左retoboost，龜仔好似弱左，條氣唔順。我而家一得閒就會massage 一下龜仔，佢會訓0係我手，不過就會呻吟，真係好苦。
大家覺得我仲好唔好用 Rotoboost?

26／6
百思不得其解
今日龜仔又幾精神。真係可能因大家不停既支持同祝福

今日開眼開左一日。無曬D叫聲，無再用口呼吸，真係唔知道做咩。
仲要一得閒就爬下個玻璃魚缸, 好想逃走咁
一拿起佢，又不停踢我，明顯有power 左

唔敢咁開心，只係會做反一樣既野。

仲有我有睇大家既意見。我有分開2個龜仔0係2個缸，只係曬燈會一起。應該okay 掛 …

28/6

朋友們，龜仔連續 3日無再龜叫，無時無刻開眼。昨日，我幫左佢打最後一針，之前幾針，一打完，第二日佢都會一日到黑訓，不過今日都好精靈, 明顯甦醒左!

唔止開眼走動，仲會無時無刻試圖逃離魚缸，仲要唔放棄。所以我估係一個好現象。

可能係我手勢太差，當我打針既時候，佢就賴尿。會心up, 但係又覺得係好兆頭，因為即係佢有飲多左水。

當然，我仍然好擔心。不經不覺，龜仔跌左落黎差唔多一個月喇，即係最少一個月無食野 (唔計之前樓上主人). 所以我仍然好擔心，始終唔食野都唔係辦法（其實真係瘦左好多)，但見到佢而家精力充沛，我又好安慰。：）
其實，仲有好多野要擔心，不過後話啦..

非常感謝大家。我一直無講出聲，其實論壇有好多好多好好既人MSG我，有D就話要寄野食比龜仔，又要買D野比佢試，又有人放假自願幫龜仔免費檢查，又有人甚至提出照顧龜仔，比錢帶佢去睇獸醫，睇到好就比反我，一蚊都唔洗我比. 你地知道我係講緊你地，唔開名喇。我衷心感謝你地。幫我周圍問人野，又周圍搵資料既，又post 其他forum 問野，我都好多謝你地. 無時無刻留言支持既朋友，感動過，流過眼淚既，我衷心多謝你地同我分擔.

好多人話，香港地人人都好自私，只睇自己利益，但我好想講，0係呢一個論壇，真係人間有情。真心的。多謝.

作者: sing昇1378 時間: 2011-7-4 16:14
本帖最後由 sing昇1378 於 2011-7-4 16:17 編輯

28／6
我正式同大家宣布龜仔開口喇

今日試比Zoomed 比佢食，一心知佢唔食
點知起勢食。而家一見有野食就游出去食！
開心!! 一個月既負出係值得
而家要知佢貧血食咩好..
開心開心開心開心!

4/7

Update 一下大家

Turtle 仔真係好左好多，真係無估到咁快
而家好大食，仲有好鐘意游水
日日都睇到佢有進步
一日比一日大食
而家想佢訓，佢都唔訓
一見我走過就要食野，好醒目
大家睇相就知道!
而家都係會日日 Massage 下佢
得閒就比小食佢食，因D forum 話turtle 夏天食唔夠，冬天會好易死
始終都係貧血＋太輕，都係要注意多D.
大家如果知道有咩野食比佢食係好，麻煩話我知