香港龜友論壇

標題: 可以分享一下照顧有病陸龜的方法, 技巧及及要注意的地方嗎 [打印本頁]

作者: toast 時間: 2011-11-12 18:04
標題: 可以分享一下照顧有病陸龜的方法, 技巧及及要注意的地方嗎
本帖最後由 toast 於 2011-11-15 23:36 編輯

自己是新手 - 發現從來沒有學習過如何照顧有病, 什至有重病的龜龜, 到龜龜有病時就手忙腳亂..
所以希望大家可以分享一下照顧病龜的方法, 技巧及要注意的地方 (醫生也會教一些方法)..
請分享不同的病例經驗, 致病成因, 病徵(如何判斷?), 治療方法(自己/醫生治療), 照顧時要注意的地方等.
為了讓大家可以更有系統的看到資訊, categories如下, 如沒提及的, 請加開..

1. 呼吸道 (傷風, 感冒, 鼻吹泡泡, 張開口呼吸, 流口水, 有異物阻塞鼻孔)
2. 腸胃 (拒食, 肚瀉水便, 生蟲, 結石, 消化不良, 大便不成形, 沒有大便, 排出腸壁, 食錯野, 營養不良)
3. 脫水 (缺水, 水腫)
4. 眼睛 (腫大, 流眼水, 眼屎，甚至粘住張不開, 時常單眼)
5. 面部腫大 / 咀部受損 / 耳部腫大 (咀啄太長)
6. 龜殼 (受損, 變形, 軟龜殼, 隆背)
7. 皮膚 (受損, 發炎)
8. 指甲 (受損, 過長, 斷裂, 感染)
9. 手腳骨頭 (受傷, 尾巴受損)
------------------------------------------------------------------------------------------------------------------------------------------------------
基本上龜龜有病最好第一時間帶佢去睇醫生 (以下的純熟經驗/案例分享)..

General Topics
@【薯片原创】陆龟常见疾病解答以及处理~几乎涉及全了~
@豆腐渣寵物: 豹龜常見的疾病~1 / 豹龜常見的疾病~2 / 陸龜感染后的治療對策 / 龜病認識和防治~1 /  龜病認識和防治~2 / 龜病認識和防治~3 / 常見的幾種龜病的預防和治療 / 龜病常用抗生素簡介 / 龜龜的病歷資料之濫用抗生素實戰篇 / 用中草藥防治龜鱉病害應注意方法 (同化學藥物與抗生素相比，用中草藥防治龜鱉疾病，具有安全性高、殘留少、成本低的好處。但這是建立在科學配方，對症下藥，規範應用基礎上的。然而近年來由于濫用，亂用，不科學規范應用中草藥防治龜鱉病出現的副作用已有不少.. e.g. 一、影響食欲阻礙生長二、腸道堵塞三、中毒死亡) / 飼料可以取代正常食物嗎? / 愛龜手札─飲食篇~2 (Q2 - 邱醫生的文章中提到最好飼料與疏菜各占一半的比例比較好(同一餐),視情況每一個星期補充一次維它命跟鈣粉) / 愛龜手札─飲食篇~3

1. 呼吸道 (傷風, 感冒, 鼻吹泡泡, 張開口呼吸)
@豆腐渣寵物: 理解和應對 “鼻水綜合症”－－RNS
@D-hero: 加溫, 黑藥
@toast 成因: 是因為浸完水沒完全弄乾, 被風zip親..
每天2次, Reptoboost暖水浸30分鐘, 用約35-38度的暖水幫他不停淋浴 (為了方便換水, 我在一個暖房內進行, 就好像沖熱水涼一樣, 浸完水用HON暖的毛巾包著他放回龜缸, 減低溫差以免再凍親), 龜缸溫度要熱D, 我較大約32度, 我發覺用這方法他隔天鼻水就收了(因為暖水淋浴加速了他的circulation), 多給他有營養的食物, 讓他補充營養體力..

2. 腸胃 (拒食, 肚瀉水便, 生蟲, 結石, 消化不良, 大便不成形, 沒有大便, 排出腸壁, 食錯野, 營養不良)
@豆腐渣寵物: 腸胃炎的防治 / 烏龜腸炎病的中草藥防治 / 關于體內寄生虫病的防治介紹 / 龜類的拒食
@D-hero: bac, 刷底甲, 浸水, 杜蟲 / 拒食: 加溫浸電解葡萄糖
@Norrishill: 浸38-40度熱水, 連浸兩個鍾, 餵食仙人掌同蘆薈. 大燈/中午腸光直接照射.. 有幾多時間照幾多. 加快佢身體活動
@windleave: 呢段時間，你可以按照38樓師兄(Norrishill)的方法做，加速腸道蠕動，希望能盡快排石到肛門口。
與此同時，你要加大濕度；餵金錢草車前草等利尿嘅食物；同時可以直接餵中成藥腎石通。
@權強: 先排我隻都有事, 但事前我唔知道, 有一個星期, 我係田到拎左好多車前俾佢食, 結果係果個星期, 我隻or左2粒石, 半徑1.2cm左右
@toast : 注意1: 小龜如吃了 "仙人掌 & 蘆薈", 很容易會肚瀉, 要小心份量使用..
         注意2: 刷底甲雖然可加速腸道蠕動, 但不要太大力壓底甲, 會傷及內臟..
@SunnyHill: 陸龜拒絕進食的原因 / 認識常見的線蟲與原蟲
@toast : 每天2次Reptoboost 暖水浸30分鐘, 檢查環境, 食物及龜龜有否脫水現象, 帶去醫生看有否需要杜蟲 (陸龜不適合糖份)

3. 脫水 ( or 缺水, 水腫 )
@D-hero: 浸電解葡萄糖

4. 眼睛 (腫大, 流眼水, 眼屎，甚至粘住張不開, 時常單眼 )
@D-hero: z字眼水,
@sunflower: 眼有白膜打唔開, 打開都只有眼白無瞳孔,  覆咗診幾次醫生一籌莫展, 最後建議我用人的眼藥水試下. 咁我搵做護士的朋友攞支眼藥水, 滴咗幾日對眼精零過我!  (一般眼藥水)
@toast 成因: 有說因為缺乏維他命A & E, 補充足夠, 醫生配的眼藥, 1天3次.
流眼水有可能是因為濕度和空氣流通的問題, 注意濕度要保持好, 太乾太焗都會導致流眼水.

5. 咀部 (受損, 咀啄太長)
@D-hero: 自己磨or幫佢剪葯水檢查底材係咪大塵
@windleave: 指甲剪及其附帶的小銼刀

6. 龜殼 (受損, 變形, 軟龜殼, 隆背)
@SunnyHill: 陸龜隆背 (Pyramiding) 的成因
@豆腐渣寵物: 烏龜壟背案例 / 有關龜類“喂食過度”

作者: windleaves 時間: 2011-11-12 18:07
哇～～～～大工程哇～～～
樓主一個帖子可以做死人呀～～

搬凳子學習～～～

作者: freemankapo 時間: 2011-11-12 18:10
期待有c hing分享...等學野中....@0@"

作者: Sunflower 時間: 2011-11-12 18:14
回復 windleaves 的帖子

我都要搬定凳子, 有好多我都未試過, 要認真學習吓先!

我只試過1/2/3/6, 近來都好似有D13, 扭親後腳, 宜家靜養緊!

作者: D-hero 時間: 2011-11-12 18:14
1. 傷風感冒 ( or 鼻吹泡泡, 張開口呼吸, 流口水, 有異物阻塞鼻孔)+溫黑葯睇醫生
2. 腸胃問題 ( or 肚瀉水便, 生蟲, 結石, 消化不良, 大便不成形, 沒有大便, 排出腸壁, 食錯野, 食左雜物 )bac 刷底甲浸水杜蟲睇醫生
3. 拒食 ( or 絕食 ) 加溫浸電解葡萄糖睇醫生
4. 脫水 ( or 缺水, 水腫 ) 浸電解葡萄糖睇醫生
5. 營養不良 ( or 太瘦, 只食很小量食物, underweight )浸電解葡萄糖睇醫生
6. 眼睛腫大, 流眼水 ( or 張不開, 時常單眼 )z字眼葯水檢查底材係咪大塵睇醫生
7. 面部腫大 ( or 受損 )睇醫生
8. 龜殼受損 ( or 變形, 軟龜殼 )睇醫生
9. 皮膚受損 ( or 發炎 )睇醫生
10. 咀部受損 ( or 咀啄太長 )自己磨or幫佢剪
11. 指甲受損 ( or 過長, 斷裂, 感染 )睇醫生
12. 耳部腫大睇醫生
13. 手腳骨頭受傷 ( or 尾巴受損 )睇醫生

作者: windleaves 時間: 2011-11-12 18:17

Sunflower 發表於 2011-11-12 18:14
回復 windleaves 的帖子

我都要搬定凳子, 有好多我都未試過, 要認真學習吓先!

除了7同13未玩過，其他都玩過唔止一次～（唔係我自己嘅龜）
but，唔好叫我寫，太長篇，我係懶人～

作者: D-hero 時間: 2011-11-12 18:19

toast 發表於 2011-11-12 18:04
因為自己發現從來沒有學習過如何照顧有病, 什至有重病的龜龜, 到龜龜有病時就手忙腳亂..
所以希望大家可以 ...

睇完醫生會教你嫁啦xd 如果作為一個龜主你中晒d咁既野我會一係叫你死左去一係你比左d龜人你唔好養喇......

作者: toast 時間: 2011-11-12 18:21
本帖最後由 toast 於 2011-11-12 19:01 編輯

回復 toast 的帖子

1. 傷風感冒 - 鼻吹泡泡, 張開口呼吸
成因: 是因為浸完水沒完全弄乾, 被風zip親..

我每天2次 - 用Reptoboost 暖水浸30分鐘, 其間用大約35-38度的暖水幫他不停淋浴 ( 為了方便換水, 我在一個暖房內進行, 就好像我們沖熱水涼一樣, 浸完水就用HON暖的毛巾包著他放回龜缸, 減低溫差以免再凍親 ), 龜缸溫度要熱D, 我較大約32度, 我發覺用這方法他隔天鼻水就收了( 因為暖水淋浴加速了他的circulation ), 多給他有營養一點的食物, 讓他補充營養體力, 多陪陪他, 他看見我就很安心的睡..

6. 眼睛腫大, 流眼水 ( or 流眼屎，甚至粘住張不開, 時常單眼 )
成因: 不夠維他命

醫生配的眼藥水, 1天3次.

眼睛腫大, 有說因為缺乏維他命A & E, 補充足夠.
流眼水有可能是因為濕度和空氣流通的問題, 注意濕度要保持好, 太乾太焗都會導致流眼水.

作者: windleaves 時間: 2011-11-12 18:23

D-hero 發表於 2011-11-12 18:19
睇完醫生會教你嫁啦xd 如果作為一個龜主你中晒d咁既野我會一係叫你死左去一係你比左d龜人你唔好養喇. ...

哈哈，師兄好直接，我中意
不過我估樓主唔係話會全部中晒咁多樣，只係未雨綢繆，知多d咁解

作者: Sunflower 時間: 2011-11-12 18:25
回復 windleaves 的帖子

要寫足真係差唔多論文咁長, 建議每人認頭寫一點算啦! ha.....

樓主好堅呀! 古今病龜事, 盡談一帖中!

作者: D-hero 時間: 2011-11-12 18:27

windleaves 發表於 2011-11-12 18:23
哈哈，師兄好直接，我中意
不過我估樓主唔係話會全部中晒咁多樣，只係未雨綢繆，知多d咁解 ...

中左6以下果d都要睇醫生啦!! 去到醫生已經會教你點做.....
除非好似果位賣病龜既c兄隻R爆左殼都唔睇醫生既姐

作者: windleaves 時間: 2011-11-12 18:33

D-hero 發表於 2011-11-12 18:27
中左6以下果d都要睇醫生啦!! 去到醫生已經會教你點做.....
除非好似果位賣病龜既c兄隻R爆左殼都唔睇醫生 ...

哇～～～爆殼？有無圖圖？八卦下～～

作者: D-hero 時間: 2011-11-12 18:39

windleaves 發表於 2011-11-12 18:33
哇～～～爆殼？有無圖圖？八卦下～～

無圖無真相! 不過賣病龜3日死左既POST仲係度! 黑胸葉3日內死亡XD
佢聲稱屋企人拎上手THAN失手趺落地 OH~爆左咁囉

作者: Sunflower 時間: 2011-11-12 18:51
本帖最後由 Sunflower 於 2011-11-12 18:52 編輯

回復 toast 的帖子

眼有白膜打唔開, 打開都只有眼白無瞳孔, 覆咗診幾次醫生一籌莫展, 最後建議我用人的眼藥水試下.
咁我搵做護士的朋友攞支眼藥水, 滴咗幾日對眼精零過我!

第二年又係咁, 睇過另一個醫生, 今次建議用花生油早晚搽眼,
搽咗一個體拜無料到, 又去搵朋友攞過, 三日後明亮再現!
所以到而家雪柜入面永遠有支係度傍身.

作者: toast 時間: 2011-11-12 18:54

D-hero 發表於 2011-11-12 18:19
睇完醫生會教你嫁啦xd 如果作為一個龜主你中晒d咁既野我會一係叫你死左去一係你比左d龜人你唔好養喇. ...

@D-hero : 問題係, 醫生的時間有限, 不會講太多, 主要是叫你回去覆診..
自己的經驗是我發現很多人都有很好的心得, 我自己也因為看到別人的分享而學識如何照顧我家傷風眼腫的小龜.. 而不用去看醫生.. 因為另外一隻小龜因醫生說他有感冒, 建議要打5支擴生素隔天打, 打完第2支針後, 小龜已捱不住針藥, 所以有陰影, 如果小病不太想去看醫生..

我就是因為唔想龜龜再有病, 所以我想知多D, 點解會有那些病, 病徵是什麼..?
先做好預防, 另外因為越早發現龜龜的病徵, 越容易治癒.. 多謝sunflower 的理解..

作者: D-hero 時間: 2011-11-12 19:02

toast 發表於 2011-11-12 18:54
@D-hero : 問題係, 醫生的時間有限, 不會講太多, 主要是叫你回去覆診..
自己的經驗是我發現很多人都有很 ...

咁樣如果6以下我就只係會叫你咪攪佢等佢靜養IS OK!如果有帶過龜龜OR其他動物去睇醫生
其實醫生真係會教你要點做 !醫生唔會怕你煩適可而止的話醫生都會講清楚你知番到屋企要點做! 有病而係自己能力以外既情況就更係睇醫生啦呢度只係D師兄們提供意見比你但唔係真正直接去即時幫到你D龜龜所以其實1-13我都會叫你帶佢睇醫生等醫生用專業意見去幫你好過有起事上黎晒時間上黎問點救會有效率小小/.\" 可能我唔識講野其實我只係有果句就講果句... 唔好怪我QQ

作者: windleaves 時間: 2011-11-12 19:16

花次郎個帖開正你個飯,又係時候你表演.

花兄你咪玩我啦~
我係大懶蟲一隻，叫我寫嘢不如叫我自殺仲快d～

作者: windleaves 時間: 2011-11-12 19:18

Sunflower 發表於 2011-11-12 18:51
回復 toast 的帖子

眼有白膜打唔開, 打開都只有眼白無瞳孔, 覆咗診幾次醫生一籌莫展, 最後建議我用人的眼 ...

係呀，好多時人用嘅藥好用過專門龜用嘅，一來成分相對安全而來效果也好。所以我好早已經唔買爬類專用藥了，唔想做水魚

作者: toast 時間: 2011-11-12 19:56
本帖最後由 toast 於 2011-11-15 14:00 編輯

D-hero 發表於 2011-11-12 19:02
咁樣如果6以下我就只係會叫你咪攪佢等佢靜養IS OK!如果有帶過龜龜OR其他動物去睇醫生
其實醫生真係會教 ...

我不是只想知道要如何治療及照顧, 也想知道成因嘛..
為什麼會導致有那些病.. 或者有什麼家居陷阱, 或很容易疏忽的地方也想知道..
如果可以預防, 就不會出事要去看醫生了...

e.g. 咀啄太長 - 可能吃得太多軟性食物..
指甲過長 - 可能因為沒有粗平的地方給他磨指甲..
面部腫大 - 可能是因為粉塵太多感染..
皮膚受損發炎 - 可能是因為底材有尖利的東西..
手腳骨頭受傷 - 可能是因為拿龜的方法不正確..

講真我的小龜眼腫了成個月我都唔知甘係叫做眼腫, 以為他的眼是這樣的..
他食得走得.. 如果無細心留意, 跟本唔知佢缺乏維他命.. 之後先知原來那是病..

作者: Sunflower 時間: 2011-11-12 21:18
回復 Sunflower 的帖子

toast 甘即係眼太乾? 請問護士朋友支眼藥水是for 什麼用的? 消炎? 潤眼? or 普通淚水..?

西醫診所唔係專科只得一款. 我估係普通眼藥水!

作者: Sunflower 時間: 2011-11-12 21:20
回復 windleaves 的帖子

係呀! 醫生話其實貓狗都係用人用嘅, 不過龜未試過咁解!

作者: windleaves 時間: 2011-11-12 22:00

Sunflower 發表於 2011-11-12 21:20
回復 windleaves 的帖子

係呀! 醫生話其實貓狗都係用人用嘅, 不過龜未試過咁解! ...

個醫生見識少～

作者: Sunflower 時間: 2011-11-12 22:04
回復 windleaves 的帖子

係呀! 佢自己都話唔熟爬虫

作者: windleaves 時間: 2011-11-12 22:37
本帖最後由 windleaves 於 2011-11-12 22:38 編輯

Sunflower 發表於 2011-11-12 22:04
回復 windleaves 的帖子

係呀! 佢自己都話唔熟爬虫

你唔係去睇爬醫咩？睇貓狗嗰dvet？不過我聽聞大圍間vet成日叫人安樂

作者: windleaves 時間: 2011-11-12 22:42

toast 發表於 2011-11-12 18:04
自己發現從來沒有學習過如何照顧有病, 什至有重病的龜龜, 到龜龜有病時就手忙腳亂..
所以希望大家可以分享 ...

即咁，阿樓主師姐，如果我要寫相關嘅嘢，你呢個直頭係現成嘅目錄呀

作者: toast 時間: 2011-11-12 23:45

D-hero 發表於 2011-11-12 18:14
1. 傷風感冒 ( or 鼻吹泡泡, 張開口呼吸, 流口水, 有異物阻塞鼻孔)+溫黑葯睇醫生
2. 腸胃問題 ( or 肚瀉 ...

- 請問什麼是黑葯?

- z字眼葯水 - 是這個嗎?
http://angel423.pixnet.net/blog/ ... %E8%97%A5%E6%B0%B4-

- 咀啄太長: 自己磨or幫佢剪 - 點磨? 用什麼剪?

作者: windleaves 時間: 2011-11-12 23:54

toast 發表於 2011-11-12 23:45
- 請問什麼是黑葯?

- z字眼葯水 - 是這個嗎?

指甲剪及其附帶的小銼刀

作者: toast 時間: 2011-11-13 00:01

windleaves 發表於 2011-11-12 22:42
即咁，阿樓主師姐，如果我要寫相關嘅嘢，你呢個直頭係現成嘅目錄呀

因為我覺得係呢個forum, 每日都有人問同樣的問題, 又有人重複地去回答那些相同的問題, 好唔effective.. 所以我想如有一個地方集中揾倒需要的資料會幫倒多D人.. 又不用一直搜尋那麼多duplicate 的 issues..

windleave: 其實我覺得你並不懶, 你一直有回覆別人的問題.. 你在這forum付出的時間心機真的不少... 只是如果可以有系統一點的寫出來, 可以用重覆解答的時間去研究多d其他更有趣的話題..

作者: windleaves 時間: 2011-11-13 00:14
本帖最後由 windleaves 於 2011-11-13 00:15 編輯

toast 發表於 2011-11-13 00:01
因為我覺得係呢個forum, 每日都有人問同樣的問題, 又有人重複地去回答那些相同的問題, 好唔effective.. ...

呃.....忽然間好有師姐feel 哦, 怕怕.....

即咁呀師姐,我不嬲混開另一個論壇嘅,不過呢段時間個論壇出左d問題,所以我先多出現係呢度咋~

我好同意師姐的想法同做法, 我都係咁諗, 而且我手上亦都累積左相當多嘅案例, 所以係舊壇我都post左一個叫做"陸龜常見病及其治療方法"嘅帖子,不過只開左個頭,就無心機寫落去了

.
再後來這個論壇改版, 嗰貼唔見左.......

寫呢d嘢真係要好有興致同埋要靜到心落黎, 現下我諸事繁雜, 難以定心寫；其次，我用開嘅藥，hk比較唔常見，所以未必有參考價值‘；再其次，hk嘅龜友比較騰雞驚青又特別信醫生（死啦，得罪好多人添

），我覺得我就算寫左都可能俾人插，吃力不討好之事，聰明人如我者，肯定係唔做滴，哈哈哈哈～～

作者: hyy 時間: 2011-11-13 00:54
回復 windleaves 的帖子

你打咁多字...就係想講"唔寫"係唔係

作者: windleaves 時間: 2011-11-13 00:55

hyy 發表於 2011-11-13 00:54
回復 windleaves 的帖子

你打咁多字...就係想講"唔寫"係唔係

知我者，h師姐也～～～

作者: toast 時間: 2011-11-13 00:57
本帖最後由 toast 於 2011-11-13 00:59 編輯

windleaves 發表於 2011-11-13 00:14
呃.....忽然間好有師姐feel 哦, 怕怕.....

即咁呀師姐,我不嬲混開另一個論壇嘅,不過呢段時間個論壇出左d ...

以我自己的經驗, 小龜有病,拒食.. 醫生都是對我說他可以做的很有限, 因為龜龜太小了..
所以我覺得如果有些飼主是有心的, 至少也有相關的資訊可以參考一下..
知道嗎, 只是8-9月, 我帶著龜龜一間一間的去找醫生醫他.. 什至一星期差不多天天去找醫生..
真的很失望.. 上forum找資料, 又發現太散, 太多其他話題, 需要太多時間去看那些重覆的主題..

龜龜不像貓狗會給你知道他不舒服, 往往到飼主發現時已經很嚴重了..
當飼主知道龜龜有病時, 心情一定很慌亂, 很擔心, 就算book vet 都要至少3-4日後, 如vet 放假了就更無助.. 我都試過了..

那在等待可以去看醫生的那幾天可以為龜龜做些什麼呢? 在那個時候還要每個 forum慢慢爬文, 問人, 再等人回答.. 大大浪費了龜龜得到適當照顧/治療的時間及機會..

所以我就有著這個很吃力不討好的想法.. 你能理解嗎..?

作者: hyy 時間: 2011-11-13 00:58
回復 windleaves 的帖子

咁你幾時浦返去"果個"壇呀

出聲呀~
唔係到我叫救命時都唔知邊個救我呀

作者: windleaves 時間: 2011-11-13 01:02

hyy 發表於 2011-11-13 00:58
回復 windleaves 的帖子

咁你幾時浦返去"果個"壇呀出聲呀~

兩個禮拜後應該有結果啦～
點會呢，我都會上黎度睇睇嘅～

作者: hyy 時間: 2011-11-13 01:04
回復 toast 的帖子

我理解...但有時都要明白..有時你依十幾個問題...
要答曬真係唔係一日半日可做曬..
我都有依D經驗....都係要反覆去試..又擔心又盛

...訓都訓唔好...

而可以既~不如問呀windleaves師兄拎電話NO. ...之後你打出黎,請師兄拍正可能會好一D WOW

作者: hyy 時間: 2011-11-13 01:07
回復 windleaves 的帖子

你睇下你(口既)...後面個~~~<=乎号

作者: windleaves 時間: 2011-11-13 01:08
本帖最後由 windleaves 於 2011-11-13 01:08 編輯

toast 發表於 2011-11-13 00:57
以我自己的經驗, 小龜有病,拒食.. 醫生都是對我說他可以做的很有限, 因為龜龜太小了..
所以我覺得如果有些 ...

。。。。。。。。。
師姐你文筆真係好。。。俾你講到我。。。。我自己都覺得自己好殘忍無道見死不救冷漠無情咁。。。

師姐，即咁，你嘅心情我明白，我都係從新手走過黎嘅，曾經為左黃緣爛甲而半夜三更狂風驟雨之下走去搵前輩救治，亦都曾經無奈睇住我第一隻星b奄奄一息。。。。好彩，死得兩隻啫，嘻嘻。巴西唔算啊，巴西同我相剋～～

咁啦，師姐，我應承你，但凡你嘅龜有咩問題，你可以隨時找到我。我一定盡力幫你，只要你信得過我。

因為我真係好少見到用心嘅飼主。

師姐，我pm我電話俾你，有咩問題，你隨時找我

作者: hyy 時間: 2011-11-13 01:13
回復 windleaves 的帖子

我呢我呢

~~~你重欠我地三個一餐TIM呀

~~~~~~~~

作者: windleaves 時間: 2011-11-13 01:22

hyy 發表於 2011-11-13 01:04
回復 toast 的帖子

我理解...但有時都要明白..有時你依十幾個問題...

我理解...但有時都要明白..有時你依十幾個問題...
要答曬真係唔係一日半日可做曬..

都得嘅，咪好似主樓做嘅咁樣咯，幾個字概括。。。。
但師姐要明白，隻隻龜嘅情況都唔同，所以需要親自觀察，此亦所以點解我成日叫人將d麻煩嘅病龜“送”俾我就係咁解。

不如問呀windleaves師兄拎電話NO

我打完37樓一大段，就見到你咁講，所以話，我幾時都話知我者，H師奶也～～～

作者: toast 時間: 2011-11-14 13:09

toast 發表於 2011-11-13 00:01
因為我覺得係呢個forum, 每日都有人問同樣的問題, 又有人重複地去回答那些相同的問題, 好唔effective.. ...

其實醫生對我說, 他養龜很多年, 他也是餵油麥菜, 蕃薯葉, 白菜仔, 完全沒問題, 可加龜糧, 鈣粉就可以, 反而他對野菜, 山草就有所保留, 他說因為暫時還沒有根據..

作者: ah林-3- 時間: 2011-11-14 17:03

toast 發表於 2011-11-12 18:04
自己發現從來沒有學習過如何照顧有病, 什至有重病的龜龜, 到龜龜有病時就手忙腳亂..
所以希望大家可以分享 ...

多謝分享XDD

作者: ah林-3- 時間: 2011-11-14 17:05

windleaves 發表於 2011-11-12 18:17
除了7同13未玩過，其他都玩過唔止一次～（唔係我自己嘅龜）
but，唔好叫我寫，太長篇，我係懶人～

有時我都想打一啲長既帖,但又太懶.但同時又可以拎到分!!
最後..緊係無打出黎啦.
原因得一個.

懶!!

作者: ah林-3- 時間: 2011-11-14 17:08

toast 發表於 2011-11-12 19:56
我不是只想知道要如何治療及照顧, 也想知道成因嘛..
為什麼會導致有那些病.. 或者有什麼家居陷阱, 或很容 ...

咁你最後比左啲乜菜佢食,再好番??

作者: ah林-3- 時間: 2011-11-14 17:11

windleaves 發表於 2011-11-13 00:14
呃.....忽然間好有師姐feel 哦, 怕怕.....

即咁呀師姐,我不嬲混開另一個論壇嘅,不過呢段時間個論壇出左d ...

咁我又吾會衰到要插你,因為我都認同你最後咁講.!!!

作者: ah林-3- 時間: 2011-11-14 17:14

windleaves 發表於 2011-11-13 01:08
。。。。。。。。。
師姐你文筆真係好。。。俾你講到我。。。。我自己都覺得自己好殘忍無道見死不救冷漠無 ...

我呢我呢,我都好比機架.

作者: windleaves 時間: 2011-11-14 17:18

toast 發表於 2011-11-14 13:09
其實醫生對我說, 他養龜很多年, 他也是餵油麥菜, 蕃薯葉, 白菜仔, 完全沒問題, 可加龜糧, 鈣粉就可以, 反 ...

佢養咩龜？
佢見識少，叫佢上tortoise trust 睇人地d research結果

作者: windleaves 時間: 2011-11-15 00:50
回復 toast 的帖子

係? 咁你問佢，野生陸龜係咪要轉食油麥菜

作者: Norrishill 時間: 2011-11-15 01:51
1. 傷風同感冒係兩樣野.. 鼻吹泡泡, 張開口呼吸, 流口水, 有異物阻塞鼻孔.. 好可能只係傷風.

感冒係長時間訓.. 唔一定會鼻吹泡泡, 張開口呼吸, 流口水, 有異物阻塞鼻孔... 等

作者: toast 時間: 2011-11-15 09:29
本帖最後由 toast 於 2011-11-15 09:44 編輯

windleaves 發表於 2011-11-15 00:50
回復 toast 的帖子

係? 咁你問佢，野生陸龜係咪要轉食油麥菜

@windleave兄 - 你是對的.. 但以香港各方面資源有限的情況下, 暫時我也只可以是龜糧, 鮮牧草, 油麥菜, 蕃薯葉做主食, 有時餵車前草及大紅花葉, 但我發現大紅花葉對小龜來說太硬了暫時不餵..

另外我自己也一直找資料, 想去學多d, 種多d唔同草比龜龜食, 希望龜龜可以健康成長.. 所以我一直看你的post, 會一直學習, 只要不是太高難度的... 因我不是很聰明的那種人.. 好似waiman兄一直解說的UVB, 光距離問題, 我到現在也攪不懂.. 有空也想請教你...

歡迎光臨香港龜友論壇 (https://www.hkturtle.org/)