香港龜友論壇

標題: 最近心情不佳，又開始沉迷某d人同事………唉... [打印本頁]

作者: old100200300 時間: 2011-9-17 01:27
標題: 最近心情不佳，又開始沉迷某d人同事………唉...
感情煩惱，心情忐忑......煩左好耐......依舊不知如何解決....

最新又沉迷於某人.........年紀唔細,但依然想法行為幼稚.....但有時又心境蒼老....

唔知點算.....

唔知講乜好.......

連照顧愛龜嘅時間都少左............冇咁細心.......我可以點做????

作者: 退灰 時間: 2011-9-17 01:31
莫非樓主發情期

作者: old100200300 時間: 2011-9-17 01:36
回復退灰的帖子

唔係，總之好煩.......又唔知點講,近排迷上左某明日之星,心情反而好左..但又覺得自己好無聊.......最慘連自己d龜都忽略左...好心痛自己咁對自己d愛龜!!

作者: ahlong3 時間: 2011-9-17 01:39
本帖最後由 ahlong3 於 2011-9-17 01:41 編輯

感情煩惱都係要時間沖淡姐,唔洗咁唔開心喎,照顧返d愛龜先喇

作者: 退灰 時間: 2011-9-17 01:41
仲以為咩感情煩惱.....................

作者: 灰太狼 時間: 2011-9-17 01:46
講出黎聽下

作者: old100200300 時間: 2011-9-17 01:46
回復退灰的帖子

係真係有感情煩惱,但係唔知點解決,亦唔想同人講.......我男友對我係好,但我真係好懷疑佢係咪真係愛我,有時間就搵我,冇時間就唔理我,唔會打比我,我為佢付出過幾多,佢又點對我?我覺得我有男友=冇男友,心淡!!我睇唔倒我地有將來!!佢反而覺得一d問題都冇!!講又講過,佢根本冇聽入耳!

本來好煩,好唔開心,但係迷近排迷上左某明日之星,心情反而好左..但又覺得自己好無聊.......咁大個人都好鐘意迷明星(唔係好多,得幾個係真心鐘意,淨係鐘意呢幾個,其他唔睇唔理).....好幼稚咁...

問題一大堆,冇人幫到我.....

作者: old100200300 時間: 2011-9-17 01:47
回復 ahlong3 的帖子

我都想,最心愛就係幾隻寶貝龜!!呢幾日連曬龜都冇心情!!浪費哂咁好陽光......

作者: 退灰 時間: 2011-9-17 01:50
回復 old100200300 的帖子

原黎你係女嘎.
答案好現實，亦好簡單，明顯你男朋友就冇擺你係心入邊.
迷明星冇乜，明白係無聊睇得開就好，只不過係個精神寄托遮

作者: kkiop 時間: 2011-9-17 01:52
順其自然

作者: old100200300 時間: 2011-9-17 01:59
本帖最後由 old100200300 於 2011-9-17 02:01 編輯

回復退灰的帖子

一向都係女,個個都以為我係男.............

7年幾感情,何去何從? 呢一個星期冇見佢,我心情好好,睇下自己心愛嘅人同龜,上星期我先為隻龜同佢嘈,隻龜係佢買,佢冇理,一向都係我照顧,我叫佢上星期同隻龜洗濾桶(個桶塞哂咁滯,水流勁慢),一日佢又話要打波,一日又話同同事食飯,唔得閒,個個禮拜都打2日,打少一日波會死?一早叫過佢教我點洗點拆個桶,又唔教!!呢個星期我冇搵過佢!佢only打過2次電話黎,我冇聽,sms,email又冇,次次唔叫佢道歉,佢都唔會say sorry,激嬲人又扮冇事!!

我真係好嬲!!!

作者: yuk郁 時間: 2011-9-17 02:01
感情事冇得迫合則來不合則去
c姐要珍惜青春
唔好花時間去做不必要既事
加油

作者: 汀汀 時間: 2011-9-17 02:02
如果佢真係鐘意你既佢一定會為你改變..
命里有時終需有..
命里冇時莫強求..

作者: kkiop 時間: 2011-9-17 02:03
越諗只會越煩

作者: 退灰 時間: 2011-9-17 02:05

old100200300 發表於 2011-9-17 01:59
回復退灰的帖子

一向都係女,個個都以為我係男.............

唔通你想繼續7年？你今年貴庚？
你有幾個7年好浪費？你覺得同佢再多7年又可以點？

作者: old100200300 時間: 2011-9-17 02:11
我冇強求,一向都鐘意一個人生活,上星期,我屋企人去左旅行,成間屋得我一個人同一隻狗同四隻龜,我生活不知幾自在!!!做乜都得,我洗乜求佢同我一齊,唔知係咪當初我對佢講過話我鐘意佢(女仔唔好亂同人表白),咁就一齊左,佢根本冇珍惜我,我為佢付出幾多,我唔係要佢講多謝,亦唔係要佢感激我,我只係好低要求咁至少要佢好聲好氣咁對我!!!!!!!例如煮左野佢食,佢只係會話煮咁多,食唔哂,黑哂面咁,我冇要求佢要讚好食,洗唔洗咁呀?黑哂面,唔食咪算囉,煮同洗唔辛苦???

我試過因為佢成日對我愛理不理,佢唔搵我,我咪唔搵佢囉,點知佢可以半年冇出現,冇電話打過黎,到佢出現時,佢話會改,乜都得,而家又算係點呀???

話就話男女朋友,連出街拖下手都冇,我見人拖手行街都唔知幾羨慕(咁普通嘅野我都要羨慕),連一句愛我都冇講過!!淨係識比錢食飯睇戲......

佢家姐聽日結婚,我唔知去唔去好,佢咁樣對我同我d龜龜,我真係仲應該同佢一齊咩???

作者: 汀汀 時間: 2011-9-17 02:15

old100200300 發表於 2011-9-17 02:11
我冇強求,一向都鐘意一個人生活,上星期,我屋企人去左旅行,成間屋得我一個人同一隻狗同四隻龜,我生活不知幾 ...

我覺得你地真係要傾下...
半年冇搵大家WO..
真係好有問題..
吾好再拖..
你已經拖左半年..
再拖對大家都吾好..
你應該搵個識得珍惜你既人..
而吾係一個掛名男朋友。

作者: dee888 時間: 2011-9-17 02:17
咁樣計續落去唔會有結果,一星期打得2次電話比你,證明佢都唔緊你~~

作者: 退灰 時間: 2011-9-17 02:18
回復 old100200300 的帖子

仲使乜講，都根本唔介意你，仲衰過拍散拖.
講得難聽真係當你係...............
你自己都明嘎事，只不過你唔敢做決定.
我去沖涼仲好過

作者: old100200300 時間: 2011-9-17 02:20
回復汀汀的帖子

唔係而家嘅半年,係早兩年嘅半年佢冇搵過我,我又賭氣唔搵佢,點解佢竟然真係可以半年唔出現!!我都好後悔點解我要接受返佢!我當面講過,寫過email幾多次,佢邊一次有聽,當過我係乜, 所以我咪唔想搵佢,唔想再理佢, 嬲到都唔識再嬲咁滯..

煩就煩在佢家姐聽日結婚,我阿媽話會去飲,我真係唔想去囉!!

作者: yuk郁 時間: 2011-9-17 02:21

old100200300 發表於 2011-9-17 02:11
我冇強求,一向都鐘意一個人生活,上星期,我屋企人去左旅行,成間屋得我一個人同一隻狗同四隻龜,我生活不知幾 ...

…你地根本唔似情侶
半年都唔搵你
你仲要佢做咩…
先下手為強…
c姐比d自信自己
唔好靠呢個男人啦
天下間大把男人~
佢似當你水泡多過女朋友…
出街拖下手都冇…
比我真係忍唔到

作者: 汀汀 時間: 2011-9-17 02:22

old100200300 發表於 2011-9-17 02:20
回復汀汀的帖子

唔係而家嘅半年,係早兩年嘅半年佢冇搵過我,我又賭氣唔搵佢,點解佢竟然真係可以半年唔出 ...

其實..我估你心里面有決定的..
只係你吾肯去面對姐...

作者: dee888 時間: 2011-9-17 02:26

old100200300 發表於 2011-9-17 02:11
我冇強求,一向都鐘意一個人生活,上星期,我屋企人去左旅行,成間屋得我一個人同一隻狗同四隻龜,我生活不知幾 ...

如果你唔去就叫埋你阿媽唔好去,你唔去到時攪到你阿媽比人問長問短你去左邊~

作者: 逍遙人 時間: 2011-9-17 02:31
有時人就係咁,
明知但又唔捨得,
唔知擁有和愛嘅分別....
凡事都係隨缘吧

作者: dee888 時間: 2011-9-17 02:33

dee888 發表於 2011-9-17 02:17
咁樣計續落去唔會有結果,一星期打得2次電話比你,證明佢都唔緊你~~

講真退灰講得岩,你而家仲衰過拍散拖,拍散拖都至少每日1個電話喇扮下關心緊張下你都要喇~~
你講得出想放手就證明你有左決定,只不過係睇你會唔會咁做~~

作者: old100200300 時間: 2011-9-17 02:35
回復 dee888 的帖子

我叫左佢唔好去, 佢又話要去,我都話仲去黎做咩,我真係好心淡,聽下歌,睇下龜,上下網不知幾寫意,我真係SIDE左好多時間,我估我唔去,佢都唔會打電話黎叫我去.....

作者: old100200300 時間: 2011-9-17 02:38

逍遙人發表於 2011-9-17 02:31
有時人就係咁,
明知但又唔捨得,
唔知擁有和愛嘅分別....

就係咁多年都冇一次可以徹底狠心,先拖左過耐,曾經開心過又如何?佢今時今日點對我,我又有咁下場,有咩好結果?就係得個柑,我點解咁傻仲要信佢?

作者: 汀汀 時間: 2011-9-17 02:41

old100200300 發表於 2011-9-17 02:38
就係咁多年都冇一次可以徹底狠心,先拖左過耐,曾經開心過又如何?佢今時今日點對我,我又有咁下場,有咩好結 ...

味就係囉..
決絕的..

作者: dee888 時間: 2011-9-17 02:42

old100200300 發表於 2011-9-17 02:35
回復 dee888 的帖子

我叫左佢唔好去, 佢又話要去,我都話仲去黎做咩,我真係好心淡,聽下歌,睇下龜,上下網不 ...

咁你阿媽堅持要去都無計~~

你如果真係放得低咪好law,唔好諗咁多喇,留返D心情照顧下龜龜仲好喇~~

作者: 逍遙人 時間: 2011-9-17 02:45

old100200300 發表於 2011-9-17 02:38
就係咁多年都冇一次可以徹底狠心,先拖左過耐,曾經開心過又如何?佢今時今日點對我,我又有咁下場,有咩好結 ...

去找個懂珍惜自己嘅人前,
先學懂珍惜自己呀,
妹妹

作者: old100200300 時間: 2011-9-17 02:50
回復 dee888 的帖子

我阿媽可能會一定要我去,而家唔想諗咁多,聽日曬左龜先,都係聽日先算啦,而家聽多一陣歌,早D訓,其實我而家心境好平靜,有咁多心愛嘅龜龜陪我,又有咁多好歌聽~

明天嘅事明天先算................

作者: dee888 時間: 2011-9-17 02:55

old100200300 發表於 2011-9-17 02:50
回復 dee888 的帖子

我阿媽可能會一定要我去,而家唔想諗咁多,聽日曬左龜先,都係聽日先算啦,而家聽多一陣歌 ...

咁你即係逃避緊遮

作者: 退灰 時間: 2011-9-17 03:29

沖完涼發現個結果居然仲係咁............

作者: dee888 時間: 2011-9-17 03:33

退灰發表於 2011-9-17 03:29
沖完涼發現個結果居然仲係咁............

佢講得出想放手算好左D架喇~~

作者: 退灰 時間: 2011-9-17 03:39

dee888 發表於 2011-9-17 03:33
佢講得出想放手算好左D架喇~~

一般咁様反而唔會咁易放手，見得太多，經驗之談

作者: dee888 時間: 2011-9-17 03:47

退灰發表於 2011-9-17 03:39
一般咁様反而唔會咁易放手，見得太多，經驗之談

哈哈...話哂行左咁耐唔甘心~~

作者: KaukcE 時間: 2011-9-17 05:00

old100200300 發表於 2011-9-17 01:46
回復退灰的帖子

係真係有感情煩惱,但係唔知點解決,亦唔想同人講.......我男友對我係好,但我真係好懷疑佢 ...

寧教人打仔莫教人分妻！感情係要雙方泥衛系（唔記得點寫！）
遇到問題就平心靜氣D，兩個坐低慢慢傾。嘈完交都係！坐底傾
好多時大家勞氣講野都會唔收，傾完先知係一時以氣，但對方又覺得好傷！
有D結左婚十幾年都唔識理樣野！最後離婚收！
依我所見！你唔係好識同男友相處，如果我係你男友我都會選擇去打波或者……
你地兩個都係到逃避！
我都係女仔！我唔系唔幫你！不過唔想你因為人地既一兩句而放棄段感情！
你自己谂下讵有無做過D令你好開心/感動/窩心既事?最重要係錫唔錫你！你要唔想再一齊拍拖？就算會好開心！
如果答案全部都係否！甘就……

作者: KaukcE 時間: 2011-9-17 05:06

KaukcE 發表於 2011-9-17 05:00
寧教人打仔莫教人分妻！感情係要雙方泥衛系（唔記得點寫！）
遇到問題就平心靜氣D，兩個坐低慢慢傾。嘈完 ...

睇哂先知！我都係教你分妻啦

作者: hot 時間: 2011-9-17 07:28
如果您係愛對方,您就要主動D,
甘落去,您同您男朋友只會無疾而終

同佢溝通多D啦

作者: sukky 時間: 2011-9-17 09:14

old100200300 發表於 2011-9-17 01:46
回復退灰的帖子

係真係有感情煩惱,但係唔知點解決,亦唔想同人講.......我男友對我係好,但我真係好懷疑佢 ...

你應該坦白同佢講返件事..

作者: ron410 時間: 2011-9-17 09:17
更年期

作者: 一夜白髮 時間: 2011-9-17 09:53

old100200300 發表於 2011-9-17 01:46
回復退灰的帖子

係真係有感情煩惱,但係唔知點解決,亦唔想同人講.......我男友對我係好,但我真係好懷疑佢 ...

當你的眼光只放在他身上的話...你看不到其他...
老實說如果你是25歲以上的...請你盡量keep著他....然後找其他後路
因為你的30歲大限快將降臨...如果年齡超過30的話"質素"與"價值"也會有所下降
所以現在並不是談論失戀問題的時候,你應該把這一個步驟跳過...
多點去認識有希望的男生,要記著!!! 你認識一個怎樣的男生,你的將來就會過怎樣的生活

在以前我有一段很長的時間是做塔羅牌師的,
我的客人大多是中女或是熟女....我見過無數可憐的客人....
三十歲過後找不到好男人結婚的,如果不是很有錢....獨過的生活將會很地獄...
所以...現在是緊張時刻,請你打起精神!!! 拖著他找你認為更好的....
因為...沒有任何事...比你自己將來往後幾十年的生活更重要...
女人始終有個家比較好....

愛始終會變....

就算我有多愛我老婆....如果一天,林志玲帶著幾千萬身家來找我...我也是會變心的
就算你有多愛你男友......古天樂帶著幾千萬來找你,你也是同樣會變心的....

相信我....現實一點....怎樣也是對你自己有好處....

作者: 一夜白髮 時間: 2011-9-17 09:55

old100200300 發表於 2011-9-17 02:20
回復汀汀的帖子

唔係而家嘅半年,係早兩年嘅半年佢冇搵過我,我又賭氣唔搵佢,點解佢竟然真係可以半年唔出 ...

當然要去,呢d叫劇情需要

作者: johnny3382 時間: 2011-9-17 10:13

yuk郁發表於 2011-9-17 02:01
感情事冇得迫合則來不合則去
c姐要珍惜青春
唔好花時間去做不必要既事

X 2 支持師兄觀點

作者: old100200300 時間: 2011-9-17 11:59
哈！今日心情大靚！wonderful~~我嘅明日之星感謝我對佢嘅支持~~~

我決定左會去飲，但唔係因為我男友，我只係比面佢屋企人！我今日唔會彩佢，但我還未決定應該要點做，我真係睇唔倒我地有共識、有將來！我唔係逃避，只係唔想今日係佢家姐結婚嘅好日子去破壞人地嘅氣氛，要遲d先同佢講清楚，我唔想比呢個人影響我今日咁靚嘅心情~~

歡迎光臨香港龜友論壇 (https://www.hkturtle.org/)