香港龜友論壇

標題: (有關龜) 你見過如此乞人憎嘅人嗎?嬲到爆!!入黎一齊鬧爆佢!! [打印本頁]

作者: old100200300 時間: 2011-8-29 12:49
標題: (有關龜) 你見過如此乞人憎嘅人嗎?嬲到爆!!入黎一齊鬧爆佢!!
事緣我每日除左落雨同有特別重要嘅野做,否則我每日都會帶幾隻水龜落屋企樓下個公園曬太陽, 個公園冇乜人, 除左清潔人員同拾荒者, 偶然只有好少人經過, 或者有人放下狗咁,連公公婆婆喺公園吹水發呆都冇...........

日日我都會帶幾支水同報紙(3張ONLY,唔係一大份)連幾箱龜落去曬龜........................D報紙用黎墊住個膠箱, 唔想整污嘈個箱底,唔會放任何龜出黎行,曬完龜就攞返哂所有野返屋企,唔會留低垃圾, D報紙就會掉落等LIFT大堂個垃圾箱,事關呢個公園仔係冇垃垃筒........只有一個勁臭同濕嘅垃圾房,除非你係清潔人員同拾荒者,否則唔會有人入去.....另一邊就有個大型傢具棄置場, 丟D SOFA, 櫃同床之類嘅野.......

如此曬龜習慣,日日如是...可是問題黎啦..........但係呢幾個月就發生咁嘅事........

有個喺大堂負責抺LIFT同大堂嘅女人(40歲左右, 佢日日抺,我日日曬龜,所以成日都見倒佢),佢見我掉D報紙落大堂個垃圾箱,有一日佢同我講:「你唔好掉D報紙落個垃圾筒, 唔洗執, 由出面D垃圾佬執,唔好掉入黎!!!」

我心諗,掉報紙落垃圾筒有咩問題?? 放完狗,狗屎都有人掉落去啦..........冇理佢...........日日照掉可也............

又一日,個女人又同我講唔知咩野,總之就係叫我唔好再掉報紙,我已經唔記得左...............

呢個女人知道我日日曬完龜就掉D報紙落垃圾筒,就算佢唔出聲話我, 日日都眼甘甘咁啤住哂..........好乞人憎!!!!!!!!!!我已經冇出聲,冇理佢,因為我平時都係好少講野果種人,更加唔會鬧人........佢唔知係咪見我好蝦,唔出聲,日日啤鬼住哂, 我已經好嬲.....但都冇理佢!!

點知又一日,個女人戴住口罩喺度細細聲講:「又掉報紙真係乞人憎!!!!!」佢其實都唔係細細聲,我耳力又特別好,平時好細微嘅聲音我都聽到,況佢係特登講!!!!!

此時,我真係好嬲!!!!!!!!!!!!我又唔係做咩犯法野,洗唔洗咁呀?? 掉垃圾落垃圾筒天公地道,有咩問題,何況都係3張好薄,又唔係成份報紙,有咩唔得??聽佢講留底喺出面先死,唔好講亂掉垃圾要罰$1500,咁冇公德心嘅野我唔會做!!!!!

我同我阿媽講,佢都唔鐘意,話同我去管理處投訴佢, 管理處個男人同女人都話佢唔啱,同佢上頭反映, 但唔會係講我地掉報紙件事,係同所有清潔工人講,唔好話唔比人掉垃圾!!唔係會暴露投訴人身份,心諗我怕佢咩,係投訴佢O架啦, 日日啤鬼住哂,又鬧人, 嬲到死!!!

之後,又係如常曬龜,點知佢唔知係咪知我同阿媽投訴過佢, 我尋日曬完龜, 攞住幾箱龜同背住一個袋(仲邊有手可以帶D報紙返屋企,況且個地下咁污嘈,仲帶返屋企咁遠??), 個女人用張細"登"(小朋友果D細CHAIR)企喺度抺個鐵閘,佢見我遠遠行緊過黎,佢竟然特登搬張細"登"過另一個鐵閘,喺度左抺右抺,用完一塊布抺都唔夠,仲攞另一塊再抺!! 唔比我入!!!我企左喺度一分鐘有多,期間已按過一次個密碼,佢唔走開, 我再按第二次,試下隔離果塊鐵閘睇下開唔開倒,我知其實應該唔得,辜且試下,點知真係唔得!!!佢仲係特登係咁抺,明明抹過又抹,仲唔走開, 此時我已經忍冇可忍!!!!!!!!終於爆發!!!!!!!!!!

我話:「你抺夠未??明知有人要行就特登左抹右抹,阻住哂!!!!!!!」佢終於冇聲出,捨得行開比我入!!!!!!!!

我知佢係特登唔比我入,原因有三:

1.佢一定係見倒我遠遠行過黎,想入去, 因為佢個頭係轉左過黎,望到我先特登搬張細"登"過黎阻住,唔比我入!!

2.因為冇LIFT,企左喺度等, 個女人繼續抺,後來有個男人同一個後生仔想入黎,人地冇出聲,佢又自動走開比人入!!!!!!!!

呢個女人真係乞人憎到爆, 掉報紙落垃圾筒有咩問題!!日日啤住哂,仲開口鬧人!!而家仲專登報復, 見我攞住幾箱龜要返屋企,就阻住我,唔比我入去!!!!!!!嬲到爆炸!!!!!!!!!!

大家覺得如何??我真係嬲到飛起, 一齊嬲爆佢!!!!!!

作者: 龜友 時間: 2011-8-29 12:56
或者佢同d報紙伯伯,雜誌婆婆有利益掛鉤...

作者: 古蘭修 時間: 2011-8-29 12:58
我會去投訴佢態度不佳(管理公司/房處)

作者: samuelyam 時間: 2011-8-29 13:01
我禁多左第5個tim sor!!!!!!

作者: 黃狗 時間: 2011-8-29 13:01
,踩佢都傻la

作者: brian912452456 時間: 2011-8-29 13:04
佢日日啤你就日日啤番佢

佢一啤你你就話佢:「啤咩呀啤,死x婆」/叫你呀媽同你一起曬龜,佢一啤你你就叫你呀媽話佢/日日串7佢,睇下佢啤唔啤你/叫全部龜友一起去你果邊曬龜,睇佢啤唔啤你

作者: 啊橙 時間: 2011-8-29 13:04
同佢講，你而家有呢份工做係班住客交管理費，公司先有錢請你番黎做。呢D工大把人掙住做，我諗你公司唔會為左一個無關痛癢既人而得罪客人。而且清理垃圾桶係你既工作，唔係請你番黎做咩啊?你一係就做，一係就等炒魷。

作者: 仁仔 時間: 2011-8-29 13:05
你下次搵隻龜柯一舊屎係佢面前
俾佢汁下龜屎
咁你下次咪唔洗帶報紙落街囉

作者: 仁仔 時間: 2011-8-29 13:08
你話: 俾報紙你睇 ! 益左你啦!

作者: 栢Ling哥 時間: 2011-8-29 13:19
睇到一半,我條氣都有d頂住頂住

作者: 友心 時間: 2011-8-29 13:20
簡單方法:話.....之......佢！！

作者: 龜友kkitt傑 時間: 2011-8-29 13:52
你係住客泥，大曬既，繼續投訴佢。

作者: Siuyuntung 時間: 2011-8-29 14:13
比我就打鑊佢先la!!

作者: hummer115 時間: 2011-8-29 14:16
佢嬲你寧願扔咗D報紙都唔俾佢拎去賣.

作者: hummer115 時間: 2011-8-29 14:19
因為佢副業就是拾荒者

作者: AL0v0 時間: 2011-8-29 14:34
投訴佢

再唔係話佢疏擺你去犯法(亂拋垃圾)

作者: 黑寶`;p 時間: 2011-8-29 14:59
1`

作者: mackhkpeter 時間: 2011-8-29 15:04
有人話你唔啱

作者: Tiffany0813 時間: 2011-8-29 15:36
比着我不停投訴
我果個管理員見到我,
就吾開門= =
可能之前我投訴佢
佢而家公報私仇

作者: benny 時間: 2011-8-29 15:49
我會好 c 文咁叫佢
' 死開啦 '

作者: klausho 時間: 2011-8-29 18:52
你有比管理費就唔應該受而種氣

作者: 黑沙 時間: 2011-8-29 19:00
你下次專登掉成答報紙落去
佢睥你,畀個中指佢

作者: old100200300 時間: 2011-8-29 20:20
本帖最後由 old100200300 於 2011-8-29 20:21 編輯

本來佢第一次話我,我已經想出POST講,但係諗諗下佢都係打份工咪算囉,點知佢講完一次,我唔彩佢,照掉可也,佢就開始日日都啤住哂,而家又阻住我,唔比我入,真係嬲到噴火.........

今日佢放假,見佢唔倒,都唔知幾開心!!!個個月都交500幾蚊管理費,都唔知管D乜!!!!!!!D管理員又冇用, D股票書放喺信箱下面(太大本放唔入信箱!!),成日比人偷!!!!!!!!!!呢半年一本都冇見過,我已經懷疑比人偷左去賣!!!!上個星期六,我下午六點出去,終於見倒一本,諗住出完去食飯就攞返屋企(用黎墊枱食飯/切生果...), 點知10點返黎就唔見左!!!果時有5-6份(連埋人地果D),返黎就一本都冇哂!!D人見管理員睇唔倒就偷去賣!!!!!!!!好過份囉!!!!!!人地可能真係會要黎睇業績/有用,為乜要比你偷???又唔係唔要,掉左去回收筒,又唔係放左好耐冇人收, D人咁偷野法真係好過份, 呢間管理公司不知所謂!!!!!冇啦啦掉幾張報紙都要比人鬧又要怒啤,又偷信!!!!!!!!!!!都唔知咩世界!!!!!!!!!!!

作者: actiffany 時間: 2011-8-29 21:51
下次你帶埋張chair 坐係佢面前晒龜阻住佢

作者: fiona632 時間: 2011-8-30 13:42
我想打鑊佢(想姐...)!!

我睇完好嬲AR \_/ ,邊有清潔工做野做到好似佢甘.比着我會投訴佢!

作者: mvp 時間: 2011-8-30 21:19
如果係我會直接向佢上頭設訴要炒咗佢,唔係就搞大佢,呢啲人唔可以姑息架

作者: sukky 時間: 2011-8-30 21:44
你d管理員都好吾掂wor
換過間啦~~

~

作者: cl330044 時間: 2011-8-30 23:30
樓主過份林善…太弱唔得

作者: 叔叔北行了 時間: 2011-8-31 00:07
呢種時刻..唔好隱藏實力啦，用粗口同d只能用粗口形容ge人就V. GD啦

我知你有可能唔夠講..呢種時候，你只要鬧大佢，發爛喳，相信佢會有一段時間失業ga la

作者: KaukcE 時間: 2011-8-31 00:16

old100200300 發表於 2011-8-29 12:49
事緣我每日除左落雨同有特別重要嘅野做,否則我每日都會帶幾隻水龜落屋企樓下個公園曬太陽, 個公園冇乜人, ...

同讵嘈！我會甘做！

作者: 栢Ling哥 時間: 2011-8-31 12:23
回復 old100200300 的帖子

即係偷竊la 應該有碌影器
翻睇d帶,報警

作者: jimmysiau 時間: 2011-8-31 12:32
賤格

嬸

作者: Domo 時間: 2011-8-31 17:44
無天理

，個阿姐係唔係想你被罰$1500 ar?

打死佢

作者: carolcarolam 時間: 2011-8-31 18:16
我都會去投訴, 話知佢知我邊個. 擺明係投訴你, 呢d係咩態度呀!
我曬完龜, 唔要既紙當然放係垃圾埇. 我擺佢出面, 罰1500元係咪佢比先. 佢都低低地!!
大堂個垃圾桶滿左, 自然有清潔工去倒架啦!
家下我係度住, 日日都要比你無禮貌對待呀! 仲要特登唔比你入, 佢係咪有病呀!
係做唔好做, 早d入青山住啦~ 無謂係度攪攪陣.

一於投訴佢啦~ 呢d人唔使可憐.
今時今日咁既工作態度, 完全差勁.

作者: old100200300 時間: 2011-9-2 21:15
今日因為冇太陽,做下孝順女,同阿媽出去飲早茶(平時曬龜唔去或者曬完晏d先出去),個女人見我地出去,本來抹緊度門,見倒我地,佢即刻唔抹, 係咁望住我地兩母女!!!好明顯佢係認得我, 望實我地!! 我而家真係好唔妥佢,佢再做D咩阻左我曬龜,我唔會同佢客氣!!!

P.S.過左1日,D股票書又照樣放返喺地下.......究竟呢間係乜管理公司???

作者: 丫銘 時間: 2011-9-3 01:06
你唔出聲佢唔會知驚

作者: ak-ding 時間: 2011-9-3 01:27
自問冇咁好耐力
一早會___佢

作者: jinke 時間: 2011-9-3 01:34
呢啲人唔可以姑息架

作者: SDQQQ 時間: 2011-9-3 20:18
本帖最後由 SDQQQ 於 2011-9-3 20:19 編輯

回復 brian912452456 的帖子

再+埋 (咁#唔想做既咪咪q做lo 做咩呀望住想打我>? 打呀打完你就咪#洗指以有得做
你$#$@#@$#)

作者: ManManLi 時間: 2011-9-3 23:25
我想揀1, 但禁錯左2..
佢真係好無理wo..

作者: wk9992 時間: 2011-9-4 08:39
1.poke佢la!><
2.寸佢la!
3.罵爆佢!
4.底佢一世汁垃圾low!

作者: wk9992 時間: 2011-9-4 08:42
回复 mackhkpeter 的帖子

sorry禁左5,
我想禁6的,禁錯左!sorry!

歡迎光臨香港龜友論壇 (https://www.hkturtle.org/)