養盾臂龜心得（2）
本帖最後由 kinson_ma 於 2013-9-14 15:39 編輯上次講完一大輪前言之後,宜家開始遂一詳細咁講下養盾臂龜O既
病証，環境，點解決，點防止？
宜家先講左呢２點先
１］病証
－ 結石
其實結石係每一隻盾臂都有機會發生既事，就算野生盾臂都會經常發生，而人工養既盾臂龜只要照顧方面有疏忽，
都會令到你地既盾臂龜出現結石情況。而結石之前都會有小小既病徵可以觀察得到，宜家就同你地慢慢分析下點解會有呢種情況出現。
盾臂龜既結石（所謂既酸）係來自身體入面既草酸同蛋白質（呢分面唔需要詳細去講，因為講你又唔明，
明你都冇辦法去做）。點解我咁講？每一種植物都有草酸同蛋白質，就算連龜糧都有，
咁你係咪聽完之後唔俾野佢食，等佢練仙？
所謂既酸都有分４類。
第一類，透明，入肉眼睇唔到。
第二類，好似黑人牙膏咁，姐係點？你宜家去廁所拎支牙膏出黎，就知架喇！
第三類，好似牙膏咁，但入而有Ｄ沙咁既野。
第四類，屙左出黎圓圓地，點夾都夾唔爆（姐係結石）。
如果大家既盾臂龜有第１到２類既酸，恭喜晒！佢地既健康情況非常之咁好，唔需要擔心！
不過遇到第３類既情況，各位盾臂龜就要注意一下佢地環境既濕度＋每日浸水（３７度）浸到有屎出
遇到第４類而又未死得咁點搞？屙得出就以後每日都同佢浸３７度水，又係浸到有屎屙再改善下個環境。
但屙唔到點搞？你唔係醫生，又唔知舊石係邊，千其千其千其唔好扮專業，一個夾插落佢個菊花係咁了，
（試諗下你又唔係。。。。）Fm_dlpB0Wmc
咁樣搞一搞冇事都俾你搞掂左。
所以有懷疑千其唔好慳埋Ｄ錢，拎出黎就可以救一救條生命。
咁點知佢有冇結石丫ＣＨＩＮＧ？？好簡單，一係突然唔食野／減少左食量，二屙左舊便便出黎，但係好幼身。
只要平時俾少少時間去觀察下佢（都係３０分鐘內既事），如果咁都做唔到，不如唔好去買盾臂龜！
二］環境
上個ＰＯＳＴ都講左我養盾臂龜最方便，最慳錢，又簡單既方法。想知就自己搵番吧！
－底材
－燈擺位
－水來源
市面上可以買到既底材有好多種（我講呢Ｄ係龜食完都冇事，其他冇講既，你用緊／買左仲用唔用就係你既事喇！），碎木條，草粒，假草地毯，椰泥磚，瓷磚反底用，就係呢幾種。
碎木條－其實就係樹幹刨成既木條仔，
好處，噴水吸水，可以保濕。
壞處，一至兩星期一定要換，木材係好吸水同吸味的，唔換就會開始有Ｄ昆蟲仔出黎。
草粒－魚街金髮老闆都一直用開，之前我都有用，初時都ＯＫ，用得耐左就覺得成屋都係草味，個人頂唔順陣味。
好處，食左都唔會死。
壞處，草味濕左之後一晒燈就開始有好大陣味。
假草地毯－宜家我一直用緊。
好處，清潔方便，龜行會舒服Ｄ，睇得好似大自然。
壞處，吸味都係好勁！（尿味）。
椰泥磚－好似紅磚咁，一舊一舊，唔洗特登去爬鋪買，一定貴（只係包裝左爬蟲用，但成份一樣），
普通既園藝鋪一定有，但要買有機的，２０蚊一大舊。
好處，超級保濕。
壞處，隻龜拎出黎超級多泥痴住，日日咁樣拎去沖水，洗水盤包你３個月要通一次。
瓷磚反底用－一開始都有用，用下用下發現隻龜日日走去訓，唔想郁，決定放棄。
好處：聽講可以磨甲（之前都信，但用腦諗下，細個就可以姐，大左點搞？），清潔方便。
壞處：一塊一塊好足料，夠晒重，每次洗都洗到我想死。
至於燈既擺位又點搞呢？ＵＶＢ同ＵＶＡ係乜？？
－ＵＶＢ，紫外線，人晒就會慢慢生癌，龜用就會加強龜甲生長，一句講晒，
要養就一定要用，要聽就聽，唔聽就用番你自己既方法。
－ＵＶＡ，熱源，加溫用。
ＵＶＢ＋ＵＶＡ，呢個係不變既定律。點解？咸酸菜一定要用黎炒ＸＸ。一樣道理，不要問，只要做。
其實係咁既，淨係ＵＶＢ，冇熱力，係幫唔到龜做一個叫做：Ｄ３反應。
（自己上網再查啦！再解我打十篇都唔夠打，你都睇到眼訓。）。
ＵＶＢ點擺丫ＣＨＩＮＧ？放係成個龜箱既中間，可以大範圍用。
ＵＶＡ呢ＣＨＩＮＧ？上次咪教左你囉？放係成個龜箱既角位，等佢地有冷熱點丫嘛。
水來源。
呢個就係講緊水兜，但係要隻龜爬到上去既高度。一來有時真係真係冇時間幫佢浸水，佢地都會主動行過去浸水。
（唔好當有水兜就唔幫佢浸水，一定要每日浸水）。
水兜就放係射燈下面，咁樣做，一黎一會暖暖地，佢地都會覺得舒服，肯浸下。二黎，成個箱既濕度都會提高。
好啦！打左成粒鐘，都好攰。有好評下次又再講多Ｄ養龜既經驗俾你地分享下啦！
謝謝！看得很開心{:109:} 用心之作，頂嚇先{:96:} b21st 發表於 2013-9-14 14:15 static/image/common/back.gif
謝謝！看得很開心
多謝晒{:102:} Crazyjan 發表於 2013-9-14 14:48 static/image/common/back.gif
用心之作，頂嚇先
多謝支持{:89:} 多謝呀,不過我唔明點解用磁磚反轉會令到龜日日訓? c兄加油！希望再有更多心得分享 ki0110 發表於 2013-9-14 15:55 static/image/common/back.gif
多謝呀,不過我唔明點解用磁磚反轉會令到龜日日訓?
我覺得係個地方太硬既問題掛，暫時都未知點解， kenny1412 發表於 2013-9-14 18:08 static/image/common/back.gif
c兄加油！希望再有更多心得分享
希望有更多人睇到，有回覆先會有心再打，冇就算數睇完就算，又吾回，就要人冇私分享，好難令我有心再打 多謝分享{:98:} {:101:}好評 多謝分享...{:102:} {:95:}{:95:}{:95:} 回復 kinson_ma 的帖子
多謝指教
頁:
[1]