養盾臂龜心得
本帖最後由 kinson_ma 於 2013-9-13 00:59 編輯一)玩家及主人既分別
係香港呢個咁(大)既居住環境,養盾臂龜呢種大形陸上動物,可以話係向自己既屋企作出挑戰:
點解我咁講?其實養開陸龜既人都知道,盾臂龜係全球第三大龜種,最大可以有80cm!
屋企就算有2013年港姐屋企1000呎單位咁大,都未必可以為佢去做一個理想既地方去居住,
所以大部份人都選擇放係屋企俾佢周圍走。
好!講左咁多廢話,入番正題先!
點為之一位玩家?而主人又係乜野?其實好簡單!
一位非常叻既玩家就係不停去收集不同既龜,
然後滿足左,又養左一排,覺得冇咩大不了,就上網放番出去,呢個係正常現象,大家吾洗聽到人地買龜賣龜就大驚小怪,如果吾係又點會有咁多R俾你買?
一位令人尊重既主人,就係一買左自己既愛龜番黎,就決定照顧終老,每日會放時間去照顧佢既寵物,
吾會買完番黎,得閒就俾野佢食,吾得閒就由得佢餓下,反正都吾會死,但我想知道大家又會吾會俾人餓過呢?
我相信吾會,有得出街食架嘛!但係動物吾同,你俾就有,吾俾就餓!
二)環境
經常有不同既新人問:我想知養陸龜要有咩setting,thx ching!你打一句,人地就打一大段,
你地忍吾忍心一個七老八十既哥哥姐姐,每日重複咁去複製然後貼上呢個動作?
一切從簡,假草地毯,50W射燈(射角位),UVB燈,一大兜水(隻龜要行到入去,放去射燈下面),溫控+陶瓷燈膽,搞掂!
好多人又問:咁咪好乾囉??
問番你:咁香港又有幾乾丫?
其實香港係一個四季分明既地區,而已濕度係一定足夠。
但係放左射膽,照果個度好乾喎!!(咁你晒太陽又乾吾乾丫?)
所以射燈放角位咪有佢既道理囉!太熱太乾就會走去第二度!
自問網上同人收左隻嚴重痴甲既盾臂龜,由7CM養到宜家12CM,你冇睇錯,7CM已經嚴重痴甲!
宜家痴甲已經冇乜!唔係我養功勁,而係之前既環境可能太差。
三)龜苗(4~6CM)
點解我要講龜苗?你地唔見好多龜有病都係龜苗?一時又流鼻水,一時又結石,一時又冇便便,
就連佢正常呼吸都要走上黎問一餐!!真係俾佢地激死。
講到好似照顧緊個BB仔咁!
1]有病流鼻水就好睇醫生喇!廣告都有得你做啦!
2]結石!盾臂龜一定會有既情況!所以只能預防,唔可以有事先黎驚!想知點預防?睇完覺得好既留下言,支持下,
下次再寫就會詳細D。
3]冇便便?食多2條菜就有架喇!(講笑姐,盡可能都唔好俾喇!)其實只要每日定時定侯同佢浸水,俾佢知道浸水就要屙,咁就自自然然見到你想見既便便架喇!放心啦!
4]點解隻龜個頭係咁CHOK下CHOK下既?係咪有咩事?你就有事!佢不知幾正常!佢真係呼吸咁姐!唔洗太驚!
如果一路CHOK一路玩個鼻就要小心喇!有機會有肺炎!呢個時間要做咩丫?各位觀眾:{:102:}睇醫生丫嘛!
咁就岩喇!好主人
四]體內有蟲
死啦!CHING!我隻龜成日唔行,又成日訓,又唔食野,又冇精神。。。。點算丫???
CHING:有冇SETTING相睇下??可能爆蟲喎!
<--SETTING同爆蟲有咩關係呢?我一直都唔明。。。。可能我蠢。。。
其實呢個情況有2種機會,一係真係爆蟲,一係就結石。
爆蟲千奇唔好自己搞,死硬!作為新手既你,不如帶佢去睇左醫生先。。。
結石?自己點知?自己又點搞呢?推甲?推油我就知姐,推甲又有咩關係呢?又可能我蠢
其實都係平時細心照顧佢地,呢D情況咪唔會出現囉,係咪?
今日廢話就講住咁多先,遲D有時間再打深入少少,老人家眼訓{:150:}
未打完{:90:} 回復 kinson_ma 的帖子
好似有感而發WO 我都覺得買龜諗清諗楚先好買,唔好買一大推番黎玩一排就賣左佢
所以我都預佢地大打算養二隻就算 回復 unchi 的帖子
我養左4隻,,但我花左唔小錢買裝備,,,希望我做主人做好D 師兄,請分享一下你用緊既假草地毯,謝謝 支持買龜唔賣龜(不喜勿插,因為我都唔反對人賣龜) ching +油
辛苦哂
回復 鎮1997 的帖子
養幾多係自己決定,最緊要係你養左好多年後,重可唔可以好似岩岩買番黎咁對佢呢{:1_1:} kinson_ma 發表於 2013-9-12 23:11 static/image/common/back.gif
一)玩家及主人既分別
係香港呢個咁(大)既居住環境,養盾臂龜呢種大形陸上動物,可以話係向自己既屋企作 ...
{:99:}值得新主人諗下。希望唔會見到有一日好多人因地方而棄養巨龜{:100:} 本帖最後由 真正的訪客 於 2013-9-13 03:47 編輯
;P簡簡單單想5結石 都系最好90%濕 鎮1997 發表於 2013-9-12 23:31 static/image/common/back.gif
回復 unchi 的帖子
我養左4隻,,但我花左唔小錢買裝備,,,希望我做主人做好D
養寵五好計較問題,如果你覺得浪費錢,可以選擇簡單setting入手,甘就五會浪費錢。
如你都覺得簡單setting都係浪費錢,甘就選擇五好養,養店自己先,覺得有能力先養寵。
不喜勿插 真正的訪客 發表於 2013-9-13 03:47 static/image/common/back.gif
簡簡單單想5結石 都系最好90%濕
市面上甘多底材,keep濕同價錢低,選擇椰泥。
問題係睇你嫌五嫌煩去打理姐,一塊椰磚可以發到好大,用好耐。 支持心得! 近排已經冇咩人寫依類文喇 鎮1997 發表於 2013-9-12 23:23 static/image/common/back.gif
回復 kinson_ma 的帖子
好似有感而發WO
有感而發?…………都吾算既,只不過係想將自己養果套同大家分享姐 unchi 發表於 2013-9-12 23:29 static/image/common/back.gif
我都覺得買龜諗清諗楚先好買,唔好買一大推番黎玩一排就賣左佢
所以我都預佢地大打算養二隻就算 ...
加油吧! matchfung 發表於 2013-9-12 23:36 static/image/common/back.gif
師兄,請分享一下你用緊既假草地毯,謝謝
假草地毯有咩好分享?隻隻都一樣,咪又係假草一塊 Puiki 發表於 2013-9-12 23:39 static/image/common/back.gif
支持買龜唔賣龜(不喜勿插,因為我都唔反對人賣龜)
有買先有賣架嘛!呢個叫需求,只不過養太多先去賣就有d……………… babychick 發表於 2013-9-12 23:40 static/image/common/back.gif
ching +油
辛苦哂
you are welcome matt_zero 發表於 2013-9-12 23:52 static/image/common/back.gif
值得新主人諗下。希望唔會見到有一日好多人因地方而棄養巨龜
放心,一定有!係改變吾到既事實,不過養之前停一停,諗一諗,就會減少好多問題既發生
頁:
[1]
2