亞達伯拉生長紋凸起
我係新手，隻亞達7個月大，9.5CM，平時會養喺個3尺缸，椰泥做底材(三個星期換一次底材)，有水盆(每日換一次水)，有造霧器，濕度長期維持喺70-80%，有UVA+UVB燈，夜晚會開陶瓷發熱燈(溫度維持喺27-29度)，每日浸一至兩次水，每次15－20分鐘，一星期都曬到兩個幾鐘真太陽，養咗差唔多一個月。餵食方面，頭兩個星期就每日一餐，每次餵兩粒M糧，加兩粒凡賽爾，再加一粒Zoo Med草粒，每星期補充一次鈣粉，順理成章地，兩星期後就爆生長紋，再餵多幾日，每條生長紋都開始一樣寬，我就開始隔日餵，停餵M糧，加多咗一粒Zoo Med草粒，即係每次兩粒Zoo Med草粒，再加兩三粒凡賽爾，鈣粉照舊每星期補充一次。直至到早兩日，我發現佢啲生長紋唔知點解凸起咗，我唔知道係唔係隆背嘅先兆，所以有啲擔心，想問下各位師兄有冇遇過咁嘅情況，知唔知道係咩原因導致到咁樣？ 無咩問題，咁輕微突起唔代表長大會隆背。反而想知你有無地方，亞達會生到過一米，你個3尺箱好快唔夠
頁:
[1]