想問下隻巴西龜d殼甩甩地,但有少少裂開,係咪正常?
但係從裂開嘅地方望入去,啲殼好似有啲問題。希望有人可以解答下小女子問題,謝謝! 似正常換甲啫。不過可能有少許毛病,搽"真菌净"應有幫助。 唔知搽龜精靈有冇問題? 係咪繼續曬太陽都得? 龜精靈對呢種情況可能幫助不大。我會搽"真菌净"。多曬太陽更好 , 但切忌長時間暴晒 , 會中暑死亡 , 給少許水較安全 Ok ,thank you 另外想問下巴西龜(長10cm,寬8cm左右大)冬眠洗唔洗有d咩注意,定係照常比d水就得?水量洗唔洗過龜身?洗唔洗擺室內?求解答,謝謝 長10cm,約養咗幾耐?一般而言,香港冬季天氣不致於凍到必須要冬眠,只係個別品種或個體會唔食或減食。
到香港冬季,巴西龜可照俾水並保持水質清潔,但水位可較春夏季少,不用浸過龜背。冬季以外,水位可浸過龜背,背甲生長會好D,但水質要清潔,否則易有病,有太陽最好有石或降低水位盡量晒,但切忌長時間暴晒會中暑。
雖然話唔駛冬眠,但都必須注意氣溫,冬季最好移至室內,關細窗口,甚至遠離窗口,否則太冷會肺炎並死亡,大小巴西龜都會。其實夏季都要注意室溫,近冷氣位一樣會中招肺炎,我D試過因此死亡。
有前輩提示,氣溫低至攝氏19度,就算肯食都唔好餵,因低溫新陳代謝更慢,消化唔好食物積聚仲衰。 養左7個幾月,返來已經差唔多咁大,養過2次都未有可以捱過冬天的龜,我係普通膠桶放舊石養,3月到依家都係日日換水(普通水喉水)同餵龜糧加少量‘梅’蝦乾,咁算唔算正常?氣溫低至攝氏19度係咪量水溫定正常溫度? 巴西龜一般唔難養,日日換水(即使普通水喉水)應OK,但都要用海綿或牙刷,幫佢細細力刷吓背甲同底甲,而且再睇真D,你隻巴背甲縫間確似有D問題。快搽"真菌净",好有效,應有幫助。已受損就唔好刷住喇,海綿幫佢細細力抺吓就OK。
普通膠桶放舊石養OK,如可以,膠盆多D空間當然更好,但提防爬出走佬(甚或跳樓),要加鐵絲網。餵龜糧加少量蝦乾都OK嘅。
攝氏19度係大概啫,當室溫,留意天氣報告就OK。
想問下搽"真菌淨"係咪可以全身搽?因為個説明書話唔可以搽係有傷口嘅地方,隻龜裂開咗嗰啲位算唔算傷口?求回答 可用棉花棒,薄薄哋搽龟殼受感染部分,跟說明書傷口就唔好搽,但如不是渗血,搽埋都ok。乾養過夜先再俾水。每日搽,留意情況有否改善。 我想問下呢種係自然脱甲、定係生病爆裂? kiken. 發表於 2017-11-5 14:34
我想問下呢種係自然脱甲、定係生病爆裂?
唔似“自然脱甲”,似細菌及/或真菌感染。當然,唔係医生,估估吓啫。小問題自己搞到最好,情況冇改善或惡化就要搵医生了。 L_suet 發表於 2017-11-4 21:34
想問下搽"真菌淨"係咪可以全身搽?因為個説明書話唔可以搽係有傷口嘅地方,隻龜裂開咗嗰啲位算唔算傷口?求 ...
另已pm ......... 之前有脫過幾塊殼,之後就冇再脫,就變成宜家咁,問咗賣龜啲人應該係真菌感染。依家有搽"真菌淨"。搽完之後夜晚乾養,想問下第二朝係唔係照比水同餵食?使唔使抹走啲藥膏先? L_suet 發表於 2017-11-5 19:58
之前有脫過幾塊殼,之後就冇再脫,就變成宜家咁,問咗賣龜啲人應該係真菌感染。依家有搽"真菌淨"。搽完之後 ...
乾養過夜,俾時間啲藥發揮吓,第二日或朝,可用海綿洗身再俾水。可每日或隔日搽,留意情況有否改善。
其實用藥期間,咁size嘅龜暫停餵食都ok,亦可餵少啲,保持水更清潔。真菌感染,或多或少都係水不潔。
L_suet 發表於 2017-11-5 19:58
之前有脫過幾塊殼,之後就冇再脫,就變成宜家咁,問咗賣龜啲人應該係真菌感染。依家有搽"真菌淨"。搽完之後 ...
到好番至回復餵食量都ok。 呢幾日都有keep住搽,有照餵食,不過都唔係好食。呢排冇太陽曬,所以睇得唔係好岀有冇好返d。
頁:
[1]
2