"我係你媽媽ge朋友呀，聽講你唔肯食野wor"

當我一連結到的時候，玫瑰蜘蛛便告訴我她覺得很不安。

"我覺得好緊張，完全無食慾..."

其實我當時都有點緊張，因為我很少與蜘蛛聊天，總覺得蜘蛛是古怪孤獨的，不肯與人溝通。

"咁可唔可以同姐姐講點解會緊張呢？"

之後我腦裡便不斷接收到玫瑰蜘蛛躲進黑暗地方的畫面。"我好希望有個地方比我呢埋丫" 再加上呢句ge無限重複版本。

跟住我就問我朋友: "乜你無地方比佢呢咩?"

朋友:"係呀，我怕佢之後呢埋會怕人呀"

雖然係動物，但其實我遇過好多都好介意私隱ge問題，因為無私隱會令佢缺乏安全感，比較細小ge動物會好容易拒絕進食。

咁我就略略同朋友講左玫瑰蜘蛛ge訴求，我朋友亦好爽快地答應佢ge要求。

呢幾日，我起某死黨ge舖頭打dun，又見到呢位朋友。

"喂你而家睇下我隻蜘蛛ge新屋!"

我見到佢攞左張新ge相，見到蜘蛛隔離有一塊白色ge骨頭。我心唸，"哇...呢個成個野獸頭骨gum...隻蜘蛛都唔方鍾意得去邊啦..."

但當我一連到佢ge時候，佢竟然又笑又曬命咁款:"哇姐姐，你睇!!我ge寶貝呀!!!" 然後仲好似少女舉高雙手(佢係兩對手)，成個身long起個大枕頭gum 攬住個頭骨。

其實當我用文字ge時候係絕對用唔到"可愛、萌"去形容佢，而後來當我講俾我同事ge時候，佢地更加覺得毛骨悚然。但神奇地，果一下我真係覺得佢好可愛，係一個純真同易滿足ge少女。

"你隻蜘蛛好開心gum，佢食番野啦?" 跟住我朋友就話:"係呀，自從比野佢呢埋之後，佢而家不知幾肯食野，有時仲訓起舊骨上面，幾寫意~"

"哦...gum就好啦...係呢，佢起上面點訓ga?"

到左晚上，我朋友就傳左玫瑰蜘蛛"訓"起上面ge樣我睇... 其實佢擺ge，係一個好普通ge pose。不過，唔知點解，我見到佢幅相後，由心入面gum笑左出黎。

其實小動物想要ge幸福，真係好簡單。