我咁養龜 笑大人個口？>_<

coco123

前幾天，諗住攞幅coco曬燈生活照比同事們睇下分享下，點知比其中一個同事話：比人知道我咁養龜 笑大人個口… /_\
我這個同事在小時侯有養過兩隻巴西龜，但很粗著養，只是用一個大的家庭裝雪糕盒 放少少水養，一直都沒有病過，有次仲發生走龜事件，差不多大半年後，在床下底搵返隻龜，但龜龜仍然在生，只是體型比另一隻沒走甩的細少少…就係因為咁，佢覺得養龜應該要好似佢咁…

佢聽到我話要買濾水器﹑暖管﹑暖燈﹑UVB燈比我隻巴西龜時，就同我講：邊有人咁養龜架！仲要係巴西，唔講以為你養幾仟銀既貴龜添呀！比人知你咁養龜 笑大人個口！！唔洗咩暖管暖燈架，龜會冬眠架嘛！我反駁他：但我隻龜係幼龜，我唔想咁快比佢冬眠…但佢回我：邊個話細龜唔可以冬眠，你咁講 咁公園龜池啲龜一早死哂啦！巴西龜曬燈，笑死人了！

唉！聽完唔開心…

coco123

多謝各位龜友的安慰，其實我只是唔開心左一陣 (咪就打呢個post果陣囉，嘻嘻！)

其實我已不算比豪宅coco住了，只是清缸+潛濾+暖管+射燈+格仔曬台，全部都可說是基本野。既然上天安排coco比我執到，我相信一定要好有緣先可以做到，所以我一定會比心機養大佢的！各位龜友都要加油啊！

coco123

KKwj 發表於 2013-10-23 10:26
不過有人真係粗養都養到健康又快大,有人好比心機去養不惜工本就養唔好
真係諷刺 ...

我都聽唔少，所以其實比個同事咁話我，我都唔敢點駁佢，有時都幾迷惘

coco123

科拿仔 發表於 2013-10-28 12:57
其實比太好環境佢，可能真係會減低佢既抵抗力。

我都係咁諗，所以我就算用暖管，都只會較到23-25度，等龜龜感受下冬天的氣氛，費事經常處於溫暖狀態，一有多少少的溫差就病。或者等龜龜有返15厘米，大隻啲，先比佢試下自然冬眠。