一個小手術,搵土爪灣最出名果個爬蟲醫生, 竟然要死!

大奇保

我隻黃緣健康大食活潑, 之後發現患了初期中耳炎, 小弟立即幫他登記睇佢, 其實我知道醫治中耳炎好簡單, 不過我真係好愛惜我呢隻龜, 所以搵呢個全港最權威性的醫生醫佢, 在等睇醫生期間, 牠仍然大食.

到了見醫生, 阿靚仔醫生同我講話隻龜除了中耳炎, 還生蟲. 醫生問我:佢之前是否唔食野, 我答: 冇喎~佢一向很大食. 之後阿靚仔醫生好認真同我講話一定要杜蟲~ 我答佢:好啦~總之麻煩醫生你幫我醫好佢啦~!

當晚佢話佢仲有好多症要睇, 所以唔可以即場做手術, 叫我聽日黎攞.  手術費, 驗便費, 杜蟲費, 藥費, 總共$1290.

第二日我攞番隻龜, 耳仔整好左, 但就一直冇晒精神, 食慾不振, 我4至5日先親手餵到佢食幾粒糧~

一個月喇, 今日我放工番黎, 發現我心愛嘅龜死左喇, 我呢一刻心如刀割, 我好痛心~

點解一個小手術會搞到咁~!   嗚嗚嗚.............................
係我唔好彩! 係我遇人不淑!
中耳炎, 呢到求其搵個龜友都醫到啦

oooooo

rip              

PongWong

其實好老實,真係唔覺得hk 有幾多vet 識醫爬 , 大部分都係杜蟲而死的 !
我都試過了, 根本帶咩爬去睇邊個都好, 9 成話要杜蟲, 根本個個都唔識唔知咩事 ,
其實d 爬體內應該都係需要一d 蟲的 ,唔可以係又杜,唔係又杜 !

freemankapo

我都有試過幫襯樓主講o個個爬醫...
我隻Hilton唔食野...無o黎精神...又無大到...條脷白色...束手無策...
所以帶左佢去睇e生...
經過杜蟲...force feed...打針...龜龜健康成長...
不過e生話成個打針療程要打4針...
我見我隻龜打第二支之後就一切正常...
唔洗force feed...自動波食野...仲變番大食...
最後我決定打埋第3針就無再打第4針lu...
當時Hilton得7x g...到e家...已經35x g lu...

豬扒博士

回復 Tony_Chu 的帖子

唔係, 我有次帶龜去醫中耳炎, 佢都有CHECK 便便, 佢會話無虫, 唔需要杜, 只醫中耳炎, 我隻龜無事

大奇保

原本想唔比佢杜蟲，不過龜係佢手，我唔敢拒絕佢。

Krauss

講真....獸醫真係未必信得過...醫龜可能唔係專長...
唉....有時為左賺錢..係未都話醫得好啦!
R.I.P

你阿妹

Tony_Chu 發表於 2012-7-10 02:23
不如整個爬醫RIP區, 睇下有幾多龜死於佢手??!!

咁又唔怪得個醫生,香港咁多龜友,但識睇龜的醫生唔多,他是最受龜友歡迎的,自然會多証睇,
多人去睇自然會忙左,未必做到對每個症都咁細心,仲要醫埋狗,
希望遲下有多d識睇龜的好醫生,等尼位好醫生唔使咁忙,

你阿妹

大奇保 發表於 2012-7-10 00:24
回復 你阿妹 的帖子

咁你隻龜醫得番嗎?

攪左大半年,一直反反覆覆,現在冇左個樣,又收左口,好難醫返好,
只好擇個吉口將它回歸大自然,

Tony_Chu

Koa 發表於 2012-7-10 02:57
回復 Koa 的帖子

其實我都會想可能隻盾b係本身有問題（正如佢所講），但我又會覺得會吾會杜得太密加快滅亡 ...

其實依家, 人既醫學界都有個新理論, 就係: 冇事唔好睇醫生!

Koa

回復 Koa 的帖子

其實我都捻可能隻盾b係本身有問題（正如佢所講），但我又會覺得會吾會杜得太密加快滅亡呢？不過都過左去喇，只怪盾b命薄啦

Koa

Tony_Chu 發表於 2012-7-10 02:23
不如整個爬醫RIP區, 睇下有幾多龜死於佢手??!!

其實我睇過佢幾多次下，基本上醫感冒，肚屙，磨嘴 個d佢都ok既。但係佢的確係成日叫人杜蟲，而且好密下，真係未必隻隻龜頂到，我初初養左無耐mei都吾知走去睇佢（因為上網個個人講d野吾同我吾敢亂來），3隻龜一次過睇，醫好兩隻：
1.星：感冒，佢話打抗生素，但要同時杜埋蟲，醫好感冒但拒食，搞左成個月星星挨得過，醫好
2.豹：肚屙，佢幫龜杜蟲，順利醫好
3.盾b（5cm）：表面上健康，食量ok，只係順便帶埋佢bodycheck，佢都話杜蟲會無甘易病（因為新龜實多蟲wor），點知根住開始吾食野，再帶佢睇佢話要再杜蟲（幾日之內），留埋醫，中間又杜過，2星期後佢打來話盾b走左（喊死我）

Koa

Tony_Chu 發表於 2012-7-10 02:34
我覺得, 冇大病都唔好搵佢。

同埋, 發覺驗大便, 跟住杜蟲係佢指定動作!  大佬啊, 係龜都有蟲o架啦!!!! ...

同意，我都會再揾佢，但係吾會好似之前甘比佢係甘杜蟲

iamnero

Tony_Chu 發表於 2012-7-10 02:34
我覺得, 冇大病都唔好搵佢。

同埋, 發覺驗大便, 跟住杜蟲係佢指定動作!  大佬啊, 係龜都有蟲o架啦!!!! ...

甘驗完大便，同你講返“哦，冇事啊，正常！乜都唔使做，你交錢就走得啦！”，驚你會覺得佢搵你笨，呃你錢啊嘛~
但唔驗大便，又唔知做乜好咯~
大病搵佢，佢又系驗大便杜蟲喔……

Tony_Chu

iamnero 發表於 2012-7-10 02:26
甘又唔好，要有同理心。
人地原本都唔系讀herpetology，見你愛龜受病魔折磨，勉為其難出手相助，人事已盡 ...

我覺得, 冇大病都唔好搵佢。

同埋, 發覺驗大便, 跟住杜蟲係佢指定動作!  大佬啊, 係龜都有蟲o架啦!!!!

iamnero

Tony_Chu 發表於 2012-7-10 02:23
不如整個爬醫RIP區, 睇下有幾多龜死於佢手!!

甘又唔好，要有同理心。
人地原本都唔系讀herpetology，見你愛龜受病魔折磨，勉為其難出手相助，人事已盡，有時無力回天在所難免。你仲過橋抽板，甘樣對人，你就唔啱啦。

Tony_Chu

iamnero 發表於 2012-7-10 02:08
樓主：愛龜RIP。
呵呵，前排仲有位德高望重既師姐教育我：唔好自己亂甘醫龜，唔好學小學雞拿龜做實驗，唔好 ...

不如整個爬醫RIP區, 睇下有幾多龜死於佢手??!!

Tony_Chu

RIP

我地陸龜區Catmandy隻豹龜BB "雞蛋仔" 上個星期RIP左, 都係搵佢杜蟲, 人地BB乒乓龜, 佢10日內杜兩次蟲, 癡媽筋, 爬醫網話大龜都係14日杜一次.

iamnero

樓主：愛龜RIP。
呵呵，前排仲有位德高望重既師姐教育我：唔好自己亂甘醫龜，唔好學小學雞拿龜做實驗，唔好自把自為，要有同理心，要搵註冊爬醫。
點知搵個甘權威既醫生，做左D令我等小學雞難以理解既診斷之後，隻龜竟然撒手西去……
唉，大家如果為隻龜好，都系放佢地返大自然啦……連醫生都醫唔好，我地仲可以點？

GIANT

我都有隻安哥比佢医完過幾日死左,