盾臂養左一星期, 請教一下

terrence1903

我3年幾前都係新手養盾b，到而家托懶都健康，純粹分享下
燈：夏天UVA用25w就夠，熱點keep到34度，見你話有陽光照到，陽光比一切燈具都好，但唔可以長期曬住，要有陰涼處比佢休息就ok
濕：我自己有濕控+放濕器，基本上香港夏天都已經好濕唔洗點放濕/噴水 (除非屋企開冷氣)，熱點長期曬燈一定乾，其他位平均60-80%就ok
食：我自己冇餵菜，菜始終早濕，盾B唔太適合，但因為香所以實好鐘意食，好似小朋友見到薯條一樣既道理，所以不餵為妙。我自己就只餵M糧，份量大約係龜既頭size 2倍，BB可以隔日餵，到大隻d先每日餵，牧草就剪碎等佢口痕有得食 (我自己就養到2年半左右先餵牧草)
水：我隻盾都唔飲水，日日整到d水勁烏糟，所以早晚浸暖水是必需的，大約28度左右，排白色係酸，有得排係好事，排左先唔會結石。(猶其係魚街，d舖為左令d龜不斷食野去吸引人買，所以長期餵草，初期不斷排酸係好事，排番係舖頭食菜d酸)
希望幫助到你，祝盾B健康成長。

terrence1903

通常係白色，落左底材應該會見到
車前草 / 車前草粉都有助排酸，不過不宜食太多，較寒涼。

佢地舒服先會大字型嘆係度，係好事呀！