好擔心，求教

cloudtse1212 · 發表於 2016-3-3 01:55:54

屋企隻食蝸養咗年幾，平時都健健康康，食得瞓得
但呢兩日突然好似無乜胃口食野，因為我分開餵，所以見佢無乜食，但佢睇落去又無乜事，見到手指仲會想咬⋯只係唔食野⋯
我日日換水同一日餵一次，水應該無唔乾淨，只餵zoom糧
我應該睇多幾日，然後試下餵蝦乾？
定佢有乜事？好擔心⋯

hugo11 · 發表於 2016-3-3 07:22:02

溫度?水溫底會減少龜龜食慾。
其他我就唔知原因~等其他有經驗師兄答你

Titan · 發表於 2016-3-3 13:06:18

龜唔食野原因很多，但要攪清楚，係食少佐抑或完全唔食。
食少佐，而有龜糧剩下，問題可能是温度，請問有没有加温？
留意一下牠有没有咬龜糧，若有咬，而又吞吞吐吐好似吞唔到咁，就應該有問題。
母龜嘅話，完全唔食亦有可能隻想生蛋，無食欲。
建議可以先留意温度，加温至27、8度左右，停餵3日，減少騷擾，不要換水，
到時睇下食唔食。
仲唔食就要請其他高手或專業人士幫手。

cloudtse1212 · 發表於 2016-3-3 15:02:59

我估我隻係龜女,但得歲幾兩歲應該唔生蛋卦...
平時都有暖管,25-27度,係食野個陣先放入另一個盒分開餵,因為驚爭食,呢兩日見暖d就無畀暖風機吹住食
見佢呢兩日基本上見到d糧都無乜反應,以前都會望兩眼就食
不過佢以前都有一次試過係咁,過幾日就食返野,唔知係咪前幾日幫佢刷殼同手腳嚇親佢唔敢食...
同缸另一隻食蝸就無乜事,食得玩得,係呢隻唔食

waterwater · 發表於 2016-3-3 17:26:22

依家天氣咁暖唔食野係有D可疑，但淨係無食野睇唔到幾多，你可以試下放D龜精靈，另一方法係乾養幾日，睇下佢便便有無唔尋常，一般龜要三四年成體後先可以生蛋，而且你分缸養，無交配唔應該會有蛋，其實，我會建議水溫唔應該恒溫，响天氣真係好凍時先加暖燈或暖管，減少食量都無所謂，經常恒溫對龜嘅抵抗力和適應力會減低，好似我龜龜咁多年都未試過傷風感冒，人地同我講先知原來龜係會流鼻水。

cloudtse1212 · 發表於 2016-3-4 02:01:17

我諗我依家都keep住恒溫畀佢先，我都唔知佢有乜事，我個缸又冇底材，應該無食錯野，最驚係之前爬文，話生蟲都可能唔食野，但我又唔知點先知佢係咪生蟲⋯

小迪迪 · 發表於 2016-3-5 11:16:27

我隻草龜女養咗無兩年
排咗兩隻無受精既蛋

waterwater · 發表於 2016-3-5 14:54:54

小迪迪發表於 2016-3-5 11:16
我隻草龜女養咗無兩年
排咗兩隻無受精既蛋

嘜咁早熟，我隻養左三年先識生蛋

，網上邊仲話要五年

cloudtse1212 · 發表於 2016-3-6 00:04:22

小迪迪發表於 2016-3-5 11:16
我隻草龜女養咗無兩年
排咗兩隻無受精既蛋

其實係咪生蛋前都冇乜食慾，我今日試蝦乾佢都冇乜反應⋯

waterwater · 發表於 2016-3-6 13:25:29

本帖最後由 waterwater 於 2016-3-6 13:30 編輯

若果生蛋會發癲不停要出缸，睇下佢便便有無蟲，或者有咩不同，一般炎症便便都會不同，或者有排洩物。

cloudtse1212 · 發表於 2016-3-6 15:03:27

waterwater 發表於 2016-3-6 13:25
若果生蛋會發癲不停要出缸，睇下佢便便有無蟲，或者有咩不同，一般炎症便便都會不同，或者有排洩物。 ...

佢呢幾日無食野無野痾,頭先放佢出靈台曬一下好似開心d

cloudtse1212 · 發表於 2016-3-7 19:33:53

帳號		自動登錄	找回密碼
密碼			註冊