香港龜友論壇

標題: 想問下隻巴西龜d殼甩甩地，但有少少裂開，係咪正常？ [打印本頁]

作者: L_suet 時間: 2017-10-28 23:53
標題: 想問下隻巴西龜d殼甩甩地，但有少少裂開，係咪正常？
但係從裂開嘅地方望入去，啲殼好似有啲問題。希望有人可以解答下小女子問題，謝謝！

1d492f2c-19db-4ee6-bb34-aaf26c631c9a.jpg (257.64 KB, 下載次數: 55)

977861af-d760-4cb9-8512-6414c24b378b.jpg (171.54 KB, 下載次數: 50)

作者: SliderFan 時間: 2017-10-29 01:11
似正常換甲啫。不過可能有少許毛病，搽"真菌净"應有幫助。

作者: L_suet 時間: 2017-10-29 09:58
唔知搽龜精靈有冇問題？

作者: L_suet 時間: 2017-10-29 09:59
係咪繼續曬太陽都得？

作者: SliderFan 時間: 2017-10-29 13:02
龜精靈對呢種情況可能幫助不大。我會搽"真菌净"。

多曬太陽更好 , 但切忌長時間暴晒 , 會中暑死亡 , 給少許水較安全

作者: L_suet 時間: 2017-10-29 16:29
Ok ，thank you

作者: L_suet 時間: 2017-10-29 17:27
另外想問下巴西龜（長10cm,寬8cm左右大）冬眠洗唔洗有d咩注意，定係照常比d水就得？水量洗唔洗過龜身？洗唔洗擺室內？求解答，謝謝

作者: SliderFan 時間: 2017-10-29 18:25
長10cm，約養咗幾耐? 一般而言，香港冬季天氣不致於凍到必須要冬眠，只係個別品種或個體會唔食或減食。

到香港冬季，巴西龜可照俾水並保持水質清潔，但水位可較春夏季少，不用浸過龜背。冬季以外，水位可浸過龜背，背甲生長會好D，但水質要清潔，否則易有病，有太陽最好有石或降低水位盡量晒，但切忌長時間暴晒會中暑。

雖然話唔駛冬眠，但都必須注意氣溫，冬季最好移至室內，關細窗口，甚至遠離窗口，否則太冷會肺炎並死亡，大小巴西龜都會。其實夏季都要注意室溫，近冷氣位一樣會中招肺炎，我D試過因此死亡。

作者: SliderFan 時間: 2017-10-29 18:26
有前輩提示，氣溫低至攝氏19度，就算肯食都唔好餵，因低溫新陳代謝更慢，消化唔好食物積聚仲衰。

作者: L_suet 時間: 2017-10-29 19:32
養左7個幾月，返來已經差唔多咁大，養過2次都未有可以捱過冬天的龜，我係普通膠桶放舊石養，3月到依家都係日日換水（普通水喉水）同餵龜糧加少量‘梅’蝦乾，咁算唔算正常？氣溫低至攝氏19度係咪量水溫定正常溫度？

作者: SliderFan 時間: 2017-10-29 22:36
巴西龜一般唔難養，日日換水(即使普通水喉水)應OK，但都要用海綿或牙刷，幫佢細細力刷吓背甲同底甲，而且再睇真D，你隻巴背甲縫間確似有D問題。快搽"真菌净"，好有效，應有幫助。已受損就唔好刷住喇，海綿幫佢細細力抺吓就OK。

普通膠桶放舊石養OK，如可以，膠盆多D空間當然更好，但提防爬出走佬(甚或跳樓)，要加鐵絲網。餵龜糧加少量蝦乾都OK嘅。

攝氏19度係大概啫，當室溫，留意天氣報告就OK。

作者: L_suet 時間: 2017-11-4 21:34
想問下搽"真菌淨"係咪可以全身搽？因為個説明書話唔可以搽係有傷口嘅地方，隻龜裂開咗嗰啲位算唔算傷口？求回答

作者: SliderFan 時間: 2017-11-5 13:57
可用棉花棒，薄薄哋搽龟殼受感染部分，跟說明書傷口就唔好搽，但如不是渗血，搽埋都ok。乾養過夜先再俾水。每日搽，留意情況有否改善。

作者: kiken. 時間: 2017-11-5 14:34
我想問下呢種係自然脱甲、定係生病爆裂？

作者: SliderFan 時間: 2017-11-5 15:43

kiken. 發表於 2017-11-5 14:34
我想問下呢種係自然脱甲、定係生病爆裂？

唔似“自然脱甲”，似細菌及/或真菌感染。當然，唔係医生，估估吓啫。小問題自己搞到最好，情況冇改善或惡化就要搵医生了。

作者: SliderFan 時間: 2017-11-5 15:53

L_suet 發表於 2017-11-4 21:34
想問下搽"真菌淨"係咪可以全身搽？因為個説明書話唔可以搽係有傷口嘅地方，隻龜裂開咗嗰啲位算唔算傷口？求 ...

另已pm .........

作者: L_suet 時間: 2017-11-5 19:58
之前有脫過幾塊殼，之後就冇再脫，就變成宜家咁，問咗賣龜啲人應該係真菌感染。依家有搽"真菌淨"。搽完之後夜晚乾養，想問下第二朝係唔係照比水同餵食？使唔使抹走啲藥膏先？

作者: SliderFan 時間: 2017-11-5 23:13

L_suet 發表於 2017-11-5 19:58
之前有脫過幾塊殼，之後就冇再脫，就變成宜家咁，問咗賣龜啲人應該係真菌感染。依家有搽"真菌淨"。搽完之後 ...

乾養過夜，俾時間啲藥發揮吓，第二日或朝，可用海綿洗身再俾水。可每日或隔日搽，留意情況有否改善。

其實用藥期間，咁size嘅龜暫停餵食都ok，亦可餵少啲，保持水更清潔。真菌感染，或多或少都係水不潔。

作者: SliderFan 時間: 2017-11-5 23:17

L_suet 發表於 2017-11-5 19:58
之前有脫過幾塊殼，之後就冇再脫，就變成宜家咁，問咗賣龜啲人應該係真菌感染。依家有搽"真菌淨"。搽完之後 ...

到好番至回復餵食量都ok。

作者: L_suet 時間: 2017-11-8 10:13
呢幾日都有keep住搽，有照餵食，不過都唔係好食。呢排冇太陽曬，所以睇得唔係好岀有冇好返d。

作者: L_suet 時間: 2017-11-8 10:15
呢排天氣又涼返d，驚佢隨時進入冬眠，唔餵食又驚佢捱唔過冬天。

作者: 大菜鳥 時間: 2017-11-8 17:25

L_suet 發表於 2017-11-8 10:15
呢排天氣又涼返d，驚佢隨時進入冬眠，唔餵食又驚佢捱唔過冬天。

加温，28-30係養病最好温度

作者: L_suet 時間: 2017-11-8 23:54

大菜鳥發表於 2017-11-8 17:25
加温，28-30係養病最好温度

加溫點加？可以照燈嗎？但我呢隻係巴西龜

作者: 大菜鳥 時間: 2017-11-9 00:33

L_suet 發表於 2017-11-8 23:54
加溫點加？可以照燈嗎？但我呢隻係巴西龜

用暖管，如果水少也可以照燈，用溫度計監溫

作者: L_suet 時間: 2018-1-11 18:10
標題: 甩殼情況又嚴重左，求解答
本帖最後由 L_suet 於 2018-1-11 18:24 編輯

現在的天氣照搽藥‘‘真菌淨‘‘，乾養一晚有冇問題。求解答

龜2.jpeg (153.47 KB, 下載次數: 27)

左上角甩殼情況又嚴重左，擦著左真菌淨，唔知應唔應該整甩佢，求解答

龜1.jpeg (257.79 KB, 下載次數: 29)

求解答

作者: 迷失雙臀 時間: 2018-1-12 23:40
聞吓有冇臭味有臭就腐甲

作者: L_suet 時間: 2018-1-13 23:41

迷失雙臀發表於 2018-1-12 23:40
聞吓有冇臭味有臭就腐甲

都有少少味，有一塊就黎甩，可唔可以整甩佢？咁腐甲點算好？

作者: 迷失雙臀 時間: 2018-1-14 23:50

L_suet 發表於 2018-1-13 23:41
都有少少味，有一塊就黎甩，可唔可以整甩佢？咁腐甲點算好？

2、細菌性腐甲爛甲：前期現象是龜的甲殼處出現白或紅點（片），用鑷子輕按可以發現裏面很軟，而且龜會明顯敢到疼，有水狀流出並且有腐臭氣味，基本就可以確定是細菌性腐甲爛甲了。嚴重的龜表現停食，不愛動。

治療方法：發現此病也是先進行隔離，干養，給容器消毒。用工具把腐爛處甲殼挑開，將裏面腐爛的甲殼殘渣（液體）清理乾淨，嚴重者會流血，雙氧水反覆消毒幾次，用紫藥水，百多邦，眼膏等塗抹。每天1到2次。嚴重腐爛的龜或者用以上方法無效的龜可以直接用高錳酸鉀粉末塗在腐爛處干養。嚴重的龜可以在飼料力投入適量的抗生素（頭孢之類的），要是龜因為嚴重腐甲爛甲導致停食，可以直接注射抗生素一周左右。

腐甲爛甲病情得到控制和好轉的現象是腐爛處沒有繼續擴大，腐臭氣味消失，挖掉的腐爛處結疤，變硬即為好轉。此時可以停止治療，以預防為主。

作者: 蜻蜓 時間: 2018-2-2 03:05
提示: 作者被禁止或刪除內容自動屏蔽

歡迎光臨香港龜友論壇 (https://www.hkturtle.org/)