香港龜友論壇

標題: (#54樓加了圖片)更新:5-Sept-2015_那些年, 我們一起在東莞養龜 [打印本頁]

作者: anson388 時間: 2014-7-24 00:14
標題: (#54樓加了圖片)更新:5-Sept-2015_那些年, 我們一起在東莞養龜
本帖最後由 anson388 於 2015-9-5 11:53 編輯

數: 2人
地點: 天台
龜種: 南石, 大頭青, 巴西龜, 草龜
養龜前準備:
天台起池(5000RMB)
開井(5000RMB, 最後D水污染左, 冇用到)
買藥(500HK, 一支都冇用到)
買PH計, 雜質計, 溫度計(700HK, 冇用到)
養龜原因:
朋友原本想用二十萬買兩台模切機在家生產3M標籤(假野), 賣回自己工作的公司, 佢仲叫我幫佢搭路!
我同佢分析利弊後(我有同佢講你不如養龜, 成功率比你做標籤高), 佢放棄左!!!!!!
當晚, 我同佢飲完酒, 佢車我返酒店! 我沖完涼準備訓時, 佢打比我同我講, 不如我地一齊養龜.....
我同佢講, 你咪玩啦, 你真係當我講真架!!!!!
之後佢同我講......係呀, 問下你一唔一齊玩......
最後我同佢講...等我度度先(最後, 我當然有玩啦)!!!!!!!
感想:
開始時我成日指指點點, 成日同朋友吵架, 又話比D麥佢地食, 又話應該點管理.....
最後才知道......冇料係我, 在香港養兩隻苗都出事, 佢打理D龜, 隻隻生猛有力, 今年仲有苗出, 真係多謝佢!!!!!!

每次我上來, 都會聽到D龜跳水既聲音

有D植物, D龜有安全感!!!!!

第一隻出埸...大頭青女

第一批下池既巴西龜其中一隻, 因為新池要試水, 所以我地就用巴西龜和魚仔試水, 佢三歲了!!!!!

明天待續.......

更新 ~ 2014年7月24日
在天台養龜的好處:
1. 天然陽光, 通風, 龜兒活得快樂
2. 地方大, 可以一體化龜兒既生活區, 生育區, 在穩定既環境, 母龜比較肯生蛋!!!!
3. 容易營造天然溫差, 龜兒覺得邊度舒適, 就走去邊度(佢地過冬會在水裡, 唔係仲冬D嗎???? 真係唔知佢地)
4. 在池裡, 可以養2至3斤魚仔, 比佢地追下有D運動(主要目的係試水, 魚仔冇事, 龜兒冇事!!!!!!)

天台養龜的壊處:
1. 天台下一層既天花板會發酵, 要成日油(佢屋企, 關我鬼事)
2. 盜竊問題 (成村親戚, 佢爆人就差唔多)
3. 多蚊 (要從植物管理下手, 剪掉過長的葉, 多洗過濾器)
4. 清潔花時間 (佢每兩個月會放曬D水, 擦掉青台! 佢洗關我鬼事)

我與朋友 ~ 投機 ~ 養龜的心態!!!!!!
1. 在能力範圍內投機...(而家...龜和Setting...用了50,000萬HK, 每人25,000HK)
註: 佢原本想用20萬~投機~養金錢龜, 我之後同佢分析, 我們沒有經驗, 不懂養龜, 東莞附近也沒有專業的龜醫生! 而最重要的, 就是我們不懂什麼是一只好龜, 健康既龜, 純種既龜, 所以我們不能一開始就養高價既龜種! )
2. 在興趣範圍內投機...(比較容易成功, 因為有愛, 願意付出)
3. 選擇一條合適既投機路線, 要攻...就養苗, 要守...就養種!!!!(我和他都是AC米蘭, 意大利國家隊球迷, 所以就努力去防守吧)
4. 互相信任, 我入龜, 佢打理(龜在佢家裡, 條村仲係佢主埸, 佢可以反起我...所以我要學下做人既手腕了!!!!!)

我和朋友與大頭青的故事!!!!
我是負責入龜...因為三年前一次錯, 被一位香港龜販騙我以9000元, 買入了兩只大頭青母龜!!!!
我之前同該龜販有交易, 買了兩只南石種龜@兩斤一只, 其中隻公係落山龜, 不是全品, 但沒有所謂, 因為我知道野仔係做種既首選(兩只龜我係自己走上大陸的, 一隻放入背包, 一隻放入手拉喼, 跟住奶粉走私客後面過......我.....成功左.....奶粉走私客.....失敗左)!
由於我好滿意兩只龜, 以為她是一位有信譽既龜販有好貨賣, 所以我再託她幫我找多兩隻南石女, 但要在羅湖交收....
當日在羅湖交收, 當時她叫我不要打開放在王老吉盒內的龜打開, 費事包番佢, 我信左佢, 找尾數走人!
當晚我回東莞, 在朋友家打開王老吉, 一睇個背就覺得有D唔妥, 反轉隻龜.....放射紋....心知玩完, 睇埋另一隻.....玩完!!!!!
我朋友在樓下羅啤酒上天台, 問我有什麼事, 我流著眼淚同佢睇....我比人呃左, 對唔住.....
我朋友羅起隻龜, 睇下左, 又睇下右, 之後同我講......有什麼不同呀? 咪又係甘大隻.....唔係石金錢咩???? 差唔多之麻!!!
我同佢講南石同大青既外表和價錢分別, 佢想了一想, 之後問我.....純種嗎????買多隻...大頭青...公咪一組羅!!!!!
朋友之後講: 得啦, 出去飲酒啦, 7投!!!!! 留馬尿...打口庄都冇左啦, 今晚你請!!!!!

商場就係甘, 弱肉強食, 你不小心, 冇人可憐你!!!!!!!
我冇恨龜販, 有時我都會同佢買下野, 吹下水!!!!
多謝你為我安排了寶貴的課堂!!!!! 做生意.....你學下野先啦Anson388!!!!!!

下圖是我為兩只大青女安排的野生大青公, 我已注入念力, 要佢大力D X 死佢兩個!!!!

明天又放D相, 待續.......
.....................................................................................................................................
東莞龜農交流聚會
話說朋友佢成日都會叫...自己D龜農朋友...上來天台, 分享自己的南石龜組, 以下是部份的交流對話!!!!
龜農朋友A
飬龜年資: 佢話19幾20年(朋友在交流當日才知道, 同佢由細玩到大)
龜種: 南石, 最近轉左黃緣
交流對話:
Anson388朋友: 到了, 尼到就係我既龜池....

龜農朋友A: 哦, 有綠化幾好

龜農朋友A: 每池也有獨立過濾, 基本設置到位!!!!!

龜農朋友A: 南石龜呢???
Anson388朋友: 呢池...
龜農朋友A: 吓, 得一池, 你養左幾多只???
Anson388朋友: 兩公四母!!!
龜農朋友A: 吓, 你又話用左3萬幾買龜咩???
Anson388朋友: 一萬元起池開井, 呢度兩萬幾龜!!!!
龜農朋友A: 吓, 你唔係成池收咩, 邊有人甘養龜架!!!!
Anson388朋友: 我朋友(Anson388)話, 龜要一隻隻買才好, 一池收成本高, 質素也沒有保證, 又話一池收既龜會有好多近親, 出D苗會唔健康!!!!!
龜農朋友A: 吓, 唔係呀, 咁D龜收到幾時先可以打爆D池????
Anson388朋友: 我朋友(Anson388)話, 要用野生龜來打種, D苗...黑手黑腳黑殼...甘先至靚!!!! 佢係香港搵左成年, 先得兩隻!!!!
龜農朋友A: 吓, 而家仲有野生龜, 真係要睇下!!!!
Anson388朋友: 那, 呢隻!!!!!!

龜農朋友A: 吓, 你尼隻龜係唔係細個時營養不良呀, 個背都唔高既, 仲有D K 型!!!! 還有呀, 佢係咪水腫呀, D手腳咁大隻既!!!! 你睇下(開手機, 上網, 開...(上帝)龜網... 交易區...成池放南石) 南石係甘架麻!!!!! 呢隻野, 你買左幾錢呀????

Anson388朋友: 龜價連港中運費 X,XXXHK
龜農朋友A: 甘貴, 傻既, D香港佬都冇腦架!!!!! 大陸買都係1700元人民幣一斤之麻!!!!!!
Anson388朋友: 呀, 你個...比鬼小(東莞常用問候語)...1700蚊買四年龜之麻, 仲要成池買, 成二十幾萬呀!!!!! X,XXXHK呢個價買隻...老種返來都平啦!!!!!!花地灣買要...成皮水(東莞話...成萬意思)...呀!!!!!!(我地買龜時, 去花地走左轉, 四圍問價)
龜農朋友A: 隻龜好老咩??????
Anson388朋友: (已經唔想同佢講)
~>
龜農朋友A之後低價賣曬D溫室龜比收龜佬, 轉養黃緣! 但由於買入了剛下山的貨(花地之前好多), 好多都是口內有勾, 有內傷的龜, 導致大量死亡, 損失慘重!!!!!!
~>
明天分享另一個...龜農朋友B...的對話, 敬請留意!!!!
......................................................................................................................................................

作者: GOLDhk 時間: 2014-7-24 02:36
ching, 今年出左咩苗?

作者: beejjb 時間: 2014-7-24 05:01
期下一編！！

作者: anson388 時間: 2014-7-24 08:24
回復 GOLDhk 的帖子

上年出草龜苗(5元ㄧ隻嗰D)，今年出南石苗，草龜苗！

作者: anson388 時間: 2014-7-24 12:15
回復 anson388 的帖子

我會放苗相分享, 多謝關注

作者: PP-HK 時間: 2014-7-24 12:18
5蚊一隻要賣幾多隻先回本?

作者: anson388 時間: 2014-7-24 12:59
回復 PP-HK 的帖子

我地主力龜得池半(南石(三公五母)，大頭青(一公兩母)各ㄧ池)
還有三個池，甘咪放D巴西龜，草龜入去養羅，唔好甘悶

有次佢釣左條大鯉魚，放左入個池到，得閑上去睇下佢，幾開心！

作者: anson388 時間: 2014-7-24 13:04
回復 PP-HK 的帖子

草龜: 唔賣，自己養，送比人玩
南石，大青: 苗太小，得七隻，賣麥鬼呀，養大左先算！

作者: Yingpig1129 時間: 2014-7-24 13:37
等待

作者: PP-HK 時間: 2014-7-24 14:03

anson388 發表於 2014-7-24 13:04
回復 PP-HK 的帖子

草龜: 唔賣，自己養，送比人玩

努力呀, 將來龜大成人益吓龜友。

作者: ylcathy 時間: 2014-7-24 14:12

作者: 751 時間: 2014-7-24 14:49
加油加油

作者: anson388 時間: 2014-7-24 18:18
回復 beejjb 的帖子

多謝C兄關注，日日更新！

作者: anson388 時間: 2014-7-24 18:20
回復 beejjb 的帖子

每天會加㸃內容，請關注，多謝！

作者: anson388 時間: 2014-7-24 18:21
回復 Yingpig1129 的帖子

會日日寫D字，貼D相，煩請多㸃關注！

作者: anson388 時間: 2014-7-24 18:23
回復 ylcathy 的帖子

多謝支持！

作者: anson388 時間: 2014-7-24 18:24
回復 751 的帖子

請包容我的文筆，多謝關注

作者: anson388 時間: 2014-7-25 01:32
Updata
Day: 25-July-2014
Time: 1:32

作者: 浩洋凰 時間: 2014-7-25 02:04
圖文並謬，好睇過紅Van，多謝分享！

作者: anson388 時間: 2014-7-25 16:54
回復浩洋凰的帖子

煩請多多關注, 每日也有更新, 多謝收看

作者: anson388 時間: 2014-7-25 17:57
Updata
Day: 25-July-2014
Time: 17:58

作者: alfred21 時間: 2014-7-25 18:58
點解唔試下養其他?
養大頭草..好晒地方同好臭

作者: 釣魚台 時間: 2014-7-25 22:17
篇文好有心機

多謝分享！

作者: anson388 時間: 2014-7-26 01:17
Updata
Day: 26-July-2014
Time: 1:17

作者: anson388 時間: 2014-7-26 01:24
回復 alfred21 的帖子

1. 因為有地方....(有三個池多出來)
2. 因為平, 大隻, 易生蛋....朋友話練習下...乎蛋...技術
3, 朋友最後話...買多D養半年...秋天捉一兩隻去

作者: anson388 時間: 2014-7-26 01:26
回復釣魚台的帖子

多謝C兄關注, 天天都會有D更新, 有空就關注下!!!留個言, 支持下!!!!!!

作者: alfred21 時間: 2014-7-26 01:27
回復 anson388 的帖子

養南石其實都好D呀..

作者: 浩洋凰 時間: 2014-7-26 02:55
本帖最後由浩洋凰於 2014-7-26 02:57 編輯

Anson兄，請問下：東莞一般是用廣東話，還是用普通話來交流的呢?

作者: anson388 時間: 2014-7-26 08:21
回復浩洋凰的帖子

本地人 ~> 本地人 ... 東莞話
本地人 ~> 香港人 ... 廣東話
本地人 ~> 外省人 ... 國語

作者: anson388 時間: 2014-7-26 08:44
回復 alfred21 的帖子

南石有養，但好難收種！大頭青好D，收到好種，而家會多放錢在大青！

作者: uiamiam 時間: 2014-7-26 11:50
多謝分享.

作者: 浩洋凰 時間: 2014-7-26 12:06
回復 anson388 的帖子

完全明白，謝謝解答。

作者: anson388 時間: 2014-7-27 00:10
本帖最後由 anson388 於 2014-8-2 01:04 編輯

由於已經超出了一萬字, 所以在這裡寫下去!!!!!
東莞龜農交流聚會2 ~> 一位幸運的龜農

出埸人物: 我(Anson388), 龜農朋友B

龜農朋友B 背景

飬龜年資: 兩年
龜種: 南石苗, 分兩批入, 第一批500只(500-600人民幣一只), 第二批500隻(300-400人民幣一只)

話說一次同東莞同事晚飯, 言談間知道同事的哥哥加入了龜農既行列, 二話不說就托同事安排與我與哥哥交流交流!!!!!

以下是部份我與龜農朋友B(同事哥哥)交流對話

Anson388: 喂, 龜農朋友B, 你呢排點呀!!!(其實龜農朋友B以前是我公司的員工, 所以我是認識的)

龜農朋友B: 哦, 而家我買左台車, 接D拉客拉貨既工作做羅!!!!!

Anson388: 甘咪好羅, 先祝你生產興隆!!!(在東莞, 不要小看外判司機尼份工作, 平均收入有10,000人民幣)!!!!!

龜農朋友B: 好好好好好,今晚飲酒先講....那, 地下呢間房, 我D龜而家就係放曬係裡面(加溫室, 加溫養殖是室內整體加溫, 不是在水裡放暖管)!!!!

Anson388:  吓, 你加溫養呀, 你第日想賣肉龜呀???

龜農朋友B: 唔係, 我加溫養一年先, 下年才放龜上天台養, 比佢地自然過冬!!!!! 先上天台, 睇下我個龜池先!!!

Anson388: 嘩, 成十個池喎!

龜農朋友B: 係呀, 我之後會收番對面層樓, 將3樓和天台做埋養龜!!!!! 如果唔係點放得到六百隻幾龜呀!!!!

Anson388: 吓, 之前你細路話你入左一千只苗架, 為什麼而家只有六百幾隻龜??????

龜農朋友B: 係呀, 都唔知為什麼D苗會甘易死, 之前一星期最多死幾十隻龜呀!!!!!!而家先好D冇點死到!!!!!! 好啦, 帶你去加溫室睇下D苗, 而家D苗最大個隻都差唔多一斤!!!!!

Anson388: 吓, 未到1年, 差唔多一斤???

龜農朋友B:  係呀, 入來先講!!!!!

Anson388: (一打開門有一股嗅氣攻入鼻) 嘩, 呢度有幾多度呀, 好焗????

龜農朋友B:  有成三十度呀!!!! 你睇下D龜(比一隻我)!!!!!

Anson388: (我反轉龜睇) 可以呀, 好純呀!!!!(加溫養, 浪費曬!!! 好多都有梅花頭, 和胸前V字)

龜農朋友B:  有D甘既樣, 有成30幾隻!!!!

Anson388: 我一看, 嘩! (心講...小死佢!)

Anson388: 呢D叫金銀龜, 好貴架, 小心D養呀!!

龜農朋友B: 我唔知呀, 之前有人同我收一千一隻, 我同佢講我唔賣架, 呢D龜我留種架!!!!!

Anson388: 下次有人同收, 你要小心D啦, 可以打比我, 我幫你睇左市場價先!!!!

龜農朋友B: 好啦, 好啦!!!! 一齊出去食反先講啦!!!!!

~>

今年龜農朋友B已經把所有龜搬到天台養了....祝龜兒健康快樂!!!!!

~>

明天分享最後一個...龜農朋友C...的對話, 敬請留意!!!!
................................................................................................................
東莞龜農交流聚會3 ~> 一位不簡單的龜農
你們第一次養什麼龜... 巴西? 草龜? 定係......
你們第一次養龜是怎樣入手....買? 拾? 定係.......
第三次出場的東莞龜農C, 他第一次養既係...........一對米底金錢龜(公,母), 他的龜是他人送的!!!! 真係同人唔同命, 好醜命生成!!!!
話說小弟在東莞有一位女性朋友, 她是一位英國回流學生, 在我公司工作了一段時間!!!! 她知道了我和朋友做了龜農, 所以告知我們她的姨丈(東莞龜農C), 也是一位龜農, 年資也有十年以上!!!!
東莞龜農C來頭真不小, 十幾年前在東莞某外資公司出任副總經理, 當然收埋收埋都唔小野!!!! 佢收既東西包羅萬有, 名煙(成箱橙熊貓), 名酒(各大牌子白酒), 包裝盒 3呎X3呎既月餅(包金的) 等等等等......(只是未收過錢!!! 佢比出去既就多), 最令佢難忘的, 是收了一對米底金錢龜, 是一個文具供應商送的!!!!!!
有一次, 我地其中一隻南石公隻手拗親隻前手, 令到我與朋友極度擔心, 怕會影響龜兒的交配能力(說穿了, 我們也是龜農, 龜兒不能交配, 會打亂了我們的部署)!!!!!
我找了很久, 也找不到一位在東莞的專業龜醫生, 在我絕望之際, 忽然想起...女性朋友...提起過的姨丈, 二話不說請...女性朋友...安排約見!!!!

就在當天, 女性朋友話會同姨丈一班人去羽毛球館打球, 叫我帶同...拗柴龜公...去球館討論對策
以下是我們的對話內容:
Anson388: 你好呀! 東莞龜農C(Uncle), 多謝你抽時間為我睇龜, 請你睇下隻龜隻手什麼事!!!!
東莞龜農C: (睇下個筒), 嘩, 你隻公邊度買架, 近幾年好小見到呢D平背南石????
Anson388: 早兩年在香港帶上來架, 野仔泥架!!!!!
東莞龜農C: (捉起來)尼隻似呀, 個裙邊都磨到圓左啦!!!(睇正面)好精神, 幾好!!! (拉拗柴手) 有反應, 冇斷骨!!! (放上地) 四手爬行, 只係拗柴手不靈活!!!! 你隻龜可能太猛了, 哈哈哈(賤笑)!!!! (羅返起隻龜) 隻手有D腫, 用D...鐵打酒...捽下佢應該會好!!!!
Anson388: 吓, 鐵打酒...人用個D???
東莞龜農C: 係呀, 好小事姐!!!!
Anson388: 喂, 朋友(我個合伙人), 會唔會隻龜係斜台度跳落水度撞到隻手呀???
朋友: 可能系, 今晚升高水位先!!!! 明天在斜台加擋板!!!!
(留意大龜下就是斜台, 旁邊就是新加的擋板)

Anson388: 呀東莞龜農C呀, 有D技術問題要你指點指點!!!! 你比什麼D龜公食, 令佢主動D交配???
東莞龜農C: 哦, 你在7月開始, 你按以下次序喂龜食野: 3粒雞子~>3日~>牛肉~>3日~>河蛤肉/河蝦肉~>3日~>蚯蚓~>重覆流程
Anson388: 吓, 雞子??? 有什麼作用???
東莞龜農C: 雞子, 牛肉有男性荷爾蒙, 喂比佢食, D公會主動D(又賤笑)
Anson388: 哦, 甘喂到幾時停呀?
東莞龜農C: 入秋時要停啦, 之後照你地之前咁喂, 之後就停喂, 清腸冬眠啦!!!!
Anson388: 明白!!!!
女性朋友: (打完一局羽毛球走過來) 嘩, 什麼龜來的, 黑炆炆, 甘樣衰既! (羅起泥睇, 底甲對住自己) 嘩, 條尾甘粗既!!!!!

龜: (手腳放鬆

, 射尿

, 個樣大既係呢個Icon

)
女性朋友: 嘩, 我@#$%#@$%@#$%
Anson388: 隻龜話你話我樣衰呀啦

!!!!!!!, 好了, 東莞龜農C多謝你今天的指導, 玩得開心D!!!!
~>
東莞龜農C繁殖出來既小龜, 係唔會賣既, 只會一直養大佢地! 當有親戚仔女結婚既時候, D龜就一對甘送比佢地當禮金!!!!!!祝佢既小金龜健康快樂, 快高長大!!!!!
~>
明天入埸睇波, 休息一天, 星期三寫更新!!!!!! 請密切關注!!!
................................................................................................................................

作者: dreamlife 時間: 2014-7-27 00:46
good，期待

作者: anson388 時間: 2014-7-27 01:04
回復 dreamlife 的帖子

多謝c兄關注！

作者: anson388 時間: 2014-7-27 01:09
回復 uiamiam 的帖子

多謝關注！

作者: alfred21 時間: 2014-7-27 01:18
加溫養..大得快...但之後冇咩用...
還是慢慢冷水養啦...
我自己都養左小小

作者: anson388 時間: 2014-7-28 20:46
Updata
Day: 28-July-2014
Time: 20:49

作者: anson388 時間: 2014-7-31 01:15
Updata
Day: 31-July-2014
Time: 1:18

作者: anson388 時間: 2014-8-2 00:34
本帖最後由 anson388 於 2014-8-2 00:59 編輯

今次借個位, 寫篇外傳!!!
那些年, 我們一起上班射波為了排隊迫入動漫展的日子!!!!
話說小弟我係伊巴謙莫域球迷, 今次PSG巴黎聖日耳門來香港進行表演賽, 小弟我當然約埋三五知己, 入場睇波!!!!!
7月10日上午9:00發售門票, 負責買飛既朋友已經一早部住台電腦, 務求要買到好坐位, 欣賞比賽!!!!!!

日復日的等待, 終於等到比賽當日了, 朋友們話玩大佢, 一齊請假中午殺入動漫展, 之後直落去大球場睇波!!!
當日, 我們相約中午在灣仔地鐵站集合, 食個午飯後就一起殺入會展!!!當我們行到酒店天橋的時候, 我當堂打個凸!!!!!條龍尾都唔知屈左去邊度!!!! 當時我有問自己, 為什麼要來, 為什麼要甘辛苦自己, 我入到去有野買嗎, 為什麼要來!!!!!!!
說時快, 終於行到條龍尾!!!!!! 以下是我和朋友對話的內容:
~>
我: 到底在這個位置(消防局對面), 要排幾奈, 才可以入到去???
朋友A: 大約排一個鐘到, 才入到去!!!!
我: 嘩, 太陽係正頭頂, 點排呀!!!
朋友B: 好快既姐(已經打緊手機遊戲P&G)
我: 你兩隻野當然時間快過啦, 甘我點呀!!!! 我手機都冇裝遊戲, 網又冇得上(我同老婆是共用一個pocket WIFI的, 當日佢上班, 所以我冇得用)!!!!
朋友A: 都叫你用 I-phXXX 架啦, 又要玩服古, 用洛基呀!!!!! 底死!!!!
~>
幾年前來動漫展, 排隊都覺得係一種享受! 以前冇甘多手機遊戲, 同身旁唔認既人, 一邊排, 一邊吹係消磨時間既唯一選擇! 吹完左邊吹右邊, 前面嗰個聽到有趣又轉身同你吹, 後面排到操又叫吓, 吹緊既又一齊叫, 一齊小, 都不知幾開心, 幾過癮!!!!!!
而家, 排隊你冇台手機, 你都幾頭癢吓!!!! 世界變, 你唔變, 到最後受苦既都係自己!!!!!!
明天一早要上東莞工作, 休息先!!!!
~>
好繼續!!!!!!!!
半小時之後, 排到去買飛個位, 入場費35元, 真係有點貴, 但可以回味下童年, 比錢啦!!!!!

由買飛位置要行一段路, 才到達展覽場地! 在途中, 見到好多人玩Crossplay, 嗰陣我問朋友, 我地下次來, 要唔要都玩下!!!! 朋友聽到立即在袋裡, 取出一頂帽, 叫我帶上頂住先(朋友身上成日有尼D無為野)!!!!!!!

入到會場, 見到有個攤位, 比25蚊有得玩攪珠抽獎!!!! 見個攪珠台幾得意, 就比25元玩一下, 同時叫朋友幫我影張相!!!
唔攪由事可, 一攪就跌粒橙珠出來, 對下個獎品LIST...Yeah...三獎!!!!!(六合彩三獎又唔見我中!!!!)

行下行下, 見到有一個攤位賣公仔和帽, 其中有一頂...海賊王...系列既帽!!!!! 嘩, 頂!!!! 又190HK!!!!! 但真係好得意, 買!!!!!

時間真係過得好快, 話甘快就18:30!!!!! 我同朋友講, 6點半啦, 要買野就快D啦, 我地一陣要飛的去大球場呀!!!!
朋友話唔洗甘早去麻, 7點3先走啦!!!! 我話入到去仲要買傑志球衣支持港隊!!!!朋友問你唔係入去睇伊巴謙莫域咩? 你應該著巴黎球衣先係架, 為什麼著傑志呀?????我答...我接受唔到係自己主埸, 著外隊既球衣羅!!!!!

當晚, 見到傑志先開紀錄, 我成個人叫左出來, 我仲大叫話我唔介意一比零完場, 守住佢!!!!
最後比數係2比6, 難免有D失望(伊巴謙莫域系甘而, 都入到兩粒加無數助攻及個人突破...只係差個火箭罰球冇出現到, 總括來講...收貨啦!!!!), 但見到傑志D球員甘落力踢, 最後仲可以打進多一球....我只可以講.....我收貨羅!!!!!!
好了, 講到尼到先!!!!下星期等我影多D龜相, 繼續...我和朋友在東莞養龜的日子, 敬請密切留意!!!!!!

作者: anson388 時間: 2014-8-2 01:05
Updata
Day: 2-Aug-2014
Time: 1:06

作者: anson388 時間: 2015-8-26 22:29
本帖最後由 anson388 於 2015-9-5 11:15 編輯

大家好!
好奈冇分享東莞養龜的故事了, 對不起有留意我帖的龜友們!
人就是這樣, 一有些鬆懈, 就會懶下來!!!!
以下故事, 係承接本帖33樓…東莞龜農交流聚會3 ~> 一位不簡單的龜農!
……………………………………………………………
龜農伙伴這一家!!!!!!
話說小弟和伙伴約見東莞龜農C後, 我同伙伴立即回家, 問伙伴媽媽索取一支自己做既鐵打酒, {伙伴是東莞圍村人, 成幢樓都系自己家人, 地下出租左比成衣工廠(香港80年代初有好多呢D小工廠, 1300RMB租不含水電費), 一樓是伙伴爸媽家, 二樓係伙伴一家人(老婆, 仔), 天台…龜池)} 內容如下:
Anson388合伙人: 阿媽,你個支鐵打酒呢!!!!
合伙人阿媽: 你邊處整到呀, 睇過!!!!
Anson388合伙人: 唔係我整到呀, 係隻大公呀…(當時, 我們只有兩只公, 一大一細)!!!
合伙人阿媽: 吓, 龜都用得既咩!!!! 隻大公咩野事呀!!!
Anson388合伙人: 隻大公跪左隻手哦, 比人睇過教甘做, 用鐵打酒搽下隻跪手!!!!
合伙人阿媽: 哦…(打開抽屜)...得番甘多, 夠唔夠呀!
Anson388合伙人: (拿起個瓶望兩望)… 嘩, 比鬼小(小…粗口)…得番甘小唔夠用喎!!!!!
合伙人阿媽: 一時都冇留意用曬, 明天整番兩三支!!!!
Anson388合伙人: 嘩, 咪要成年先有得用!!!!!
合伙人阿爸: (入房)…用…活洛油…得唔得呀(遞給我伙伴)
Anson388合伙人: 哦…Anson388, 得唔得呀????
Anson388: 試下啦!!!!!

圖中就係跪手大公啦!!!!
我既龜農伙伴一家人好簡單, 佢爸媽已經退休, 每天同朋友玩…8張(啤牌13張玩法, 但小了五張)…1蚊注, 已經好開心! 佢老婆在工廠做會計, 下班就回家做飯, 同教個仔做工課!!!! 佢個仔好聰明, 除左個樣, 其他一D都唔似佢阿爸…!!!
另外, 租伙伴屋企地下個成衣廠租客, 他們一家人都是住在工廠內, 每晚11,12點收工, 雖然佢地好忙, 好辛苦! 但睇佢地工作, 會Feel到佢地係冇壓力甘工作, 佢地簡單的, 只係做完眼前的工作! 唔似我地香港人甘, 為生計擔憂, 為供樓擔憂, 為兒女擔憂, 為家庭擔任!!!!!
最後, 佢地既生財工具只係幾台衣車, 幾張剪刀就去接加工訂單了, 雖然技術含量不高, 但…收入就足夠一家人胡口了!!! 我們香港人, 是否有時, 也會羨慕他們呢!!!! 簡單…是最好的!!!!
明天繼續...為跪手南石公, 尋找龜醫的故事..., 敬請留意!!!!
...............................................................................................................
Updata: 27-Aug-2015
主題:治療之後
~>
話說伙伴按照…東莞龜農C…的放法, 用...活洛油(後來微信C兄, 確認他也是用活洛油)…搽跪手! 兩個星期後, 伙伴叫我上去檢查…大公…跪手情況, 以下是對話內容:
Anson388: (在大水盆取出大公…不放入池, 每天早晚搽活洛油, 中午加水過背比佢飲水, 一小時後乾水) 喂, 點呀佢????
合伙人: 唔知呀, 我覺得佢好左好多!!!!!!
Anson388: (拉下跪手) 唔係喎, 比唔到力我喎, (放佢落地比佢行兩步) 唔得喎, 仲係跪下跪咁行, 佢食唔食野???
合伙人: 食, 小餵D姐, 兩三日餵一次甘羅, 在膠盆佢小活動, 等佢All左先餵!!!!
Anson388: 肯食野就好D!!!!
合伙人: 不如明天問下賣龜料嗰個老闆呀…佢係東莞龜會會長黎架!! 好多人D龜有病, 都搵佢架!!!!!
Anson388: 你個比鬼小, 知道有龜醫生你又唔早講, 而家去啦!!!!
合伙人: 人地收左門啦(當時18:30), 明天先啦!!!!
Anson388: 你有冇佢電話呀, 打比佢啦, 睇下佢走左未!!!!
合伙人: 得啦得啦….你唔好成日甘緊張啦, 我加左佢微信啦, 一陣留個言比佢, 聰日去啦!!!!
Anson388: 你緊張D啦, D龜好貴架! 好啦, 聽日去啦!
合伙人:　那那那，覆左我啦，聽日4點呀!!!! 你個比鬼小, 聽日了唔了到出黎呀???
Anson388: 3點半黎返廠接我得唔得呀???
合伙人:　知啦知啦OK!!!!!
~>
其實伙伴佢自己沒有上網爬文學養龜, 但從尼句...食, 小餵D姐, 兩三日餵一次甘羅, 在膠盆佢小活動, 等佢All左先餵...就知道佢飬野, 係靠自己直覺!!!!!
我沒有搵錯合作伙伴吧!!!
明天我要去日本東京旅遊, 3-Sept-2015才回來!!!!!
下次更新日期: 4-Sept-2015
主題: 20蚊, 帶左隻龜去打針!!!!!
敬請留意!!!!!!
.............................................................................................................................
Updata: 5-Sept-2015
主題: 20蚊, 帶左隻龜去打針!!!!!
今次故事的時間, 係主題:治療之後既第二日, 出場的人物如下:
1. Anson388: 作者
2. 合伙人: 作者拍檔
3. 東莞龜會會長: 東莞有9萬幾個龜會, 大家不要認真
4. 東莞龜農眾: 一群經常出沒於東莞龜會會長店舖的龜農!
~>
時間好快, 到左第日既15:30!!!!
合伙人: (打電話比Anson388) 喂! 到左廠門口, 你個…比鬼小…出黎門口
Anson388: (上左車) 你個…比鬼小…唔能洗做呀! 冇貨送咩!
合伙人: 叫左第二個送呀, 今晚你老闆今晚又要出去玩, 唔知又要幾多點呀!!!! (伙伴係我公司的主要職務, 係車老闆出入, 有時間會客串幫公司送貨)
隻大公帶左出黎啦, 係後面!
~>
5分鐘後, 到左東莞龜會會長店舖, 店舖門口已經坐左數名東莞龜農眾
~>
合伙人: 啊會長, 尼個就係我拍檔Anson388, D龜全部都係佢買架!!!!!
東莞龜會會長: 哦, 你好! 你香港人呀!!!
Anson388: (托住個膠盆) 係呀, 香港人! 師傅, 隻龜跪左手成個月啦, 幫我睇下佢咩事!!!!!
東莞龜會會長: 膠盆放係地下先, 等我睇下佢!!!!!
東莞龜農眾A: 做乜事隻龜個殼凹左落去甘k型既????
東莞龜會會長: 尼D成十幾年龜, 老身龜係甘樣架!
東莞龜農眾B: (行去膠盆度) 嘩, 攪乜呀! 個龜殼長方型既!
東莞龜會會長: (自信般的咀角向上) 呢D甘粗身既, 係野生架, 殼型順住骨架生, 所以比較方架!!!!
東莞龜農眾C: (走埋黎) 而家仲有野生既咩???
東莞龜會會長: 有, 你會唔會買呀! 5,6千蚊1斤! 香港仔(Anson388), 呢隻你買左幾多錢????
Anson388: 我3年前買既(2011年), 嗰時1隻X,XXX港幣左右, 我買嗰陣, 網店帶左兩隻出來比我擇, 1大1細, 我最後就買左尼隻大既!!!!
東莞龜農眾D: 上網買甘危險, 睇相之後寄比你呀???
Anson388: 唔係, 我係香港網店買架, 直頭約出來睇龜,
東莞龜農眾A: 香港買左, 點上黎呀, 甘大隻???
Anson388: 上來就要自己諗辦法啦!!!!師傅, 上次我地比個龜農(東莞龜農C)睇過, 佢話隻龜應該係交配時整到, 我地已經幫佢每日用活洛油搽隻手, 點解佢都仲係跪下跪下咁既???
~>
東莞龜會會長沒有答我問題, 佢專心地睇住隻龜, 放佢係地下比佢行幾步, 不時拎起隻龜, 拉下隻跪手, 之後又放係地, 比佢行幾斤步!!!!重複重複甘做!
~>
大約10分鐘後, 東莞龜會會長把龜放回膠盆!!!!
Anson388: 師傅佢點呀????
東莞龜會會長: 我拉佢隻手, 佢會間斷性甘比到力我拉番轉頭, 唔似斷骨!!!
合伙人: 冇斷骨咁都好D
Anson388: 甘會唔會係D筋骨/膜出現問題呀???
東莞龜會會長: 跪手同第2隻手, 兩只腳比較, 沒有明顯腫脹, 唔似筋骨/膜出現問題, 但有可能係你地幫佢搽藥, 消左腫!!!!
合伙人: 上次比人睇過(東莞龜農C), 佢話可能係交配時, 或從斜台上跳水時整到(之後已經在斜台加上擋板), 會唔會係甘樣整到???
東莞龜會會長: 你地D母龜, 有冇4,5斤重???
Anson388: 最重嗰隻3斤!!!!!
東莞龜會會長: 可能性好低, 隻公都3斤幾甘大隻, 重要野生龜惡, 你地D母龜都係3斤內, 應該比佢一下攬住就上到, 母龜最多縮脛唔比咬, 但唔會點反抗!!! 斜台上跳水時整到都係唔會, 因為龜手臂上的鱗片好完整, 龜殼也冇事, 所以唔係撞到!!!
合伙人:　甘佢邊處發生問題, 跪手甘奈!!!
東莞龜會會長: 可能龜內部出現問題!!!!
Anson388: 甘點算呀, 有冇辨法確認問題, 對症下藥???
東莞龜會會長: 冇辨法確認問題, 佢而家仲食野, 精神好, 問題應該唔大!!!! 而家可以先為佢打支消炎針, 排除左筋骨/膜發炎既可能性, 之後再留意吧!!!!
Anson388: 嘩, 打針, 危唔危險架???
合伙人: (望住Anson388) 打針好呀, 快D好!
Anson388: 打針好易死龜架, 你知唔知架!!!!
東莞龜會會長: 甘大隻冇事既, 我為龜都唔知打左幾多支!!!!
Anson388: (望住合伙人) 你點睇呀??? 瓜左買返就過萬架啦!!!!
合伙人: 打咪打羅, 冇事既!!!!
Anson388: 打針幾多錢呀???
東莞龜會會長: 比番廿蚊我得啦!!!!
Anson388: 廿蚊甘平!!!! 香港要成4-5百嗰喎
東莞龜會會長: 大陸點同香港呀!!! 打支針都甘貴, 仲邊有人養龜呀!!! 那, 我去準備下先, 一陣你幫我拎住隻龜, 好快既姐!!!!
Anson388: 合伙人, 你拎住佢呀, 我手震!!!!!
合伙人: 你個比鬼少, 生人唔生膽, 無能用!!!!!
東莞龜會會長: (望住合伙人) 那, 你拎住龜, 龜底板向住我
合伙人: 甘呀!
東莞龜會會長: (左手hold住龜跪手前掌, 針打入前掌關節位置)
龜: (不停打震, 標尿!!!!)
東莞龜會會長: (酒精綿花, 按住打針位置) 攪惦!!!!
Anson388: (口震) 係咪咁打架???
東莞龜會會長: OK啦, 呢兩日乾養先, 記住比佢食水, 同曬下太陽, 多D留意佢既情況, 三星期後再比我睇下!!!!!
合伙人: 而家佢可以食乜野???
東莞龜會會長: 龜料啦!!!! 唔好比佢食生口野住, 兩三日餵一次好啦!!!!
Anson388: 唔該曬!!!!
~>
由於字節已到了9萬8, 所以更新於54樓

作者: anson388 時間: 2015-8-26 22:35
Updata
Day: 26-Aug-2015
Time: 22:35

作者: kkyung 時間: 2015-8-26 23:12
真係好好睇，多謝師兄分享

作者: 金金 時間: 2015-8-26 23:36
春羽種得好靚！

作者: XMEN 時間: 2015-8-27 08:57
師兄咁耐先更新啊，支持

作者: enginechan 時間: 2015-8-27 09:48
期待

作者: anson388 時間: 2015-8-27 10:09

kkyung 發表於 2015-8-26 23:12
真係好好睇，多謝師兄分享

Dear KKyung!!!!!
多謝你的關注, 讀書小, 文筆粗糙, 圖片又小, 請多多包涵!!!!!!
Thanks
Anson

作者: anson388 時間: 2015-8-27 11:05
本帖最後由 anson388 於 2015-8-27 11:08 編輯

金金發表於 2015-8-26 23:36
春羽種得好靚！

Dear 金金:
伙伴佢自己都唔明白有問我, 為什麼anson388會同佢一投資養龜, 仲話當時佢只係吹下水,飲完酒有醉意之下提出的建議話題, 第二日大家精神時你居然會接受.... 要出錢買龜但龜不在自己手, 要基建如做池也不是在自己屋企做, 沒有合約保障, 你都好有種!!!!!
我答伙伴, 我夾你原因有三個:
1. 你以前行古惑的時候(收外圍6合彩, 及同人合資開賭當, 最後當然揩野啦!!!) 養了一條招財魚6年仲未死, 第7年條魚死左係因為你出左門玩, 叫朋友幫你買袋魚仔放入去(一袋魚仔=1斤魚仔, 好大袋, 生的), 但你朋友連同D魚仔水倒入魚缸, 所以D細菌入埋去, 攪死條魚!!!!!由尼件事睇, 証明你係對養野, 係有感覺的, 感覺比理論重要N倍!!!!!
2. 我識你之後, 上過你屋企, 去到天台, 見到你種左好多花花草草(佔天台面積30%以上), 仲要係結到果, 食得個隻, 又話玩什麼接支, 總之我就唔知攪什麼白痴玩意, 只係知道你鐘意養野!!!! 由尼件事睇, 確認養野係你生活一部份!!!!!
3. 我見工既地方, 係你每天接出接入個隻7投個阿爸個屋企(上市公司主席個仔)

, 你都係同我做好朋友吧啦

!!!!
~>
總結: 伙伴養什麼, 也是很用心機的, 無論花草定動物, 所以我覺得成功率好高, 說穿了養唔死D龜就已經成功左8成!!!!!
Thx
Anson

作者: anson388 時間: 2015-8-27 11:27

XMEN 發表於 2015-8-27 08:57
師兄咁耐先更新啊，支持

Dear Xman
個時已經不能寫了, 因為已經沒有題材, 你留意下我要寫到入場睇波行動漫展...如果當時繼續寫, 就會有好多吹水野寫出來, 我唔想甘樣!!!!!!所以, 停一年, 儲題材, 儲相片!!!
上年入秋後到今年比較多事發生, 已經有足夠提材比我寫了, 所以更新帖子!!!!!
多謝你的關注

, 我而家好滾動