草龜團曬太陽~

wel524

回復 SecRet 的帖子

好多隻小草. 有幾多隻??

wel524

回復 SecRet 的帖子

死亡率咁高, y?? 通常隻龜係點88? 病?? 定無啦啦無異常??
我養果d死亡率較低(可能養得少), 大家可以交流交流

wel524

回復 SecRet 的帖子

有印象睇過CHING既佈置, 係咪一個三角台+有個擺設果個POST??
我印象中水深幾高, 建議調低水位, 我以前養果D BB初時水不過背, 養左一排大左小小就開始加深少少水, 大約1個月左右
另外水質方面, 好多CHING有唔同講法, 各人有各人自己做法, 我既經驗係初期回來先用樽裝蒸餾水養1-2星期(通常),之后改用隔夜水, 通常皮膚病會响買回來后兩個星期內出現, 我試過用樽裝水養開先, 發皮膚病較為輕微, 草龜苗好似好易有皮膚病, 差唔多隻隻都試過起, 起果時我落一隻叫萬能藥丸既野,樽上寫魚藥(自行考量風險),唔使離水,同樣淺水不過背, 因為試過龜精靈果D功效唔明顯, 唔識退, 果時我屋企又無第二隻藥, 又唔得閒出魚街, 所以先冒險用魚藥, 效果幾好2-3日就退哂
(以上自行考量風險, 不喜勿插, THX!)

希望CHING既草草隻隻都健康長大~

wel524

回復 taylortin 的帖子

我覺得買左無耐返黎病果D好難諗係咩原因, 苗抵抗力較弱, 有病唔奇, 不過我覺得草龜真係好易皮膚病, 無記錯隻隻都試過, 蒸餾水其實真係可以話買心安, 我覺得以乾淨程度計, 應該好過隔夜水O者, 同埋試過感覺上發病程度較輕微(當然不同既個體,有不同差異), 無法可以確實用數據去比較, 只是主觀感覺, 而自從改用咁既養法之后, 沒有病死龜出現, 其實都可以話好多野造成咁既現象, 所以如果我會再買龜苗, 同樣會用咁既養法, 所以同大家分享(不過我再買既機會接近0)

wel524

回復 taylortin 的帖子

P.S: 果D腐皮我初時試過用龜精靈E, 不過效果唔好, 所以用過果款魚藥之后效果好好, 一發病就直接用果款魚藥, 而我既龜龜仍然健在, 所以我諗風險自行衡量, 我只是分享我既養法, 而醫藥原理果D我一知半解,仍需要努力學習, 好多CHING好利害可以解答到, 但我絕非這些專業人士, 我只能分享自己既經驗, 而不知箇中原理

wel524

回復 taylortin 的帖子

其實無咩野GA 我慣左聲明一下, 因為以前試過某D CHING聽到咁養法, 會有D敏感 大家多D討論, 講多D經驗出黎交流交流係好事, 好多野未必O岩, 亦未必專業, 只係分享, 各人有各人做法, CHING有無咩經驗一切分享下??

wel524

回復 SecRet 的帖子

加油呀, 希望龜龜早日康復,
其實我覺得BB龜不宜深水養,易浸親易有肺炎,所以我果時以水不過背為標準, 當我响度睇住龜龜果時 , 會放深少少俾佢地游水, 時間唔會太長&行開換淺水

wel524

回復 taylortin 的帖子

全對, 除左最尾果句向好多CHING一齊學(包括你)