求救!小豹問題 (文已爬)

yuenyuen

我見你都係養咗小豹十日，未必係小豹既問題，
何況你既唔係乒乓豹，有一定既抵抗力。
個人認為ＳＥＴＴＩＮＧ太熱太濕唔啱佢，試下改ＳＥＴＴＩＮＧ睇下啦。

(一)
而家既天氣唔太熱，晚上唔凍，係適溫。
即使係養盾臂，日夜都唔使加暖燈。
養小豹更加唔使，淨開ＵＶＢ燈就得。

但你就話 "冷氣一定會開"，開冷氣改變咗溫度。
其實而家既天氣唔太熱，家中應該唔使開冷氣，開風扇得嘛？
日唞你唔喺屋企，唔使開冷氣啦！？

將個龜箱放喺冇冷氣既地方，又或放龜箱既地方唔好開冷氣得嘛？
但你又話 "個箱唔搬得"喎，咁點算好呢？
呢啲唔使錢既方法你一句"唔得 "就ＢＡＮ咗，點搞好呢？
為下小豹，再諗諗得嘛？

(二)
清晒啲底材，拎走門口嗰兩塊玻璃通風。
個底舖報紙。怕油墨就唔好舖，有屎就即刻執，有尿就即抹。
放一個山洞俾佢。

(三)
佢唔食野？定唔食你俾既糧？
放一碟牧草碎俾佢食，放低俾佢，等佢自己食唔好理佢。
要長放水碟/盤。

(四)
唔好騷擾佢晒多，遠距離觀察就好喇！

以上既方法都唔哂錢，希望你考慮下啦。