淺談 掃蟲王 及 杜蟲入門 (只適用於新手)
本帖最後由 rockyjai 於 2015-6-28 23:31 編輯淺談 掃蟲王 及 杜蟲 (只適用於新手)
本人亦是養陸龜不久，算係新手，希望其他新手睇完後，令你地唔洗重覆犯我既錯誤。
背景
本人在3月正式買入 5.5cm一隻赫曼，在4月再買兩隻8 cm 的豹龜。
當中兩隻非常健康，大食; 唯獨是其中一隻豹龜買返黎既時侯就爆蟲，係咁排唶喱屎，於是去買杜蟲藥。
買咩杜蟲藥好呢? 於是諗起之前隻赫曼有中耳炎既時侯，帶佢去睇個非常有名既CHING，好快就好返。
我自然就去返果度買杜蟲藥，最後在佢推薦下買左掃蟲王。分量係4公升水就落一匙粉 (掃蟲王盒內有一個匙) 。
我一共幫4隻龜杜蟲，有3隻純粹係預防 (而家諗起都覺得自己ON 99)，當中3隻杜完後都冇事，有蟲果隻豹龜食量逐漸增加，便便亦開始好轉，但當中有一隻出現反應。
其中一隻健康、大食、好動既豹龜，在杜完蟲後嘔吐，先後兩次。第一次的時侯我諗住自己睇錯，第二次既時侯先確定。
之後果六日，佢拒食，精神非常差，成日訓覺，點都唔肯郁，間唔中吐小小口水。
經詢問後，我懷疑佢係掃蟲王神經中毒。
可去呢條連結睇睇中毒既徵狀
http://www.turtle-family.com/Discuz50/viewthread.php?tid=45541
最後帶佢睇最權威的醫生，佢建議我抽血驗肝，並比左D建議我。
結果發現，佢既肝酵素比正常既龜龜高出一倍，正常既龜龜係100-800，而我隻豹龜係1700。
醫生就話佢係中毒，好彩1700呢個指數並唔係好高，肝既修復能力係非常強，應該都冇咩事既。
最後醫生就開左補肝藥同critical care草粉比我，睇完醫生大約一個星期，佢肯自己食返野，逐漸精神返。
佢話:「杜蟲藥其實絕大部份都係毒藥，雖然佢有指定的藥的份量，但坊間用杜蟲藥難免會忽略一個重點: 你地將藥加在水中，假如隻龜飲得太多加左杜蟲藥既水，亦會導致中毒，其實餵杜蟲藥最好係用 force feed ，咁樣藥的份量同水的份量先會準確。」
如果你堅持想在鋪頭買藥的話，我推薦你去元朗果間大型陸龜店買一隻 草本配方 的杜蟲藥，大約200幾蚊，相對其他杜蟲藥，呢種係幾溫和同安全
我亦想藉呢篇文話比大家聽，其實帶陸龜去獸醫杜蟲，並唔係想像中咁貴，最近我去另一個獸醫杜蟲，埋單只係$350 ，通常會再覆診一次。
佢仲比左一樽藥我，並根據我屋企其他陸龜既重量，話比我聽幫家中其他龜杜埋蟲所需要既劑量。
藥名係 Fenbendazole ，呢隻藥通常放個幾兩個月會自己DRY UP 嫁，而我屋企果隻龜早前係有 蟯蟲。
我亦附上我家龜龜的重量及其所需要的劑量和使用方法供參考之用。
豹龜a 重量: 155 g 0.16 ml
豹龜b 重量: 153 g 0.16 ml
赫曼a 重量: 26 g 0.03 ml
赫曼b 重量: 29 g 0.03 ml
使用方法:
可把量度好既劑量Force feed，如果唔識force feed，可把藥加在龜龜最中意食既食物度，等佢自己食。
當你餵左第一次藥比龜後，就記低個日子，在兩個星期同四個星期後各自再餵一次。
餵完杜蟲藥後，醫生建議用水幫龜龜清潔下手手腳腳同個殼，將所有底材換哂，將熱水淋淋落水碟、食物碟度，用消毒藥水清潔下個龜箱，務求殺死喲蟲蛋。希望幫到大家啦! :)
不夠lv評分
留言俾個讚你 感謝師兄，非常有用{:99:} 多謝分享 好詳細！ 對新手，好有用。丅HX 長知識了{:1_1:} 謝謝分享!!;P Thx 咁多位，唔洗客氣:D 多謝………… 多謝分享! 求E生地祉:loveliness: thx.ching... 經驗之談有益，謝謝師兄分享 師兄，我都想知道這位醫生地址 {:99:} 打虫要针对性,,,,甘盲目点得噶,,,例如你讲既啫哩屎....就可能系感染原虫,,,用最低毒既钾硝唑.
而线虫类就用最见效既阿苯达唑........一般果D兽药杜虫药基本系几种打虫药混合,,,,自然毒性高,,,,个人一般悟会去用,,直接买人药调好个剂量直接喂龟食,而悟好沟水度喂,,,因为沟水度喂悟知道龟饮左几多,太多可能中毒,太小悟单止无效,还刺激虫体,在龟体内造成一个破坏,后果可以好严重,,,, 还有打虫后一星期拒食同拉稀好正常,,,,因为虫药内基本含有微量泻药同有反胃既副作用,但超过一星期就要去睇医生咯 想問問有無你果位獸醫既聯絡資料或姓名？
因我果隻紅腿都生寄生蟲...thx
頁:
[1]